انا في كارثة

[mahboula15]

خاوتي والله ماراني مليحة عام كامل و انا نخدم بجدية و نقرا و نحفظ و دوكا راني حاسة روحي بزااافف عيانة ونسيت كلش رحت نشوف الفلسفة صبت روحي نسيت راني في كارثة كبرى حانهبل والله انا يا نهبل يانموت والصح راني حابة نموت لوكان ماننجحش والله غير نموووووووووت
ادعيولي معاكم دعوة المؤمن لأخيه في ضهر الغيب مستجابة
ياربي وفقنا كامل نجحنا ياالله انت وحدك اللي شفتنا واش قرينا و عيينا و تعذبنا يالله وفقنا و نجحنا وفرحنا يالرحمان يارحيم قولواا آآآآآآآآآآآآآآآآآآآآآآآآآآآآمممييينن بار الله فيكم

الحاجة اللي راهي غايضتني بزاافف هي أنو كنت دائما من التلاميذ المتفوقين وكنت دائما نجيب المرتبة الأولى في كل المراحل وبقيت صامدة وقوية حتى في الثانوي ولكن هاد العام تبحرت وليت نجيب 11 و10 المعدل انهرت تماما وتحطمت فقدت الثقة بنفسي ويأست وكرهت كلش وفقدت الأمل ولكن ان شاء الله نكمل حتى الدقيقة الأخيرة بواش كتب ربي واللي حبها ربي هاديك هيا على كل حال أنا متيقنة انو ربي كي دارلي هكا عندو حكمة في ذلك وشافلي الخير في هاد الشيء هادي هي ثقتي في الله لأنو ربي أبدا مايضلمنا ربي يوفقنا ان شاء الله

[أم الشهداء]

السلام عليكم ورحمة الله تعالى وبركاته

استغفري ربك أختاه ـــ

جميعنا نشعر بهذا الملل و التعب , لكن ثقي بنفسك و بالله تعالى ــ
شخصيا ـ توقفت عن الدراسة التي تمتدُ لساعات و و و ’ حاليا مراجعة سطحية
لأنني أعلمـ أنه و مع مرور الوقت ستزداد المعلومات التي تشوشني لا تفيدني
لهذا أنصحك أختاه أن تتركي الدراسة و أن ترفهي عن نفسك قليلا فما هكذا هي البكالوريا ــ
اضافة إلا أنني متيقنة كل اليقين انك لم تنسي شيئا بل أن التعب هو الذي يجعلك تشعرين بذلك ـــ

توكلي على الله
خير ان شاء الله ــــ
ـــ موفقون

سلامــ’ــــ

[zakidz2012]

هذا كلـــه خووف ، ،

[زكي bac]

شوفي ختي والله غير رانا كامل هكا
انا المات و الفيزياء ألي كنت مداير في بالي كي نروح ندي 20 ذرك منعرف وش صرالي الستيلو مانقدرش نحركو
راه الخوف برك
لازم انت ألي تغلبيه مايش هو أوكيييييي
ربي يوفقنا كامل

[محبة الجزائر الخضراء]

اختي العزيزة ثقي بنفسك لااننا نمر بنفس الحالة لكن لازم علينا نتوكل عل ربي
وربي ينجحنا كامل امين يارب العالمين

[mahboula15]

والله غير راني هاكاك انا تاني مام البكاء و خلاصلي عيييتتت بززاااف بزااااففف والله بكل صراحة نتمنى الموت ولا ماننجحش

[mahboula15]

راني مغمومة بزاافف قريت قرآآن صليت درت كلش بصح انا واقيلا مريضة نفسيا والله

[~ فآيـزة ~]

السلام عليكم ورحمة الله وبركاته....

اختي والله البكالوريا لا تستحق كل هذا .... ألم تري نسبة النجاح في السنتين الماضيتين ؟؟ ... البكالوريا أصبحت أسهل من شرب الماء .... ومن هب ودب يحصل عليها ... فمابالك انتي التي بذلتي قصارى جهدك طيلة السنة ؟! ... تذكري ان الله عادل في منح جزاءه للعاملين والمجتهدين ... من تعب نال .... ومن جد وجد ... تأكدي أن النتيجة ستكافئ جهودك وستنالين ما تستحقين دون زيادة ولا نقصان .... أبعدي عندك الخوف الزائد الذي حتما يؤدي إلى ما لا يحمد عقباه ... وفقنا الله وإياك بأعلى المعدلات ...

[❀ بَسْمَةْ أَمَلْ ❀]

اختي ديري ربي في بالك كلشي يفوت ويبقاو غير دي سوفونير وان شاء الله كامل تنجحوا متقلقيش روحك برك انتوما معلاباليش علاش جماعة الباك نتاع هاد العام خايفين بزاف ماما اختى راها كيما حالتك مي خلوها علي ربي

[محبة الجزائر الخضراء]

اختي ما تقوليش هكدا ادا انا واش نقول لحد هذي الدقيقة مزال مخلصتش المراجعة وانا خايفة خوف مايملك حتى واحد بصح العبد لازم عيه يتحكم في روحي وميخليش لحظة ضعف وتوتر صيعك استغفري ربي بزاف واكرر لكي ثقي بنفسك

[مولودية العاصمة]

ربي يهديك اختي و الله ساااهلة بزااااااااااف الباكالوريا العام اللي فات الناس قريت فالفصل الثالث فقط جابت 16 و 15
انا نفضل ماتقراايش و ماتخافيش و تركزي احسن ملي تقراي و تخافي

