الى جميع المستخلفين الله يحفظكم ادخلوا

[hajura]

:dj_17:
ا
السلام عليكم
نحوس نسقسيكم الله يستركم خلصتو ولا مزال انا خدمت من اكتوبر الى جوان ودورو ما شفتوش
وشحال رانا نخلصو ماراني فاهمة والو
ردو عليا ومشكورين

[عبدالله بولنوار]

كل و لاية و طريقة تسديد الاجور الخاصة بالمستخلفين

للمتعاقد على منصب شاغر و ليس المستخلف ( غير شاغر )

الاجر لا يتضمن سوى الاجر القاعدي + المنحة الجزافية
وايضا اود التنويه ان الاستاذ المستخلف خاصة وربما ايضا المتعاقد يتم حساب الاجر على حسب الايام التي اشتغل فيها
مثل شخص اشتغل من 1 جانفي الى 28 فيفري يحتسب له عدد الايام التي اشتغل فيها يعني 59 يوم وليس كالعامل المرسم يحسب له شهرين

1- معلم متعاقد او مستخلف في الطور الابتدائي
الاجر القاعدي 20385دج + المنحة الجزافية 2000دج = 22385دج
يقطع منها 9 بالمئة للضمان الاجتماعي و 6.20 بالمئة ضريبة الدخل الشامل
فيصبح الاجرالصافي 19107,38 دج للشهر اي 636.91دج لليوم الواحد

2- استاذ متعاقد او مستخلف في التعليم المتوسط
الاجر القاعدي 22410دج + المنحة الجزافية 1500دج = 23910دج
يقطع منها 9 بالمئة للضمان الاجتماعي و 6.20 بالمئة ضريبة الدخل الشامل
فيصبح الاجرالصافي 20408.10 دج للشهر اي 680.27دج لليوم الواحد

3- استاذ متعاقد او مستخلف في التعليم الثانوي
الاجر القاعدي 26010دج + المنحة الجزافية 1500دج = 27510دج
يقطع منها 9 بالمئة للضمان الاجتماعي و 6.20 بالمئة ضريبة الدخل الشامل
فيصبح الاجرالصافي 23481,98 دج للشهر اي 782,73دج لليوم الواحد

أما بالنسبة للمردودية فمن المفروض يطبق على الاستاذ المستخلف او المتعاقدرالنظام الجديد
اي 40 بالمئة من الاجر الرئيسي وبالتالي يتحصل كل واحد على:
بالنسبة لمعلم الابتدائي:7642,952 دج في الشهر اي ما يعادل 254.76 دج على اليوم الواحد
استاذ في المتوسط : 8163.24 دج للشهر ما يعادل 272,108 دج لليوم الواحد
استاذ في الثانوي 9392,792 دج للشهر اي ما يعادل 313.09دج لليوم الواحد

طبعا هذه القيم الخاصة بالمردودية غير خاضعة للاقتطاعات ولمعرفة الصافية نجري نفس الاقتطاعات السابقة والله

[tlemsani mahmoud]

kif kif depuis octobre
26000

[البريئة]

أعلاه راكي مقلقة ؟ عادي خرجي فيش دو باي تعرفي ، أنا خرجت فيش دو باي و عرفت / أما بالنسبة للخلصة كل ولاية و كيفاه ، كيما احنا اخلصنا من سبتمبر الى ديسمبر برك

[yasmine24]

مازاللللللللللللللللللللللللللللللللللللل.حتى الى اكتوبر

[latifa22]

ana rani nokhloss normal bedit fi octobre alors men decembre bedaw yekhalssoni donc dorka rani nessal tjr 2 mois wyeviroli chaque mois nekhloss 29000 me3a la prime

[رونق سلمي]

ana rani nokhloss normal bedit fi octobre alors men decembre bedaw yekhalssoni donc dorka rani nessal tjr 2 mois wyeviroli chaque mois nekhloss 29000 me3a la prime

أختي لطيفة قداه راكي تخلصي في الشهر ؟ وكم قيمة المردودية ؟

[YACINE ESM]

اصبري لجويلية و تديهم فوق بعضاهم انا هكا سمعت
ولاية سكيكدة

[beber41]

احنا ثاني في ولاية سوق اهراس من سبتمبر حتى الآن ما شفنا والو رانا صابرين ان شاء الله .

