من يسمي الولد ؟؟؟

[** موحدة 02 **]

السلام عليكم و رحمة الله و بركاته


الزوجة حاامل

الكل سعيد لانها ستنجب ولدا و سيتحقق حلم الزوجين

الزوج يحلم بولد يسميه **عبد المؤمن**

الزوجة تحلم بولد تسميه **محمد**

الحماة *ام الزوج* تريد ان يسمى الطفل على اسم اخوها

مع العلم ان الاسم الثلاثي مرفوض من الاطراف الثلاثة

اين الحل ؟؟؟ و كيف ترى تدخل الحماة في المسألة؟؟ هل الامر يخص الزوجين وحدهما ام ان للام منه نصيب؟؟

[أمآآآآني البنفسج]

و عليكم السلام و رحمة الله تعالى و بركاته

احتراما و تقديرا للحماة الأولى أن يسمى بما اقترحته

و لكن مادام الاسم المقترح منها هو " الجيلالي "

فالأفضل لو يسمى الولد .. محمد عبد المؤمن .. أفضل بكثير من الجيلالي

و يبقى مجرد راي :)

[أم معاذ أم معاذ]

كيما قالت عجوزتي
هذا بنتكم مش بنتي أنا
سموها كيما تحبو

و فيما بين الزوجين أنا ولدي كنت حابة نسميه إسم آخر و زوجي حاب يسمي ه إسم مش عاجبني
من بعد قلتلو
إنت سمي الذكور و أنا نسمي الإناث و هكا اتفقنا ههههههههههه


نظن مش المشكل في شكون يسمي المهم التفاهم فقط و ما يديروش المشاكل على جال مجرد إسم

[/زهرة عصفور الجنة/]

لتفادي الخلافات أنصحك خيروها بين 3أسامي وتختار واحدا '(ياختي هي سمات ولدها ونتي فالحق تسمي ولادك)

[السَّحابة البيضاءْ]

وعليكم السلام


نفس الامر مع زوجة خالي حبت تسمي وليدها باسم وجداتي اصرت على تسميته باسم جدي - رحمه الله -

رضخت للامر الواقع ههه وانتقمت بطريقتها في ان سمت المولود الثاني بما اختارته هي " عماد سليم الدين "


من باب الاحترام يلبوا رغبة الحماة وفي الدفتر يضيفوا اسم محمد ويبقى اسم عبد الؤمن ينادى به غي البيت من قبل والديه


باش مايزعف حتى واحد :):):):):):)

[SOUSOU. DZ]

انا ندير كيما زوجة عمي قاتلهم عليا ننجب ونتوما سمو واش تحبو

المهم يكون شباب وماشي قديم وصاي

[الأمنيات]

انا ارى ان تسمية الولد من حق الزوجين لكن فيه عادات تدخل الاهل اي الوادلين
يحبوا يسمواعلى جدودهم او ابنائهم
لكن ارى يبقل الراي للزوجين لا دخل لاحد في ذلك

الله يوفق ونبقى نقوا الجنين يولد باسمه ربي اختار له كل شيئ مقدر ومكتوب

[faridos]

من ناحية الدين الاولوية تعود للآ باء ..لان هذا مذكور في القران ...( .....يدعون باسماء آ بائهم).




http://islamqa.info/ar/ref/87556

[soso sirin]

حنا والله ماعندناش هذا المشكل في الدار بابا و ماما مايدخلوش رواحهم في الاسماء كامل و مرة خويا تقولنا المهم سموهم اسماء شابين برك و حنا نمدو الاسماء و منبعد تشوف هي و راجلها واش تختار معنتها الاسم لازم يكون مليح بزاف و المشكل دايمن يبقاو في والديا لانهم مايجو ينطقو الاسم حتى يتعذبو

[عربية الهوية]

اذا كان الابن الاول من حق الزوج يسميه وبالنسبة للحماة لا دخل لها

[سلمى_2008]

السلااااااام عليكم حنا في دارنا ماما هي الي تسمي بابا عمرو مادخل في الصوالح هاادو مي اخي جدااتي هي الي سمااتو اما انا صااااااااااااااي سميييت ولدي وبنتي قبل منلقى الرااااجل ههههههه المهم انا حابة اسم لؤي وللبنت اسم ارييج والباقي يسميوهم هوما مااعندييش مشكل ان شاء الله حتى علجية المهم لؤي واريج كاينين ههههه

[soso sirin]

اخت سلمى انا وليد خويا سماه باباه لؤي على واحد كان يخدم معاه من فلسطين.مي نقلك حاجة بابا مسكين تعذب باه حفظو و شحال باه عيطلو بيه و ماما ماتقولوش لؤي تقلو لعي قاتنا اسماء تاع العجب راكم تسموهم كي تولي تعيطلو تقتلني بالضحك.ربي ان شاء الله يلاقيك مع بابات لؤي و اريج و ان شاء الله يكون ولد حلال مي بلاكي تخليهم يسموها علجية هههههههه

