نصارحكم و اللي تحب تساعدني ربي يعطيها ما تتمنى [الأرشيف] - منتديات الجلفة لكل الجزائريين و العرب

رحمة من المولى

2012-05-30, 20:15

السلام عليكم و رحمة الله تعالى و بركاته أما بعد أخواتي العزيزات:
نصارحكم و على بالي تضحكو عليا لا ماشي استهزاء و لكن تنخلعو انا نهرب من خبز الدار سواء تاع الطاجين و لا تعا الفرن و الله أخوااااااااااااااااااااااااااااااااتي نكره الدليك و مبعد تخمر و مبعد زيدي خبزيها و مبعد............... الله غالب الحاجة الوحيدة اللي منحبش ندور بها ندير الحلويات و نطيب و ندير كل شي ما عدا............ شوفو راني لقيت الحل تاع البغرير و جربتو جاني هااااااايل
شكون اللي عندها طريقة ساهلة للعجين و لها أأأأأأأأأأأأأأأأأأأأأأأأأأأأأأأأأأأأأأأأألف شكر مسبقا

بنت غليزان

2012-05-30, 20:23

هههههههههههه لازم تدلكي ولا شري آلة العجين و هني راسك

نيفرتيتي.

2012-05-30, 20:32

يا تدلكي يا تشري بيترا

رحمة من المولى

2012-05-30, 20:36

هههههههههههه لازم تدلكي ولا شري آلة العجين و هني راسك
شكرااااااااااااااااااااااااااا أختاه لكن تخرج نورمال كيما اللي تعجونها بيديكم و الله تعقدت

/زهرة عصفور الجنة/

2012-05-30, 20:39

petrinيعجن خير من اليدينشكرااااااااااااااااااااااااااا أختاه لكن تخرج نورمال كيما اللي تعجونها بيديكم و الله تعقدت

رحمة من المولى

2012-05-30, 20:50

petrinيعجن خير من اليدين
شكراااااااااااا جزيلا لازم يكون أول شيء في جهازي إن شاء الله و ربي يستر

fatiha07

2012-05-30, 21:07

السلام عليكم ورحمة الله وبركاته

يابنتي لازم تتعلمي تدلكي ومع الوقت راكي توالفي

كاين طريقة اخرى مافيهاش الدليك بصح فيها التخمار هههه

في اناء واسع وعميق كيما الباسينة ديري فيها الفرينة انتاعك مع الملح والخمارة مع شوية سكر ( ماتخلطيهاش مع الملح يعني هو في جهة وهي الجهة الاخرى ههه)والماء تصبي بشوي وتخلطي بيدك مليح حتى تحصلي على عجين لين مافيهش كويرات ولا جاري بزاف ولا تحصلي فيها من بعد وتقولي الدليك احسن ههههههه وتخدميها بيدك مدة 5 ال قريب 10د ومن بعد تخليها تخمر شوية ومن بعد تقرصيها على حساب السنيوات اللي عندك ودريهم فيها بعد ما تكوني ادهنتيهم بشوية زيت طبعا تخلي الخبيزات يرتاحو 5د ومن بعد تخبطيهم يعني تحليهم بيدك (شكل الخبزة مفهوم هههه) وتخليهم يطلعوا وفي الاخير طيبيهم مجربة وناجحة 100 بالمئة وكامل اللي نعرفهم يديروها يجي مطلوع اخفيف
ملاحظة تقدري ادري السانوج وشوية حبة حلاوة (الطيبة)

