هل اتزوج دون حب

[مشكلتي]

السلام عليكم
ترددت كثيرا قبل ان اطرح عليكم مشكلتي لكن صدقوني اني شارفت على الجنون
انا فتاة عمري 25 سنة ،تعرفت على احد اقاربنا من بعيد و ربطتني به علاقة 3 سنوات و بعد ذالك خطب واحدة اخرى و يتزوج هاذ ليامات ،المشكل اني مازلت نحبو و نحس الدنيا تدور بيا و في اليل نبات غير نبكي
و هاذ ليامات هاتفني وليد خالتي و قالي بلي راه حاب يخطبني الحق هو متربي و خدام و حاجة ما تخصو لكن المشكل اني ما نحبوش عادي ،ساعات نقول نقبل و الحب و المودة يجيو بعد الزواج ،و خايفة نظلمو و نظلم روحي

عاونوني بجاه ربي

[نجمة ساطعة]

تظلميه لو كان جيتي بنتي كون عطيتك طريحة ... ربي ما يحبش اللي يرفض النعمة احمدي ربي اللي بعثلك

ربي زوج اذا كنت عندك عقل و مازال يفكر قولي لولد خالتك قول لخالتي تجي القهوة واجدة

و مازال تقول نحبو و ما نحبو

[نور اليقين جيداء]

يا بنتي هو راه يشوف ليك كي انت راكي تقولي نحبو و نبات نبكي عليه
ربي راه يرزق فيك
خليهم يجو و ربي يهنيك و يسعدك ان شاء الله

[حب ربي*ملأ قلبي]

صلي الإستخارة أوووووووووولا
ثم اقبلي بوليد خالتك و حاولي تتقربي ليه بعد العقد و تعطيه فرصة باش يدخل قلبك و احمدي ربي خيتي لي بعثلك إنسان يحبك صدقيني ممكن ينسيك فيه و تقعدي غير تضحكي على واش راكي تعملي و صدقيني تندمي على كل دمعة طيحتيها في حق الأول اللي ما يستاهلكش

[أم الولدين]

يا اختاه الله يهديك و يصلح حالك وجميع بنات المسلمين
جلبني الموضوع من عنوانه هل أتزوج من غير حب و لما قرأت رأيتك جاوبتي نفسك بنفسك
أي حب تقصدين ؟ قبل الزواج
الحب أو بالأحرى مثل علاقتك بالشاب الذي ذكرت وبعدها تزوج بأخرى وترككي
لا حب قبل الزواج لا شرعا ولا شيئ آخر يفرضه
الحب يأتي بعد الزواج وينموا بالنية الصادقة والعشرة الصافية ومع البنين بإذن الله
واحمدي المولى تقدم لخطبتك إنسان كما ذكرتي يخاف الله وعامل وماذا تريدين بعد ذلك ؟
ونضيفلك شيئ آخر انت لست بسن 17 او 18 ومش عارفة صلاحك
معذرة اختي ولكن لامجال للعاطفة في امور الجد

[الدكتور سام]

يا حصرة على بنات بكري.انا الام تاعي ما شافتش الاب تاعي الا في ليلة الدخلة و دوك راهم عندهم 40 سنة زواج و الحمد لله جامي صرات مشاكل بينهم.و البنات تاع دوك لازم المحبة قبل ههههه
يا اختي الرجال الصالحين و الرجال بصفة عامة راهم ناقصين في هدا الوقت.توكلي على رب

[مصرية من الجزائر]

بصي يابنتي
بداية لا تبكي علي رجل ترك ..فهو لا يستحقك ...
ثانيا..انصحك أولا ان تصلي صلاة استخارة قبل ان تقدمي
علي الارتباط من ابن خالتك ...والله سوف ييسر لك الأمور
ثالثاا...نصيحة ولو تمت خطبتك علي أي رجل مهما كان وقتها لن
يكون لك الحق مطلقا ان تفكري في رجل غيره ولو مجرد تفكير..
رابعا توكلي علي الله لا أحد يعلم أين الخير

[soso sirin]

