ماعنديش اصدقاء

[مشكلتي]

انا فتاة عمري 15سنة مشكلتي اني مانيش خلطة مع الناس لاني متربية واحدي ماعنديش اخوة وانا من عائلة متمسكة ميخلوني نخرج نلعب البرا كي كنت صغيرة ماعنديش صاحبات ومنعرفش كيفاش ندير صديقة كانت عندي صاحبة واحدة ملي كنت في لابتدائ من طلعنا المتوسط بدلت المدينة حتي هيا معندهاش اخوة علي هك تفهمنا عدنا كي اخوة ولاصدقاء وكلش نشاركوه مع بعضنا بصح من الي راحت مدرتش صديقة واش ندير

[ايمان نور الجزائر]

اهلا اختي الصغيرة
راكي في بداية حياتك...لازم تتعلمي تحكي مع الناس وتهدري وتتبادلي اطراف الحديث
معاهم...شوفي بنات جيرانكم في كاش عرس والا حفلة والا بنات من المؤسسة الي تدرسي فيها
على الاقل تكون واحدة تتفاهمي معاها على بديهيات وتلقايها مليحة في اخلاقها
وهكا الصداقة تبدا وحدها كي تحسي الانسانة هاديك قريبة ليك رغم بعض اختلافات وجهات النظر
واذا عندك بنات في لافامي حاولي التقرب منهن باش ما تحسيش بالوحدة

[نصيرة أمي الحبيبة]

مكانش كيما الصداقة بصح كي تكون تاع الصح ماشي تاع الخداع حبيبتي قبل متعاشري اي وحدة لازم دير الف حساب خصوصا انك متعرفتي على حتى صديقة و هذا يخليك متعرفيش عقلية الناس كيفاش يخمو و راح تكون النية ديالك هي سلاح الغير لهذ ننصحك متكتريش الصحبة ديري وحدة ولا زوج تكونو متفهمين على الحلوة و المرة كيما خواتات

[منهاج]

السلام عليكم

قبل ما تصاحبي ننصحك تتقربي من امك وتصادقيها وتفهميها انك حاسة بوحدة لانو انتي مبتدئة في طريق الصحبة

وما عندك حتى خبرة ، شاهدي برامج في التلفزيون هادفة مثل" برنامج خطوة "حتى تتعرفي على الدنيا اكثر

مارسي هوايات حتى لا تحسي بالفراغ كالسباحة والجري وغيرها من الرياضات او الفنون لاخرى كالتطريز او الرسم على

الحرير ............... وما تدري الهواية في الصغر تتطور وتولي حرفة للكبر .

[أبو مجيد]

معليهش راني هنا انا خوك

[fullafifi]

وحد ة معندهاش صديقتها راني نحس الاحساس لتحسي به تحسي بالوحدة وكذالك يؤدي الي ضعف في الشخصية وكذالك يؤدي الي الاكتئاب والوحد يعود ميعرفش يتعامل
حبيبتي وضعك يوسفي وزادت كملت معندكش اختك
انا ننصحك اول خطواة ديري صحبتك هي امكي ثم شوفي في الاقارب مثل ابت خالتك اوخالك وابيت عمتكي....الخ ثم اخرجي الي المجتمع حولي تعاملي معه واكيد ستلقي اصديقاء وليس صديقة وحدة وكدلك ننصحك باش مش اي من هب ودب ديرة ها صديقتكي لزم تكون مثل اخلقك وحذاري من ريفاق السوء يعني قلي شكون صاحبك نقولك شكون انت ارجو ان تكوني قد استفدتي من بعض النصائح

[fullafifi]

وبعد كي مكررة هذي الظاهرة كاين ونعيشوها مش اول فتات معندهاش صديقتها وتعني مثلها

[fullafifi]

الأصدقاء الحقيقيون يصعب ايجادهم...يصعب تركهم...ويستحيل نسيانهم. عندماتعجز النفس ع.ن لقاء الأحبة.......فانها تشتاق لهم بصمت اني ارى ركود الماء يفسده فان*** سار طاب وان لم يسر لم يطبفالاسود لولا فراق الأرض ماافترست***والسهم لولا فراق القوس لم تصب:19::)

[jackin]

الأصدقاء الحقيقيون
يصعب ايجادهم

[أسطورة الخريف]

أخـتي الصغـيرة ..

