كواليس الباكالوريا لطلبة منتدى الجلفة باكالوريا

[لكحل بلال]

السلام عليكم


بكالوريا 2012


نبداو بالشيخ جناتي

ألي عنده تعابير في الفرنسية لا يبخلني بها يرحم الوالدين

وش هذا وين بالك ياخيي روح برك ،إن شاء الله راك ناجح

--------------------------------

صاحب القناع
ضيعت5 دقائق من حياتي
وشكون قالك ادخل للنت ونتا عندك الباك

------------------------------------

وهذا kaka rony

عنده سؤال صغير واشي هو؟

هل معامل مادة الرياضيات 5 في التسيير والاقتصاد والعلوم التجريبية وهل هو موحد غدا
قريب العام كمل ونتا ماكش عارف المعاملات .....معليش

--------------------------------

abdoun39 (http://www.djelfa.info/vb/member.php?u=247919) واخونا
راه يسقسي ومن كثرة احتياجه للجواب شوفو واش دار

plllllllllllllllllzzzzzzzzzzzz لماذا ربط الرسول بين الهبة والعدل في الاسلام

لماذا ربط الرسول بين الهبة والعدل في الاسلام

موضوعين......

--------------------------------

واختنا صدى القوافي
مسكينة محبتش تبخلكم ودارتلكم موضوع فيه:

طريقــة لحفـظ دول التنينـات والنمـور

وكانت طرقة مليحة وعجبتني شكرا خيتوا....


-------------------------------
bacوسي زكي


حط روحه كونان


http://www.djelfa.info/vb/images/icons/hot_news1.gif امر في الفلسفة يهم الجميع

وش دار فيه راح من 2008 الى 2011 وقعد يستنتج هههوش يطيح وش ما يطيحش-------------------------------

amidah ;واخنتا

راهي تسقي وتقول لكم


الله يسهلكم عاونوني

ماهي حجية القياس والاجماع

كاش واحد يجاوبها ولا نقولكم خلاص كملنا الباك


-------------------------------
وسي

zella2007

دارلكم

المراجعة الاخيرة

لي حيرتني اننا كنا في سلسلة من الحلقة الاولى وحنا نرجعوا؟؟؟؟


-------------------------------


وخونا

dje

وش يقول

نصيحة لطلاب البكالوريا


انصحكم بعدم البحث عن الاجوبة الان بحكم تجربتي
حتى تنتهي من جميع المواد ثم ابحث عن لاجوبة
والسبب عدم التأثير على معنوايتك لباقي المواد
والله الموفق

نصائح قمة وروعة



-----------------------------------------------

وبنت الفلاح:


راهي تقول


بالنسبة لشخصيات التاريخ
هل نحفظ فترة حكم الرؤساء اي تاريخ بداية حكمه و نهايته ام يكفي ان نقول انه رئيس كذا و فعل كذا و كذا

و شكرا
.
نجاوبك يكفي ان نقول كذا وكذا


-----------------------

واختنا

maryam_islam (http://www.djelfa.info/vb/member.php?u=28511)

ألــى كـــل مــن يبحــث عن الأسئلة المسربة 2012

نقولكم خطيكم لانه ممكن واحد يبلعب بيكم ويكذب عليكم وانتوما تصدقوا وتدوا وزر باطل

والله غير صح علاه الغش
بارك الله فيك

----------------------------------------

واخونا

bac 2012

راه يقول

لمواضيع المسربة الوزارة تستحق التسفيق 2012

وين راها الصاد ولا من كثر غضبك راحتلك متقلقش ياخو قاع تسلك


-----------------------------------------

والاخت
ami05
شتوا واحد يكون خايف من حاجة ويبدا يريح في روحوا يقول مكان والو يابلال ماهيش هكا وقاع تسلك وكذ وكذا يريح في خاطرا يعني يحشي روحوا
الاخت دارت هكا وباه تنسي روحا وش دارت:

كيف الحال زملائي؟؟ إن شاء الله راكم بخير مع القراية

ما بقاش بزاااف..........متقلقوش رواحكم --هنا هي راهي مقلقة حتى خلاص هههههاي----- قريب تفرج بإذن الله

حبيت نسألكم::

كملتوا المراجعة؟؟ وكيفاه ناويين تجوزوا هاذ الأسبوع؟؟

و في أيامات الباك تراجعوا مراجعة خفيفة أو لا؟؟

أنا مازال مكملتش : بقاولي اللغات والمصطلحات وشوية جغرافيا

وحاجة أخرى :: شكون شرى لبسة جديدة يعدي بيها الباك؟؟

موفقين بإذن المولى عز وجل



-------------------------------------------------------------

واحد الحاجة خلعتني في العضوة

وهج الامل


مصطلح في التاريخ ...

