صورة من الواقع

[catia]

اخواني الاعزاء سانقل لكم منظر رايناه انا وزوجي عندما ذهبنا لسحب راتبينا من مركز البريد لم يعجبنا
ويتمثل في زوجان برفقتهما ابن رضيع (الزوجةعاملة والزوج بطال) الزوجة واقفة في الطابور بانتظار دورها
والزوج جالس على كرسي ماسكا زجاجة حليب يرضع ابنه انا هنا لا اعترض على مساعدة الزوج لزوجته
لكن ليس بهذه الطريقة المذلة وامام الملاء فما رايكم انتم اخواني? وهل اصبحت الغاية تبرر الوسيلة مهما كان
نوعها ام ان الرجل العربي تنصل من كل جذوره وماتت فيه كل صفات الرجولة?

[الجليس الصلح]

لقمة العيش المرأة في عون الرجل عفوا المرأة رجل والرجل امرأة الأب يقدم الرضا عة بل يرضع زمن عجب وصورة من الصور الكثيرة التي تملؤ شوارعنا لست ضد عمل المرأةوإنماأتساءل عن ذالك المسكين الرجلصار يتقمص دورا غير دوره مع العلم أني لست ضد من يساعدزوجته في أشغال البيت لكن تصل درجة الرضاعة وأمام مجتمع لا يرحم فقليل من الحياء يا قومنا ولنحافظ على ماء الوجه ما عسانا نقول لأنفسنا سوى لقمة العيش صارت تقودنا إلى الحضيض أصبحنا في نظرهم رجل مريض فسبحان الله في سر خلقه يعز من يشاء ويذل من يشاء
تقبلو هذه أفكاري حزين ولا أداري

[النجمة القطبية]

حابة نفهم كيفاش عرفتو بلى بطال وميخدمش
مكتوب فى وجهو مثلا بطال ولا هو قالكم انا منخدمش
درك واحد قاعد وحب يرضع ابنو وقدام الناس وين المشكل
بلخف حكمتو عليه واصبح بطال ومش راجل وو
سبحان الله
درك وراحد انسان يحب وليدو ومحترم وراسو قالو رضع ابنك وين راه المشكل يا بشر
هذا قمة الانسانية والرحمة
حتى ولو كان هذا عمل المراة بصح الرجل تان عندو الحرية المطلقة يرفد وليدو ويوكلو
السيد حنين ويحب وليدو
لوكان ضربو ورماه تسمى راجل وخدام :1:
لا تعليق

[amina2688]

السلام عليكم انا اعيب عن المراة ذهابها الى البريد لسحب المال في اي حال من الاحوال

سواء اكانت متزوجة او غير متزوجة فمن الاحسن لها ان ترسل من يسحب لها المال والدها او اخوها

او زوجها لان اه\ا افضل واضمن واحسن لهامن جميع الجوانب

شكرا

[النجمة القطبية]

الراجل نعرفوه بطال اختي نحن لا نفتري او ماقلناش يرمي اوليدو لكن قلنا دارنا تستر عارنا لما هذه البهدلة امالا في رايك اجيب
الماء ويدوشوا في لا بوست ولا ... اكرمكم الله لا اختي كل شيء عندو حدود
شوفى انا اصلا منعرفش لابوست وامورها لان بابا ربى يحفظو يتكفل بامور الاوراق كامل حتى لابورس ديالى هو يجيبهالى عمرى ما جبدت ورقة
بصح مدام انتم كامل كنتو فى لابوست ونورمال علاه مسكين صبتو غير هذاك السيد قدامكم
انا مفهمتش وين راه البهدلة
السيد ميخدمش صحا بالاك مؤقتا وبالاك ربى يرزقو
اما انو رضع ابنو سبحان الله وين البهدلة
واحد راسو قالوا رضع ابنك فى لابوست :1:
ايا درك يقولو راسو دوش لابنك فى لابوست وين المشكل
باين عليه قوى الشخصية ولا يعطى قيمة لكلام الناس

[النجمة القطبية]

السلام عليكم انا اعيب عن المراة ذهابها الى البريد لسحب المال في اي حال من الاحوال