ما نشعرفة سهلة ولا الدليك ارحم هههههههههههههههه
الله يعاونك حبيبتي

رحمة من المولى

2012-05-30, 21:18

السلام عليكم ورحمة الله وبركاته

يابنتي لازم تتعلمي تدلكي ومع الوقت راكي توالفي

كاين طريقة اخرى مافيهاش الدليك بصح فيها التخمار هههه

في اناء واسع وعميق كيما الباسينة ديري فيها الفرينة انتاعك مع الملح والخمارة مع شوية سكر ( ماتخلطيهاش مع الملح يعني هو في جهة وهي الجهة الاخرى ههه)والماء تصبي بشوي وتخلطي بيدك مليح حتى تحصلي على عجين لين مافيهش كويرات ولا جاري بزاف ولا تحصلي فيها من بعد وتقولي الدليك احسن ههههههه وتخدميها بيدك مدة 5 ال قريب 10د ومن بعد تخليها تخمر شوية ومن بعد تقرصيها على حساب السنيوات اللي عندك ودريهم فيها بعد ما تكوني ادهنتيهم بشوية زيت طبعا تخلي الخبيزات يرتاحو 5د ومن بعد تخبطيهم يعني تحليهم بيدك (شكل الخبزة مفهوم هههه) وتخليهم يطلعوا وفي الاخير طيبيهم مجربة وناجحة 100 بالمئة وكامل اللي نعرفهم يديروها يجي مطلوع اخفيف
ملاحظة تقدري ادري السانوج وشوية حبة حلاوة (الطيبة)

ما نشعرفة سهلة ولا الدليك ارحم هههههههههههههههه
الله يعاونك حبيبتي
و عليكم السلام أخت فتيحة جزاك الله خيرا طريقة مليحة نحاول نجربها صدقيني رفضت عريسا لأانه يحب خبز الدار و لايطيق خبز المخابز تخيلت نفسي يوميا و انا واضعة القصعة قدامي دخت, و اللي موراه تخيلي يحب نطيبوها في الفرن التقليدي (الكوشة تاع العرب ) ما عنديش الزهر اللي يجيني يموت في خبز الدار
شكرا أختاااااااااااااااااااااااااااااه مرة أخرى تحياتي:mh31:

Big SmaiL

2012-05-30, 21:44

ههههه ربي يعينك ختيتو..أنا نقلك اشري آلة العجن وهني رآسك ..>>ومنا وجاي اللي يسخسي عليك باه يخطبك قولولو ماعندناش بنات للعجين >>نزعق ماتزعفيش

ربي يهنيك

janino

2012-05-31, 08:50

el saraha raha wahede mayajebrek basah kache youme tkoni wahdek w tesekhefi tahesli khirlek etaalemi

رحمة من المولى

2012-05-31, 16:02

el saraha raha wahede mayajebrek basah kache youme tkoni wahdek w tesekhefi tahesli khirlek etaalemi
شكرا أختااااااااااااااااه صح الصراخة راحة نقول نعجن و مبعد نحصل نعرف نعجن مي نكره كي نظلي ندلك و مبعد خليها تخمر و مبعد,,,,,,,,,,,, و الله غير التعب

linat

2012-05-31, 21:26

choufi hada rabit rani darte jani hayale ma3jente mawalo
http://www.djelfa.info/vb/showthread.php?t=979803

أم ضحى

2012-06-01, 15:21

choufi hada rabit rani darte jani hayale ma3jente mawalo
http://www.djelfa.info/vb/showthread.php?t=979803

أنا شخصيا جربتو ماشي كيما القطن مي هو قطن قطن تاع الصح الله يبارك عليك يا أختي على الفكرة:19::19::19:
:mh31::mh31::mh31::mh31::mh31::mh31::mh31::mh31::m h31::mh31:

الأمنيات

2012-06-01, 15:56

والله راكي كيما اختي كانت تقول مانعجنش وتزوجت العام الاول ماعجنتش فيه لكن الان راها خبيرة فيه تبارك الله
هي قضية ولف وعادة فقط ان اعتدتي عليه يصبح اسهل

أنا أمهم

2012-06-01, 16:15

شوفي وصفة الأخت ninafret أكيد تعجبك : http://www.djelfa.info/vb/showthread.php?t=979803

و نصيحتي , تشجعي و جربي كل شي و ما تخافيش من الفشل, و يكذب عليك اللي يقولك اللي هو ناجح في المطبخ من أول يوم, بكلنا كي البورصة هههههههه نهار فوق نهار تحت ;)