[سلمى_2008]

ههههههههههههههههههههه اضحك الله سنك انا منتعبهااش نقولها تقولو لولو برك ههههه اميييييييييين حبيبتيبي سوسو ولكي بالمثل

[hanouna14]

ana nechouf anou waledin yatefahemou wa yesamiw banehoum kima yehabou kima ana daret meha rajeli anedena tefoul fi omerou chahrin wasemou louay djamel ddine

[فتـ حييةـاة]

السلااااااام عليكم حنا في دارنا ماما هي الي تسمي بابا عمرو مادخل في الصوالح هاادو مي اخي جدااتي هي الي سمااتو اما انا صااااااااااااااي سميييت ولدي وبنتي قبل منلقى الرااااجل ههههههه المهم انا حابة اسم لؤي وللبنت اسم ارييج والباقي يسميوهم هوما مااعندييش مشكل ان شاء الله حتى علجية المهم لؤي واريج كاينين ههههه

حنا رانا عكسكم تماما كلنا سمانا ابي بالبنات بالاولاد :19:

[فتـ حييةـاة]

اهلا اختي هاذي غيبة
احسن حل تقوليلهم خلوه حتى يزيد وسموه :mad: ..............بيد مايكون هو زاد يكونو هوما نساو وسمي انتي وزوجك واش تحبو :)............ راكي عارفة العجايز مساكين كي الاطفال يبغو المساعفة قوليلها صحا مش وقت هاذ الهدرة وكي تنسيها سميه كيما تبغي:19:

[الجزائرية المحبوبة]

وعلات تحقروا في العجايز
راهم يعرفوا يسموا الاولاد
انا خليتها تسمي الكبار بنت ولد
والله اسامي شباب

ومن بعد كل واحد من اولادي يسمى اذا كان بنت تسميه اخته واذا كان ولد يسميه اخوه
ومشكل تحل

[** موحدة 02 **]

و عليكم السلام و رحمة الله تعالى و بركاته

احتراما و تقديرا للحماة الأولى أن يسمى بما اقترحته

و لكن مادام الاسم المقترح منها هو " الجيلالي "

فالأفضل لو يسمى الولد .. محمد عبد المؤمن .. أفضل بكثير من الجيلالي

و يبقى مجرد راي :)

شكرا وبارك الله فيك هو المشكل في الجيلالي... يعني نترك اسم الرسول صلى الله عليه و سلم و نسمو الجيلالي ؟؟؟

[** موحدة 02 **]

كيما قالت عجوزتي
هذا بنتكم مش بنتي أنا
سموها كيما تحبو

و فيما بين الزوجين أنا ولدي كنت حابة نسميه إسم آخر و زوجي حاب يسمي ه إسم مش عاجبني
من بعد قلتلو
إنت سمي الذكور و أنا نسمي الإناث و هكا اتفقنا ههههههههههه


نظن مش المشكل في شكون يسمي المهم التفاهم فقط و ما يديروش المشاكل على جال مجرد إسم

الله يباركلك في عجوزتك و في زوجك و في أولادك..المشكل هنا مش شكون يسمي المشكل في الاسم في حد ذاتو..وش تديري انت في موقف كيما هذا ؟

[** موحدة 02 **]

لتفادي الخلافات أنصحك خيروها بين 3أسامي وتختار واحدا '(ياختي هي سمات ولدها ونتي فالحق تسمي ولادك)

المشكل انو عندها اربع كناين قع راهم بالحمل بولد و لم تسمي ايا منهم الا هذا ...و كلهم كانو احرار في تسمية اولادهم و لم تقترح عليهم الاسم اصلا...:mad:

[** موحدة 02 **]

وعليكم السلام


نفس الامر مع زوجة خالي حبت تسمي وليدها باسم وجداتي اصرت على تسميته باسم جدي - رحمه الله -

رضخت للامر الواقع ههه وانتقمت بطريقتها في ان سمت المولود الثاني بما اختارته هي " عماد سليم الدين "


من باب الاحترام يلبوا رغبة الحماة وفي الدفتر يضيفوا اسم محمد ويبقى اسم عبد الؤمن ينادى به غي البيت من قبل والديه


باش مايزعف حتى واحد :):):):):):)

بارك الله فيك ... الاهم ارضاء الحماة من باب الاحترام كما قلت بصح نظن الزعاف فيها فيها

[** موحدة 02 **]

انا ندير كيما زوجة عمي قاتلهم عليا ننجب ونتوما سمو واش تحبو

المهم يكون شباب وماشي قديم وصاي

المهم يكون شباب و ماشي قديم و صاي .. وش رايك في الجيلالي؟؟

الأمنيات انا ارى ان تسمية الولد من حق الزوجين لكن فيه عادات تدخل الاهل اي الوادلين
يحبوا يسمواعلى جدودهم او ابنائهم
لكن ارى يبقل الراي للزوجين لا دخل لاحد في ذلك