سواء اكانت متزوجة او غير متزوجة فمن الاحسن لها ان ترسل من يسحب لها المال والدها او اخوها

او زوجها لان اه\ا افضل واضمن واحسن لهامن جميع الجوانب

شكرا
جبتيها ختو
هاذيك هى
المرا متدخلش لابوست اصلا
وساهل الحال ترسل زوجها او ولى امرها وهى فرات
المرا واش اداااااااااااااااها للابوست :confused::confused::confused::confused: وواقفة فى طابور زعما هاذى مش تبهديلة
ولا شفتو غير السيد مسكين هههه :D:D:D
يعنى النسا اللى فى الطابور بانولكم نورمال والسيد المحترم اللى يرضع ابنو ولا مش نورمال :rolleyes::rolleyes:

[catia]

انت باباك عندو معريفة يعطوه ادراهمك اما انا لوكان مل انروحش ما ايمدوهم لحتى واحد حتى زوجي ايقولولو لازم اتجي
لانو صرات مشاكل كاين ازواج يدو ادراهم انساهم بدون موافقتهم وبلا ما علا بالهم او راحو اشكاو وصلو للمحاكم اما انا
اذا انت ما اتحبيش اتروحي لا بوست انا لو كان الخدمة انحبسها لاني ضد خروج المراة اصلا ولكن راني حصلت او لازم انكمل
وكي انكمل هذا العام انحبس وانخليها للي ايحب يتبهدل هو ولا مرتو بركات اختي

[catia]

احيطك علما ان ذهابي مع زوجي فقط ليسلموه راتبي ولن اتحرك خطوة بدونه وهو الكل في الكل

[فتـ حييةـاة]

المسلوخة تضحك على المذبوحة والمقطعة شبعت ضحك

[النجمة القطبية]

انت باباك عندو معريفة يعطوه ادراهمك اما انا لوكان مل انروحش ما ايمدوهم لحتى واحد حتى زوجي ايقولولو لازم اتجي
لانو صرات مشاكل كاين ازواج يدو ادراهم انساهم بدون موافقتهم وبلا ما علا بالهم او راحو اشكاو وصلو للمحاكم اما انا
اذا انت ما اتحبيش اتروحي لا بوست انا لو كان الخدمة انحبسها لاني ضد خروج المراة اصلا ولكن راني حصلت او لازم انكمل
وكي انكمل هذا العام انحبس وانخليها للي ايحب يتبهدل هو ولا مرتو بركات اختي
ربى يبارك فيك اختى لا اقصد شئ
بصح عمرى الشيك فى الدار وامضى يمدولو شكون قال ميمدوش
واش دخل المعرفة كيفاش تشكى والامضاء ديالك موجود
ربى يعلم بالاك عندك الحق
ممبعد نسقسى بابا ونشوف اذا صح فيها معريفة

[أم دارين]

السلام عليكم
وين العيب فلي شفتيه يا أختي؟؟؟؟
خليو الناس تعيش حياتها كيما حابة
هل الشيء اللي راه يدير فيه حرام مثلا ؟؟؟؟
ولا هذا تشراك الفم بلا فايدة
كيما قالت اللي قبلي يعني كي نشوفو واحد يضرب في وليدو عادي
نشوفو واحد يسب في مرتو عادي
بصح واحد رافد وليدو يرضع فيه دار جريمة

وجريمتو أنو مرأة تصرف عليه
هذه الجريمة اللي جبناها من عاداتنا البالية وتعاريفنا الخاطئة لمعنى المرأة والرجل

إذا الراجل مالقاش خدمة معناها لازم يموت بالجوع
واش خير أنو مرتو تخدم وهو يهتم بالأطفال ولا أنو يقعدوا كامل فالدار ويموتوا بالجوع

الولد راه كيما ولدها كيما ولدو فنفس الوقت
وشكون قال بللي الرضاعة من واجب المرأة وماشي من واجب الرجل
يخي حتى المرأة كي ترضع الطفل من صدرها شرعا لها الحق تطلب الأجر من والد الطفل

وكلنا نعرفوا بأنو النفقة من واجب الرجل
لكن بما أنه لا يقدر على النفقة فمن أقل واجباته أنو يساعد هذه الأم العاملة على تربية الأطفال

