ما رأيكم.

[مشكلتي]

بسم الله الرحمان الرحيم
السلام عليكم و رحمة الله
إخوتي و أخواتي في الله
أفيدوني بخبرتكم في الحياة.
أنا أستاذ في أحد الثانويات و أريد الزواج إن شاء الله
لذا أنا في مرحلة البحث عن رفيقة العمر.
و لقد وقع الإختيار على فتاة تدرس عندي.
أريد أن أتقدم إلى أهلها لكن لدي عدة مخاوف.
فمثلا لو رفض أهلها لأي سبب من الأسباب ثم عادت هي إلى مقاعد الدراسة فكيف
ستكون العلاقة بيننا
أخاف أن أكون سببا في مشاكل لها في الدراسة فهي متفوقة عندي في المادة التي أدرسها
فأخاف أن ترفض المادة بسببي.
كذلك لدي استفسار أخر و هو عندما أقوم بالبحث عت أحوال عائلتها من أسأل و عن ماذا

أسأل.

بارك الله فيكم و لا تنسونا من دعائكم.

[abdel02]

مادامت متفوقة في دراستها...فلا تتوقع انهم رايحين يحبسوها...لانها مازالت صغيرة....غي أخطيك وشوف غيرها...وان كنت قادرا على الإنتظار لسنوات فافعل...

[- بصمة خير -]

تقرا عندك و لما تروح تخطبها أكيد مثل الاغلبية تشرط انها ماتكملش قرايتها

و اذا قتلها تكملي و فرضا حملت من العام الاول لصغر سنها و لانها مش في الجامعة تولي تبطل القرايا

نعرف وحدة نفس قصتك

حبست القرايا في الثانوية و بعد ستة سنوات لما كبر ابنها كملت bac

و راهي تقرا في الجامعة قالت نكمل قرايتي لاني تخدعت و تزوجت صغيرة

هذا رأيي بالقصة

_________________________

و انت تحوس تتزوجها صلي في هذه الفترة صلاة الاستخارة بشكل كثيف

و الاستخارة ممكن منام و ممكن لا

و ان شاء الله خير على الرغم اني ضد الفكرة

[فـاطمة الزهراء]

صل الاستخارة وان انشرح صدرك توكل على الله

[س.مراد]

شوف غيرها يا أخي

راهي صغيرة

وعلى ميبدو فارق العمر كبير

[رزان.]

و عليكم السلام و رحمة الله تعالى و بركاته

أولا أنصحك بصلاة الإستخارة


و ممكن تسأل أشخاص تثق فيهم

أما بالنسبة للقبول تقدم مادام ناوي الحلال وا تركها للمكتوب


ربي يسهل

[اناناسة]

صراحة لا أنصحك بذلك لانه في حالة الرفض لا شيء يمكن ان يصبح كما كان سابقا و لا أظن ان أحدكما سيغير مكان دراسته او عمله لدا ارى بان تبحث عن اخرى او تخاطر و ربي يجيبها في الصواب

[الدكتور سام]

يا اخي راها ف الليسي مازالت صغيرة عليك.شوف واحدة جامعية خير

[نجمة ساطعة]

اعرف العديد من القصص من هذا النوع لكن الفتاة لم تكن متفوقة و كانت على استعداد التوقف عن الدراسة

اذا حبيت الموضوع من بعيد يمشي دون شعور التلميذة اساسا ... لازملك واسطات مثلا تشوف استاذة زميلتك

كبيرة في السن يعني متزوجة باش ما توقعش في مشاكل ثاني و مذابيك معندهاش بنات تاع زواج هههههه

و تكون تدرس الفتاة تجيبها تسولها تقولها لو جاء خطبك واحد ذرك مستعدة تحبسي اما لا

او تخترع قصة على هذا الشكل تساعدك و تتفادى الاحراج

[naceur baba]

ربي لراكم تقرو ولا تحبو الطفلة متفوقة خليها تقرى وماتوسوسهاش بالزواج راهي مازالها صغيرة شوف اللي قدك سلام

[نجمة ساطعة]

ربي لراكم تقرو ولا تحبو الطفلة متفوقة خليها تقرى وماتوسوسهاش بالزواج راهي مازالها صغيرة شوف اللي قدك سلام

راك قديم حاليا شروط الزواج الطفلة عمرها ما يفوتش 16 .... اللي قدوا خلاص راح عليها الحال

تشوف كاش واحد شيخ او مرتو ماتت او حتى مطلق نورمال :cool::cool::cool::rolleyes::rolleyes:

[naceur baba]

بصح قليل وين ينجح هذا الزواج عل الاقل واحدة عندها 21او22 لازم الواحد يشوف للبعيد ومولات 16 تقدر على تحمل المسؤولية ؟؟؟

[حضنية28]

الافضل انك تخلي الطفلة تواصل دراستها خصوصا اداكانت متفوقة وعندها طموح عالي ةانا في رايي شرطك يعتبر صعيب نوعاما خصوصا في هاد الوقت النساء كامل ولاو يقراوماكثين في البيت ويقراو لدا من الافضل انك تشوف وحدة وكبيرة في السن وتكون واعية بالمسؤولية يعني تكون مابين 24و26 وتقدر تكون جامعية المهم متكونش مولا 16 و18 هدا مجرد راي خاص

[النجمة القطبية]

