بساطات البونج والصوف قسنطينة

[فداك يا أمي]

السلام عليكم ورحمة الله تعالى وبركاته
من فضلكم حبيباتى شكون تعرف بلاصة او خياط او خياطة دير لبساطات تاع الصوف او لبونج ملاح ومتقونين فى قسنطينة
جزاكم الله كل خير
..............................
وربى يقدرنا رايحين نموتوا مع الشورة هدى
انتضر ردكم اخواتى:19::19::19::19::19::19:

[katrine]

كاين خياط فالمدينة الجديدة بالقرب من اسواق الرتاج يطرح المطارح ويخدم البساطات

[سيف النور]

قوليلي وين تسكني بالاك نقدر نخدمهوملك

[فداك يا أمي]

قوليلي وين تسكني بالاك نقدر نخدمهوملك
نسكن فى قسنطينة فى بو الصوف قوللى انت واش من بلاصة نجيك

[فداك يا أمي]

كاين خياط فالمدينة الجديدة بالقرب من اسواق الرتاج يطرح المطارح ويخدم البساطات
شكرا للك حبيبتى قوللى كيفاه اسموا و بقداه يديرهم

[فداك يا أمي]

رانى انتضر فى ردكم حبيباتى

[فداك يا أمي]

اين انتم يا بنات منطقتى 25

[sisi_25]

لكل من تبحث عن خياطة في قسنطينة و الخروب :dj_17::mh92:

[manel dima]

حنونتي أنا من ولاية ميلة وبالضبط وادي العثمانية ، علابالي بلي تعرفيها كيما نعرف أنا بوالصوف هههههههه
جارتنا تخدمهم تحفة ، واش نقولك كامل راهم قاعدين يخدمو عندها

[samiha5995]

الله غالب انا نسكن بعيد ربي يقربني

[سيف النور]

راني في الخروب ادا مازال ماخدمتيش بساطاتاك قوليلي

[maiar]

انا تاعي خيطتهم عند وحدة فالكاطريام اذا تعرفيها

[espadora]

السلام عليك اختي انا راني في الخروب كاين خياطة مليحة في الخروب خدمت عندها و درت عندها بساطات تاع الزورة و البونج و الله دارتلي مليح حتى خيطت عندها شورتي كاملة و موديلات مليحة طرحتلي بساط تاع الزورة تاع 2 الوان ب 800 دج برك و الرشمة لي تحبي ديرهالك حتى بساطات الصوف ديرهم مليح راهي في العمارة لي قدام سبيطار تاع الخروب تلقاي حانوت مكتوب فيه فن الخياطة و قدامها صيدلية تبيع materieles médicale و حانوت يبيع اثاث و مواد غدائية و الله روحي عندها راهي تخيط مليح

[la minouche]

لكل من تبحث عن خياطة في قسنطينة و الخروب :dj_17::mh92:
ana nebhat 3la khaiata goulili win nelkak

[الحب الأول]

سلااااااااااااااااااااام البنات
حنونتي أنا خيطت البساطات تاعي في المدينة الجديدة عند وحدة إسمها أمال درك اي زوجت لكن ما زالو خواتاتها و خيطو علكيف
بساطات صالون كوفرلي كوات
و البساطات تاعي جاو يهبلو أديتلها القماش و الزاورة و هي من عندها اللواط
اللواط تاعها خشين مش هاداك الخفيف و سقاملي الواحد فيهم ب 1100 دج
و خيطت عندها كوات والله العظيم تحفة ديتلها درا 6 متر دارتلي كوات و 2 مخاد و حشاتهالي باللواط سقامتلي ب 2100 دج
خسارة مخبيين بعيد كون نجبدهم في اقرب وقت نصورهملك إنشاء الله

[sisi_25]

انا من لوناما ممكن تتصلي بيا 0697549000 لكن الان حبست الخياطة حتى نولد راني في شهري غلبت بزاف راني الان في الخروب عند بيت بابا

[فداك يا أمي]

السلام عليك اختي انا راني في الخروب كاين خياطة مليحة في الخروب خدمت عندها و درت عندها بساطات تاع الزورة و البونج و الله دارتلي مليح حتى خيطت عندها شورتي كاملة و موديلات مليحة طرحتلي بساط تاع الزورة تاع 2 الوان ب 800 دج برك و الرشمة لي تحبي ديرهالك حتى بساطات الصوف ديرهم مليح راهي في العمارة لي قدام سبيطار تاع الخروب تلقاي حانوت مكتوب فيه فن الخياطة و قدامها صيدلية تبيع materieles médicale و حانوت يبيع اثاث و مواد غدائية و الله روحي عندها راهي تخيط مليح
قولليلي أختي هل هي قدام طبيب اسنان

[زهوة علام]

مساء الخير للجميع الحقيقة أن هذه العادة تاع البساطات ولات مشكل كبير خاصة أن جميع العرايس يحبوا يتعاندوا وديروا زي بعضاهم وأنا وحدة منهم ولهذا تعلمت نخدم البساطات أنا وأخواتي ومن بعد ولينا نبيعو فيهم من بساطات الولاد الصغار