[Hakim30]

ana moustakhelf bdite nakhdam men octobre 2011 hata mars 2012 khlosst smana li fatet 6 mois taw3i

[fasti17]

لا اجور لا ادماج لا كونكور الله ايعينا

[رونق سلمي]

ana moustakhelf bdite nakhdam men octobre 2011 hata mars 2012 khlosst smana li fatet 6 mois taw3i

قداه كنت تسلك في الشهر حكيم ؟

[hidayasoun]

الصبر مفتاح الفرج . أدعيو ربي نتعينوا نتهناو من الإنتظار و نخلصوا كل شهر

[لمياء82]

أعلاه راكي مقلقة ؟ عادي خرجي فيش دو باي تعرفي ، أنا خرجت فيش دو باي و عرفت / أما بالنسبة للخلصة كل ولاية و كيفاه ، كيما احنا اخلصنا من سبتمبر الى ديسمبر برك
منين خرجتيها و كيفاش

[البريئة]

منين خرجتيها و كيفاش

السلام عليكم
خرجتها من عند المقتصد ، عندما كنا رايحين نحرس في السنكيام و البيام والباك ، اخدملي ثلاثة ، بدون أي عناء

[سلامي مفتاح]

يا جماعة الخير احنا20مستخلف ران وحدنا نجروا رحنا للعاصمة ولكن مناش ياسر عاونون ندوا حقنا امسلبقة بيضاء كما قال الوزير
ادخلو معنا في الفيسبوك اللجنة الوطنية للاساتذة المستخلفين و المتعاقدين تلقاوا الجديد وخطة العمل اسرعوا الوقت ضدنا

[hassim]

حاب نفهم مسابقة ولا مكانش

[البريئة]

حاب نفهم مسابقة ولا مكانش

هههههههههههههه ميروك التسجيل الجديد ،مي المسابقة لحد الساعة مكان والوا رسمي تبقى مجرد أقاويل

[fatiznani]

السلام عليكم :
احنا خلصونا من 13/09/2011 حتى 31/03/2012 والمبلغ 195000 ما فهمنا والوا ؟؟؟؟؟؟؟؟؟
قالونا يخلصونا على حساب الخلصة الجديدة يعني ناقصة ب 9000 دج عن المتربصين الي راهم يخلصوا 41000 دج يعني في الشهر 32000 دج بلا المردودية لكن ....؟؟
ممكن تفهمونا يا جماعة كاش راهم يديروا وانا استادة مستخلفة في الصحراء في بشار .
فهمونا الله يجازيكم

[gazafara]

في أي طور تدرسين؟

[gazafara]

المهم في الابتدائي الاستخلاف على منصب شاغر حوالي 2700000سنتيم شهريا بقية الأطوار الله أعلم.

[fasti17]

السشلام عليكم يا خاوتي كاش واحد منكم خلص راني رايح نهبل كيفاش الي يقروا في الامية خلصو و احنا مازال لماذا و غالبية الي يخدموا في الامية ثالث ثانوي و احنا ليسلنس واللللللللللللللو

[mouloudbida]

سطيف مـــــــــــــــــــــــــــازال,,,,,,,,,,,,,,,,,, ,,,,,,,,,,,,,,,,,,,,,,,,,,,

[hadiahind]

oued souf pas encore

[سلامي مفتاح]

النقابة الوطنية المستقلة لمستخدمي الإدارة العمومية
Syndicat National Autonome des Personnels de l'administration Publique
SNAPAP

مكتب التنسيق الولائي لسلك الاساتذة المتعاقدين لولاية
الجلفة
الهاتف:0663404506
:0661449110


بيـــــــــــــــــــــــــــــــــان

بعد اجتماع مكتب التنسيق الولائي لسلك الاساتذة المتعاقدين لولاية الجلفة في 08/07/2012 تم الاتفاق على مايلي:
- ادماج الاساتذة المتعاقدين في مناصب شاغرة
- تسوية وضعية الاساتذة المتعاقدين التي مازالت عالقة رغم صدور القرار الرئاسي المؤرخ في 28 مارس2011
- تسديد جميع اجورالاساتذة المتعاقدين العالقة منذ2009 مع احتساب العطل الرسمية )عطلة الخريف؛عطلة الشتاء؛عطلة الربيع؛ عطلة
الصيف (
- دفع المخلفات المالية الخاصة بالزيادة من 2008الى يومنا هذا.
لذلك قرر مكتب النتسيق الولائي للاساتذة المتعاقدين اجراء حركة احتجاجية امام مديرية التربية لولاية الجلفةفي يوم 11/07/2012
على الساعة التاسعة صباحا

-نسخة لسيد لمدير التربية
-نسخة لسيد للوالي
-نسخة للامن -نسخة للاعلام رئيس المكتب الولائي
سلامي مفتاح