بصح حنا العيب منشوفوهش والعادي عندنا هو العيب

عالأقل هذه العائلة لقات حل لا هو حرام و لا يؤدي إلى ما لا يحمد عقباه
هذا الرجل وجوده مع زوجة وابن أحسن أم انو يروح للزنا بحجة راهو بطال وميقدرش يتزوجو بمرأة تصرف عليه
وهذا الطفل يتربى فحضن باباه خير ولا يرميوه عند مرأة غريبة عليه

بركاوكم من الانشغال بالناس وكل واحد يحكم فمو ليه
خليو الناس تعيش حياتها
سبحان الله صاحبة الموضوع تهدر على الناس ومحشمتش وتزيد فردودها تقولك أنا حابة نخلي الخدمة ونخلي لابوست للي حاب يتبهدل هو ومرتو

التبهديلة يا لالة هو أنك تتكلم على الناس وتنتقذيهم وتتدخلي فحياتهم هذا هو العيب والحرام اللي قال عليه الله ونبيه صلى الله عليه وسلم
أما المرأة اللي تجيب لقمة أولادها والراجل اللي راه رافد وليدو ماشي تبهديل

[soso sirin]

اختي النجمة القطبية صح حتا واحد مايقدر يرفد دراهمك من غيرك اذا ماكانش عندك المعرفة في لابوست و حتى و تسينيلو الشاك و يقدر يرفد في بلاصتك ما قيمته 5000دج فقط .لانو ولاو يخافو بزاف من السريقة

[روعــــه اســيل]

تحياتي ^^'

[نيفرتيتي.]

علاه وصلتو لنقطة كيما هكا اللي ماعجبوش الموضوع مايردش بلا مايبهدل الناس ويقول الكلام الجارح
الله اعلم انه لابوست مكان محترم متهيش قهوة والنسا اللي يخدمو في لابوست ماهمش محترمين راهم باهلهم وازواجهم واولادهم والناس كامل تحترمهم بسيف عليهم
لكن هنتك بعض المناطق واللي هي على برا المرا ماتدخلش للابوست عندكم الحق تهدرو اما انه مرا تسكن وتخدم في العاصمة وتقولو ماتدخلش للابوست اسمحيلي
وصح الل ماعندوش معريفة مايهزش اكثر من 500 الف
انا مرة رحت مع خويا في الطوموبيل ودخل يهزلي في 2ملاين بقيت في التوموبيل وهو دخل بعد جاني قالي ادخل معايا هزي دراهمك ماحبوش يمدوهملي لانه اللي يعرفو ماكانش ثم مالا الناس يقولو عليه مشو راجل
عيب انكم تبهدلو المخلوقة كيما هكا انا وحدة من الناس مانقباش انه الراجل بطال والمرا تخدم
عندي جارتي هكا تتمرمد وهو قاعد كي غابت مرتو بعث بناتو يسلفو من عندي 100 الف مشي عيب كي نسلفهم بصح انا علابالي بمرتو كيفاه تعاني

[النجمة القطبية]

اختي النجمة القطبية صح حتا واحد مايقدر يرفد دراهمك من غيرك اذا ماكانش عندك المعرفة في لابوست و حتى و تسينيلو الشاك و يقدر يرفد في بلاصتك ما قيمته 5000دج فقط .لانو ولاو يخافو بزاف من السريقة
لا متعود يجيبلى اكثر لانى اصلا ننساهم حتى اخر السنة
ربى يعلم بالاك يعرف ناس الله اعلم
والله بصراحة كل اوراقى هو يتكفل بيها انا اصلا نكره الاوراق وهاذيك القصص منكسرش راسى
وربى يعلم

[bass_inf]

ليس فيها شيء
ومن قال لها انها بطال

شيء غريب

ولو انه بطال هم متفاهين وانا انها مشكله

أنتي لازم تفهمي ان الحياه مشاركه

وعن نفسي لو زوجي المستقبلي وضع في نفس الموقف اقف الي جانبه ولا احسسه ابدا بالنقص لانه من واجبي

هدا ما تعلمت

تقبلي مروري

[elgopa]

