بخصوص الفلسفة عــــــــــاجل [الأرشيف] - منتديات الجلفة لكل الجزائريين و العرب

مشاهدة النسخة كاملة : بخصوص الفلسفة عــــــــــاجل

اميرة07ميرا

2012-05-30, 21:57

سلام
شوفوا معايا مليح واسمعوني
كالعادةفي الفلسفة يحطو 3 مواضيع

وحنا عندنا 3 محاور

يعني كل محور في موضوع

وحنا عندنا في المحور الاخير موضوعين فقط
الحقيقة والبيولوجيا وفي2 ولا مرة ذكروهم في الباك

مع العلم انو مرة وحدة فقط حطو مقالة من المحور الاخير وهي الرياضيات ومرة حطوها نص على هاذيك مستبعدة تمام انها تجي

وكذلك في اخر باك دارو الرياضيات نص
يعني من المحور الاخير

يعني احتمال كبير يديرو مقالة من المحور الاخير الي هي الحقيقة والبيولوجيا

ايضا بلاضافة الى درس النظم
ثاني ولا مرة جا يعني احتمال يجي مقالة
بصح واش يجي
سياسة ولا اقتصاد
انا نقول اقتصاد
على خاطر السياسة ولات موضوع حساس في الوطن العربي
بالاك كاين عباد ماشي متولهين بالسياسة يروحو يفتحولهم عينيهم عليها
هذا رأيي
وحتى تجي مقالة
يقولك اثبتلي بلي النظام الليبيرالي احسن نظام(الي هو نظام الجزائر)

توافقوني الرأي ولا لا؟

amouna bac

2012-05-30, 22:02

نعم اوافقك الراي خاصة على السياسة وحنا نعرفو بالي الدول العربية سادها اللااستقرار في هاد الاخر ممكن بزلف يجيبو عليها
والله اعلم

basma12

2012-05-30, 22:32

انا نظن يا البنات بلي الديمقراطية هي باك تاعنا كامل ركزو عليها بركاو من التوقعات والله في مصلحتكم وروحو راجعو وربي اوفقنا كامل انا مركزة على الديمقراطية والابداع والبيولوجيا وشوي اللغة والفكر ونروح

amouna bac

2012-05-30, 22:36

انا مانكدبش عليك درت الاحساس والادراك واللغة والفكر والشعور واللاشعور والداكرة والابداع والانظمة والديمقراطية وراني خاااااااااااااااااااايفة يديرولنا مفاجئة والعلم لله

اميرة07ميرا

2012-05-30, 22:37

انا راني متوقعة 100 بالمية درس النظم يجي
ثاني احتماله اكبر من الحقيقة والبيولوجيا
مي ماقدرتش نحفظوا
تخلطتلي

ايمان فلاور

2012-05-30, 22:43

صحا حبيت نسقسيكم ....

لعام لفات كانو اغلبتهم مستبعدين العادة مقارنة مي طاحت مقارنة صح و لالا ..

وهاد لعام راكم كااامل تقول النظم وتقولو اللغة والفكر ...وماش عارفة

صحا ولوكان يطيح السؤال لول الاحساس والادراك والسؤال الثاني يطيح تاع الاخلاق بين المطلق والنسبي و النص يطيح الاسرة لي راكم كامل مستبعدينها كيفاش ديرو

متقولوش طاحو هادو كامل ...علاش الشعور متعاودش زوج مرات في السابق زعما !!

على هك انا ركزت على واش قلتي نتي مي راجعت كامل المقالات متعرفي وش يطيح لواحد يدير حسابو هادي راهي فلسفة معمالها 6 ماشي خسارة فيها نراجع فيها كلش زيد ادا راحت الفلسفة راح لباك
...

ايمان فلاور

2012-05-30, 22:44

انا راني متوقعة 100 بالمية درس النظم يجي
ثاني احتماله اكبر من الحقيقة والبيولوجيا
مي ماقدرتش نحفظوا
تخلطتلي

احفظيه صايي مقعدتش ياك هادا لباك ديري مجهودك اكثر واكثر تخيلي في راسك يطيح ونتي مقريتهاش ماش تندمي حاولي حاولي حتان ..وادا محفظتهاش على الاقل افهميها ونا ثاني راني نحفظ فيها ...حتا وصعيبة شوي مي ..هك لازم

اميرة07ميرا

2012-05-30, 22:49

ايمان فلاور

2012-05-30, 22:58

مي العادة والارادة ماجاش مقالة ولا مرة
يعني ماشي شرط نوع المقالة
المهم جات
وزيد انا راني نحكي من 2008
الشعور جا مرة وحدة برك مقالة
ماجاش 2 مرات

ودرس الانظمة الله غالب
عفست على قلبي مي ماقدرتش
متاهاتو كبيرة عارفة روحي

ادا كنتي حفظتي كلش ومحفظتيش النظم نقولو تقدير دير بديل
بصح ادا محفظتيش اغلب المقالات وتزيدي النظم متحفظهاش هك راكي تكوني تخاطري
كبيرة ..هيه هي كبيرة مالا قسمها مثلا ليوم احفظي مقدمة + الموقف ولحجج +وغ\دوة احفظي الموقف 2 ولحجج ونقدو لي بعدو احفظي التركيب و الخاتمة كما انا قسمتها هي والحقيقة ...هكاد افضل ماتقريهاش خير راهي فيها شك كبير !!!