نقلك حاجة وحدا برك برحمة الوالدين هذا الي كنتي تبغيه شاف فيك قيم هذاك البغي اربي راكي تقولي رايح يتزوج والله سمحيلي اختي انتي بلاك ماراكيش تشوفي مليح السيد رايح يتزوج و انتي تبكي عليه كون جيت نعرفك كنت فرغت فوق راسك ما بارد مقلاسي بلاك تفطني السيد دار حياتو و راه كل يوم يعيط للمادام و قريب يجيبها لدارو و انتي تبكي عليه في حالة وحدا برك تبكي عليه كون جا للدار و ماليك قالو لالا السيد كان في يدو باه يجي لعند ك عاه ماجاش لانو كان يتمسخر برك شوفي يا اختي انتي شوفي هذا الي جا خطبك اذا كان مليح و خاطيه و قلبك مارتاحلو والله مع الوقت راح تبغيه انتي في بالك الناس هاذو كامل الي راهم متزوجين كانو يبغو بعضاهم انا اختي الكبير تزوجت و تزوجت غير في اواخر التسعينات زواج تقليدي نيشان ماشافتوش الا نهار العقد و هو ماشافهاش الا في لافوتو مي هو مابغاش كان يحشم بزاف و ماكانتش باغية هذا الزواج و مانقلكش راهي ضروك متهنية معنتا عندها مشاكل مي ماشي معاه بالعكس هو خرج راجل تاع صح و ضروك راهي تموت عليه انتي كون هذا الانسان ماتعرفيهش كامل بلاك مي انتي راكي تقولي وليد خالتك معنتها تعرفيه انتي اتكلي على ربي و هو ان شاء الله يسهلها و اذا كانت خير ربي يقربولك

[23nm]

معظم آباءنا تزوجوا دون حب سابق لكنهم عاشوا حياة زوجية من أروع ما يكون

[نجمة ساطعة]

معظم آباءنا تزوجوا دون حب سابق لكنهم عاشوا حياة زوجية من أروع ما يكون

ليس كلهم حتى لا نخلط الامور ... فالمودة بين الازواج الله من يقررها

هناك من رآها ليلة الدخلة و اعادها في نفس الليلة الى بيت اهلها

[first first]

توكلي على الله ..............استخيري....................لعل في ابن خالتك الخير ليك.

روحي زوجي واخطيك من حب وبلاحب ...................السيد راح ازوج وفرحان وانت تبكي على الاطلال ....
بعث الله لك شخصا يطرق الباب بكل احترام..............حتى لو كان اسوا الناس فهو يستحق التقيم والاحترام لهذا الفعل .


Bon courage

[سارة البوسعادية]

الحب الحقيقي هو الي يجي بعد الزواج وبعدي على هذي الهدرة لانك شفتي بام عينك حبك وحبيتيه ورح خطب وحدة بخلاف
ملا ادي الانسان الي يرضاكي زوجتا له ويطلب ايدك ويجي من الباب

[دكتورة بإذن الله]

يا اختي الكريمة الزواج ليس كما رسخ في اذهانكم انه حب و غراميات قبل الزواج و غيرها من الجنون ,,,

بالنسبة للاول المثل يقول لي باعك بالفول بيعيه بقشوره و علاه راكي مازلتي تفكري فيه ؟

و هل يستحق ذرة تفكير ؟ و لما البكاء ؟؟ اختي خليك من العاطفة الزائدة و من يجب ان تبكين عليه هو نفسك التي ضيعتيها في حدود

ثلاث سنين و ليس تبكين على تافه ياتي البيوت من ظهورها ؟!! الله يسهل عليه

اعيدي حساباتك اختي و اسمعي صوت العقل لا القلب

فالاول بعد ثلاث سنين قالك بالعافية ؟!!!فماذا تنتظريه منه؟؟؟اين كرامتك و عزة نفسك ؟!!!!

فلو فعل هذا بعد ثلاث اشهر و ليس سنين سأقول لك اخطيك منو فمابالك بسنين التي هي عمر!!

اما بالنسبة لابن خالتك فاهلا و سهلا بيه و الحب الحقيقي ياتي بعد الزواج و شخص يدق الابواب جدير بالاحترام

فقط اود ان اركز لك على نقطة جد هامة اياكي ان تقولي قبل ما يجي ابن خالتي لازمني نعرف عقليتو و تبدئين معه مكالمات بحجة

تعرفي عقليتو او بحجة كي تحبيه.. فاياكي و مداخل الشيطان فحذاري المرء لا يلدغ من الجحر مرتين و كي يعاودلك

الحكاية قوليلو هاهي خالتك و اهدر معاها ...

المهم اتركي عنك هاته الوساوس و ابداي حياتك من جديد ( بلاحب بلا بطيخ على حد قول المصريين)

و الذي يحبك هو من يقدرك و يعرف قيمتك و يخاف على بنات الناس مثلما يخاف على بناته و يدق الابواب طالبا للحلال

و ربي يسهلك في طريق الخير ...

