اريد نصائحكم ..انا العام الجاي اجوز الباك

[ميلانو]

مرحبا ياجماعة انا العام الجاي نجوز الباك من فضلكم زودوني بنصائحكم
واريد معرفة كيف ارفع مستواي في الفرنسية والانجليزية ..وماهم مواضيع الفرنسية والانجليزية وعلى مادا اركز فيهم ارجوكم لاتبخلوني

[Red Ańgel DŽ]

نصيحة وحدة برك...ما تخليش للفصل الاخير باش تحفظ ولا..ابدا الحفيظة من النهار الاول..
و الفرنسية و الانجليزية ما تتقلقش كل شيء كاين في النص
برك الانجليزية لازم تكون تعرف شوية قواعد مثلا direcr speech ولا active & passive
و بالتوفيق ان شاء الله

[لكحل بلال]

شوف كون تكون زدك حفظ الاجتمعايت من ضوك كلش كيما جارت.

[alaa eddine free]

salam
pour moi...... jewez sif ta3ek ........ kima yelzem
w septembre nchallah ana n9olek wech ............. c bn ^^ ( c mon skpe: jeun_fort)
n9olek nsaaaaaaaaaaaaaaaaaaaaaah l bac f had sif

[miss.cool]

اخي كيما قالك الاخ
الفرنسية حل مواضبع بزاف هدا ماكان
الانجليزية
http://www.djelfa.info/vb/showthread.php?t=716003

هدا موضوعي فيه دروس طلبوهم الاعضاء ادا حبيت تشوفو


ربي يوفقكم العام الجاي وربي ينجحنا ان شاء الله
وربي يجيب اللي فيه الخير

[manel.1706]

أهم نصيحة هي المراجعة من بداية السنة و ماتامنش ليقلك غادي تنسى

الله ينجحكم

[nada nadouch]

slt des amiiiiiiiiiiiis moi aussi l3am ljay njawaz............m3liich nabdaw men siif na9raw français et anglais wla wach rayhkoum!!!!

[مسيردى]

راجع اللغات في الصيف و احفظ الجغرافيا و تاكد بلي راح تجوز عامك مرتاح

[realmadrid93]

بالاضافة لي قالوه اكبر حاجة طحنا فيها حنى هي ماتمنش توقعات ومتقولش حاجة تاحت عالم لي فات مايحتوهاش

[realmadrid93]

وماتمسخرش خاطرش حنى كنا نشوفوا الباك رياضيات تاع عوام لي فاتوا نقعدوا نضحكوا بصح في باك شعلونا

[hsinou-usma]

احذرك اخي من الفلسفة
أقراها من سبتمبر ماتخليهاش تفوتك و ركز المواد الاساسية تاعك .. نظم وقتك .... توكل على الله و الله ماراهي حاجة صعيبة

[Red Ańgel DŽ]

يا خو عقب العطلة تاعك انتيييك و في شهر رمضان ان شاء الله ابدا اجمع المواضيع من النت
و ما تطلق والوو من بداية العام اقرا كل شيء و نظم وقتك ملييح..مثلا الصبح نوض احفظ الاجتماعيات ولا شريعة ولا مقالة تاع فلسفة و في الليل راجع المواد العلمية
تلقى روحك في الايام الاخيرة تاع العام مرتااح تولي تراجع في حوايج خفاف و تدير الروتوشات برك
و بالتوفيق للجميع ان شاء الله

[noohae]

^^^^^^^^^^^^^^^^^^^^^^^^^^

[rima_nounou]

اول حاجة تكون أمن بربي وصلاتك واداير في بالك بلي راح تنجح بمعدل مليح انشاء الله
ثاني حاجة الاصدقاء جامي تحاول تدير اصدقاء في هادا العام خلي اصدقائك القدم وحتى هادو ماتديرش فيهم ثقة كبيرة لانه كل واحد في الباك يبغي مصلحته
في القرايا حاول ماتتغيبش وتدير استاذك كصديقك وماتخلي حتى سؤال في قلبك
المواد العلمية كل يوم حطهم حتى ولو نص ساعة للمادة و ننصحك كل درس اديرو تروح تحفضو نصيحة لوجه الله في كل المواد ودير في بالك بلي الدرس كي يبدا يقريلك فيه الاستاذ وتقول صعيب حاول ماتديرهاش في بالك خطراكش نهار الباك تولي تلعب بيهم لعب
العربية حاول تحفض كل لاانماط والي تقدر تحفضو تاني حتى حل في كل اسبوع موصوع ماشي بزاف
الفرنسية والانجليزية ابداهم من اليوم احسن حاب اقرا النصوص التاريخية بزاف في الفرنسية لانه في الباك كل عام نص تاريخ جزائري
ماتخلعش روحك وخلي ثقتك كبيرة في نفسك وفي ربي
اما الفلسفة حاول ماتكرهاش من اول حصة لانه اول حصة هي تحببلك فيها
انا نضمنلك الباك بمعدل فوق16 اذا اخذت نصائحي
و من اجل الدروس و المواضيع حاولو تتراسلو معي ور ننصحكم بالافضل
ربي يوفقكم وادعولي انشاء الله