واش هو؟


ما معنى مصطلح || التقدميين العرب || ؟

معليش نسقسيك قريتي غير نتاوعك باغية تروحي لحاجة اخرى
ولا نتي مراكيش تقراي معانا نفس البرنامج يبالك غير حاجة شوية ههه
ولا من كثرة قرايتك خلاص باغية تبلعي الاجتماعيات هههه
والمشكلة فالردود حتى واحد معرفه خخخخخ
------------------------------------------------

والاخت
kamela

حطت موضوع والمشكلة انو هام

موضوع هام

وبعد دخولي واش لقيت
نخيكم علقوا نتوما انا خاطيني يرحم والديكم

حبيت نتكلموا في واحد الموضوع
متكلمتوش عن اي قلم رايحين تكتبوا بيه الازرق ام الاسود

http://im23.gulfup.com/2012-06-09/1339260121961.jpg





-------------------------------------------------------------


والاخت
محبة الجزائر الخضراء


تعرفو لعبة اكتشف الاخطاء السبعة
ايمالا هاكم اكتاشفواها هههه


http://www.djelfa.info/vb/images/icons/b1.gif الدخول من فضلكم



http://www.djelfa.info/vb/images/icons/b8.gif من فضلكم الدخول


----------------------------
سنيضف لكم بعض الكواليس الاخرى




كاش موضوع يبانلكم خبروني باه نديره ههه

المهم ومتزعفوش

[أمينة1994]

لم تذكر اسمي

[محب الرياضيات]

شكرا لك اريتنا انفسنا في وقت الامتحانات ههههههههههههههههه الصاد كلاها القط هههه

[لكحل بلال]

لم تذكر اسمي

دوك نشارشي على مواضيعك خيتوا وراني نبهدلك ههههه

[أمينة1994]

هاني نستنى

ههههههههههههههه

مشكووووووووووووور طلعتلي المورال

[amel nina]

هههههههههههههه موضوع مميز بانتظار جديدك اخي الكريم

[ٵڶقًـ۾ًـږღٵڶڝۼےـړ]

يعطيك الصّحة ههه ،، مشكور ع المبآدرة الطيّبة


متآبعة للموضوع ,, = )

[~خيرات حِسان~]

ههههــــ ،، رائــــــــع d:

متابعة للموضوع

[noohae]

very nice mais t'aurais pu djibha une façon plus marrant

[miss.cool]

ههههههههه 44444444
والله هايلين نحيتلنا على بالنا شوية

متابعة ^^

[وسيمツ]

ههههههههههههههههه فكرتك رائعة و كواليس مميز شككرا

[PHARM2011]

رانا نقارعو في الجديد

[rani]

3ajboniiii hhhhh

[أسيرة الغموض]

Bonne idée !!!


Waiting for the New ...

[هدوء قاتل]

ههههههههّ
أضحك الله سنّك

[~ فآيـزة ~]

السلام عليكم ..

يعني اللي يحب يدير فيك مزية يسمى مسكين !!






***











***






هههههههههههه أضحك الله سنك أخي




جل الكواليس التي ذكرتها مضحكة ومسلية ...

( لكن لماذا تسعى لتصيد أخطاء الآخرين ) هههه أمزح فقط




دام طلاب البكالوريا في منتداهم .....بجديتهم،، بمزحهم،، بكواليسهم أحلى أسرة وأصدقاء ..

ان شاء الله ننجحوا كاااااامل بمعدلات عالية ...

[♫ وهج الأمـل ♫]

موضوع هايل أخي

نحيت علينا الكآبة اللي كنا فيها

بصح اسمي وين ؟ :1::1:

[آمة الله انفال]

هههههههههههههههه هذه ماهي الا توترات من الطلبة........والمهم فات الباك على خير....