كـم هـي مؤْلمـةٌ مـأْسَـاتـك ،، لكـنگ ستجـدين الحـلّ إن شـاء الله

مـنْ خـلال كـلامـك هـذا يتـبيّن لـي أنـك المـسؤولـة عـن عـدم وجـودْ الـأصدقـاء في حـياتـك لـا أهـلك !!

إنسـى فكـرة أهـلك مـتشدّدون و لَـمْ يتـركـونَـك تلعـبين عـندما كـنت صغـيرة ، بـل ركـزي عـلى فكـرة [ بـالأصدقـاء تحلـوا الـدنيـا ] ،، يجـب عليـك أن تنـدفعـي نحـو الحـياة .. ، .. لـابـدّ أن تعـثري عـلى صديقـة تـشاركين معهـا أفراحـك و أتراحـك .. و قـولي فـي نفسـك دائمًـا الصمـت و الـوحـدة مـاهمـا إلـا أمران يـزيدآنـك حـزنًـا فوْق حـزْنٍ ..
أنـت لمـ تجرّبي متعـة الصـداقـة في سنّ المراهقـة !!
و الله هـيَ شيْء حـلو ،، يجعـلك ترين دائمًـا الجـانب الـإيجابي مـن الحيـاهْ ..
أقـول لـك أختي لـا تفوتي هـاته الفرْصـة وانـطلقي بـاحثَـة عـن صـديقـة مخلصـهْ وفيـهْ و طيبـهْ تـعيشين معهـا الحـلْوَ و المـرَّ ♥
و إيـاك إيـاك مـن الوحـدة فهـي تخلف أثـارًا خـطيرة !!

[silent scarf]

حاولي تتعرفي بصديقات هنا في المنتدى
و ما تكثريش على روحك الصحابات الا اللي تعرفي اخلاقها مليحة و من عايلة محترمة

[salimsalm]

كوني صديقة لأمك
الوحدة خير من جليس السوء

[FARIDINFOPC]

انا راني اهنا في مكان خوك

[Mariam120]

الأصدقاء الحقيقيون
يصعب ايجادهم

[amar2012]

راني حاسة بيك أختي مام أنا عندي صديقة وحدة اخترتها لأنها طيبة القلب حسنة الأخلاق في الحقيقة لقد كانت قدوتي في الحياة وسندي الأكبر هي تكبرني الأشهر فقط ولكن الله أودع فيها عقلا أكبر من سنها لقد شاءت الظروف أن نفترق هذا العام ولكني اشتقت اليها كثيرا وكتبت لها ما يدور بخاطري ليس من السهل ايجاد صديقة مثلها فأنا كلما أردت البحث عن أخرى أحسست أني يمكن أن أكون بالنسبة للفتاة التي أصادقها كزهية(حبيبة قلبي ) ولكن يستحيل أن تكون هي كزهية بالنسبة الي لقد عرضت علي احدى الفتيات صداقتها لقد حاولت أن أحبها كما أحبتني لكني لم أستطع رغم عدم وجود أي عيب بها
آسفة كنت بصدد مساعدتك الا أنني وجدت نفسي مثلك فبدأت بالكتابة دون أن أحس
أحبك أحبك أحبك جدا زهية و أرجو أن تعودي لأني بحاجة اليك

[قضــــــــــــ وقدر ـــــــــــاء]

السلام عليكم
مع الوقت ستكسبين صديقات
فكلما انتقلت إلى سنة دراسية جديدة كلما زادت معرفتك بالفتيات أكثر
وأحسن صديقة هي الأم ثم الأم
أتمنى أ تحل مشكلتك
تحياتي