[rimayeva]

شوف لي يقولك ابدى اقرى في الصيف و منعرف واش هادي غير نحيها من بالك جوز الصيف تاعك كيما قال الاخ انتيك ومين داك طل شوية على الفرونسيه و الانجليزية اقرى نصوص و اشرح الكلمات + نهار تبداو تقراو تما تبدا تقرى مليح مي متفورسيش روحك مليح باسك انا سراتلي كي و صل ماي و ليت منقدرش نقرى عييت
المهم كون واثق من روحك و دير لي تحب المهيم اقرى
وربي يوفقك و ادعيلي اخي بمعدل مليح انشالله

[dodo2000]

المصدر هو موقع سيونس تاك
www.snvtech.net

[kaderozil]

khoya madirche ghalta lito7na fiha bdat9ra mel bdya ta3 l3am ok

[kaderozil]

khoya madirche ghalta lito7na fiha bdat9ra mel bdya ta3 l3am ok

[مانو]

اواواو بشويا برك يخي انت طبيب هههههههه+هدي غيبة متقولش نسيتناا+انا بيام هد العام ادعي لاختك مانو ياحسراه على ايام المونديال لا تنسى صححححححح+كانت وحد لاكليك انتيك +موفق خوووووووووووو

[manel dima]

حبيت نقولك بلي تعبت بزاف وأنا نكتبلك في هاذو النصائح ، إذن مالازمش تمر عليها مرور الكرام
هي أحوال واجهتني حقيقة هذا العام ونتمنى أنك تستفيد منها ، وإذا قريتها وفهمت واش راني نقولك والله تنجح

أولا تعجبني الناس اللي تهتم بالباك من أول وهلة ونقولك ديما حط ربي في قلبك واعلم بلي أنت لازم تجتهد واللي يبقى راهو على ربي ، ولازم ديما تتوكل عليه وتكثر من الدعاء ، صدقني أنا جامي لكان طلبتو في حاجة وخيبني فيها ، والحمد لله جوزت الباك على خير وراني نستنى في النتيجة


نقولك حاجة وهي غلطة كبيرة صرات معايا : إذا كنت تعتمد على النت بزاف ، مانقولكش هي ماشي مليحة ، لا ........ هي رائعة إذا أحسنت استغلالها ، لازمك تخصص على الأكثر ساعتان في اليوم تستخرج فيها أهم المواضيع النموذجية ، من بعد تبدأ في حل هذه المواضيع من ساعتها لأنك كل ما تحل موضوع تلقى فكرة جديدة وماتخليهاش تتراكم عليك في الميكرو وكل مرة تقول خلي نزيد نخرج مواضيع أخرى ، لأنو هاذي الغلطة والله صراتلي وندمت عليها ندمة العمر ، اتخيل مليت الميكرو بالمواضيع بصح في الأخير حليت 20 بالمئة منها فقط رغم أني جوزت وقت بزاف وأنا قاعدة معاها

ثاني حاجة ، كاينين مواق بزاف تلقى فيهم المناقشة مع الأساتذة ، أنت تسأل وهوما يجاوبوك ، رائعة جدا ونشكر بزاف الأساتذة اللي عاونوني

ثالثا حاجة ماتترددش خلاص باش تسأل الأساتذة على أي حاجة مافهمتهاش ، لأنو العود اللي تحقرو يعميك ، وفي الباك ماتهمل حتى حاجة صغيرة ولى كبيرة

إذا كنت علمي ، الفرنسية والإنجليزية أنا تبانلي اللي قراهم قراهم بكري لأنو كي تكون تحضر للباك يكون الوقت تاعك كامل للمواد العلمية وماتلقاش حتى الوقت باش تهز في يدك كراس فرنسية أو انجليزية ، إذن إذا حاب تراجعهم ابدا من ضرك يعني في الصيف وياربي وتقدر تلقى روحك فيهم

