إنصحزني ماذا افعل؟

[مريومة الحرة]

السلام عليكم يا جماعة اول مرة اطرح مشكلة تخصني نوعا ما اريد رايكم ساخبركم بما تصرفت به وارجو منكم النصيحة وقولي لي إن أخطات فرايكم يهمني كثيرا
لدي إبنت خال متزوجة منذ 6 سنوات تعاني مشاكل مع زوجها نحن لا نتدخل إطلاقا انا وامي لاننا لا نلتقي بها إلا نادرا هذه المرة قام بطردها إلى الشارع مع العلم أن سنها هو 25 سنة وليس لديها اطفال فهو يعاني مشاكل ومع ذلك صبرت وقالت ان العقم والإنجاب امر الله المهم بعدما طردها وضربها لجأت إلى اهلها لكنهم رفضو إستقبالها لانها كل مرة تسامحه وتريد تكوين اسرة أنا كنت عند الطبيب وانا عائدة إلى منزلنا إلتقيت بها في الطريق تبكي وتريد الرحيل إلى المجهول لكنني رفضت وطلبت منها ان تذهب معي إلى البيت وفعلا هي الآن عندنا معي ومع امي و قالت امي انها ستساعدها حتى تعود إلى منزلها ويهدي الله زوجها وفعلا تكلمت امي مع زوجها ونصحته فيما يرضي اله لكنه يقول ما لا يفعل المشكل الآن كل عائلتنا يقومون بتحريض والدها بحجة اننا انا وامي نعيش وحدنا جاء امس وضربها لأانها رفضت الذهاب معه الامر الذي احزنني واحزن امي لما نحن نعيش وحدنا لكننا نحترم انفسنا كيرا ونخاف الله وانا متحجبة وامي الحمد لله الناس يعرفون اخلاقها ما العمل تقول إن ذهبت من عندكم سالجأ إلى الشارع هل نتركها إلى الشارع ما رايكم يا جماعة وهل احطأت في سترها انا وامي ما العمل ؟ سامحنوني على الإطالة شكرا

["محب الله"]

الله المستعان
نسأل الله أن يفرج كربات المكروبين

[z.abdo]

السلام عليكم أختي

انا الشيء الذي محيرني كيف اهلها يسمحو فيها اي قلب لديهم مهما كانت هي ابنتهم


كذالك انت سترتي بنت ناس والله سيجازيك بحسن عملك هذا انت وأمك ولا يوجد أي خطا

لكن اريد إجابة على السؤال ما سبب ظرب والدها لها ولما لم يستقبلها لان السبب الذي ذكرتيه ليس مقنع

انتظر ردك أختي مريم

[نهال نهال]

اختي الكريمة بارك الله فيك وفي امك مترعيش الى ناس لانو انت وامك عملتو بأصلكم وربي يفرج كربتها يارب

[مريومة الحرة]

السلام عليكم أختي

انا الشيء الذي محيرني كيف اهلها يسمحو فيها اي قلب لديهم مهما كانت هي ابنتهم


كذالك انت سترتي بنت ناس والله سيجازيك بحسن عملك هذا انت وأمك ولا يوجد أي خطا

لكن اريد إجابة على السؤال ما سبب ظرب والدها لها ولما لم يستقبلها لان السبب الذي ذكرتيه ليس مقنع

انتظر ردك أختي مريم
السلام عليكم خويا عبدو شكرا على الرد
اهلها يعاملوها معاملة سيئة يعني الشاب هذا اول ما خطبها قبلت بيه هروبا من المعاملة السيئة والدها ضربها على خاطر رفضت تروح معاها لأانو جبرها ترجع لزوجها وزوجها لما يرجعوها اهلها ليه يزيد يستعمرها ويذلها وهي صابرة لحقت وين رمالها حوايجها فالشارع وقالها كان عندك كرامة روحي شافت امامها الشارع
ولقيتها فالطريق جبتها لدارنا مهما كان بنت خالي وطفلة لو ما نعرفهاش لو درت هكذاك الىن راهي معانا تاكل تشرب والله البارح مرضت وانا مريضة رحنا فالليل للسبيطار وراهي مريضة نفسية تفكر فالإنتحار وأنا ويمى رانا معاها نديرولها القرآن ونهدو فيها الحمد لله راهي خير اليوم هذا كل شي
شكرا اخي على النصيحة