[fatiha2012]

rabby ywefa9na w ynejahna nChallah

[mahboula15]

ان شاء الله

[عدلان مريم]

وانا واش انقول عام كامل وانا نخدم او مزلت نخدم او ما قريت والو مانيش عارف واش راني رايح اندير راني مندم بصح مازلت متفائل


بصح عندي ايمان بالله سبحانه وتعالى وانا متفائل ان شاء الله راني نحفظ واش قدرت والله هو المعين

[zakips]

ختي ماتخافيش او دير الثقة في روحك النفس تاع الانسان ديما اتقولك هكدا بسح هي راهي غالطة

نحكيلك قصة على واحد كان حافظ القرآن قاع كيما راهو من البقرة حتى لنناس و كان الشيخ تاعوا يستناه بعد 3 أيام باش يستظهر من البداية حتى النهاية
هو راح ايراجع ألقا روحو بلي انسا كل شيء بسح مافشلش او عاود جدد النية باش ايعاود ايرجعوا في 3 أيام الي ابقاو

في الأخير انجح و استظهر من بداية القرآن إلى نهايته تصوري بخطإ واحد فقط

يعني ديري التقة في روحك او معلوماتك و إلا كنت مؤمنة بلي راكي واجدة ماتخافيش لأن الله لا يضيع أجر من أحسن عملا

تحياتي

[youcef-ba]

البكلوريا ليست حفظ وفقط بل لا تنسي الشيء الذي هو الاساس
علاقة بربـــــــــــــــــــــــــــــــــــــــــــــــ ــــــــــــــــــــــــــــــــــــــك
راجعي نفسك

[R£d lil krééZJüî]

لا تقلقي فأن الأمور كلها مكاتيب من الله عز وجل
الله يوقنا و إن شاء الله كلنا نفوز ^^

[صُبح الأندلس]

لا يوجد شيء في الدنيا يستحق أن تتمني الموت من أجله و تغضبي الله تعالى و إن كانت البكالوريا ، البكالوريا امتحان عادي مثل امتحانات السنة الدراسية فلم الخوف ؟ انزعي من رأسك هذا التخوف و ارتاحي قليلا ثم خذي كراريسك و راجعي عادي
البكالوريا كانت تخيف في السنوات الماضية نظرا للتشدد فيها من كل النواحي أما هذه السنوات فتأكدي أنها أشبه بالامتحان العادي

[sabrina47]

والله غير راه صاريلي كيما انت حنونتي راحا نهبل نسيت كلش يا ربي جييب الخير

[ابو حفص فاتح]

إنَّ في التَّفاؤل تقويةً للقلوب وتنشيطًا للعزائم وتحريكًا للهِمَم، وفتحًا لباب العمل والرَّجاءِ، ودفعًا للبذل والعطاء

والمتفائل يَقْوَى على مواجهة الصِّعاب ويصبر على مغالبة الأهوال، ويستمرُّ على ذلك ـ بإذن ربِّه ـ إلى آخر رَمَقٍ مِنْ حياته طويلة

[ابو حفص فاتح]

http://yanabeea.net/up/up/sama/201218142824_0.jpg

[hasnihasni5001]

السلام عليكم

الحكمة في النسيان ..ايه هذا الشئ فات عليا العام لي فات وحسيت روحي راني فرغان ماني حافظ والوااا ولكن كي توضع الورقة امامك ...تسترجعي كلش اختي ماتخافيش وديما ديري ربي في بالك وربي يوفقك ان شاء الله ...

[aminegege]

كي تللحقي للإمتحان تسترجعي كامل المعلومات اللحفظتيهم وفهمتيهم وكونك هانية حاجة ماتنسايهاش وتكلي على ربي وعلى روحك وربي يوفقك ويوفك طلاب البكالوريا

[abdou ops]

ربي ينجحك و كولي زبيب راه ييساعد ي الحفظ

[mahboula15]

أشكركم اخوتي طلعتولي المورال شكرا لك زاكي على القصة ان شاء الله ربي يوفقنا كامل آآآآآآآآمين

[mahboula15]

الحاجة اللي راهي غايضتني بزاافف هي أنو كنت دائما من التلاميذ المتفوقين وكنت دائما نجيب المرتبة الأولى في كل المراحل وبقيت صامدة وقوية حتى في الثانوي ولكن هاد العام تبحرت وليت نجيب 11 و10 المعدل انهرت تماما وتحطمت فقدت الثقة بنفسي ويأست وكرهت كلش وفقدت الأمل ولكن ان شاء الله نكمل حتى الدقيقة الأخيرة بواش كتب ربي واللي حبها ربي هاديك هيا على كل حال أنا متيقنة انو ربي كي دارلي هكا عندو حكمة في ذلك وشافلي الخير في هاد الشيء هادي هي ثقتي في الله لأنو ربي أبدا مايضلمنا ربي يوفقنا ان شاء الله

[mahboula15]

خويا حسني عجبني التوقيع تاعك بزاااف بارك الله فيك أخي

[~بُوبَكر~_~الجَزائرِي~]

لاتقلقي اختتى فانا كنت مثلك تماما
فى الثانوي رحت نجيبر 11 و 12
ماتتقلقيش اختى تبسمي قليلا هيا
هههه اضيفي ه ه ه ثم اخرجي نفسا هنيئااا وقولي اااااااههه
فيرحل عنك باذن الله شيطان الخوف والياس

[mahboula15]

شكرا لك اخي بوبكر