بالنسبة للحفظ : لازم أي درس تكتبو تحفظو وماتخليش الدروس تتراكم عليك ، وكاينة طريقة أخرى هي أنك ماشي تحفظ كل يوم بل تجمع الدروس كامل اللي قريتهم خلال أسبوع وتحفظهم خلال الويكاند ، هكذا تاني تلقى روحك فيهم ، ولازم تركز تاني على الفهم الجيد ........ هاذي فكرة نأكدلك عليها بزاف : أنا واش درت في الصيف : جمعت الدروس كامل تاع أختي اللي جوزت قبلي وكتب خارجية أخرى وبديت نحضر في الدروس وكتبت ملخصات خاصة بيا وأيضا لخصت المصطلحات والشخصيات ، تبانلك روحك في الأول بلي ماتقدرش تعمل هاذو لحوايج بصح في الحقيقة راهم ساهلين لأنهم وقائع ماعليك إلا تحاول كيفاش تفهمهم
وفي المواد العلمية كيما الفيزياء والرياضيات أعمل لكل مادة كراس خارجي ، كل ماتديرو درس جديد لخصو بطريقتك الخاصة واكتبو في الكراس الخارجي اللي عملت ، يعني تكتب الأشياء الأساسية فقط ونهار تجي تراجع ومثلا يكون في هاذيك اللحظة الوقت ضيق تقدر تراجع غير الأمور الأساسية اللي كتبتها ، وكذلك كل ماتحل تمرين وتلقى فكرة جديدة أكتبها في كراسك باش ماتنساهاش
نأكدلك على حاجة : اعتمد على أسلوبك الخاص لأنك لما تعتمد على أسلوب الأستاذ وأنت ماراك فاهم فيه حتى حاجة ماراحش تخرج بنتيجة

الفلسفة : لازمك تبدا من أول لحظة مع الأستاذ ، ضرك تشوف الناس كيفاش تعود تخلع فيك بلي الفلسفة ماتقدرش تقراها ، بصح لوكان تتبع الأستاذ من الأول وفي كل كلمة يقولها رايحة تكون النتيجة رائعة ، والفلسفة تتطلب التطبيق يعني لازمك تتعود على طريقة كتابة المقال ومن بعد اديه للأستاذ يصححلك

في العلوم : لازمك تحضر الدرس وحدك في الدار قبل ماتعملو في القسم ، يعني تجيب كراس تاع واحد جوز قبلك وترجع للكتاب وتفهم وحدك ، تبقى الأمور اللي مافهمتهاش رايح تفهمها لغدوة في القسم

هاذي أغلب النصائح وإذا كان تفكرت حاجة أخرى نزيد نقولك عليها
بالتوفيق وأدعيلي ننجح في الباك بالمعدل اللي راني نتمناه في قلبي

[faryel]

شوف خصك ما تقراش ف الثانوية خصك تقرا ليكوغ برا سوغتو إلا ما طحوش فيك إساتيدة ملاح كيما حالتي

[ميلانو]

اواواو بشويا برك يخي انت طبيب هههههههه+هدي غيبة متقولش نسيتناا+انا بيام هد العام ادعي لاختك مانو ياحسراه على ايام المونديال لا تنسى صححححححح+كانت وحد لاكليك انتيك +موفق خوووووووووووو

هههههههههههههههه اولا انا لست ميلانو يل اخوه الاصغر
هه والله صح خويا قالي عرف بنفسك اولا ثم افتح موضوع لاكن انا لم اهتم و درك كان يشوف خويا هدا الموضوع يقتلني
بالمناسبة اخي هدا العام رهو العام الخامس تاعو
وراني نقلو بلي رهم توحشوك ونطلب منوا يزوركم في منتدى الرياضة
تشرفت بمعرفتك اختي العزيزة :mh92:

[amel nina]

نصيحتي ليك كمجربه هي اتمتع بهادي العطلة و ازهى على خاطر العام الجاي راك تعيا وتتعب في القرايه و يكون كاين التزيار
والمراجعة ابداها من بداية العام باش في الفصل الثالث تكون رايح و دير مراجعة خفيفة برك

[دكتور دولار]

نصيحة وحدة برك...ما تخليش للفصل الاخير باش تحفظ ولا..ابدا الحفيظة من النهار الاول..
و الفرنسية و الانجليزية ما تتقلقش كل شيء كاين في النص
برك الانجليزية لازم تكون تعرف شوية قواعد مثلا direcr speech ولا active & passive
و بالتوفيق ان شاء الله

10/10

[ميلانو]

حبيت نقولك بلي تعبت بزاف وأنا نكتبلك في هاذو النصائح ، إذن مالازمش تمر عليها مرور الكرام
هي أحوال واجهتني حقيقة هذا العام ونتمنى أنك تستفيد منها ، وإذا قريتها وفهمت واش راني نقولك والله تنجح

أولا تعجبني الناس اللي تهتم بالباك من أول وهلة ونقولك ديما حط ربي في قلبك واعلم بلي أنت لازم تجتهد واللي يبقى راهو على ربي ، ولازم ديما تتوكل عليه وتكثر من الدعاء ، صدقني أنا جامي لكان طلبتو في حاجة وخيبني فيها ، والحمد لله جوزت الباك على خير وراني نستنى في النتيجة