[مريومة الحرة]

اختي الكريمة بارك الله فيك وفي امك مترعيش الى ناس لانو انت وامك عملتو بأصلكم وربي يفرج كربتها يارب
السلام عليكم اختي بارك الله فيك أمين ربي يخليك اختي تعيشي شكرا

[مريومة الحرة]

الله المستعان
نسأل الله أن يفرج كربات المكروبين
السلام عليكم اختي شكرا اللهم آمين شكرا

[z.abdo]

السلام عليكم خويا عبدو شكرا على الرد
اهلها يعاملوها معاملة سيئة يعني الشاب هذا اول ما خطبها قبلت بيه هروبا من المعاملة السيئة والدها ضربها على خاطر رفضت تروح معاها لأانو جبرها ترجع لزوجها وزوجها لما يرجعوها اهلها ليه يزيد يستعمرها ويذلها وهي صابرة لحقت وين رمالها حوايجها فالشارع وقالها كان عندك كرامة روحي شافت امامها الشارع
ولقيتها فالطريق جبتها لدارنا مهما كان بنت خالي وطفلة لو ما نعرفهاش لو درت هكذاك الىن راهي معانا تاكل تشرب والله البارح مرضت وانا مريضة رحنا فالليل للسبيطار وراهي مريضة نفسية تفكر فالإنتحار وأنا ويمى رانا معاها نديرولها القرآن ونهدو فيها الحمد لله راهي خير اليوم هذا كل شي
شكرا اخي على النصيحة

لاحول ولا قوة إلا بالله

صدقني سيجيكم الله أجرا عظيما لصنيعكم هذا

وإيكم تتركوها لوحدها في البيت

تذكري موضوع الحديث النفسي

وعلك ان تذكريها بالله وان تقولي لها ان ما يحدث هو ابتلاء من الله وبما انها ليس لها اولاد ممكن نتعادو الزواج وربي يعوض عليها

بارك الله فيكم مريم انت وفي امك

[Lydia istanboul]

شوفي ختي ما تحسبي حتى واحد من الي يهدرو عليكم و ينتقدوكم ,,,,الناس ولات وحوش و تزيد تهاجم في شوية البشر لي فيهم الرحمة,,,,وصلنا زمن الخاين و التافه و الوضيع يسب في الخلوق و الطيب و المساعد,,,,و راه حكانا الرسول صلى الله عليه و سلم على هذو الرويبضة,,,,ٍربي يشافيك و يشافي الزوجة المسكينة ,,,,وربي ينتقم من زوجها و اهلها اذا صح راهم بهذا السوء

[مريومة الحرة]

لاحول ولا قوة إلا بالله

صدقني سيجيكم الله أجرا عظيما لصنيعكم هذا

وإيكم تتركوها لوحدها في البيت

تذكري موضوع الحديث النفسي

وعلك ان تذكريها بالله وان تقولي لها ان ما يحدث هو ابتلاء من الله وبما انها ليس لها اولاد ممكن نتعادو الزواج وربي يعوض عليها

بارك الله فيكم مريم انت وفي امك
السلام عليكم خويا عبدو ربي يخليك على النصيحة لا والله ما نخليها وحدها على العكس نديرلها الكوراج وما نخليهاش تخمم وخليتها قرات مواضيغ فالمنتدى نسات المشكلة نتاعها وراهي اليوم هايلة الحمد لله خير من بارح وزادو بهثولها حوايجها دارهم قلنالها معليش مهما كان باباك ويماك هذو راهي يديرو هكذا باه ديري دارك ربي عالم بنيتنا والوالدة نتاعي قالت لزوجها راهي بنت وما تحقرهاش راهي هنا معززة مكرمة ومحال نسمح فيها وقاتلو نخدم عليها وعلى بنتي نورمال نتمنى راجلها ربي يهديه ويعرف قيمتها وتولي لدارها إن شاء الله مان ربي شايف راح يعذبها ربي يفكها منو شكرا وربي يخليك خويا

[مريومة الحرة]

