المساعد الشخصي الرقمي

مشاهدة النسخة كاملة : تحضيرات رمضان الكريم

panpouna
2012-06-09, 12:32
:dj_17: السلام عليكم اخواتي مادام سيدنا رمضان قريب حبيت نطرح هادا الموضوع لي يهمنا حنا النسا حبيت من كل وحدة تحكيلنا على استعداداتها و تدابيرها لهاد الضيف لعزيز لي يزورنا كل عام..احنا اخوات في الله و انشاء الله كل وحدة تفيد ختها
chahrazedberrichi
2012-06-09, 16:15
بالفعل موضوع جيد لدا بادرى انت بتدابرك احكيلنا واش اديري لانى انا نخمل الدار برك والقضيان كل يوم نقضى واش يخصنى نتمنى تفيدينى دائما نحب باه تكون عندى ترتيبات لهدا الشهر الفضيل لكنى مانعمل والو نخليها عى الله واتمنى تفاعل الاخوات
panpouna
2012-06-10, 18:52
مرحبا بيك ختي و شكرا على الرد..انا نشري فلفل كحل حب و ندقو في المهراز و نقي الثوم و نرحيه و نيرو في بلارة مع الزيت و نحطو في فريجيدار و نقي طماطيش و نرحيها و نخبيها و بالنسبة للقضيان نشري لحم الخروف و نقطعو و نيرو في ساشيات صغار و نكونجليه للشربة و كي نزيد نتفكر نقولك..:)
ضحضوحة
2012-06-11, 18:12
السلام عليكم
حبيت هذا الموضوع
المهم حنا قبل رمضان نعاودو الطلاء نتاع البيت و خاصة المطبخ نجبدو الماعن الخاصين بهذا الشهر
و كي يبقاولو يومين نذبحو ماشية و نقسمو اللحم الخاص بالشربة او الحلو او الجوازة
نحضرو الصلة لانها المكان الخاص بقيام الليل والتراويح و قراءة القران
نصومو معظم شعبان باش يجينا رمضان ساهل
ندعو ربي باش يبلغنا رمضان و نصوموه بالصحة و الستر
ياربي اني راضية
2012-06-15, 19:51
عجبتني الفكرة رووووووووعة
اكيد اول شيئ نبداو بالنظافة
نحضر التوابل نوجد توابل المرقة الحمرا خاصة لحريرة
فلفل حار نوجدوا نخدموا ونديروا في بنارة
لحم حلو امالفة نخدم كمية كبيرة
اللحم نقطعوا صغار للحريرة نوجد اشحال من ساشي صغيرة ونخبي في الكونجيلاتور
الجلبانة فصصناها وخبيناها وزيدوا مدولنا افكار