اميرة07ميرا

2012-05-30, 23:06

ايمان فلاور

2012-05-30, 23:10

نقولك املا
في باك 2010
والله العلي العظيم غير حفظت الاخلاق فقط
على خاطر في راسي شيء قالي اخلاق
وجات وديت فيها 14.5
وهذا العام انا راسي قالي حقيقة ولا بيولوجيا

حنونة مرسي على النصيحة
ونحاول اني نهز منو شوي

انا مذبيا طيح الحقيقة من فمك لباب السما :)
يااربي طيح الحقيقة يااربي
يااااااااااااربي

chinoui

2012-05-30, 23:16

انا نقول راني معاك في الراي صدقوني كي نقرا مقالة تع الانظمة السياسية تولي فيا واحد الشحنة ضد الدولة تاثر في نفسيتنا بزاف

اميرة07ميرا

2012-05-30, 23:17

اميرة07ميرا

2012-05-30, 23:18

انا نقول راني معاك في الراي صدقوني كي نقرا مقالة تع الانظمة السياسية تولي فيا واحد الشحنة ضد الدولة تاثر في نفسيتنا بزاف

هاذي الي بغيت نوصلهالكم
احتمال ضعيف انهم يديرو السياسة
ماذابيهم يبعدو عليها قدر المستطاع
وحتى اذا تجي
لازم نظام الجزائر يديروه هو المليح

ايمان فلاور

2012-05-30, 23:23

شوفي انا راني قريب يديرولي قبة هههههه
صدقيني هاذو والله غير تجي وحدة فيهم في الباك

الحقيقة..البيولوجيا...النظم....وممكن الابداع

وشريعة عقلي قالي على درس الهبة
وثاني درس الجريمة

وتاريخ
ماعلاباليش اذا كاين بيان فيفري
انا حرة علابيها مانيش عارفة اذا كاين تجديد في الدروس ولا لا؟
جاتني بيان فيفري يجي

وفي الادب
الشعر الحر ولا شهر الاغتراب

هذا واش رايحة نحفظ

ادا هكدا انا نتبعك واش تحفظي هههههه بصح على ضمانتك ... نحوس نسقسيك واحد السؤال في الادب صح كاينة منها ميعطولكش نقطة على النثر ..وادا وحدة ح حابسة كما انا في الشعر واش دير :confused:

HaLa MadRid SiempRe

2012-05-30, 23:24

النظم ان شاء الله ياربيييييي

rafik70

2012-05-31, 08:01

ربي ايجيب الخير

dadi2012

2012-05-31, 09:39

انا اخلاق راني مستبعدتها + العادة
والي تركزو عليهم الدال والمدلول + الابداع + النظم الاقتصادية وسير يجي مقال على الحقيقة

كريمو منصوري

2012-05-31, 15:55

السلام وعليكم إن شاء الله راكم ملاح أنا راني حافظ هذه المقالات قولولي إدا راني في الخط ولا راني نريسكي سورتو خلاص الوقت :
علاقة اللغة بالفكر علاقة إتصال أو إنفصال
علاقة السياسة بالأخلاق علاقة إتصال أو إنفصال
الديمقراطية الحرية والمساواة
الحكم الفردي والجماعي
تحقيق العدالة الإجتماعية بين النظام الليبرالي والإشتراكي في النظم الإقتصادية
وشوي الإبداع
واش رايكم قولولي صراحة

jow

2012-05-31, 16:05

meme ana kifk krimou mé mazelt mabditch andima i9*tissadia manich chaka fihoum yjiw

fadi123

2012-05-31, 18:16

:confused:السلام عليكم انا ثاني متوقعة النظم الاقتصادية اكثر من السياسية بسبب الاوضاع في العالم العربي لكن هادي تبقى مجرد توقعات:confused:

fadi123

2012-05-31, 18:18

:19:اعطيك الصحة راك في الخط:19:

fadi123

2012-05-31, 18:23

:dj_17:اخر كلمة نقولها انو الاسئلة تحطت و كملت ما علينا الا نتوكلوا على ربي سبحانه وما تنساوش الثلث الاخير من الليل فدعواه مستجابة:):)باش نسمعو كلمة

مالكس لقبايلي

2012-06-08, 18:48

ادا كنتي حفظتي كلش ومحفظتيش النظم نقولو تقدير دير بديل
بصح ادا محفظتيش اغلب المقالات وتزيدي النظم متحفظهاش هك راكي تكوني تخاطري
كبيرة ..هيه هي كبيرة مالا قسمها مثلا ليوم احفظي مقدمة + الموقف ولحجج +وغ\دوة احفظي الموقف 2 ولحجج ونقدو لي بعدو احفظي التركيب و الخاتمة كما انا قسمتها هي والحقيقة ...هكاد افضل ماتقريهاش خير راهي فيها شك كبير !!!