شوفي ختي ما تحسبي حتى واحد من الي يهدرو عليكم و ينتقدوكم ,,,,الناس ولات وحوش و تزيد تهاجم في شوية البشر لي فيهم الرحمة,,,,وصلنا زمن الخاين و التافه و الوضيع يسب في الخلوق و الطيب و المساعد,,,,و راه حكانا الرسول صلى الله عليه و سلم على هذو الرويبضة,,,,ٍربي يشافيك و يشافي الزوجة المسكينة ,,,,وربي ينتقم من زوجها و اهلها اذا صح راهم بهذا السوء
السلام عليكم اختي شكرا على كلامك الطيب أنا ممكن زعفت وتقلقت ولكن محال نفرطو فيها لانو راهي مريضة نفسيا تخمم فالإنتحار ومقلقة بزاف وزيد اللي حرشو باباها ربي يهديهم جا وضربها وهي وصلت للسبيطار لأانو ولات تضرب في نفسها وقطعت طامل شعرها والطبيب قالي راهي على وشك إنهيار عصبي ربي يهديه ويسامح اللي كان السبب والله تشوفيها تشفك صغيرة ومتعذبة هذا العذاب ربي يهدي زوجها شكرا اختي على الكلام الطيب

[السَّحابة البيضاءْ]

السلام عليكم

يا مريم متخلوهاش وحدها مهما كان شوفي كاش واحد من العايلة يكون رزين يهدر مع راجلها او حتى اي شخص من عايلة زوجها يكون متفهم للوضع

حلها انها ترجع لدار راجلها وهما متراضيين انتم درتوا باصلكم بصح هدرة الناس مترحمش


ربي في عونها وعونكم

[شمس 15]

السلام عليكم,مريومة ربي يكثر من أمثالك وأمثال أمك كي رحمتوها ربي يرحمكم في الدنيا و الآخرة أقفو معاها ربي يجازيكم كاين شي رجال يوصل يلوح مرتو للشارع و ينسي واش قالنا نبينا محمد صلى الله عليه و سلم رفقا بالقوارير,ما أديروش على كلام الناس قوليلي مريومة يرحم باباك شكون ألي راهو سالك من هدرة الناس،هي راحي محتاجة مساعدة ماشي ضرب يكفيهاضرب راجلها كي حاوزها و سيي ما تخلوهاش وحدها و خففي عليها وربي يفرج كربتها لعلو خير و ربي يهدي ألي راو ظالم سواء هي أو راجلها.

[مريم الصابرة]

السلام عليكم

يا مريم متخلوهاش وحدها مهما كان شوفي كاش واحد من العايلة يكون رزين يهدر مع راجلها او حتى اي شخص من عايلة زوجها يكون متفهم للوضع

حلها انها ترجع لدار راجلها وهما متراضيين انتم درتوا باصلكم بصح هدرة الناس مترحمش


ربي في عونها وعونكم
السلام عليكم اختي شكرا على المشاركة والرد
رانا معاها ويمة وعدتها توقف معاها حتى وين تولي لدارها وصدقيني راحت وين يخدم زوجها وهدرت معاه ونصحاتو ونصحتها باه تتحمل راهم صغار لكن ما زال عند كلامو وتشوفي واش دار تقولي كاش ما دارت حاجة كبيرة على العكس زاد حارمها حتى من الاكل واللبس والضرب من فوق راهي عندنا وكيما قلت كلام الناس ما يرحمش لكنها معانا اللي نعيشو بيها تعيش بيها معانا وما تخرجش إحنا نفهمو الصل راهي مرت راجل ما تخرجش من باب الدار مهما يصير أنا الله غالب مريضة لازم نخرج للطبيب لكن هي لالا والله نقفل الباب عليها من برا حتى نولي نخاف هذي مرت الناس يديرو فيها الهدرة ربي يهدي راجلها واهلها حتى لو راه خالي شكرا على النصيحة

[مريم الصابرة]

السلام عليكم

يا مريم متخلوهاش وحدها مهما كان شوفي كاش واحد من العايلة يكون رزين يهدر مع راجلها او حتى اي شخص من عايلة زوجها يكون متفهم للوضع