السلام عليكم ....والله مافهمت والو تداوسو على حاجة مكانش كامل ....لكن ربما الرجل بطال اذن زوجته مجاهدة احسن ما تطلب .....اما الاخرى التي زوجها يعمل فالعيب فيها هي ....لا ترمي الناس بغير علم ...ومدام زوجك يعمل فاجلسي في بيتك احسن لك واخطيك من الهدرة وشوفت الناس .....كل واحد ربي يعاونو .....اما مسالة يشرب في وليدو الحليب هذا راه وليدو ويشرب وليدو وين يحب .....واخيرا الغيرة عندها ما دير

[morad81]

و الله نطلب الله اللطف في كل الأحوال ..يظهر لي أن الموقف الله يعلم به فالحاجة صعيبة ..........و ليس هذا فحسب بل حتى في الأسواق المرأة هي من يشتري و و يدفع والرجل يحمل القفة .....خاصة وهي تلبس اللباس الحضاري بمفهوم الحضارة الرجعية.
الزوجة تقود السيارة وتتلقى التحايات ذات الإحترام المزيف من قبل السائقين و الرجل بجنبها يمسك الرضيع.......الخ.

ومواقف ومواقف كثيرة حيرت كل من لم يقع فيها ....وعندما نريد تبرير المواقف نقول أن الرسول صلى الله عليه و سلم كان في حاجة أهله....

فهل عملنا هذا محتسبين السنة أم أن الوضع كان قاهرا و جرّ بنا الى المذلة المعلنة....وعدم وضع اللباس المحتشم


شكرا ......وتأكدي أن كل المواقف التي نراها ليست بعيدة عنا.......
فكم من أشياء كانت في الماضي من الممنوعات وأصبحت من الضروريات .....فعمل المرأة لم يكن الشيء المرغوب فيه لدى العائلة الجزائرية.....
لكن مع وصول الأمر الى ما هو عليه أصبحت العائلات تتباهى بمناصب بناتها و عملها في دفتر الشروط .........و الله يجيب الخير.

لا الرجل وجد ما يريد و لا المرأة التزمت لما يراد منها.

كما أقول أن أي تصرف من التصرفات اذا كان في حياء و لا يغضب الله ...فهو أمر يجب أن نراه بعين انسانية

[catia]

ام دارين انا لا اقصد الاساءة لهذا الشخص والعياد بالله بالعكس اني مشفقة عليه ولا اتمنى ايكون في مثل هذا الوضع
ربما انت لك راي اخر لكن انا لا ارض ان ارى اخي او زوجي او ابني على هذا الحال ويمكنه مساعدة زوجته بالف طريقة وطريقة
اسمحيلي راك ما فهمتيش الموضوع ادخلتي اتقطعي راني قلت الطريقة الطريقة انسيت انك من مجتمع لا يرحم صدقيني ما سمعته
من تعاليق يومها مزقني شفقة عليه وماقلتش ايموت من الجوع في بالك لوكان ما ايديرش هكذا ايموت من الجوع واخيرا من ردك
عرفت مستواك وما هكذا يكون النقاش ارفعي مستواك

[أم دارين]

ام دارين انا لا اقصد الاساءة لهذا الشخص والعياد بالله بالعكس اني مشفقة عليه ولا اتمنى ايكون في مثل هذا الوضع
ربما انت لك راي اخر لكن انا لا ارض ان ارى اخي او زوجي او ابني على هذا الحال ويمكنه مساعدة زوجته بالف طريقة وطريقة
اسمحيلي راك ما فهمتيش الموضوع ادخلتي اتقطعي راني قلت الطريقة الطريقة انسيت انك من مجتمع لا يرحم صدقيني ما سمعته
من تعاليق يومها مزقني شفقة عليه وماقلتش ايموت من الجوع في بالك لوكان ما ايديرش هكذا ايموت من الجوع واخيرا من ردك
عرفت مستواك وما هكذا يكون النقاش ارفعي مستواك

