اريد رايكم

[مشكلتي]

السلااااااااااااااااااااااام عليكم

اخوتي انا فتاة 22 سنة طالبة تقدم لخطبتي منذ ايام شاب محترم و لاباس به لكن لا احس باي عاطفة اتجاهه يعني عادي من جهة اخرى
هناك شخص اخر كان يدرس بالجامعة التي ادرس فيها احبه كثيرا لكني لم اصرح بذلك ابدا منذ ايام جاءت اخته لي بالجامعة و بلغتني بان اخوها يحبني وانه بانتظاري العام المقبل ان شاء الله بعد التخرج لكي ياتي لخطبتي علما انه معروف عليه انه ليس من الناس المتلاعبين ويحترمني و يحبني
فهل اقبل بالشخص الاول الذي ليس لدي اي مشاعر نحوه و اتجاهل الشخص الذي انتظرني سنوات و يحبني و احبه كثيرا? ام انتظرالثاني لعام اخر يعني هل اذا تزوجت في 24 اكون فد تاخرت في الزواج ام عادي ?

[ياربي اني راضية]

اختي الزواج مكتوب ماتقوليش نقبل بهدا وانا نحوس على الاخر ولا تستناي الي اجي يخطبك وتخلي هدا اروح ريحي روحك صفي دهنك وصلي صلاة الاستخارة وخليها على ربي

[نجمة ساطعة]

ما حلاك ........ هايلة اذا تزوجت على 24 عادي ... الصح صح مش عادي 24 راكي تأخرت فوق التأخر الحقي قبل ما يفوتك

القطار ...

نعود للمشكل ... حلك هنا الاستخارة و الخيرة فيما اختاره الله لكِ

[منهاج]

السلام عليكم

هنا بالدات ما ينفع رأينا استخيري الله وحكمي عقلك واتوكلي على الله وفي الاخير كلشي مكتوب

[naceur baba]

نعطيلك نصيحة اذا راكي مرتاحة للانسان اللي تحبيه وحابة تكملي معاه حياتك قولي لاختو تقولو انهم جاوك خطابة واذا باغيك يجي للدار ويقول عليك الكلمة وكي تكملي لقراية تتزوجو واكيد اذا كان يحوس عليك نتع الصح راح يجي للدار واذا ماجاش غير روحي اقبلي بالانسان اللي خطبك وهكذا ماتندميش من بعد وخاصة انو اغلب الشباب راهم يخطبو غير في بنات 18و19 وان شاء الله نكون افدتك والحب يجي بعد الزواج اما قبلو انا ما نستعرفش بيه.

[عُضو مُحترم]

انتظري الحُب

[assia81]

السلام عليكم ورحمة الله وبركاته
لا ادري ماذا اقول لك اختي ربما ردي لن يعجبكي ولكن سارد
ربما نحن وصلنا الى زمن تغير فيه كل شيء يقول الرسول الله عليه وسلم ليس للمتحابين الا الزواج ولكن هذا كان في زمن الرسول حيث كان من يحب امراة يتزوجها على الفور اما الان فتغير كل شيء من يريد الزواج يجب ان يكون له بيت بثلاث غرف بلا ما ننسا المطبخ ويشتري التلفاز والخزانة ب40000 وثلاجة وحاسوب وغسالة و4او 5 اسرة وسيارة ووووو,,,,,, حتى يتزوج وانت قلتي بان من تحبين يدرس في الجامعة فحتى يجد عمل ويوفر كل هذا فعليك ان تنتظري على الاقل 4 او 5 سنوات وبهذا لن تستطيعي ان تحققوا حديث رسول الا في حالة واحذة اذا تنازلتم عن كل تلك الكماليات التي لا تفيد والا فالافضل لك ان تقبلي بالثاني درا للمفاسد وشكرا

[العينوس عبد الغني]

نعطيلك نصيحة اذا راكي مرتاحة للانسان اللي تحبيه وحابة تكملي معاه حياتك قولي لاختو تقولو انهم جاوك خطابة واذا باغيك يجي للدار ويقول عليك الكلمة وكي تكملي لقراية تتزوجو واكيد اذا كان يحوس عليك نتع الصح راح يجي للدار واذا ماجاش غير روحي اقبلي بالانسان اللي خطبك وهكذا ماتندميش من بعد وخاصة انو اغلب الشباب راهم يخطبو غير في بنات 18و19 وان شاء الله نكون افدتك والحب يجي بعد الزواج اما قبلو انا ما نستعرفش بيه.
وأنا مع هذا الرأي

[سارة البوسعادية]

