وليد خويا محيرني

[امينة مناد]

سلام عليكم
خويا زاد عندوا مولود جديد وبعد ايام ضهر عندوا بوصفاير وعندما اخده اخي لطبيبة قالت له وبدون تردد ان ابنه عنده لكوات وسيصبح مختل عقليا حينما يكبر
ايعقل هدا بدون ما تقوم باي تحاليل او راديوا قالت هدا الكلام وبدون ان تراعي مشاعر اخي المسكين
لو كان مختل لضهرت الصفات قبل الولادة ولكن جميع الطبيبات النسائية قالت قبل الولادة انه طفل عادي وفي وجهه لا يحمل سمات اطفال التوحيد ................ايعقل ان يكون مولود جديد يحمل لكوات
من لها اي معلومات حول هدا تخبرني وتفيدني
لكم جزيل الشكر والاحترام

[z.abdo]

ارى من الأحسن تشوفي طبيبة أخرى

احيانا نحتار في كلام الاطباء

[SOUSOU. DZ]

لالا ختي ننصحك شوفي طبيبة اخرى باسكو متقدرش تشخص طفل وتحكم عليه قبل ماتجري تحاليل وانا اظن اكثر اطفال لما تزيد تكون فيها بوصفير واحسن ايضا ديرولو دواء العرب كيما يقولو وربي يشفي كل مرضى

[أم ياسين الزهراء]

اختي ولادي كامل حكمهم بوصفاير وهذا عادي ومانديرلهم والو يرضعو مني برك والافضل روحو لطبيب معروف وكبير وهذي الهدرة تكون بتحاليل ربي يهدينا

[الجزائرية المحبوبة]

اذا ولد معه بوصفير وراح من اسبوع متخافيش

راها بنتى صارلها هكذا وعالجتها والحمدلله

[** موحدة 02 **]

السلام عليكم
بوصفير ماهوش مشكل كبير و كثير من الرضع يزيدو بيه و يروح ..المهم تابعولو المعالجة و هاذي الطبيبة هي اللي عندها التوحد ماشي الييبي
مبروك عليكم المولود

[السَّحابة البيضاءْ]

روحي لطبيب مختص أفضل

[houda4]

شوفي طبيب مختص في الاطفال يكون مشهور وجراح
ونصيحة مني الا كان بوصفاير راهو يروح بسرعة عادي ماشي خطير
والا ظهر مرض آخر انا اعرف ناس زادو عندهم اولاد مصابون بمرض الحل اسمه الحل يعني عظام الجمجمة غير ملتئمين يكونوا هذو الاطفال يرجعوا رؤوسهم للوراء وميقدروش يحكموا رؤوسهم ثابثين وهذي تبان كي يكبر شوية كاين امرأة من ضواحي سكيكدة تداوي دواء عرب فعال جدا حدا وهذوا الاولاد شفيوا تماما
الا هذا المرض لا سمح الله عندوا الدواء اتصلي بي نعطيك العنوان
كيما قلت لك كاين عظام الجمجمة كاين فراغ في وسط الراس هظاك عادي يروح في العام الاول اي يلتأم لكن تحسسوا باقي عظام الجمجمة من الجبهة والاتجاهات كامل الا كاين فراغات هذا اسموا الحل واللي يتعالج في الصغر يشفى سريعا جدا
بلاك خرجت على الموضوع لكن حبيت نفيد برك

[أم سراج الدين]

مبروك عليكم المزيود الجديد يتربى في عزكم ان شاء الله

انا ثاني وليدي دارلو و قالتلي عجوزتي نديرولو لويزة ذهب علقتهالو فوق قشو و الطبيبة ثاني اكدتلي قول عجوزتي

و الشافي هو الله

نتمنى كل خير ان شاء الله للمولود و الطبيبة ربي يهديها