السلام عليكم
مستوى ردي من مستوى كلام الموضوع
وهذا هو الرد الذي يحتاجه هذا المجتمع المتخلف
وكيما يقولوها إذا كان دارك من زجاج مترميش الناس بالحجر
يعني كل واحد يشوف نفسو قبل ما يشوف غيرو
وطز في هذا المجتمع الذي لا يرحم
الحياة وحدة وإذا كان الواحد قبل ما يتقدم يخطوة يفكر في هذا المجتمع الجاهل عمره ما يعيش
عندنا رب واحد يحاسبنا ومادام الشي اللي الراجل هذا عملوا لا يغضب الله سبحانه وتعالى
فليذهب كلام هذا المجتمع للجحيم
الرسول عليه الصلاة والسلام كان يكنس بيته لكن كي نشوفو راجل يكنس دارو نقولو ولا خديم عند مرتو
الرسول عليه الصلاة والسلام كان فقير وتزوج بغنية لكن كون واخد يديرها فهذا الزمان نقولو طامع فيها
الرسول عليه الصلاة والسلام كان شاب وتزوج بمن هي أكبر منه ب 13 سنة لكن هذه لو تصير في مجتمعنا الآن نقولو عيب وووووووو


هذا هو العيب في مجتمعنا أشياء بنيت على عادات بالية وعلى جاهلية
الجاهلية اللي جا الرسول عليه الصلاة والسلام باش يمحيها ويخرجنا منها

والآن وفي 2012 الشعب الجزائري مازال يعيش هذه الجاهلية

خليو الناس تعيش حياتها
ودعوا الخلق للخالق

[catia]

ام دارين ارفعي من مستواك ومستوى النقاش

[morad81]

اختي النجمة القطبية صح حتا واحد مايقدر يرفد دراهمك من غيرك اذا ماكانش عندك المعرفة في لابوست و حتى و تسينيلو الشاك و يقدر يرفد في بلاصتك ما قيمته 5000دج فقط .لانو ولاو يخافو بزاف من السريقة

صح سوسو

و الله موقف صعيب لكن أذا تحتم الأمر واش لازم نديروا...اذا المرة خدامة ولازم هي تخرج دراهم .....ولازم لاشان في لا بوست ...والولد يبكي.....

و الله المشكل يظهر لي أنو في الحشمة و المرة تكون عندها عفة ......

واذا حبينا نتكلموا على المواقف راهي بزاف

[نيفرتيتي.]

صح سوسو

و الله موقف صعيب لكن أذا تحتم الأمر واش لازم نديروا...اذا المرة خدامة ولازم هي تخرج دراهم .....ولازم لاشان في لا بوست ...والولد يبكي.....

و الله المشكل يظهر لي أنو في الحشمة و المرة تكون عندها عفة ......

واذا حبينا نتكلموا على المواقف راهي بزاف
اللي عنده كلمة باهية يهدر واللي ماعندوش يسكت
اخي مراد مبروك عليك النجمة

[أم دارين]

ام دارين ارفعي من مستواك ومستوى النقاش

السلام عليكم
تطلين مني رفع مستواي ولم تري مستوى الموضوع المنحط الذي يتدخل في شؤون الناس
ويعيب عليهم ما لم يكن يوما حراما أو عيبا

الموضوع لا يستحق النقاش مطلقا بل يستحق الردع لصاحبته لتكف هي وأمثالها عن التكلم عن الناس والانشغال بهم

[catia]

انا لم اتدخل في حياة احد المني وضع هذا السيد لا اكثر ولا اريد ان ارى مثل هذه المواقف في بلد العزة والكرامة ولكن صدمت من رد
ردك الجارح وما هكذا تناقش يا اختي المواضيع مهما كان نوعها فبالاقناع والحجج وكل السبل تستطعين توصيل فكرتك
وليس بالشتم والسب سامحك الله

[mimi jiji]

من قراءتي للموضوع ولتعليقاتكم عرفت بانو معظمكم خرج ع الموضوع الرئيسي وصار يحكي ع لابوست ودراهم
اختي الفاضلة قادر يكون مريض او في اجازة ومافيها والو كي يروح مع مرتو لابوست واذا هز ولدو باش يعاونها وهاذا في الاول وفي الاخير ولدو ماشي ولد الناس يرضعوا ويقوم به اذا كانت مرتو منشغلة
نورمال