؟؟؟؟؟؟؟؟؟؟؟؟؟؟؟؟
اختي اذا كنتي تساليننا عن اي شخص تختاري احسن حل ان تستخيري وربي يختارلك
اما عن الزواج ف 22 او 24 اذا عاد ربي مكتبلك الزواج في 30 تتخطبي وتقعدي 6 سنوات تنتظري
امور ربي هذي مافيهاش تخطيط

[wafa kabylie]

بالتوفيق ان شاء الله

[Lydia istanboul]

أختي العمر مش هو الصح المهم تكوني احسنتي الاختيار,,,,,تريثي في اتخاذ اي قرار و استخيري واستشيري المقرب من والديك او اخ ,,,,على اساس ان الاثنين يريدان التقدم لك,.,,,,ربي يوفقك لما يحب و يرضى و لما يسعدك و يرضيك

[lilou f lilou a]

يا اختاه قلبك واش لإختار الاول ام الثاني
وربي يوفقك

[mina90]

ان ارى ان مشكلة السن هي لي مقلقتك اكثر !!
ادا عادت لي في 24 فاتها القطار ولي في ثلاثينات تروح تنتحر !!
بالتوفيق

[z.abdo]

نصيحتي أختي وهذا رأي الشخصي

انتظرري الخشص الذي انت قلتي انك مرتاحة له

خصوصا انه ارسل لك أخته وهذا دليل انه انسان خلوق ولم يحاول مصاحبتك امام الناس كما يفعل البعض

تقبلو مروري

[أبو مجيد]

أختي ربي يسهل و تزوجي خير من لي تبوري

[farida39]

زواج مكتوب الله عليك بصلاه استخاره...شكرا

[لحن الفرح]

يا اختي في امور الزواج خمي بعقلك خليك من العاطفة .
لوكاان تحبسي وبعد عام هذا الطالب يبطل ما يخطبك ماوالوا ، وايضا راهوا خطبك واقتاش يخدم ويوجد روحوا . رايحة الى 3 سنوات هكاك ونتي تستناي . وزعما هذا الحب يدوم ويطول .
خمييييييييييي ملييييييييييح بعقلك وسقسي اللي كبار عليك في السن عندهم خبرة عليييييييييك وما تتهوريش قي قرارك تخسري .
انا بالنسبة ليا خمي باااش تخدمي تصبحين امرأة عاملة بالمجتمع وفي مستقبلك احسن الحياة صعيبة بزاف .
مازالك صغيرة .
انا راني صغيرة مثلك بصح دايرة مستقبل ديالي هو المرتبة الاولى والزواج المرتبة الثانية .

[samir 1990]

ما حلاك ........ هايلة اذا تزوجت على 24 عادي ... الصح صح مش عادي 24 راكي تأخرت فوق التأخر الحقي قبل ما يفوتك

القطار ...

نعود للمشكل ... حلك هنا الاستخارة و الخيرة فيما اختاره الله لكِ

سبحان الله 24 فاتها القطار
من المفروض كمسلمين منقولوهاش هدرة كيما هادي الدنيا مكاتيب
نعود للمشكلة إستخيري أختي مش مهم تتزوجي في 22 أو 24 المهم تختاري من يناسبك و يسعدك يعني كاين من تتزوج في 19 سنة أي لم يفتها القطار و حياتها تعيسة لا تفكري بالعمر مجددا

[ام البنات15]

السلام عليكم



راكي تخيري يا لا لا ؟؟؟؟؟؟؟؟؟؟؟؟

وحداري تامني بالحب حداري حداري حداري
نقولك صلي الاستخارة يا اختي ال ال الجامعية وتكلي على الله
انا من جهتي ارضي بالاول والا معجبكش انفظيه وعلاه عاد قريتي ودرتي الديبلوم ؟؟؟ انا نقولك باش اتعيشي كيما راكي حابة انت

[الواثقة بالله2012]

معلوووووووووووووووووم 24 سنة القطار بدا يصفر باه يقلع


واذا اللي تبغيه يبغيك قوليلو يحطك عليك الكلمة وكلمة رجال ماشي زعاقة

ماشي الحب كلش يااااااااااااما ناس تزوجت بالحب وفي اول ايام الزواج ندمو


المهم ربي يصلح الاحوال

[دمعة يقظة]

انا رايي واااضح جدا انا لا يهمني على الاطلاق السن المكتوب اذا حضر حضر حتى لو حضر وانت تبلغين من العمر 60 انا من رايي تنتظرين سنه وتتزوجين من تحبين احسن من ان تتعلقي بشخص لم تجذبك اليه اي نوع من العاطفة