الله يوفق ونبقى نقوا الجنين يولد باسمه ربي اختار له كل شيئ مقدر ومكتوب

رأي صائب بارك الله فيك.. الفرق بينا و بين الناس الكبار انهم ما يعرفوش بللي الوقت راه تبدل و عقلية زمان راحت مع ناس زمان حنا نهدروا و نقولو لكن الولد راه باسمه عند الله جل و علا ..شكرا

[** موحدة 02 **]

faridos من ناحية الدين الاولوية تعود للآ باء ..لان هذا مذكور في القران ...( .....يدعون باسماء آ بائهم).

ايه ننعم ينادون يوم القيامو باسماء ابائهن يعني فلان بن فلان و الدين لم يجعل اولوية لمن يسمي الولد... شكرا على الرد

soso sirin حنا والله ماعندناش هذا المشكل في الدار بابا و ماما مايدخلوش رواحهم في الاسماء كامل و مرة خويا تقولنا المهم سموهم اسماء شابين برك و حنا نمدو الاسماء و منبعد تشوف هي و راجلها واش تختار معنتها الاسم لازم يكون مليح بزاف و المشكل دايمن يبقاو في والديا لانهم مايجو ينطقو الاسم حتى يتعذبو

الله يخليلك والديك و يحفظهم حتى والديا كيما والديك و وليد خويا اسمو لؤي و امي تعيطلو **لعي** و انفال تعيطلها **امثال**

عربية الهوية اذا كان الابن الاول من حق الزوج يسميه وبالنسبة للحماة لا دخل لها

الابن الاول اما الحماة فلها من الاحفاد اللهم بارك مالها و كما ذكرت راهم اربع كناين كاامل بالحمل بالولد و لم تسمي اي واحد فيهم الا هذا ..

سلمى_2008 السلااااااام عليكم حنا في دارنا ماما هي الي تسمي بابا عمرو مادخل في الصوالح هاادو مي اخي جدااتي هي الي سمااتو اما انا صااااااااااااااي سميييت ولدي وبنتي قبل منلقى الرااااجل ههههههه المهم انا حابة اسم لؤي وللبنت اسم ارييج والباقي يسميوهم هوما مااعندييش مشكل ان شاء الله حتى علجية المهم لؤي واريج كاينين ههههه

ايييه الله يرزقك الزوج و ممبعد لؤي و اريج و يبعد عليك العجوز اللي تشرطلك في اسماء اولادك

hanouna14 ana nechouf anou waledin yatefahemou wa yesamiw banehoum kima yehabou kima ana daret meha rajeli anedena tefoul fi omerou chahrin wasemou louay djamel ddine

الله يباركلك في زوجك و في لؤي** راني نشوف هذا الاسم راه ماشي بزاااف في هاذ الصفحة ** و الله تدخل الحموات هكذا مشكل صح

[** موحدة 02 **]

اهلا اختي هاذي غيبة
احسن حل تقوليلهم خلوه حتى يزيد وسموه :mad: ..............بيد مايكون هو زاد يكونو هوما نساو وسمي انتي وزوجك واش تحبو :)............ راكي عارفة العجايز مساكين كي الاطفال يبغو المساعفة قوليلها صحا مش وقت هاذ الهدرة وكي تنسيها سميه كيما تبغي:19:

ايييه هاذي بالذات صرات مع اخوها **الجيلالي اخو الحماة** قالولو ايييه و كي زاد الطفل اضافولو اسم *محمد* في الكارني زعف و طرد وليدو و كنتو عند اهلها حتى جاوه الناس بعد شهور و شهور بالجاه بش رضا و نحاو اسم محمد من اسم الطفل... يا ختي الكبار راهم مش ساهلين.. الله يجيبها الخير ساعتها .. شكرا بارك الله فيك

اما الغيبة راني كنت في دارنا و طولت بحكم البعد بابا راح اعتمر و رجع

[** موحدة 02 **]

وعلات تحقروا في العجايز
راهم يعرفوا يسموا الاولاد
انا خليتها تسمي الكبار بنت ولد
والله اسامي شباب

ومن بعد كل واحد من اولادي يسمى اذا كان بنت تسميه اخته واذا كان ولد يسميه اخوه
ومشكل تحل

و الله هاذ العجوز طيبة لكن في هاذي النقطة بالذات ماعرفنا وش صرالها
ياختي اللي تسمي الجيلالي راهي تعرف تسمي ؟؟ على فكرة كثر خيرها مدت اختيارات بين الجيلالي و بلقاسم . و ارجعي برك شوية في الردود تعرفي شكون اللي راه يحقر صح