نقولك حاجة وهي غلطة كبيرة صرات معايا : إذا كنت تعتمد على النت بزاف ، مانقولكش هي ماشي مليحة ، لا ........ هي رائعة إذا أحسنت استغلالها ، لازمك تخصص على الأكثر ساعتان في اليوم تستخرج فيها أهم المواضيع النموذجية ، من بعد تبدأ في حل هذه المواضيع من ساعتها لأنك كل ما تحل موضوع تلقى فكرة جديدة وماتخليهاش تتراكم عليك في الميكرو وكل مرة تقول خلي نزيد نخرج مواضيع أخرى ، لأنو هاذي الغلطة والله صراتلي وندمت عليها ندمة العمر ، اتخيل مليت الميكرو بالمواضيع بصح في الأخير حليت 20 بالمئة منها فقط رغم أني جوزت وقت بزاف وأنا قاعدة معاها

ثاني حاجة ، كاينين مواق بزاف تلقى فيهم المناقشة مع الأساتذة ، أنت تسأل وهوما يجاوبوك ، رائعة جدا ونشكر بزاف الأساتذة اللي عاونوني

ثالثا حاجة ماتترددش خلاص باش تسأل الأساتذة على أي حاجة مافهمتهاش ، لأنو العود اللي تحقرو يعميك ، وفي الباك ماتهمل حتى حاجة صغيرة ولى كبيرة

إذا كنت علمي ، الفرنسية والإنجليزية أنا تبانلي اللي قراهم قراهم بكري لأنو كي تكون تحضر للباك يكون الوقت تاعك كامل للمواد العلمية وماتلقاش حتى الوقت باش تهز في يدك كراس فرنسية أو انجليزية ، إذن إذا حاب تراجعهم ابدا من ضرك يعني في الصيف وياربي وتقدر تلقى روحك فيهم

بالنسبة للحفظ : لازم أي درس تكتبو تحفظو وماتخليش الدروس تتراكم عليك ، وكاينة طريقة أخرى هي أنك ماشي تحفظ كل يوم بل تجمع الدروس كامل اللي قريتهم خلال أسبوع وتحفظهم خلال الويكاند ، هكذا تاني تلقى روحك فيهم ، ولازم تركز تاني على الفهم الجيد ........ هاذي فكرة نأكدلك عليها بزاف : أنا واش درت في الصيف : جمعت الدروس كامل تاع أختي اللي جوزت قبلي وكتب خارجية أخرى وبديت نحضر في الدروس وكتبت ملخصات خاصة بيا وأيضا لخصت المصطلحات والشخصيات ، تبانلك روحك في الأول بلي ماتقدرش تعمل هاذو لحوايج بصح في الحقيقة راهم ساهلين لأنهم وقائع ماعليك إلا تحاول كيفاش تفهمهم
وفي المواد العلمية كيما الفيزياء والرياضيات أعمل لكل مادة كراس خارجي ، كل ماتديرو درس جديد لخصو بطريقتك الخاصة واكتبو في الكراس الخارجي اللي عملت ، يعني تكتب الأشياء الأساسية فقط ونهار تجي تراجع ومثلا يكون في هاذيك اللحظة الوقت ضيق تقدر تراجع غير الأمور الأساسية اللي كتبتها ، وكذلك كل ماتحل تمرين وتلقى فكرة جديدة أكتبها في كراسك باش ماتنساهاش
نأكدلك على حاجة : اعتمد على أسلوبك الخاص لأنك لما تعتمد على أسلوب الأستاذ وأنت ماراك فاهم فيه حتى حاجة ماراحش تخرج بنتيجة

الفلسفة : لازمك تبدا من أول لحظة مع الأستاذ ، ضرك تشوف الناس كيفاش تعود تخلع فيك بلي الفلسفة ماتقدرش تقراها ، بصح لوكان تتبع الأستاذ من الأول وفي كل كلمة يقولها رايحة تكون النتيجة رائعة ، والفلسفة تتطلب التطبيق يعني لازمك تتعود على طريقة كتابة المقال ومن بعد اديه للأستاذ يصححلك

في العلوم : لازمك تحضر الدرس وحدك في الدار قبل ماتعملو في القسم ، يعني تجيب كراس تاع واحد جوز قبلك وترجع للكتاب وتفهم وحدك ، تبقى الأمور اللي مافهمتهاش رايح تفهمها لغدوة في القسم

هاذي أغلب النصائح وإذا كان تفكرت حاجة أخرى نزيد نقولك عليها
بالتوفيق وأدعيلي ننجح في الباك بالمعدل اللي راني نتمناه في قلبي

شكرا اختي العزيزة ربي يوفقك في حياتك تعبتك معيا
والله رني ريح نطبق كل كلمة قلتيها لانك عندك حق
شكرا جزيلا على المجهود