[منهاج]

السلام عليكم

لي حبك وبغاك فاتك وراح يبني دار بلا بيك انتي ختي تاني شوفي صلاحك الدنيا ما دوم لحد مشي تقبلي بهدا زكارة

في حبيك ولكن الحياة والحب بعد الزواج مشي قبل، وكلشي بيدك راح تكوني سعيدة هدا من صنعك وبيدك تصنعي

التعاسة اختي ارمي توكالك على الله وخمي في لي شاريك وحابك تكوني مرته ومت وليداته ،ادا كان ولد ناس ننصحك

تستخيري الله والله يهنيك ويجعل طريقك هناء وسعادة

[فـاطمة الزهراء]

السلام عليكم ورحمة الله وبركاته

لا نظني اختي أن ما ساقوله لك لاني لا احس بك او لاني استخف بمشاعرك












فقط اطلب منك ان تسمعيني بعقلك لا بقلبك الذي في غيبوبة واصبح لا يصلح للاستقبال





انا فتاة في نفس عمرك تقريبا ولا شك انك رايت وسمعتي عن قصص حب وكيف انها انتهت بالفشل




قد تقولين ان هناك أيضا من نجحت وتزوجا الحبيبن وعاشو في تبات ونبات ....



اقول لك ما أدراك انها ناجحة هل كنتِ معاهم



وما ادراك انهم يتصنعون السعادة امامك ؟


اختي



ان كنت لا تعلمين حكم علاقات الحب فهي حرام شرعا


فكيف لمن بني على باطل ان يبارك الله فيه


صدقا يا ا ختي يجب عليك ان تشكري الله وتحمديه لانه انقذك من علاقة مصيرها الفشل حتما


لان الله غير راض عنها من البداية



اختي الكريمة الحل بين يديك ان اردتي ان تتخلصي من معاناتك






تـــــــــــــــــــــــــــوبي الى الله واساليه أن يغفرلك



التجائي اليه واطلبي منه ان ينزع حب ذلك الشخص من قلبك وان يستبدله بحبه وحب دينه ونبيه صل الله عليه وسلم


واحسني الظن به وكوني على يقين انه لن يردك خائبة




اما بالنسبة لابن خالتك الذي يريد خطبتك فانا لا انصحك بان تقبلي الا بعد:

ان تستخير الله عز وجل

وليكن اختيارك له بعقلك وعينك وبعد ذلك ..قلبك

ولا تقبلي حتى يكون وسيلة لنسيان غيره




كما انني انصحك بان تبتعدي عن سماع الاغاني والمسلسلات التي هي السبب في كل المصائب
وافسدت ا خلاقنا و وقيمنا

ابتعدي قدر الامكان عن الاماكن التي لك ذكريات معه



ولا اريد ان اتكلم عن ذلك الشخص فيكفي انه اختار غيرك حتى تعرفي من هو.؟وان كان هذا المتوقع





ولن انسى ابداا جواب شاب عندما سئل هل تتزوج بفتاة كانت تربطك بها علاقة غير شرعية؟


اجاب بكل كبرياء: مطلقا كيف لي ان اثق بفتاة خانت ثقة والديها وكيف لي ان استئمنها على تربية بناتي وهي لم تربي نفسها؟





واعذريني ان قولت اني متفقة معه وعتبي على بنات جنسي لانهن رخصو انفسهن وصدقو كلاما معسول ونسو كلام الله عز وجل

صديقيني اختي الحب الحلال اسمى واجل لان الله راض عنه ويباركه وستعلمين ذلك بعد حين



ودعك ممن يقول ان الحب لا ياتي بعد الزواج فانتي تعلمين علم اليقين ان اكثر العلاقات نجاحا واكثر الازواج سعادة تزوجوا ولم يعرفو بعضهم قط


بل ان من تزوجوا عن حب ما لبث الحب ان انتحر









وفي الختام


اسال الله ان يشرح صدرك للحق وان يتوب عليك ويثبتك وان يرزقك خيرا عاجلا غير اجل






اعتذر عن الاطالة





اختك فاطمة.

[نسائم الهدى]

السلام عليكم ورحمة الله وبركاته

لا نظني اختي أن ما ساقوله لك لاني لا احس بك او لاني استخف بمشاعرك












فقط اطلب منك ان تسمعيني بعقلك لا بقلبك الذي في غيبوبة واصبح لا يصلح للاستقبال





انا فتاة في نفس عمرك تقريبا ولا شك انك رايت وسمعتي عن قصص حب وكيف انها انتهت بالفشل




قد تقولين ان هناك أيضا من نجحت وتزوجا الحبيبن وعاشو في تبات ونبات ....



