ارجوكم انا محتاجة هدي الوصفة بسرعة

[ريمة89]

انا عروسة جديدة الحمد لله نعرف شوية فالطبخ نسلك راسي
بصح اليوم السي راجلي خرجلي خرجة جابلي لوبيا قريني وقالي ديريهانا لعشاء اعطوني االوصفة ديالها من فضلكم حالا
يالفحلات والله شحال من حاجة سيتها والحمد لله خرجت
ارجوكم اني لازم ندجيرها للعشاء انا في الانتضار ومشكورينن كامل

[asma_ould]

مقادير لوبيا قريني هي
_ هاتي لحم وقليه في الزيت
_ ولما يتقلى ربي عليه حبة بصل والثوم والطماطم
_وحزيدي عليهم الزعفران والكمون والفلفل الاسود والكرافس ان وجد او القصبرة
_وكي يتقلاو شوية ارمي لوبيا قريني التاعك بعد غسلها
ومرقيها بالماء حسب الكمية وشويت طماطم مصبرة وذوقي الملح وغلقي عليها وكي تصفر القدر انتاعك نقصي للنار وخليها ما يقارب الساعة وماتنسيش الجزر معاها وشهية طيبة اختي وبصحتكم

[نيفرتيتي.]

اليك اختي هذه الروابط
http://www.djelfa.info/vb/showthread.php?t=922140
بالاك تشبه

[مسعودي خولة]

السلام عليكم
ختي طيبي اللوبيا تاعك نورمال كيما لوبيا بيضاء
الفرق بينها وبين اللوبيا قرونيي اللوبيا قرونيي تجي شوي حامضة و خاثرة ديريلها طماطم الباطا كي طيب وديريها خاثرة هذا ماكان وربي يسلكك نشالله