رحمة من المولى

2012-06-02, 11:06

شوفي وصفة الأخت ninafret أكيد تعجبك : http://www.djelfa.info/vb/showthread.php?t=979803

و نصيحتي , تشجعي و جربي كل شي و ما تخافيش من الفشل, و يكذب عليك اللي يقولك اللي هو ناجح في المطبخ من أول يوم, بكلنا كي البورصة هههههههه نهار فوق نهار تحت ;)
الله يخلييييييييييييييييك خفت يرجعوني لدارنا من أول يوم على العجين و الله غير شاطرة في كلش ماعدا العجين أصلا نهرب منو كي يوصل دوري في الدار نشري الخبز ندووووخ منو

meriama13

2012-06-02, 13:48

هههههههههههههههههههههههههههههههههه
نفس مشكلتي سبحان الله
ماما ديما تعاير فيا عندي غير نهار الجمعة عطلة نفوته ندير تطبيق نتاع كاش أكلة أو حلوى من قسم الطبخ زعمة نتلفلها هههههههههههههه

Basketteuse

2012-06-03, 19:00

يا اختي انا كنت كيفك نكره نعجن. ومن بعد كي تخطبت بديت نجرب شوي على اساس زوجي قسنطيني يفوخ ويزوخ بالتقاليد
ومن بعد كي تزوجت وليت انا سيدة العجن في العايلة كسرة محاجب شخشوخة وكل مرة نخرجلهم خرجة جديدة
إبداي غير بالشوي . ديري كسرة رخسيس بسسيها مليح بالزيت باه تجي ساهلة للعجن وشوي خميرة باه تجيك طرية وشوي سكر باه تطيب تم تم واعجنيها غير شوي برك وخليها تريح ربع ساعة وقرصيها وطيبيها ..... ساهلة ماهلة
وليامات هادوا راح نحط عجينة سحرية تصلح بيتزا وسوفلي وكيش وتورت بدوووووووووووووووووون عجن بتاتا وتجي خفيفة وتطيب في مدة 4 او5 دقائق ترقبيها

رحمة من المولى

2012-06-03, 21:06

هههههههههههههههههههههههههههههههههه
نفس مشكلتي سبحان الله
ماما ديما تعاير فيا عندي غير نهار الجمعة عطلة نفوته ندير تطبيق نتاع كاش أكلة أو حلوى من قسم الطبخ زعمة نتلفلها هههههههههههههه
صراااااااحة منيش خايفة من دارنا موالفيني بلي عندي حساسي من العجين ما ندورش بيه بصح هداك الصح يا ختي رانا رايحين غير ليها مكلاه تلفيهالها بالاكلات نتسامحو مع العجين و خلاص هدا هو الحل

رحمة من المولى

2012-06-03, 21:08

يا اختي انا كنت كيفك نكره نعجن. ومن بعد كي تخطبت بديت نجرب شوي على اساس زوجي قسنطيني يفوخ ويزوخ بالتقاليد
ومن بعد كي تزوجت وليت انا سيدة العجن في العايلة كسرة محاجب شخشوخة وكل مرة نخرجلهم خرجة جديدة
إبداي غير بالشوي . ديري كسرة رخسيس بسسيها مليح بالزيت باه تجي ساهلة للعجن وشوي خميرة باه تجيك طرية وشوي سكر باه تطيب تم تم واعجنيها غير شوي برك وخليها تريح ربع ساعة وقرصيها وطيبيها ..... ساهلة ماهلة
وليامات هادوا راح نحط عجينة سحرية تصلح بيتزا وسوفلي وكيش وتورت بدوووووووووووووووووون عجن بتاتا وتجي خفيفة وتطيب في مدة 4 او5 دقائق ترقبيها
كورجتيني شويا هاتهلاي في اختك و ما تنساينيش بالوصفات ديالك و ربي يخليك راني حابة نولي نعجن صباح و عشية و مانكرهش انا دوك مرة في العام و منعجنش نأكدلك لوكان نروح نعجن و تشوفني يما تغرد و يسمعو قاع الجوارين