ياااه هههههه راكي تمدي النصائح ياو هههه

nnas2003

2012-06-08, 18:56

ما رأيكم في هذه المقالة شعبة اداب و فلسفة
طرح المشكلة:

يقوم الإنسان بانجازات مختلفة علمية وفلسفية وأدبية مما يمكننا القول بأنها
إبداع واختراعات قائمة فيما يعرف بالتخيل الإبداعي.

وإذا كان الإبداع صور لما يعيشها الإنسان فان الاختلاف الحاصل حول الشروط
التي تقف وراء هذه العملية : فهل يخضع الإبداع لشروط ذاتية أم موضوعية؟

محاولة حل المشكلة:

الطرح الأول: ترى الأطروحة الأولى التي يمثلها التيار الذاتي
بزعامة برغسون لوري كاري حيث يرون ان الإبداع
ظاهرة فردية تخضع شروط ذاتية.

الفرد المبدع يتميز بخصائص بيولوجية ونفسية "عقلية وعاطفية"
تمكنه من تجاوز ما يعجز عنه الآخرون "قوة الملاحظة –الذكاء الحاد- قوة
الذاكرة- شدة الانتباه –القدرة على التحليل والتركيب " بالإضافة إلى الحماس
والقلق والإرادة ومعاناة الفكرية ونفسية وفي ذلك يقول ريبو
" إن الإبداع يرتبط بعناصر وجدانية " سارتل:
"إن الإنسان يبدع عندما يعيش حالة آلام"

ويربط فرويد بين الإبداع والرغبات المكبوتة
يقول برغسون " أن تحرير القدرات الإبداعية
مرتبطة بشدة الحماس والرغبة في تحقيق الأفكار"

النقد:

لكن مهما كانت القدرات النفسية التي يتوفر عليها المبدعين فإنهم لا يستطعون
تحقيق ابدعاتهم ما لم يتوفر لهم شروط اجتماعية ملائمة.

الطرح الثاني:

وفي ذلك نقيض الأطروحة التي يمثلها التيار الاجتماعي بزعامة دور كايم - بيكارم –هالفكس.

يرون أن الإبداع يرتبط بالعوامل الاجتماعية أي يخضع لشروط موضوعية فانه
يتصل بالوقع والممارسة الاجتماعية.

فالمبدع يستمد مادة إبداعه من المجتمع الذي يعيش فيه والحاجة الاجتماعية
تعتبر مشكلة تتطلب حلا وهو ما يستفز المبدع ويدفعه إلى التفكير والبحث عن الحل : باسكال" الحاجة أم الاختراع" وفي ذلك يقول دور
كايم "إلى أن الإبداع مهما تعددت مجلات تتحكم فيه شروط اجتماعية".
فالمسائل التي يريد المخترع معالجتها لا تتولد في الوسط اجتماعي بدرجة معينة من
التطور الاقتصادي وفني والفلسفي كهجرة الدمغة إلى الدول المصنعة حيث وفرت
الإمكانيات المادية والمشجعات والحوافز وفي ذلك يقول بيكار"لا
يوجد إبداع بدون علم أو مدرسة ولا يوجد إبداع من عدم"

النقد:

التاريخ يثبت أن المجتمع لا يدرك دائما الابدعات الفردية فكثيرا ما يقابلها
بالرفض والإنكار لأنها تخالف المعتقدات

حل المشكلة :

الإبداع يخضع إلى شروط ذاتية واجتماعية معا فالإبداع هو تجسيد لما يعيشه الإنسان
نفسيا من معاني وصور وفي نفس الوقت يرتبط بما يحقق المجتمع ثقافيا وعلميا.

إذن فالإبداع ليس مجرد الهام مفاجئ يحظى به بعض الإفراد في المجتمع بل هو
ظاهرة فردية تضرب في أعماق جذورها الحياة الاجتماعية التي تعد المبدع بمادة
إبداعه.

اميرة07ميرا

2012-06-09, 17:41

اختي مقالتك مختصرة في نظري
كون توسعتي فيها اكثر باش تتحصلي على 14
مي هكا على ما اظن تجيبي المعدل فيها مي ماشي فور
وربي ينجحك ونجحنا كامل