[ميلانو]

شكرا لكل من قدم لي نصيحة
وربي يكون معاكم وينجحكم باحسن المعدلات
رني ريح ندعيلكم بالتوفيق

[ammar le fort]

شوف يا أخي أخطيك من الباك دوكا فوت تاع العطلة كيما لازم الحال دور روح للبحر ..... وفي سبتمبر أبدا أقرا من النهار الأول وأقرا بإنتظام ... وكل مادة ديرلها وقت دير برنامج وأبقا تقرا بيه العام طووول .... وكي يقرب الباك زيد شوية وتتهنا إن شاء الله

[mimia zizou]

مرحبا ياجماعة انا العام الجاي نجوز الباك من فضلكم زودوني بنصائحكم
واريد معرفة كيف ارفع مستواي في الفرنسية والانجليزية ..وماهم مواضيع الفرنسية والانجليزية وعلى مادا اركز فيهم ارجوكم لاتبخلوني
نوصييييييييك على حاجة وحدة وهي الاهم .:لا سمعت بلي كاينة عتبة مدييرش علييهم مش تقعد تستناا فيهاا ومن بعد تتشوكاا تلقاا درووس كنت مستبعدهم هدي هي
ولازمك تركز في القسم ملييييييييييييييح متضيعش حتى مااادة
بالتوفيق ان شاء الله

[souad16]

أحفض الإجتماعيات و الفلسفة لأن الوقت ليس في صالحك لتحفض الكم الهائل من المصطلحات و الشخصياتفي الإجتماعيات زائد المقالات التي تخص الفلسفة و الله الموفق.

[حامل اللواء]

عندي مااقول تابع الجلفة وستعلم

الان خذ نفسا يا الغالي

[ميلانو]

شكرا للجميع على النصائح الغالية

[الوسيلة]

بــ ــــــ ــــــ ــــآركـ الله في كـ ـــلّ مَنْ مَـــ ــرّ بالمَــــ ـــــ ـوْضُـــ ـــوع،،
أَفَدتُمًــونـ ـــآ كَثيـ ــرآ وَالله ،،
وبَــآرَكـَ الله في صَــ ـآحب المَــوْضـوع،،
جَزَـآكـ الله عَنّـآ خَيْرآ ان شـ ــــ ــــَآء الله..

اول حاجة تكون أمن بربي وصلاتك واداير في بالك بلي راح تنجح بمعدل مليح انشاء الله
ثاني حاجة الاصدقاء جامي تحاول تدير اصدقاء في هادا العام خلي اصدقائك القدم وحتى هادو ماتديرش فيهم ثقة كبيرة لانه كل واحد في الباك يبغي مصلحته
في القرايا حاول ماتتغيبش وتدير استاذك كصديقك وماتخلي حتى سؤال في قلبك
المواد العلمية كل يوم حطهم حتى ولو نص ساعة للمادة و ننصحك كل درس اديرو تروح تحفضو نصيحة لوجه الله في كل المواد ودير في بالك بلي الدرس كي يبدا يقريلك فيه الاستاذ وتقول صعيب حاول ماتديرهاش في بالك خطراكش نهار الباك تولي تلعب بيهم لعب
العربية حاول تحفض كل لاانماط والي تقدر تحفضو تاني حتى حل في كل اسبوع موصوع ماشي بزاف
الفرنسية والانجليزية ابداهم من اليوم احسن حاب اقرا النصوص التاريخية بزاف في الفرنسية لانه في الباك كل عام نص تاريخ جزائري
ماتخلعش روحك وخلي ثقتك كبيرة في نفسك وفي ربي
اما الفلسفة حاول ماتكرهاش من اول حصة لانه اول حصة هي تحببلك فيها
انا نضمنلك الباك بمعدل فوق16 اذا اخذت نصائحي
و من اجل الدروس و المواضيع حاولو تتراسلو معي ور ننصحكم بالافضل
ربي يوفقكم وادعولي انشاء الله

قمّـــة ،،
بَــآركـَ الله فيـكَـ،،

حبيت نقولك بلي تعبت بزاف وأنا نكتبلك في هاذو النصائح ، إذن مالازمش تمر عليها مرور الكرام
هي أحوال واجهتني حقيقة هذا العام ونتمنى أنك تستفيد منها ، وإذا قريتها وفهمت واش راني نقولك والله تنجح

أولا تعجبني الناس اللي تهتم بالباك من أول وهلة ونقولك ديما حط ربي في قلبك واعلم بلي أنت لازم تجتهد واللي يبقى راهو على ربي ، ولازم ديما تتوكل عليه وتكثر من الدعاء ، صدقني أنا جامي لكان طلبتو في حاجة وخيبني فيها ، والحمد لله جوزت الباك على خير وراني نستنى في النتيجة