علاقة الطالب والتلميذ دايما تكون فيها نوع من القدوة مهما كان الاستاذ صغير فهو فى نظر الطالب كبير بمستواه
وعليه هل تقبل الطالبة باستاذها وفى نفس القسم وزيد ثانوية
لا اعلم
انا فى رايي تنتظر ان تنتقل لقسم اخر لتجنب الاحراج وترسل وسيط كما قال الاخوة
وتشوف رايها هل تجد لديها القبول
وفى كل الاحوال نتمنى لك كل التوفيق

[نجمة ساطعة]

بصح قليل وين ينجح هذا الزواج عل الاقل واحدة عندها 21او22 لازم الواحد يشوف للبعيد ومولات 16 تقدر على تحمل المسؤولية ؟؟؟

راهم يقولوا ناجح مليون في المائة على العكس راح يعيش حياتو بالطول و العرض

تاع 21/22 ممكن تجري قبل ما يفوت القطار لانو عند 24 خلاص تكمل الرحلة

[رميساء خولة]

الكتير من يقع في نفس الحالة لكن انا انصح بان تترك الفتاة تكمل الى غاية النجاح في البكالوريا ثم تتقدم بالخطبة وتتركها تكمل الدراسة الجامعية
صغر الفتاة هو المشكل اما تفوقها المدرسي فلا صعب فيه بالعكس هو ايجابي على الفتاة واهلها نفرض اها كانت العكس وانت تقدمتلخطبتها راح تكون النتائج سلبية
صل صلاة استخارة واطلب الله عز وجل ان يوفقك الى ماترجو فالحياة مكاتيب وكلها قضاء وقدر بيد الله عز وجل

[naceur baba]

راهم يقولوا ناجح مليون في المائة على العكس راح يعيش حياتو بالطول و العرض

تاع 21/22 ممكن تجري قبل ما يفوت القطار لانو عند 24 خلاص تكمل الرحلة

علاه يعيش حياتو مع بنت 16 ومع بنت 24 لالا وعلاش واش زادت بنت 16 على بنت 24امرأة هي امرأةوتاكدي بلي ماهش ناجح كثير سقسي ورديلي لخبر وزيد بزيادة الله يهديك اختي راكي اطيحي في المورال لبنات 24 راهم مازالهم على ديدانهم راهم كانو لاهيين في قرايتهم هذاك الصح وما الزواج راهو مكتوب ربي كل واحدة وزهرها او بالاحرى كل واحدة وين ماكتبلها رب العزة بالاك شفتي روحك بنت 16 ولا متزوجة علابيها راكي تهدري هاك حسي باخياتك انا ولد وراني حاس بيهم وعلاه هذا التجريح علااااااااه حاجة ربي وقضاء وقدر الله فلماذا تلمنهن لماذا ؟؟؟ماذنبهن ربي مازال مافتح عليهم وزيدو انتم كملو عليهم حسوبيهم ياناس والله مشاركاتك كانت تعجبني بصح هذه خسرت فيها يااختي ماتزعفيش وبصح لازم نحس باخياتنا وندعولهم ربي يفتح عليهم بالرجل الصالح امين امين يارب العالمين وادعولهم في ظهر غيب يا اخوان بالله عليكم

[hilan]

مازالت صغيرة دعها تدرس

[نجمة ساطعة]

علاه يعيش حياتو مع بنت 16 ومع بنت 24 لالا وعلاش واش زادت بنت 16 على بنت 24امرأة هي امرأةوتاكدي بلي ماهش ناجح كثير سقسي ورديلي لخبر وزيد بزيادة الله يهديك اختي راكي اطيحي في المورال لبنات 24 راهم مازالهم على ديدانهم راهم كانو لاهيين في قرايتهم هذاك الصح وما الزواج راهو مكتوب ربي كل واحدة وزهرها او بالاحرى كل واحدة وين ماكتبلها رب العزة بالاك شفتي روحك بنت 16 ولا متزوجة علابيها راكي تهدري هاك حسي باخياتك انا ولد وراني حاس بيهم وعلاه هذا التجريح علااااااااه حاجة ربي وقضاء وقدر الله فلماذا تلمنهن لماذا ؟؟؟ماذنبهن ربي مازال مافتح عليهم وزيدو انتم كملو عليهم حسوبيهم ياناس والله مشاركاتك كانت تعجبني بصح هذه خسرت فيها يااختي ماتزعفيش وبصح لازم نحس باخياتنا وندعولهم ربي يفتح عليهم بالرجل الصالح امين امين يارب العالمين وادعولهم في ظهر غيب يا اخوان بالله عليكم

استغفر الله .... معليش أول مرة يقابلني رجل هنا في المنتدى يفكر هكاك ربي يهنيك يا رب

والله يا اخي من كثرة ما قلت واش راك كتبت حتى تعبت ... ماني متزوجة ماني بنت 16

عندي 30 ادعيلي اخي ربي يرزقك الجنة

[الوداع]

خليها تكمل الثلاث سنوات ولما تتحصل على الباك ان شاء الله تقدم لها وان رفضتك تكون بعيد عن اي موقف حرج

اما الطريقة فهي الحديث إلى صديقتها المقربة أو اتخاذ استاذة كوسيطة، لقد سبق وان خطب استاذ أحد صديقاتي ولكن في الجامعة ورفضته لأنه كان يدخل القسم ونصف قميصه خارج السروال

[destiny]

السلام عليكم و رحمة الله تعالى و بركاته

والله ربي يهديكم تزوجوا ببناتكم. و مادام راهي متفوقة je pense pas تقبل لازم تكمل قرايتها هي الي دوملها

و في الاخير هذا رأيي كطالبة ثانوية