حلها انها ترجع لدار راجلها وهما متراضيين انتم درتوا باصلكم بصح هدرة الناس مترحمش


ربي في عونها وعونكم
السلام عليكم اختي بارك الله فيك على المشاركة
والله يا ختي راهي هنا وما خصها والو اللي عايشة بيها انا راهي عايشة بيها وعلى العكس معاملة مميزة ةيمى راهي جير فالمجهود تردها لدراها وراجلها يبطل العادات هذو والله يا ختي ولات تحكينا لو انا نموت وما نقعدش عندو لكن نقولولها معليش راه راجلك وهذا إختبار من ربي ولما يجوك ولاد يتبدل يعني يعاملها معاملة الحيوان حاشاك وصدقيني يغني شابة ونقية في دارها وما خصها والو وتزوج بيها كانت صغيرة 19 سنة وزيد والديها من فوق باباها قالها ما نخليش المطلقة عندي وامها قالتها دايما يصرالك هكذا وتولي ليه وهي مريضة بالأعصاب نهار ضربها باباها تعرفي قطعت كامل شعرها و كانت تحاول تنتحر والطيبي لما ديتها للسبيطار قالي هذي لو ما داويش راحا تهبل وانا من السبيطار حكيت مع راجلها قالي الله يسهل إن شاء الله تهبل قتلو خاف ربي راهي مرتك ولو سمحت فيها هكذا راحا تروح للشارع تخيلي قالي ذاك النهار نذبحها
ؤبي يهديه راهي معايا ومع يمى والله ربي عالم حاطتها فوق الراس والعين ربي يعلم وراهي الحمد لله هذو اليومين ربي إن شاء الله يهيديه شكرا اختي ربي يخليك

[السَّحابة البيضاءْ]

مبروك عليك رفع الحظر مريومة

[حياة الإسلام]

إن الله مع الصابرين ربي يفرج عليها و الصابر ينال

[أرجوانة]

الله المستعان
نسأل الله أن يفرج كربات المكروبين

[عُضو مُحترم]

و الله الامر معقد

لانه من المفروض اهل البنت أولى بيها و هوما يتهلاو فيها

المهم انتم خلو باب بيتكم مفتوح ليها

لانه افضل و ارحم من الشارع

و هوما ربي يهديهم

[مريم الصابرة]

مبروك عليك رفع الحظر مريومة
السلام عليكم اختي شكرا ربي يخليك خرجت من الحبس ههههههههههه شكرا

[مريم الصابرة]

إن الله مع الصابرين ربي يفرج عليها و الصابر ينال
السلام عليكم أختي اللهم آمين ربي يفرج على كل مهموم

[مريم الصابرة]

الله المستعان
نسأل الله أن يفرج كربات المكروبين
السلام عليكم اختي اللهم آمين ربي يخليك شكرا

[مريم الصابرة]

و الله الامر معقد

لانه من المفروض اهل البنت أولى بيها و هوما يتهلاو فيها

المهم انتم خلو باب بيتكم مفتوح ليها

لانه افضل و ارحم من الشارع

و هوما ربي يهديهم
السلام عليكم أخي شكرا جزيلا
اكيد اهلها اولى ورانا نقوللها هذو اهلك لكن ما حبتش تروح قالتنا لو ما نبقاش عندكم نروح للشارع وما يلقاونيش او نقتل روحي راهي مريضة من الأعصاب لازم نسايروها واهلها ما حبوش يفهمو ولا حتى راجلها وعارفين انها حاولت تنتحر شعال من مرة إحنا راهي معانا ونحاولو نرجعوها لزوجها وربي يجيب الخير شكرا خويا ربي يخليك

[soso sirin]

................................. الخير الي راكم دايررينو في هاذي الطفلة والله خير كبير تخيلي كون ماتلاقيتيش بيها و راحت باتت في الزنقة و الحمد الله راكي تعرفي واش كاين فيها ربي يهدي راجلها و باباها و انتي يا مريومة ربي يخلصك انتي و يماك

[الواثق]

كي راجلها كي اهلها الله المستعان ...........كيف يرمي البنت في الشارع ؟؟؟.........وكيفاش يسمحو فيها اهلها ؟؟؟؟.......................والله ماني عارف ..............هدانا الله واياهم

[مريم الصابرة]

................................. الخير الي راكم دايررينو في هاذي الطفلة والله خير كبير تخيلي كون ماتلاقيتيش بيها و راحت باتت في الزنقة و الحمد الله راكي تعرفي واش كاين فيها ربي يهدي راجلها و باباها و انتي يا مريومة ربي يخلصك انتي و يماك
السلام عليكم اختي شكرا جزيلا على المشاركة الطيبة رانا نديرو لربي ونسترو فيها مهما كان هذي دمنا ولحمنا وربي خلاني تلاقيت بيها حتى نا تروحش للشارع راهي معانا وربي يفرج عليها لو تبقى كل حياتها معانا ما نضيقوش بيها شكرا جزيلا ربي يخليك اختي