نقولك حاجة وهي غلطة كبيرة صرات معايا : إذا كنت تعتمد على النت بزاف ، مانقولكش هي ماشي مليحة ، لا ........ هي رائعة إذا أحسنت استغلالها ، لازمك تخصص على الأكثر ساعتان في اليوم تستخرج فيها أهم المواضيع النموذجية ، من بعد تبدأ في حل هذه المواضيع من ساعتها لأنك كل ما تحل موضوع تلقى فكرة جديدة وماتخليهاش تتراكم عليك في الميكرو وكل مرة تقول خلي نزيد نخرج مواضيع أخرى ، لأنو هاذي الغلطة والله صراتلي وندمت عليها ندمة العمر ، اتخيل مليت الميكرو بالمواضيع بصح في الأخير حليت 20 بالمئة منها فقط رغم أني جوزت وقت بزاف وأنا قاعدة معاها

ثاني حاجة ، كاينين مواق بزاف تلقى فيهم المناقشة مع الأساتذة ، أنت تسأل وهوما يجاوبوك ، رائعة جدا ونشكر بزاف الأساتذة اللي عاونوني

ثالثا حاجة ماتترددش خلاص باش تسأل الأساتذة على أي حاجة مافهمتهاش ، لأنو العود اللي تحقرو يعميك ، وفي الباك ماتهمل حتى حاجة صغيرة ولى كبيرة

إذا كنت علمي ، الفرنسية والإنجليزية أنا تبانلي اللي قراهم قراهم بكري لأنو كي تكون تحضر للباك يكون الوقت تاعك كامل للمواد العلمية وماتلقاش حتى الوقت باش تهز في يدك كراس فرنسية أو انجليزية ، إذن إذا حاب تراجعهم ابدا من ضرك يعني في الصيف وياربي وتقدر تلقى روحك فيهم

بالنسبة للحفظ : لازم أي درس تكتبو تحفظو وماتخليش الدروس تتراكم عليك ، وكاينة طريقة أخرى هي أنك ماشي تحفظ كل يوم بل تجمع الدروس كامل اللي قريتهم خلال أسبوع وتحفظهم خلال الويكاند ، هكذا تاني تلقى روحك فيهم ، ولازم تركز تاني على الفهم الجيد ........ هاذي فكرة نأكدلك عليها بزاف : أنا واش درت في الصيف : جمعت الدروس كامل تاع أختي اللي جوزت قبلي وكتب خارجية أخرى وبديت نحضر في الدروس وكتبت ملخصات خاصة بيا وأيضا لخصت المصطلحات والشخصيات ، تبانلك روحك في الأول بلي ماتقدرش تعمل هاذو لحوايج بصح في الحقيقة راهم ساهلين لأنهم وقائع ماعليك إلا تحاول كيفاش تفهمهم
وفي المواد العلمية كيما الفيزياء والرياضيات أعمل لكل مادة كراس خارجي ، كل ماتديرو درس جديد لخصو بطريقتك الخاصة واكتبو في الكراس الخارجي اللي عملت ، يعني تكتب الأشياء الأساسية فقط ونهار تجي تراجع ومثلا يكون في هاذيك اللحظة الوقت ضيق تقدر تراجع غير الأمور الأساسية اللي كتبتها ، وكذلك كل ماتحل تمرين وتلقى فكرة جديدة أكتبها في كراسك باش ماتنساهاش
نأكدلك على حاجة : اعتمد على أسلوبك الخاص لأنك لما تعتمد على أسلوب الأستاذ وأنت ماراك فاهم فيه حتى حاجة ماراحش تخرج بنتيجة

الفلسفة : لازمك تبدا من أول لحظة مع الأستاذ ، ضرك تشوف الناس كيفاش تعود تخلع فيك بلي الفلسفة ماتقدرش تقراها ، بصح لوكان تتبع الأستاذ من الأول وفي كل كلمة يقولها رايحة تكون النتيجة رائعة ، والفلسفة تتطلب التطبيق يعني لازمك تتعود على طريقة كتابة المقال ومن بعد اديه للأستاذ يصححلك

في العلوم : لازمك تحضر الدرس وحدك في الدار قبل ماتعملو في القسم ، يعني تجيب كراس تاع واحد جوز قبلك وترجع للكتاب وتفهم وحدك ، تبقى الأمور اللي مافهمتهاش رايح تفهمها لغدوة في القسم

هاذي أغلب النصائح وإذا كان تفكرت حاجة أخرى نزيد نقولك عليها
بالتوفيق وأدعيلي ننجح في الباك بالمعدل اللي راني نتمناه في قلبي

ربي يحـفظَكْـ أخْتي..ويجـآزيكـَ..
نَصـآئحكـ رآئعَــة وقيــمة..
بــــوركْـت..