[♫ وهج الأمـل ♫]

متابعة للموضوع أخي

شويه ونرجع نشوف

[billel25-dz]

ههههههههههههههه

[ورثان الجنان]

ههه مببببببببببدع

أكيد ماراحش تصيب بواش تبهدلني ههه

لأنو حتى للنهار التالي تع الباك باش خلّصت النت

دوك نشوفو أخطائك انت :)

[لكحل بلال]

اضافة شوية كواليس اخرى

[لكحل بلال]

شكرا لك اريتنا انفسنا في وقت الامتحانات ههههههههههههههههه الصاد كلاها القط هههه

غيير الصاد ولاالثاء هههههه

[Nour el houda93]

هههههههههههههههههههههههه
رائعة
بالتوفيق

[manel dima]

هههههههههههههههههههههههههههه علابالك خويا بلال ضحكت ضحكت حتى سالوا الدموع ................ والله فور بزاف هذا الموضوع
خاصة التعليقات تاوعك ههههههه

[احلام من ورق]

هههههههههههه رووووووووووووعه

[lina_31]

hhhhhhhhhhhhhhh wow forttttt
ms ana madkartch issmi suremen mal9it 3liya walou

[♫ وهج الأمـل ♫]

واحد الحاجة خلعتني في العضوة

وهج الامل


مصطلح في التاريخ ...

واش هو؟


ما معنى مصطلح || التقدميين العرب || ؟

معليش نسقسيك قريتي غير نتاوعك باغية تروحي لحاجة اخرى

إيه قريتهم كاااااامل و من بعد رحت لهذاhttp://www.mre7.com/smile/o/images/1/h%20(61).gif


ولا نتي مراكيش تقراي معانا نفس البرنامج يبالك غير حاجة شوية ههه

لالا لالاhttp://www.mre7.com/smile/o/images/1/h%20(71).gif ... نقرا كيما أنا كيما أنتم ... بصح المصطلح لقيتو مرة و أنا نراجع في التاريخ مع صاحبتي

في كتاب التاريخ ...

ولا من كثرة قرايتك خلاص باغية تبلعي الاجتماعيات هههه

إييييييييييييييييييييييييييييه واش من قراية هذي 20 يوم وأنا غير في الاجتماعيات بصح نقلك ..بلعتها صح http://www.mre7.com/smile/o/images/1/h%20(3).gif

والمشكلة فالردود حتى واحد معرفه خخخخخ

الله غالب ...... واحد ما عرفو http://www.mre7.com/smile/o/images/1/h%20(47).gif


التعليق 44444444

بصح كنت متأكدة 100% تروح لهذا :1:

[manel.1706]

هادي مخيرة الله يبارك والله يجيب الخير في الباك كونا قريب نهبلو

[أمينة1994]

والاخت
ami05
شتوا واحد يكون خايف من حاجة ويبدا يريح في روحوا يقول مكان والو يابلال ماهيش هكا وقاع تسلك وكذ وكذا يريح في خاطرا يعني يحشي روحوا
الاخت دارت هكا وباه تنسي روحا وش دارت:

كيف الحال زملائي؟؟ إن شاء الله راكم بخير مع القراية

ما بقاش بزاااف..........متقلقوش رواحكم --هنا هي راهي مقلقة حتى خلاص هههههاي----- قريب تفرج بإذن الله

حبيت نسألكم::

كملتوا المراجعة؟؟ وكيفاه ناويين تجوزوا هاذ الأسبوع؟؟

و في أيامات الباك تراجعوا مراجعة خفيفة أو لا؟؟

أنا مازال مكملتش : بقاولي اللغات والمصطلحات وشوية جغرافيا

وحاجة أخرى :: شكون شرى لبسة جديدة يعدي بيها الباك؟؟

موفقين بإذن المولى عز وجل






هههههههههههههههههههههه

نتفكر هاذوك الأيام كنت خالعة شوية مي ماشي لهاذيك الدرجة

:1::1:

[لكحل بلال]

هههههههههههههههههههههه

نتفكر هاذوك الأيام كنت خالعة شوية مي ماشي لهاذيك الدرجة




هه الحمد لله،انو خرجت سلامات

[ورثان الجنان]

وحاجة أخرى :: شكون شرى لبسة جديدة يعدي بيها الباك؟؟

ههههههههههههههه

والله عجبتني بزاااااااااف تع الأخت Amii

:1::1::1:

[لكحل بلال]

وحاجة أخرى :: شكون شرى لبسة جديدة يعدي بيها الباك؟؟

ههههههههههههههه

والله عجبتني بزاااااااااف تع الأخت amii




انا واحد منهم شريت تريكو ساعة ملبستوش ديت نتاع خويا هه

[مالكس لقبايلي]

هههههههههههههههههه

[همس الاشواق]

هههههههههههه رووووووعة يعطيك الصحة خويا

و الله قا عقبنا ايامات هايليييييين نبقاو غير نتفكرو فيهم ......

