الزواج عبر المنتديات والانترنت ؟

[سارة2222]

مساء الخير ...اريد أن اعرف رأيكم في من تتزوج عن طريق المنتديات ..فمثلا يتقدم لها شاب من المنتديات ..ويطلب يدها للزواج .

هل سينجح هذا الزواج ؟ ام سيكون مصيره الفشل ؟ اتمنى أن أجد عندكم الاجابة الوافية ...شكرا لكم

[blackTears]

اهلا أختي العزيزة و موضوع جميل جدا تشكرين عليه
للزواج طرق عدة و منها كما ذكرت بالأنترنيت
أنا عن نفسي تبانلي مخاطرة أن الفتاة تتزوج عن طريق الإنترنيت لانك متعرفيش السيد مليح و أي واحد يقلك أنه يتمسخر فقط يعني لازم يكون قلبك صحيح .
وعلى قد مافيها مخاطرة على قد مافيها رومانسية جميلة وصادقة .
أما عن النجاح لا توجد قاعدة محددة . الزواج الذي لا يدوم هو المبني على المظاهر و لإشباع الغريزة فقط
أما الزواج الذي يدوم يكون مبني على الدين و أساسه التفاهم
تقبلي مروري أختي

[فتـ حييةـاة]

الله اعلم الزواج عن طريق المنتديات .........او الهاتف......... او .........النت .........او الشارع......... او الحب .........او العائلة ..................... لايستطيع احد ان يتنبا بنجاحه او فشله ........شكرا

[سارة2222]

شكرا أختي ...لكن انا اتكلم عن العلاقة الحقيقية ...يعني يرد ان يتقدم للوالد ..

[فتـ حييةـاة]

فهمت قصدك اختي

[سارة2222]

مساء الخير كنت انتظر نصائح كثيرة ...

[سارة البوسعادية]

الرجل الشرقي بصفة العموم ينضر نضرة ممممممممممممممممممممممم مانعرف كيفاش للفتاة الي تدخل النت على انها لعوب وتحاول اخفاء شخصيتها الحقيقية
لهذا اعتبر فيها مجازفة

[imi02i]

السلام عليكم


بصراحـة :

لانستطـيع ان نحكم على الزواج عبر الإنترنيت

مرت يكون فاشل ومرات يكون ناجح

مثلـه مثل أي زواج آخـر

شكرا جزيلا لك أختي

[imi02i]

الرجل الشرقي بصفة العموم ينضر نضرة ممممممممممممممممممممممم مانعرف كيفاش للفتاة الي تدخل النت على انها لعوب وتحاول اخفاء شخصيتها الحقيقية
لهذا اعتبر فيها مجازفة

فهامة النقص
واش حبيتي تديري

[oprah]

لا تهم كيفاش عرفتيه المهم عقليتو و آسكو تتفهمو في العقليه
قادر نتاع النت ينجح و نتاع التقليدي يفشل
حبيبتي الحب و الزواج معندوش قاعده توكلي على ربي و عليك بصلاة الاستخاره من دورك حتى يقولو غدوه عرسك باذن الله
أنا تبالي نورمال اطا مقتنعه بيه سهلي على ربي

[منهاج]

السلام عليكم

الصراحة ختي دروك االزواج راه مهدد بالخطر ، وكل الطرق فيها الفشل اكثر من النجاح ، لكن لا يصح الا الصحيح

مكانش كيما يجي للدار ويطرق الباب لا عير انترنت ولا هاتف ولا غيرها لانو الزواج مشي يوم راه عمر وتاني لما

يقوم اي مشكل بين الزوجين اول حاجة تتعاير بيها الزوجة هي معرفتها من النت ويبى الشك فيها الى يوم الدين

والراجل لراجل ما تقولي متفتح ولا معقد خاصة في هده النقطة

[blackTears]

[quote=سارة2222;10292316]مساء الخير ...اريد أن اعرف رأيكم في من تتزوج عن طريق المنتديات ..فمثلا يتقدم لها شاب من المنتديات ..ويطلب يدها للزواج .