نوصييييييييك على حاجة وحدة وهي الاهم .:لا سمعت بلي كاينة عتبة مدييرش علييهم مش تقعد تستناا فيهاا ومن بعد تتشوكاا تلقاا درووس كنت مستبعدهم هدي هي
ولازمك تركز في القسم ملييييييييييييييح متضيعش حتى مااادة
بالتوفيق ان شاء الله

عَــنْدكـ الحَق...
أَهَم نصيـحة...
رَبي يَحّفظكـ ان شـَآء الله..


سلآآآآـــــآآآم

[عاشقة الرياضيـــات]

السلام عليكم ورحمة الله
أنصحك أخي اذا أردت أن تنجح وتسعد في شهر جويلية أن تبدأ بالعمل وبذل الجهد منذ شهر سبتمبر
اعمل واتعب ولكن لا تجعل البكالوريا أكبر همك، فماهي الا وسيلة لتحقيق أهدافك وليست هي الهدف
لا تحمل نفسك مالا تطيقوه وكافئها ببعض الراحة وبعض التغيير ، فإن التغيير يجدد النشاط ، فالصلاة مثلا تغيير لنشاطك حين تمل من الدراسة .
لا تستهن بأي مادة ولا تقل انها ليست أساسية ولا داعي لتضييع الوقت في دراستها، فقط اعرف كيف تنظم وقتك وتخصصه لكل مادة حسب المعامل.
لا تدع سؤالا يمر عليك ، فالذي لا يسأل يظل بليدا الى الأبد. اسأل كل من حولك وكل من تظن أنك ستجد الاجابة عنده حتى لو لم يكن في مستواك، ولا يأخذك غرور بنفسك أو تكبر.
المراجعة أو حل التمارين في مجموعة له فوائد كثيرة شرط ألا يتجاوز عدد المجموعة ثلاثة تلاميذ.
أنصحك بأن لا تياس في حل تمرين و تفقد ثقتك في نفسك بسرعة، كن صبورا والأجمل أن تجعل التمرين تحديا بينك وبين زملائك.
وأهم شيء أنصحك به أن تقوي صلتك بالله عز وجل، وليس أن تكون منافقا تلجأ اليه وقت الشدة وتنساه وقت الرخاء. فهو القادر جل علاه أن ييسر أمرك ويهديك لفهم دروسك وينزع الخوف من نفسك وهو الذي يقول للشيء كن فيكون.
النصائح كثيرة لا تعد ولا تحصى خاصة من مجربين، أتمنى أن يوفقك الله لما يحبه ويرضاه.

[سطايفية بكل فخر]

الباكالوريا ليس الصعبة كل ماعليك ان تتابع الاساتذة نتاوعك فالقسم
واذا شفتعم ميقريوش ننصحك بالدروس الخصوصية
ة بالنسبة للغات القسم يكفيك باش تفهمهم
بالتوفيق

[مانو]

عرفتك هههه لانو ماشي طريقتو بالهدرة +قولو قاتلك مانو ادعيليي راني بياممممم+ربي يقدرو تخصصو صعيب بزاف +وقولو قاتلك ارواح لقسم الرياضة راهو اشتاق لك ولمواضيعككك

[a-maya]

توكل على الله ولاتخف من أي شيئ في هذه الدنيا مهما كان صعبا
أتمنى لك التوفيق في يكالوريا 2013
هذا العام الرائع المليئ بالتحدي والصبر والتعب والحافل بالنجاحات إن شاء الله
عندما قرأت موضوعك عدت بذاكرتي إلى العام الماضي يوم إجتمعنا نحن طلاب بكالوريا 2012 وحدنا الشعار وعقدنا العزم أن نتفوق في البكالوريا
وهاقد مضى عام ورغم التعب إلىأنه مر بسرعة غير متوقعة تاركا في قلوبنا وعقولنا ذكريات رائعة لاتنسى مدى الحياة
تقبل مروري أخي

[أسيرة الغموض]

سلاآآآآم

خويا ما تتقلقش قاااع ،، يعني نوورمال جوز الصيف كيما مالف و زيادة يعني رتح على قد ما تقدر باش تدخل اون فورم
كي تبداو الدروس اول حاجة نوصيك اقرى كل درس في نهارو ،، تاريخ و جغرافيا اسيي تكون ديما آ جوغ يعني الدرس لي تديروه احفظو ،، و كيف كيف ت إسلامية ،، فلسفة حاول تحبها و تفهمها من اول يوم و افهمها ،، يكدب عليك لي يقولك ما تحضرش الدروس و احفظ المقالات برك ،، لا،، لازم تكون فاهم باش تقدر تحفظ
المواد العلمية انا شخصيا درت فيهم قاع الدروس الخصوصية يعني رياضيات و علوم و فيزياء و كنت مين نديرو حصة كي نروح للدار نعاود وش درنا ،،
و التمارين الأفضل تحل تاع الدروس الخصوصية باسك يكون ديجا الأستاد خيرهم و زيد شويا المواضيع تاع الامتحانات لي فاتو و خلاص