كل تعليقات ضحكوني و ليقتلتني ليتسقسي على ستيلو ( ازرق او اسود ) زعما هذاااا ماحيرهااااا ؟؟!!!

[دنيا الافراح]

ههههههههههه فكرة هايلة مزية مشركتش بزاف باش متلقاليش

[*أمة الله*]

bn idéé w ana wine raniii hhhhhhhhhhhhhhhhhhh

[أبو_ربيع]

هههههههههههههههههههههه شكرا

[لكحل بلال]

السلام عليكم ..

يعني اللي يحب يدير فيك مزية يسمى مسكين !!






***











***






هههههههههههه أضحك الله سنك أخي




جل الكواليس التي ذكرتها مضحكة ومسلية ...

( لكن لماذا تسعى لتصيد أخطاء الآخرين ) هههه أمزح فقط




دام طلاب البكالوريا في منتداهم .....بجديتهم،، بمزحهم،، بكواليسهم أحلى أسرة وأصدقاء ..

ان شاء الله ننجحوا كاااااامل بمعدلات عالية ...



إن شاء الله،فعلت ذلك من باب الترفيه والتسلية.

[أمينة1994]

هه الحمد لله،انو خرجت سلامات




الحمد لله

:1:

[أمينة1994]

وحاجة أخرى :: شكون شرى لبسة جديدة يعدي بيها الباك؟؟

ههههههههههههههه

والله عجبتني بزاااااااااف تع الأخت amii

:1::1::1:


:d:d:d

هههههههههههههههه

حبيت نحي عليكم شوية ضغط

وديجا اللبسة مليحة للمورال

:19::19: :19:حطوها في الجورنال تاع الشروق ولا الخبر بلي في ولاية البرج))ولايتي)) التلاميذ وخاصة البنات جاو كإنهم رايحين لعرض أزياء ماشي باك

[♫ وهج الأمـل ♫]

:d:d:d

هههههههههههههههه

حبيت نحي عليكم شوية ضغط

وديجا اللبسة مليحة للمورال

:19::19: :19:حطوها في الجورنال تاع الشروق ولا الخبر بلي في ولاية البرج))ولايتي)) التلاميذ وخاصة البنات جاو كإنهم رايحين لعرض أزياء ماشي باك


ياو مش غير عندكم

حنا لوكان تشوفوهم ماتصدقوش بللي هذو جايين باه يعقبو الباك

اللبسة و الحطة الله الله

تقول معروضين لعرس :1::1:

[لكحل بلال]

لكن واش راهم دايين في ريسانهم؟؟؟

[♫ وهج الأمـل ♫]

لكن واش راهم دايين في ريسانهم؟؟؟


ريسانهم مافيهم والو

روح لجيابهم و أحذيتهم تلقى كل شي

[لكحل بلال]

ريسانهم مافيهم والو

روح لجيابهم و أحذيتهم تلقى كل شي



وش نقولك،معليش ،إن شاء الله نجيبوا الباك وما ليا قعدنا نعلقوا ههه راهم يروحوا فيهاههه

[♫ وهج الأمـل ♫]

إن شاء الله

[الطبيبة مخطارية]

الحمد لله ما لقيت حتى حاجة تعلق عليا بيها هههههههههههه رانا نستناو في الجديد

[ronaldo imad]

foooooooooort gi nta lii te7silha hhhhhhhhh
rabi yahafdek

[kamela]

[font=arial][b]السلام عليكم
------------------------------------------------

والاخت
kamela

حطت موضوع والمشكلة انو هام

موضوع هام

وبعد دخولي واش لقيت
نخيكم علقوا نتوما انا خاطيني يرحم والديكم

[/color][/color]حبيت نتكلموا في واحد الموضوع
متكلمتوش عن اي قلم رايحين تكتبوا بيه الازرق ام الاسود

http://im23.gulfup.com/2012-06-09/1339260121961.jpg [size=5]