هل سينجح هذا الزواج ؟ ام سيكون مصيره الفشل ؟ اتمنى أن أجد عندكم الاجابة الوافية ...شكرا لكم


أختي العزيزة
يجب أن تعرفي قبلا الظروف و المنطقة التي ستذهبين إليها
بعيدة أو قريبة العادات و التقاليد ................................
والله نتمناو تنجحلك هذه الطريقة خاصة إذا كان عاجبك و عاجباتو بزاف

[sarl02]

هناك عدة نماذج زيجات تمت بواسطة النت سواء احد الطرفين من الخارج او كلاهما من داخل الوطن وهي ناجحة جدا ....ما انضخمو الامر ما والو ...النت تعتبر مجرد وسيلة للتعارف الجاد المسبق ..وبعدها اكيد كل شيء راح يجسد على ارض الواقع اذا تم التجاوب بين الطرفين ..هذا الشخص موش راح يزوج بيك عبر كوابل الشبكة العنكبوتية ...النت مجرد وسيلة الانطلاق فقط ليس الا وبعدها بفترة وان تمت الامور ستنسى تماما لان المهم قد تحقق وتم الزواج ...والنجاح والفشل في الزواج ليس له علاقة تماما بوسيلة التعارف ....يعني كيما اشوفك في لاري ولا فالبوس ولا فالخدمة ولا فالجامعة وبعدها يتقدملك نفس الشيء يتعرف عليك بواسطة النت وامبعد يتقدملك وكيما يتعرف بالطريقةة الاولى وامبعد ابدل رايو لسبب من الاسباب قادر يحدث نفس الشيء بالنسبة لطريقة تعارف النت .............يعني خلاصة القول الامر كله مبني على سلامة النية والايجاب والقبول بين الطرفين ماشي مبني على وسيلة التعارف بحد ذاتها.

[madir15]

لا حول ولا قوة الا بالله العلي العظيم.

[نيفرتيتي.]

اختي خليه يجي للدار وشوفوه واهدرو معاه نت تعتبر وسيلة متطورة فقط كانو قبل يتعارفو بالخطابات اي انهم النسا يشوفو ويروحو يخطبو والعريس مايشوفش مرته غير نهار العرس ونجح الزواج مابالك انك راح تتعرفي عليه وقت الخطبة

[faty05]

يمكنه ان ينجح اذا دخل اطراف اخري من كلا الجانبين
و لازم يسقسو علا بعض
و كما قال طبيب نفسي هو جيد من ناحية انه يمكنهم التعرف علا بعض جيدا

[سارة2222]

مساء الخير ...يعني الأغلبية لا يرون مانع شكرا لكم اخواتي ..واخواني .

[عمار79]

لا أنصح به ....مجرد رأي

[حفيظة 1]

حتى يجي لدار واحكمي عليييييييييييييييييييييييييييه

[نيل المنى]

و لما لا؟
يجي للدار و يسقسو عليه و تديري الاستخارة.
و اللي فيه الخير ربي يجيبو و الا ما عجبش والديك تكوني ما خسرتي والو.
بالتوفيق.

[ليلى الأمل]

وما الخطأ في دلك ماادم تقدم رسميا ستتعرفين عليه وتسألون عليه

اما انكما التقيتما في منتدى فما العيب في دلك

:confused::confused:

[head black]

الحذر ثم الحذر من اللعابين عبر النت

[نور اليقين جيداء]

عادي يقدر ينجح و يقدر يفشل و النت راهي غير طريقة من الطرق و انا نعرف شحال من وحدة زوجت من النت

[راجي الشهادة]

لا يهم الوسيلة طالما الغاية واحدة والاهم هو الدين والخلق.