[مريم الصابرة]

كي راجلها كي اهلها الله المستعان ...........كيف يرمي البنت في الشارع ؟؟؟.........وكيفاش يسمحو فيها اهلها ؟؟؟؟.......................والله ماني عارف ..............هدانا الله واياهم
السلام عليكم اخي بارك الله فيك على المشاركة
نقولك راجلها رماها للشارع صدقني لو كانت هي الغالطة نقولك ما نخبيش تعرف مجوعها يروح باليومين وهي بايتى وحدها ولما يجي وتقولو علاه خليتني وحدي خفت يدخلو عليا يضربها وتزيدك الدار لو حيوان ما يعيشش فيها الباب مقفول بمائدة لا مفتاح لا والو وخلي وخلي وباباها راهو خالي يعني م ما نكذبش عليه وربي راه شاهد على كلامي باباها ما يحبش بنتو تجي غضبانة ولما جا عندنا قتلو يا خالي زيرو راه حقرها قالي تولي لراحلها يقتلها راجلها مهما كان قتلو صح مي خليها يامات حتى ربي يهديه قالي لالا تروح وحدها ضرك ليه هي رفضت ضربها
وراهي عدنا وقت ما ربي يفرج محال نخليها تروح للشارع لا انا ولا يمى محال اللي كاينى نقسموها معاها ولو بالقليل على جال ربي برك شكرا

[كريمة 118]

بالله عليك يااختي ماتسمحوش فيها وان شاء الله ربي يجازيكم ويخلص الي عاملها معاملة سيئة على الاقل يوجد الرحمة في قلوب الناس اتخيلي ماكنتوش انتوما اللي ستقبلتوها واش المجتمع يرحم الله يهدينا ويصلح الاحوال كثرولها من القران

[مريم الصابرة]

بالله عليك يااختي ماتسمحوش فيها وان شاء الله ربي يجازيكم ويخلص الي عاملها معاملة سيئة على الاقل يوجد الرحمة في قلوب الناس اتخيلي ماكنتوش انتوما اللي ستقبلتوها واش المجتمع يرحم الله يهدينا ويصلح الاحوال كثرولها من القران
السلام عليكم اختي شكرا على المشاركة رانا نديرو اللي علينا واللي قدرنا عليها ربي راني نديرلها القرآن وراهي الحمد لله فهمناها باللي الإنتحار حرام وربي خير من كل شي راهي الحمد لله ربي يهدي الناس يا ختي وربي يسامح زوجها وأهلها شكرا جزيلا

[شهد حنان]

لا حول ولا قوة الا بالله
لا يهتمون بها ولا يتقبلونها ولما تغلط يقولو ماشي مليحة
اهلها قاسين وزوجها اكثر ولو اني ما لومش زوجها كيما لوم اهلها لانهم الاولى بيها ومن زوجها وجد اهلها تهمهم هذا البنت لو كان ما يوصلش يديرلها هكذا
المهم اختي اوقوفو معاها قدر المستطاع وسيجزيكم الله بالتأكيد
وربي ييكون معاها القصة أثرت فيا كثيرا
لا حول ولا قوة الا بالله

[عذراء الجبل18]

بارك الله فيك يا اختي انتي وامك ,قصة قربتك محزنة جدا ,مايؤلم هو ان اقرب الناس ايها لم يقفو بجانبها وقت الشدة ،ياربي يوقف معاها ومعاكم ويجازيك كل خير انتي وامك

[مريم الصابرة]

لا حول ولا قوة الا بالله
لا يهتمون بها ولا يتقبلونها ولما تغلط يقولو ماشي مليحة
اهلها قاسين وزوجها اكثر ولو اني ما لومش زوجها كيما لوم اهلها لانهم الاولى بيها ومن زوجها وجد اهلها تهمهم هذا البنت لو كان ما يوصلش يديرلها هكذا
المهم اختي اوقوفو معاها قدر المستطاع وسيجزيكم الله بالتأكيد
وربي ييكون معاها القصة أثرت فيا كثيرا
لا حول ولا قوة الا بالله