ههههههههههه قالتلهم كامل ارقدوا هاذي
كتبت هاذا الموضوع للترفيه + تفكرت احدى العضوات العام الماضي كتباتو
اذا قلت نسقسي :1:


يعطيك الصحة

[لكحل بلال]

ههههههههههه قالتلهم كامل ارقدوا هاذي
كتبت هاذا الموضوع للترفيه + تفكرت احدى العضوات العام الماضي كتباتو
اذا قلت نسقسي


يعطيك الصحة

يا خي بلا زعاااااف ؟؟؟؟؟

[nouha19]

hhhhhhhhh rabi ynjehena kaml inchalah t3bna sahhhhhh mais iyamat haylinnn

[kamela]

يا خي بلا زعاااااف ؟؟؟؟؟

اكييد بلا زعاف

رايح تبقى ذكريات شابة


:1:

[سهيلة جنا]

وانا مهدرتش عليا

[منى 92]

اهلا سهيلة وش راكي

[منى 92]

سهيلة وينك راني توحشتك

[لكحل بلال]

وانا مهدرتش عليا


سأحاول اكتشاف مواضيعك

[لكحل بلال]

سنة قد مرت ،،

وذكرى لطلاب الباك 2012

احبكم كثيرا ،،

[جزائرية اصيلة]

موضوعك في قمة الروعة اخي بلال
شكرا لك على هذه المبادرة
في انتظار البقية

[Rania.kh]

سلام عجبني الموضوع . حبيت نضحك تفكرت روحي مخبزتها اكثر منهم . نسيت انا معلقتش عليا نهار لقلتلهم
يا جماعة هل مقر حلف وارسو في وارسو العاصمة البولندية
او في فرسوفيا ببولونيا.
من الخلعة نتاع الباك معرفتش بلي

بولندا هي بولونيا و
وارسو هي فيرسوفيا
mais من حتى ومخبزتها ضحكت عليكم.
merci خويا موضوع هايل

[بومزراق يسرى]

موضوع رائع و فكرة مميزة أخي "بلال" خاصة في هذه الفترة بالذات
على كل الحمد لله أنها خرجت معي سلامات ....في انتظار الجديد

[algeriano1194]

hhhhhhhhhhhhhhhhh

[zizou93]

السلام عليكم
ياااااااااااااااااااااااااه ذكريات جميلة بحق
رايت اعضاء قد شاركو في الموضوع ولكن الان قل دخولهم الى المنتدى
منهم من له سنة لم يدخل
ايام وذريات جميييييييييييييييلة جدا بحق
ولكنك نسيت اهل الدار
ربي يوفقك كل واحد وين راح

[mica nour]

هههههههههههههههههه عجبني بزااااااف

[khadija mayar]

hhhhhhhhhhh mli7a hadi
mrçç khoya

[جناتي الشيخ]

هههههههههههههههه

والله ديما ندخل مشفتهاش وعلاش عليك اسمي هو الأول


نحبك خويا جوزيت

[حمزة توازي]

هه ايام لا تنسى

[safia2]

hhhhhhhhhhhhhhhhh chaba hadi merci frer

[algerino1212]

أووووووووووو مليحة بزاف

لكن راني نشوف في زيزو شويا غضبانة علينا

واش زيزو غير الخير !!!!!!!!!!!!!

[algerino1212]

أووووووووووو مليحة بزاف

لكن راني نشوف في زيزو شويا غضبانة علينا

واش زيزو غير الخير !!!!!!!!!!!!!

[zizou93]

أووووووووووو مليحة بزاف

لكن راني نشوف في زيزو شويا غضبانة علينا

واش زيزو غير الخير !!!!!!!!!!!!!
ههههههه
اهلين يوسف عاش من شافك:D:D
زعفانة منكم لانو الكثيييير منكم اعتزل الدخو ل الى المنتدى
وزيدلها بلال نساني رغم اني من اهل الدار:mad::mad:
كيف احوالك ان شاء الله بخير:rolleyes::rolleyes:

[IMI AMBITIOUS]

ميرسي خوي بلال موضوع مميز روعة وتعليقاتك 44444 مي انا وين ؟ ما ذكرتنيش ماشكيتش تلقالي غلطة p:

[براءة طفلة 2]

hhhhh mssakin habLou allah ywafa9kom nchlh khawtéé