اقول لك ما أدراك انها ناجحة هل كنتي معاهم



وما ادراك انهم ينصنعون السعادة امامك ؟


اختي



ان كنت لا تعلمين حكم علاقات الحب فهي حرام شرعا


فكيف لمن بني على باطل ان يبارك الله فيه


صدقا يا ا ختي يجب عليك ان تشكري الله وتحمديه لانه انقذك من علاقة مصيرها الفشل حتما


لان الله غير راض عنها من البداية



اختي الكريمة الحل بين يديك ان اردتي ان تتخلصي من معناتك






تـــــــــــــــــــــــــــوبي الى الله واساليه أن يغفرلك



التجائي اليه واطلبي منه ان ينزع حب ذلك الشخص من قلبك وان يستبدله بحبه وحب دينه ونبيه صل الله عليه وسلم


واحسني الظن به وكوني على يقين انه لن يردك خائبة




اما بالنسبة لابن خالتك الذي يريد خطبتك فانا لا انصحك بان تقبلي الا بعد:

ان تستخير الله عز وجل

وليكن اختيارك له بعقلك وعينك وبعد ذلك ..قلبك

ولا تقبلي حتى وسيلة لنسيان غيره




كما انني انصحك بان تبتعدي عن سماع الاغاني والمسلسلات التي هي السبب في كل المصائب
و افسدت ا خلاقنا و وقيمنا

ابتعدي قدر الامكان عن الامكان التي لك ذكريات مع ذلك الشخص




ولا اريد ان اتكلم عن ذلك الشخص فيكفي انه اختار غيرك حتى تعرفي من هو.؟وان كان هذا المتوقع





ولن انسى ابداا جواب شاب عندما سئل هل تتزوج بفتاة كانت تربطك بها علاقة غير شرعية؟


اجاب بكل كبرياء: مطلقا كيف لي ان اثق بفتاة خانت ثقة والديها وكيف لي ان استئمنها على تربية بناتي وهي لم تربي نفسها؟





واعذريني ان قولت اني متفقة معه وعتبي على بنات جنسي لانهن رخصو انفسهن وصدقو كلام معسول ونسو كلام الله عز وجل

صديقيني اختي الحب الحلال اسمى واجل لان الله راض عنه ويباركه وستعلمين ذلك بعد حين



ودعك ممن يقول ان الحب لا ياتي بعد الزواج فانتي تعلمين علم اليقين ان اكثر العلاقات نجاحا واكثر الازواج سعادة تزوجوا ولم يعرف يعرف بعضهم بعضا قط


بل ان من تزوجوا عن حب ما لبث الحب ان انتحر









وفي الختام


اسال الله ان يشرح صدرك للحق وان يتوب عليك ويثبتك وان يرزقك خيرا عاجلا غير اجل






اعتذر عن الاطالة





اختك فاطمة.

يا اختي الكريمة الزواج ليس كما رسخ في اذهانكم انه حب و غراميات قبل الزواج و غيرها من الجنون ,,,

بالنسبة للاول المثل يقول لي باعك بالفول بيعيه بقشوره و علاه راكي مازلتي تفكري فيه ؟

و هل يستحق ذرة تفكير ؟ و لما البكاء ؟؟ اختي خليك من العاطفة الزائدة و من يجب ان تبكين عليه هو نفسك التي ضيعتيها في حدود

ثلاث سنين و ليس تبكين على تافه ياتي البيوت من ظهورها ؟!! الله يسهل عليه

اعيدي حساباتك اختي و اسمعي صوت العقل لا القلب

فالاول بعد ثلاث سنين قالك بالعافية ؟!!!فماذا تنتظريه منه؟؟؟اين كرامتك و عزة نفسك ؟!!!!

فلو فعل هذا بعد ثلاث اشهر و ليس سنين سأقول لك اخطيك منو فمابالك بسنين التي هي عمر!!

اما بالنسبة لابن خالتك فاهلا و سهلا بيه و الحب الحقيقي ياتي بعد الزواج و شخص يدق الابواب جدير بالاحترام

فقط اود ان اركز لك على نقطة جد هامة اياكي ان تقولي قبل ما يجي ابن خالتي لازمني نعرف عقليتو و تبدئين معه مكالمات بحجة

تعرفي عقليتو او بحجة كي تحبيه.. فاياكي و مداخل الشيطان فحذاري المرء لا يلدغ من الجحر مرتين و كي يعاودلك

الحكاية قوليلو هاهي خالتك و اهدر معاها ...

