وش راح تكون ردة فعلكم

[faty05]

عن أبي هريرة رضي الله عنه قال: قال رسول الله صل الله عليه وسلم: (رحم الله رجلاً قام من الليل فصلى وأيقظ امرأته فصلت، فإن أبت نضح في وجهها الماء، رحم الله امرأة قامت من الليل فصلت وأيقظت زوجها، فإن أبى نضحت في وجهه الماء)

قولو حقيقة ماذا لو نضح عليك زوجك الماء
ماذا لو نضحت عليك زوجتك الماء
ماذا ستكون ردة فعلكم خاصة المرة الاولى ؟
نبدا بنفسي:
نفيق خلعانة ههه قدرا نطلب منو ما يزيدش يعاودها غير ينوضني بالعقل ههههه

[الجليس الصلح]

شكراااااااااااااااااااااا على الموضوع

[اسلام انس]

انا عن نفـــــــــسي............انا لنوضها مش هيا..........واذا نضحت عليا الماء هذيك ليلتــــــــــها.....هههههههه...

تقبل مــــــــــــــروري

[it's me]

شكرا على الموضوع

[بسمة العمر]

ادا درتها اكيد نلقى روحي معلقة فالحيط

[الواثقة بالله2012]

هاهاهاها

ربي يهدينا انا حقيقة من ولادي والتربية والتععععععععععععععععععععب وليت نعيا نوض

هو ينوض انا والو احياااااااااااانا ربي يهديني ويهديكم

وعبيه غير ماكالاه يجرب

[SOUSOU. DZ]

السلام عليكم

في رأي اذا هو نوضني نفيق مي نتخلع ونقول واش كاين ومبعد نورمال

مي اذا انا نضحت في الماء ياو واش نقولك مانحكيش خير يحطلي سعدي في يدي *****ونزيدلك مع ولاد لاجيري وتنرفيز تاعهم مانصح حتى وحدة ديرها **** ولي حبيت ديرهالو تخبر من قبل اموا يخف علياها العياط شوية

شكرا على موضوع المفيد جزاك الله خير ارجو ان تقبل مروري سلام

[ترنيمة الأمل]

ههههههه

الرسول عليه أفضل الصلاة وازكى التسليم قال على زوج قطرات والا ثلاثة

مش تحكم بيدون تقيسو عليه وممبعد تقول مناااااااااااااااارفي


..

ما حبش ينوض كاين الطرق خير ربي

وإذا بعد كل ذاك التعب ماحبش ينووووض فــــــقد أعذر من أنذر ..

مايحطلي سعدي في يدي ما نحطلو سعدو في يدووو

عادي جدا ..

بيدون وراهو تشرشخ كامل

[tako02012]

شكرا على الموضوع

[أم احمد3]

بضع قطرات فقط يمكن ان اصبر ان لم استفق ويمكن ان يصبر هو ان كان يريد فعلا الصلاة
اما اكثر فالويل لي الجيران كامل ينوضوا ..............

[سلمى_2008]

السلام عليكم ورحمة الله وبركااته واحد المرة كنت نتبع انا وماما في محمد العريفي وقال نفس الحديث قالتلي ماما وااش رايك نديرهاااا لباباك **** بابا قلوقي بزاااااااااااااااااااااااااااااف *** قلتلها ادا راكي حاابيتي يجيبنا كامل براا ديرييها هههههههههه رااني متاكدة يديرها عادي الله غالب متصلحش خااصتا في مجتمعا الجزاااايري

[faty05]

شكرًا لكم جميعا لمروركم العطر
رمضان كريم تقبل الله صيامكم

[mouatez32]

شكرا على الموضوع

السؤال

ما هو أصل الدعاء التالي : يا مسهل كل شديد ، ويا ملين الحديد، ويا من له في كل يوم أمر جديد. وهل صح هذا الدعاء عن النبي صلى الله عليه وسلم ؟
الإجابــة

الحمد لله والصلاة والسلام على رسول الله وعلى آله وصحبه، أما بعـد:

فإن هذا الدعاء ليس حديثا نبويا، فقد بحثنا عنه ولم نجد له ذكرا في الكتب الموجودة بأيدينا ولعله من أدعية بعض العلماء.

والله أعلم.
http://fatwa.islamweb.net/fatwa/index.php?page=showfatwa&Option=FatwaId&Id=136644

[خدووجة]

قطرات من الماء لا تضر .. المهم هو صلاة الفجر

[maiar]

انا تاني سمعت من قبل بصح في راي ما يصلح للجزائريين عن نفسي نتخلع و نوض نورمال مي زوجي علبالي ,,,,,,,,,,,,,,خلي برك

[بسمة تحدي]

و كان نديرها

سووووووووووووور ينوض يخنقني


ومنزيدش نشوف الحياة

الرجال تع ضوك صعاااب

[baalache]

اشرحينا الفعل نضح وممبعد نقدر نجاوبك

[FellaD]

ههههههههههههههه عادي اكيد نقولو دخلت الشتا من التاقة

نوض او نضحك عليه ان شاء الله ربي يرزقني لي نوضو او ينوضني لصلاة الفجر

[امونة الشاوية]

هاهاهاها

ربي يهدينا انا حقيقة من ولادي والتربية والتععععععععععععععععععععب وليت نعيا نوض

هو ينوض انا والو احياااااااااااانا ربي يهديني ويهديكم

وعبيه غير ماكالاه يجرب
والله رانا كيف كيف بالسيف نووووووووووض ربي يهدينا وراجلي ينوض ينوض ويخرج ويبقى يعيط في الفيكس حتى نوض نجاوب وينحيلي لغطاء بصح عمرو طرشني بالماء قادرة نقتلو ههههههه

[السي محمد]

انا غالبا ننوض قبل الوقت

و نومي خفيف جدا تتحرك ذبانة نفطن بيها

يعني احتمال ان شخص يرقد معايا ينوض من الفراش يجيب الما و يفرغ علي قطرات إحتمال ضعيف جدا هههه

[leila ben]

بالنسبة ليا نردهالو ببيدون ماء هههههههههه نولي نوض قبلو كل يوم ندي أجر صلاتي وأجر كي نوضتو ونزيد يكون هو الضحية شحال فور
شكرا على الموضوع الرائع

[souma roua]

شكرا جزيلا

[mouatez32]

أفرح جدا والله

[أبو صهيب ناصر السنة]

عن أبي هريرة رضي الله عنه قال: قال رسول الله صل الله عليه وسلم: (رحم الله رجلاً قام من الليل فصلى وأيقظ امرأته فصلت، فإن أبت نضح في وجهها الماء، رحم الله امرأة قامت من الليل فصلت وأيقظت زوجها، فإن أبى نضحت في وجهه الماء)

يعني ماشي على غفلة . ينوضها كي ما تحبش تفيق شوية ما برك رذاذ ..عادي مش بيدون


.

[baalache]

ان شاء الله ساشجعها وان صرخت في وجهها سادعو لها اثناء صلاة الفجر

[samira135]

انا نومي خيف فيسع نوض الخووووف عليه هو نديرها سبة بهذا الحديث كل يوم بيدون ماء خصوصا في شتاء :1: :1: