نهاية جميع الاختبارات لمفتشي الشرطة ذكور وماذا بعد

[didi113]

السلام عليكم ورحمة الله تعالة وبركاته
بالنسبة لمسابقات التوظيف الخاصة بسلك المفتشين لقد قمنا بها جميعا
لذلك كيف ستحسب النتائج النهائية للذين وصلو الى النهاية
هل ستجمع الاختبارات النفسية+الكتابية +الشفهية +الرياضية و تقسم
ام نتائج الاختبار الشفهي و الرياضي هي التي تحدد منها نسبة الفائزين

:d لقد احتللت المرتة ماقبل الاخيرة في العدو في مجموعتي :1:

[نسيم34]

بوه عليا بوه كيما يقولوا ناس القبة ههههه
ماقبل الاخير هههههه
ماعليش المهم كيما اعتزلتش راك رابح
اخي الكريم النفسي ليس باحتبار وانما بفحص فقط
اذا
سيجمع نقطة الكتابي +نقطة الرياضة+نقطة الشفوي وتقسم/ على 03 ويستخرج معدل يمكن بذلك ترتيب المعدلات واستخراج منه العدد المطلوب من اعلى معدل الى حتى المعدل الذي يغلق عندو الترتيب
حظ موفر اخي وربي ينجحك ان شاء الله

[dinno11]

ربي ينجحك ان شاء الله

[حمزة القالمي]

يا اخي لكل امتحان تجتازه معامل واكبر معامل هو معامل الامتحان الكتابي اما الشفوي او الرياضة فالحقيقة هما زيادة ومعاملهما واحد بالنسبة للشفوي و1 بالنسبة للرياضة ولا تهتم بكونك جئت ما قبل الاخير لانني شاهدت من جاؤوا في المرتبة الاخيرة ونجحوا .....وليكن في علمك ان الامتحان الكتابي هو الاساس.. بالتوفيق لنا جميعا وربي يسهل ان شاء الله

[intell22]

ربي يوفقنا إن شاء الله ....أمين يا رب

[chemsso]

انا الي حيرني كاين ناس عندها اليسانس وراخو دارو في مسابقة المفتشين.....هل عدم ثقة بالنفس او عندهم قناعة -كنز يفنى-
لدرجة يضحيوا بعامين من مستواهم....

[نسيم34]

ياخويا كاين ليسانس دارو اعوان
والقانون الجديد تاع الشرطة ممنوع يقدم الليسانس تاعو كي يدخل
عون يبقى عون حتى ولو عندو ماجبيستار في القانون الجنائي
انا تبانلي ماقيمش روحوا نقولك علاه
اولا راه احذ مكان واحد اخر مسكين واقيلا كان محتاجو
لانه منصب عون امن لازملوا سنة ثالثة ثانوي او اقل يعني الشرطة تدي واحد ليسانس احسن وهنا راه حرم اخر
الثانية انه يستهل منصب ضابط واختار عون امن عمومي علابالنا العمل قليل بصح شوية ماشي حتى لهاته الدرجة

[chemsso]

ينصر دينك يا نسيم
كاين حاجة اسمها العزة و الكرامة...صح رانا كامل ولاد تسعة...بصح اللي يطيح نيفو تاعو واحد ما يقيمو...الدنيا وش غير خدمة
و دراهم....المهم مايندموش منبعد

[حمزة القالمي]

الدنيا هادي ظروف وكل واحد كيفماه انا نعرف واحد جامعي مد ملف في مسابقة اعوان الشرطة حبيت نتناقش معه وقلتو مد في مسابقة المفتشين محبش حتى يسمعلي ....ومبعد عرفت بلي مسكين عندو ظروف قاهرة و الخدمة يا اخي مافيهاش عيب خدام رجال سيدهم كاين طبيب والله يخدم نادل في قهوة وحالات كثيرة ......وكاين ناس تخمم عندها الليسانس بصح عميلهم بلي كون يمدوا في مسابقة الضباط مينجحوش بصح كاين امل في تع المفتشين ......العام لفات عقبت في تع الضباط وشفت بعيني ناس في النفسي بحدا ربي وعبادوا قالوا بلي ناجحين قبل ما تكمل المسابقة ونجحوا .....حاجة وحدة نتمناوا العام ادا تكون شفافية وينجح ليستاهل ولي تعب عليها .....وحاجة اخرى في بلادنا واحد ماو فبلاستو تلقى عساس عندو ليسانس وواحد عندو سنة تاسعة في مكتب اما تع ينحي لقسم تع واحد اخر راكم غالطين وادا ملقاش خدمة بليسانس تعوا يبقى يتفرج؟ ......المهم بالتوفيق والنجاح للجميع