السلام عليكم اختي شكرا جزيلا على المشاركة الطيبة هي اصلا تزوجت بيه من ضغط اللي عايشاتو فالدار صدقيني ختي لو تشوفي يماها كيغاه تعاملها تقولي مرت باباها ممكن لو مرت باباها أرحم عليها مي إحنا ديما نقولولها امك مهما كان وباباك معليش يخاف من كلام الناس لما تطلقي لكن العكس تماما هوما وصلولها تتزوج بيها وزيد راجلها فالاول كان مليح معاها ومن بعد راه مشربها المرار والله اليوم راحت ترقي رحت انا وهي ويمى والله حتى غاضتني هو يقرالها وهي تبكي تبكي تعرفي حتى وين ديناها للسبيطار وزوجها جا لدارنا رغضت امي تسمحلو يديها حتى يوعد فدتم الجماعة وبشروط إنو يتسقم معاها ويولي ما يضربهاش
رانا نديرو اللي علينا والله ربي عالم راني فرحانة بوجودها معايا لانو انا وحدي لكن اكيد نحب تولي لدارها وتولد ولادها ربي يهدي زوجها شكرا اختي بارك الله فيك

[مريم الصابرة]

بارك الله فيك يا اختي انتي وامك ,قصة قربتك محزنة جدا ,مايؤلم هو ان اقرب الناس ايها لم يقفو بجانبها وقت الشدة ،ياربي يوقف معاها ومعاكم ويجازيك كل خير انتي وامكراني حكمت
السلام عليكم اختي كيف الحال؟ شكرا على المشاركة والكلام الطيب
رانا في وقت واعر يا ختي حتى الأهل لما تنغبني يقفلو بابهم مرات نتخيل لو ما تلاقيتش بيها وين كانت راحت وهي مريضة كل ما تجيها الحالة النفسية لازم دير حاجة في روجها عندها شعال من محاولة إنتحار واليوم لما رقينالها ولات في حالة اخرى راني حكت رونديفو عند طبيبة نفيسية ربي يوفقني وممكن نكون السبب في شفائها إن شاء الله حتى لو انا مريضة وما نقدرش نتحرك مي لازم نعاونها شكرا اختي ربي يجيب اللي فيه الخير بارك الله فيك

[Abdenour07]

الله يعينكم انتي و امك، فعل الخير عمرو و لكان ساهل، بالاكي يا اختي تسمحي في بنت خالك، و الله قلبي تقطع من هذه لحكاية، هذا ماشي راجل، هذا مريض
"كان الله في عون عبده مادام العبد في عون اخيه

[المنصور3]

يا أخت مريومة الحرة أنت وأمك فعلا حرتان وتستحقان كل الشكر والعرفان والتقدير ،فهكذا يكون المسلمون أو لا يكونوا فأنتما حتما تسيران في درب البر والإحسان والرحمة بالمظلومين ولن يضيع الله أجر المحسنين ،فطلبي منكما أن تحسساها بأنها ليست وحدها وأنها بين أهلها وفي بيتها ولن يلحقها من الأذى شيء ،وأن الذين ظلموها سوف يلقون نتيجة ظلمهم لها في الدنيا والآخرة واعلمي أن دعوة المظلوم ليس بينها وبين الله حجاب كما أخبرنا الحبيب المصطفى عليه الصلاة والسلام ،بلغي السلام لأمك الحرة وقولي لها نعم الأم أنت ،واصلا إتمام عملكما ولا تستمعا لأقوال الناس لأنهم يحبون الإنتقاص ممن هو في الخير و يحب الخير .

[سآجدْ للهْ]

اختي أجرك عند ربي ما تخلوهاش في الشآآرع خلاص أحكموها عندكم وخلوها تعيش معاكم وربي يجاازيكم خيرااا ويوفقكم

+++ما تخلوهاش خلاص في الشآآآآآآآآآرع أبدااااا

اصعب موقف ان يبتعد الناس عنك في وقت حاجتك إليهم
تخيلي لو لم تحضيريها عندكم لكانت إنتحرت او أي شيء آخر....