و بالتوفيق خويا ،، و اهم حاجة ما تجهدش روحك فوق ما يلزم و توكل على ربي


دمت في حفظ الرحمان

[zlatane Berokiva]

بالنسبة لحفظ الإجتماعيات في بداية السنة أرى أنه قد تنسى كل ماحفظت فتتعب نفسك بدون إفادة أرى أن تحفظ دروسك قبل كل إختبار فصلي
أما بالنسبة للغات فأرى أن أن تكتسب كلنات تفيدك أحسن استعمل القواميس و احفظ مصطلحات كل وحدة أما بالنسبة للأسئلة فأغلبها من النص
كما الدراسة مزاج . أحيانا تأتيك رغبة فتحل حتى أكثر من 20 تمرين وأحيانا ما تحل حتى 3 تمارين فاستفد من هذه رغبة

[ميلانو]

عرفتك هههه لانو ماشي طريقتو بالهدرة +قولو قاتلك مانو ادعيليي راني بياممممم+ربي يقدرو تخصصو صعيب بزاف +وقولو قاتلك ارواح لقسم الرياضة راهو اشتاق لك ولمواضيعككك

مرحبا مانو انا ميلانو واش لهدي الدرجة توحشتينى ههههههههههههه
واش هدي الهدرة علاه انا كيفاه نهدلرربي ينجحك وتدي البيام بالمعدل لي حبة ....متنسايش الباروك هههههههههه
شكرا على دعائك ليا
ان شاء الله نرجع لقسم الرياضةشكرا اختي لانك لم تنسينى ولم تنسي مواضيعي وماتنسايش دري بالك على خويا الصغير رامي هههه

[مانو]

ايه مي ميديش بلاستككككككككك لانك ميلانو + ايه والله استفقدتككككككككككك+ خدمت الحمد الله ونوجد الباروك +اظرب طلا مرة على مرة

[ميلانو]

ايه مي ميديش بلاستككككككككك لانك ميلانو + ايه والله استفقدتككككككككككك+ خدمت الحمد الله ونوجد الباروك +اظرب طلا مرة على مرة

الحمد لله كي خدمتي
ههههههههههههههه شكرا اختي وانا ساخبر ميلانو واقول له ان يقابلك في منتدى الرياضة

[مانو]

دير فيا مزية رامي +وش قولو كي وليت طبيب طلع عني النيvو

[ع.عزالدين]

انا نوصيك حاجة ماتقراش في هذي العطلة ريح مليح باه العام الجاي تصيب روحك فور وسيي تحفظ من بداية السنة .... و بالتوفيق انشاء الله

[مَجْنُوْنَةٌ أَنَاْ]

بسم الله
انا نصيحتي ليك انك في الصيف ساعة على ساعة اجبد الجيز في التاريخ و الجغرافيا ''طالع'' فيهم موش ''تحفظ'' مع الاخر تلقا روحك هايك و ما محتاجش للحفاظة بزاف
و الفرنسي و الانجلي ما تقلقش روحك كل شييييييييييييييييييييييي على النص سيرتو فالفرونسي
و لااااااااااااااااازم المواد العلمية ما تخلي حتى درس يفوت بلا ماتفهمو
يعني كلما تديرو درس لازم تفهمو مليح و تدير عليه التمارين الكافية (موش 1000 تمرين على كل درس) قبل ما تدخلو فالدرس اللي يليه بش ما تترواش الحالة في بعضاها
و ما تخممش في المعدل خلاااااص انت دير جهدك و الباقي على ربي
و الصحبة ''الجايحة '' غير ماكلاه
و الضحك و التفراج و الدوران ديرلهم بلاصتهم لاااااااااااااااااااازم ما تدفنش روحك اك تهبل
وخلي ربي بين عينيك
نتمنى نكون فدتك و و بالشيئ القليل
و بالتوفيق ان شاء الله

[ميلانو]

دير فيا مزية رامي +وش قولو كي وليت طبيب طلع عني النيvو

مرحبا مانو انا ميلانو
هههههههه واش هدي الهضرة ختي لعزيزة والله والوا الوقت لي معنديش ركي تعرفي رني مزلت نجاهد في الدراسة ان شاء الله في جويلية نتفرغ للمنتدى

[مانو]

جناس مانو وميلانو ههههههه+ معليش انتظرنا الكثير فلننتظر القليل