[chemsso]

يا القالمي هذا نقاش...انا مانيش ضد الخدمة..انا ضد واحد يستهين بقدرتو....الدنيا اسباب...انا كنت طالب و نخدم في حانوت ...لكن
مادامني بالشهادة لازم نشوف لفوق مانشونش لتحت..وبالنسبة للعساس و الحوانتي اللي عندو ليسانس راهو غير ديباناج حتى
ينوب ربي و يولي ضابط ول قاضي.....الطموح عندو ناسو يا حبيبي...
انظر للقمر كي تدرك النجوم....النجوم بصغرها تتكبر
يعني نطمع باه نكون ضابط ولا قاضي...وكان محكمتليش راني حاكم خدمتي في الادارة ...المهم المحاولة

[نسيم34]

الدنيا هادي ظروف وكل واحد كيفماه انا نعرف واحد جامعي مد ملف في مسابقة اعوان الشرطة حبيت نتناقش معه وقلتو مد في مسابقة المفتشين محبش حتى يسمعلي ....ومبعد عرفت بلي مسكين عندو ظروف قاهرة و الخدمة يا اخي مافيهاش عيب خدام رجال سيدهم كاين طبيب والله يخدم نادل في قهوة وحالات كثيرة ......وكاين ناس تخمم عندها الليسانس بصح عميلهم بلي كون يمدوا في مسابقة الضباط مينجحوش بصح كاين امل في تع المفتشين ......العام لفات عقبت في تع الضباط وشفت بعيني ناس في النفسي بحدا ربي وعبادوا قالوا بلي ناجحين قبل ما تكمل المسابقة ونجحوا .....حاجة وحدة نتمناوا العام ادا تكون شفافية وينجح ليستاهل ولي تعب عليها .....وحاجة اخرى في بلادنا واحد ماو فبلاستو تلقى عساس عندو ليسانس وواحد عندو سنة تاسعة في مكتب اما تع ينحي لقسم تع واحد اخر راكم غالطين وادا ملقاش خدمة بليسانس تعوا يبقى يتفرج؟ ......المهم بالتوفيق والنجاح للجميع

شوف يا حمزة خويا
انا كي قلت كلامي راني ذكرت بلي الله غالب والعمل ماكانش بصح
اذا كل واحد ديبلومي يعني عندو ليسانس ويدفع في الاعوان مثلا راه يعاون في اصحاب المحسوبية واصحاب بن عميس بطريقة غير مباشرة
لانه اذا كل واحد ليسانسيي دفع عون راه يخلي الاماكن تاع الضباط لاصحاب العرف بدون نزاع
وراه ينزع في مكان القلايل اصحاب المستوى ثانوي
لان المديرية العامة للامن الوطني تدي اصحاب اليسانس وماتديش اصحاب الثانوية وهل انت ترضاه هذا
ونزيد نقولك شيء
مفتشي الشرطة كانت بالثالثة ثانوي وهذا التخمام هو الي رجع مفتشي الشرطة تدخلها بمستوى سنة ثالثة جامعي لانه كانو اصحاب الجامعة يدفعوا مفتشين ايا دورو العقلية
واذا بقينا على كلامك ياخويا لعزيز تولي الاعوان يقبلوهم بالليسانس والضباط مانحكيلكش ونتمنى هدرتي وصلت ليك

[حمزة القالمي]

ok نسيم في هادي عندك

[حمزة القالمي]

يا نسيم عندك كل حق وانا قصدي لعندوا ليسانس يبوجي بصح باه تتعدل الحاله لازمنا تغيير من القاعدة للقمة .........شكرا اخي

[nn24]

السلام عليكم اخواني و ربي تنجحو كا مل راني حاب نسا لكم على 2حوايج اولا انا اولى جامعي علوم وتقنيا ت هل استطيع ان اشا رك في مسا بثة المفتشين لهل هدا العا م و تا نيا من اين احصل على ورقة الارجا ء المطلوبة مكا ن ورقة الحدمة الوطنية ؟؟

[RPG7]

والله يا اخي انا عندي cappa
دفت مع الاعوان cns
وما قبلونيش علما انى مؤدي الخدمة العسكرية

[hamdoud5]

يا جماعة راني سمعت بلي لاليست خرجت في حيدرة
انا عندي صاحبي عندو معريفة قالولو بلي ربحت

[chahla2alger]

:dj_17: اخوتي

ان امكنكم مساعدتي

- بايجاد اسئلة الامتحان الكتابي لمفتشي الشرطة ؟