ربي يوفقكم إعتنو بها ولا تتركوها للشآرع او عائلتها

[مريم الصابرة]

الله يعينكم انتي و امك، فعل الخير عمرو و لكان ساهل، بالاكي يا اختي تسمحي في بنت خالك، و الله قلبي تقطع من هذه لحكاية، هذا ماشي راجل، هذا مريض
"كان الله في عون عبده مادام العبد في عون اخيه
السلام عليكم اخي بارك الله فيك زشكرا جزيلا على المشاركة الطيبة رانا نديرو اللي نقدرو عليها حاولنا مع زوجها نشوفو الحل وعلاه يديرلها هكذا وصدقني رجعناها لدارها مدة يومين ومن بعد في هذي الدقية راهي فالكوزينة مع الوالدة نتاعي عاود رماها مزية انا على إتصال يها عيطتلها فالهاتف حتى فاتلي وين نروح حشمت نجيكم راه خرجني من الدار راحت امي جابتها تخيل هذا راجل ربي عالك حاولنا نرجعوهم لبعضاهم مي خلاص ماشي راجل قالتها امي راكي قاعدة في داري مثلك مثل بنتي وعلا والله نغزها ونعززها بزاف كإنها ختي وما نخليلها حتى حاجة في بالها حتى والله ربي عالم امي ما راهيش خدامى مي عادي اللي عايشين بيها تعيش بيها ربي يجيب الخير شكرا

[مريم الصابرة]

يا أخت مريومة الحرة أنت وأمك فعلا حرتان وتستحقان كل الشكر والعرفان والتقدير ،فهكذا يكون المسلمون أو لا يكونوا فأنتما حتما تسيران في درب البر والإحسان والرحمة بالمظلومين ولن يضيع الله أجر المحسنين ،فطلبي منكما أن تحسساها بأنها ليست وحدها وأنها بين أهلها وفي بيتها ولن يلحقها من الأذى شيء ،وأن الذين ظلموها سوف يلقون نتيجة ظلمهم لها في الدنيا والآخرة واعلمي أن دعوة المظلوم ليس بينها وبين الله حجاب كما أخبرنا الحبيب المصطفى عليه الصلاة والسلام ،بلغي السلام لأمك الحرة وقولي لها نعم الأم أنت ،واصلا إتمام عملكما ولا تستمعا لأقوال الناس لأنهم يحبون الإنتقاص ممن هو في الخير و يحب الخير .
السلام عليكم اخي منصور شكرا جزيلا وبارك الله فيك على الكلام الطيب
ربي يخليك والله كلامك كبير وفرحني شكرا جزيلا محال نخلوها ومحال نعاملوها بالسوء ؤاهي بنت خالي يعني ختي و والله لو لقيت فتاة فالشارع بحالتها حتى لو ما نعرفهاش مؤمد راحا نجيبها لدارنا وما نخليهاش فالشارع محال
ربي يجازي زوجها على التمرميد اللي راه مرمدها مسكينة والله يا خويا تشوقها تقول فتاة نتاع سويام تبان صغيرة والميزيرية اللي معيشها فيها والله ما تتحملها حتى وحدة ربي يهديه راهي معانا اللي كاينة نقسموها وربي يجيب الخير شكرا جزيلا

[مريم الصابرة]

اختي أجرك عند ربي ما تخلوهاش في الشآآرع خلاص أحكموها عندكم وخلوها تعيش معاكم وربي يجاازيكم خيرااا ويوفقكم

+++ما تخلوهاش خلاص في الشآآآآآآآآآرع أبدااااا

اصعب موقف ان يبتعد الناس عنك في وقت حاجتك إليهم
تخيلي لو لم تحضيريها عندكم لكانت إنتحرت او أي شيء آخر....

ربي يوفقكم إعتنو بها ولا تتركوها للشآرع او عائلتها

السلام عليكم اخي شكرا على كلامك اكيد نديرو الخير لوجه ربي صدقني لو نقولك إنو والدها اللي هو خالي في يوم من الايام طرنا للشارع أنا وامي واختي وقت كانو الإرهاب على 11 نتاع الليل مرتو قاتلو خرجهم وخرجنا فالليل وامي تمي وتبكي فالطريق وتقولنا شهدو خفنا نتلاقاو بالإرهاب ويقتلونا والحمد لله واليوم رانا نردولو خيرو نحافطو على بنتو جازيناه بالعكس على جال رب ةعلى جال الطفلة مسكينة ما عندها حتى ذنب شكرا وربي يبارك فيك