المهم اتركي عنك هاته الوساوس و ابداي حياتك من جديد ( بلاحب بلا بطيخ على حد قول المصريين)

و الذي يحبك هو من يقدرك و يعرف قيمتك و يخاف على بنات الناس مثلما يخاف على بناته و يدق الابواب طالبا للحلال

و ربي يسهلك في طريق الخير ...


بارك الله فيكما أختاي ( عائشة وفاطمة الزهراء )
أختي لن أضيف شيئا على كلام أختاي فقد كفّتا ووفّتا جزاهما الله كل خير
وربي يهدي نفسك ويريح بالك إن شاء الله
سلااااااااااااااااااااااااااااام

[انفال_28]

نقلك حاجة وحدا برك برحمة الوالدين هذا الي كنتي تبغيه شاف فيك قيم هذاك البغي اربي راكي تقولي رايح يتزوج والله سمحيلي اختي انتي بلاك ماراكيش تشوفي مليح السيد رايح يتزوج و انتي تبكي عليه كون جيت نعرفك كنت فرغت فوق راسك ما بارد مقلاسي بلاك تفطني السيد دار حياتو و راه كل يوم يعيط للمادام و قريب يجيبها لدارو و انتي تبكي عليه في حالة وحدا برك تبكي عليه كون جا للدار و ماليك قالو لالا السيد كان في يدو باه يجي لعند ك عاه ماجاش لانو كان يتمسخر برك شوفي يا اختي انتي شوفي هذا الي جا خطبك اذا كان مليح و خاطيه و قلبك مارتاحلو والله مع الوقت راح تبغيه انتي في بالك الناس هاذو كامل الي راهم متزوجين كانو يبغو بعضاهم ا انتي كون هذا الانسان ماتعرفيهش كامل بلاك مي انتي راكي تقولي وليد خالتك معنتها تعرفيه انتي اتكلي على ربي و هو ان شاء الله يسهلها و اذا كانت خير ربي يقربولك وصلي صلاة الاستخارة مرة ومرتين وثلاثة وربي يقدم مافيه الخير .
ونصيحة مني اخت لاختها هاذاك اللي مايستاهلكش راه بدلك نورمالمو كي سمعتي راه خطب وقالك صايي الكلمة من عند الرخيس ماتجرح ماتقيس خبي دموعك يجي النهار وتسحقيهم ههههههههههههههههههههههه وانسايه واتكلي على ربي معا وليد خالتك .وربي يوفقنا جميع

[الجليس الصلح]

أرى أن تقبلي بمن أراد أن يخطبك والحب يأتي مع العشرة انساي الأول ما يستلكش وادعي الله يوفقك

[شخصية نرجسية]

كيف تسمح لك كرامتك أصلا في التفكير بالشاب الاول ؟؟؟؟؟؟؟؟؟؟؟؟؟؟هل تسمين هدا حبا بل دا خب انت فقط اعتبرته حبا اما هو فقد مضى و بنى حياته و انت بقيت تبكين على الأطلالل و كانك قد مت؟؟؟؟؟؟؟.....لا تكون هكدا الفتاة المسلمة و لا تكون هكدا الفتاة القوية أولا توبي توبة نصوحا لربك و اخجلي كيف ادا نظر ربك لقبك و انت تكادين تجعلين حب تافه أكبر مه افهمي أن الاول لا يستحق حبك و أنك فق كنت أداة لتمضية الوقت و أقبلي بالتاني و توبي و لا تغرنك ما ترينها ففي النهاية أنت مسلمة و يجب أن تعرفي حدودك زواج سعيد....

[23nm]

[معظم الردود ما شاء الله وتصب في إتجاه واحد إن لم تفدك عليك متابعة طبيب نفسي في القريب العاجل والعلم لله...... نتمنى لك حياة ملؤها السعادة

[سعاذ]

سلام عليكم
اولا اختي شوفي لي حبيتيه واش دارلك خلاك وراح واحدة اخرى
بصح ربي مافيه غير الخير عوضك عليه بواحد خير منوا
ماضيعيهش من يدك خاطر لوكان ضيعيه رايحا تندمي بزاف
وباه ماتندميش على القرار لي رايحا تتخذيه
ماعليك غير بصلاة الاستخارة

[lilou f lilou a]

استني لي تحبيه خيرلك ههههههههه
فيقي لروحك كون جا يحبك راه خطبك

[اميرة باحتشامي]

الاخوة والاخوات وفاو وكفاو

احمدي ربي لي مازالك على بر الامان

توكلي على ربي



وهو يسهلك امورك