[نصيرة أمي الحبيبة]

حابة نفهم كيفاش عرفتو بلى بطال وميخدمش
مكتوب فى وجهو مثلا بطال ولا هو قالكم انا منخدمش
درك واحد قاعد وحب يرضع ابنو وقدام الناس وين المشكل
بلخف حكمتو عليه واصبح بطال ومش راجل وو
سبحان الله
درك وراحد انسان يحب وليدو ومحترم وراسو قالو رضع ابنك وين راه المشكل يا بشر
هذا قمة الانسانية والرحمة
حتى ولو كان هذا عمل المراة بصح الرجل تان عندو الحرية المطلقة يرفد وليدو ويوكلو
السيد حنين ويحب وليدو
لوكان ضربو ورماه تسمى راجل وخدام :1:
لا تعليق



الرد ديالك أختي منطيقي أنا حرت كيفاش عرفت بلي ماشي خدام و الله مين داك تحير و أنا مانيش ضد الرجل الي يرفد وليدو يوكلو و يشربو
نفرضو العكس راح يكون نفس الهجوم والموضوع
كل واحد و رايو ونحترم كل الاراء و رانا هنا باش نتناقشو أنا راي في هد الضاهرة عادية
ونفضل الرجل الي يعاون مرتو مراحش تنقص في الرجولة عكس الي راني نشوف فيهم و الله يروح للحانوت يشري قدام الدار ميحبش يدي وليدو كاين الي حتى في الطونبيل يقولها يقلقني تقول راح يرفدو فوق دهروومرتو كي تروح تضيف ولا عرس يقوللها اديه معك يقلقني
ي ترى هذ هو الرجل المليح؟؟؟؟

:19:

[g-abdelhamid]

وعلاش راكم تزعفوا في رواحكم كل واحد يدبر راسي واش يحب يدير

[lilou f lilou a]

الراجل كي يحب يرخس يرخس

[نيفرتيتي.]

ياخواتي شكون اللي تقبل تدي واحد تخدم اتقو الله المرا قالتلك نعرفوه بلي بطال وباين بلي هو حاكم الولاد في الدار وهي تخدم وهذه تعجبكم اتقو مولاكم قصدها انه كي حاكم الاولاد في الدار وزاد خارج لاها قدام الناس
انا عندي حبيبتي واحد النهار ماعندهاش و مازالو ماخلصوهاش وهو قاعد في الدار سلفتها انا وبعد نهارين كي خلصوها رجعتلي دراهمي وهو عرض صحابو لقت واش توكلو هو ولادو غير توكل صحابو راهي تعاني وانا على بالي بيها
اتقو مولاك

[taha70]

سلام عليكم ..ايهما صاح تلك التي زوجها يرضع ابنه ام ان نشتغل بعيوب الناس...........لا حول و لا قوة الا باالله اختكم في الله

[سنوم 33]

واش وليتو كامل ملائكة المخلوقة شافت شي ماعجبهاش هدراتو رديتوها ماعندهاش اخلاق وانت عندكم اخلاق كي بقيتو تبهدلو فيها ربي يهديكم الفحلة فيكم تقعد راجلها في الدار وهي تخدم كي عادت عادي
انتم جاتكم كبيرة انها المرا تروح للابوست تجبد شهرتها يعني كي تخدم على راجلها مشي عيب وكي ترو ح تخلص عيب
ثان جاكم عيب المرا تروح للابوست ومشي عيب الراجل قاعد في الدار ويخدم الشغل تاع الدار ويحكم الذري كون جا عبد حتى هي ماتخدمش وخلي يموتو بالجوع الوقت هاذاك ذرك يروح يحوس على خدمة
انتم موضوع هذا عرفتو كيفاه تتهجمو واللي يهدر على البوس واحد مارد عليه غير زوج من الناس اخطيكم من المرا هي حشمت وانتم ماحشمتو
اذا كانت صح اخلاقكم هكا كيما راكم تهدرو راكم مابقيتو شش تتهجمو

[salima14]

جاتكم غريبة الأب يرضع وليدو لوكان لقيتوه يضرب فيه تجيكم عادي؟؟؟؟؟