[amira chaba]

تختلف طرق التعارف و يبقى التنبؤ بنجاح الزواج او فشله في علم الغيب
أظن انه لا يوجد مشكل في هذا خصوصا اذا كانت طريقه تفكره وكلامه تعجبك
المهم ان تتعرفي عليه اكثر و الاهم هو ان تحافظي على نفسك و قلبك
بالتوفيق

[faraday_dz]

التعارف في النات قصد الزواج فيه مخاطرة كبيرة
يعني كاين لي طيح فواحد محترف في الهدرة و النات و يديرلها وهم كبير ومنبعد تولي نكسة
انا اتفق مع الاخ او الاخت لي قال انو وسيلة ولكن مالازمش نبنو عليها بزاف امل
واللي نيتها مليحة ولا نيتو مليحة الله يفتح عليهم و يعطيهم ما يتمناو ان انشاء الله

[hocine2007347]

لا يمكن ان يحكم على هذا الزواج بالفشل والعكس صحيحة فقط النية والتوافق وطاعة الرب في ذالك من تقرر وفقك الله
ولا تنسي نوعية الاشخاص تقبلي مرورييييييييييييييييييييييييييييييييييييييي

[ترب الندى]

هو كغيره محكو عليه بالفشل او النجاح
كل حسب شخصه
و حسب التوافق

[سارة2222]

ضرك هو راه حاب يتقدم لكن انا منيش قادرة نتزوج ضرك ...اوضاعي متسمحش ...وراني خايفة يخليني ويتزوج ...انصحوني

[(الانسان الوفي)]

توكلي على الله أختي ...وتزوجي

[هدى الجيجلية]

السلام عليكم
أنا أعرف وحده
معرفة شخصية
توزجت قبل رمضان
زوجها من واد سوووف
هي من جيجل وتعرفت عليه
عبر الفيس بوك

[لحن الفرح]

السلام عليكم
اختي انا احيذ صداقة فقط وصداقة محترمة .

[تائبة الى ربها]

لا يكمن لأحد أن يضمن لك نجاحه أو فشله...و لا نجاح أو فشل أي زواج آخر بأي طريقة كان, لكن تظهر مسألة أخرى تتمثل في جواز زواج بهذه الوسيلة؟؟

[ما فهمت والو]

عادي جدا النت وسيلة من وسائل التعارف حاليا مثلها مثل الهاتف او اي وسيلة اخرى المهم اخلاق الشاب او الفتاه و زيد مش كل من يدخل النت سيء او يلعب بالناس انا عن نفسي ماعنديش مشكل ادا لقيت فتاة تتوفر فيها المواصفات اللي راني حابهم

[سارة2222]

عادي جدا النت وسيلة من وسائل التعارف حاليا مثلها مثل الهاتف او اي وسيلة اخرى المهم اخلاق الشاب او الفتاه و زيد مش كل من يدخل النت سيء او يلعب بالناس انا عن نفسي ماعنديش مشكل ادا لقيت فتاة تتوفر فيها المواصفات اللي راني حابهم

شكرا خويا على الرد .......

[نور نسمة]

اختي لا تقلقي نفسك انصحك بالاستخارة لا غير، فما خاب من استخار فوضي أمرك إلى الله ..... فهو معنى التوكل عليه..فنحن لانملك حولا ولا قوة ولا علما...وأن الله كافينا وقائم على أمورنا ومصالحنا.....سواء كان زواج النت او هاتف او عن طريق اشخاص فهده إلا مسببات...المهم هو النية الصادقة الموجودة عند كل منكما و هدا ما يجب ان تتأكدي منه من الطرف الآخر...و بعدما يتبن لك الأمر بالإستخارة -اتمنى ان يكون خيرا لك-...يتقدم اليك و ارسلي اهلك للسؤال عليه... انت تكوني من قبل تعرفي أِشياء عليه و اهلك يزيدو يعرفو كثر كثر ....أتمنى أن نسمع أخبار سارة عنكما..مع تمنياتي بالتوفيق:)

[ToXiC_Dz]

ممكن وعلاش لا
مي ممكن تاني الواحد و لا الوحدة يلقاش العقلية لي يتمناها ف الشريك
مع اول ولا ثاني ولا حتى عاشر علاقة من هاذ النوع
النجاح مضمون سيرتو اذا التزمو الصدق بين زوج و واحد ما شبح روحو بصفات مافيهش
لانو اكثر شيء قادر يخسر العلاقة هو الخداع
واذا تفاهمو و قبلو بعضاهم الراجل لي ناوي الحلال صح يجي للباب يطبب
و ربي يتمم بالخير