هل عقود ماقبل التشغيل متوقفة

[محمد عطوان]

السلام عليكم
اخوتي اريد الاستفسار اذا كانت عقود ما قبل التشغيل لدى المؤسسات العمومية
موقفة عن العمل لاني جهزت كل الوثائق ولكن قالولي في لانام زيد استنى فهل هذا في ولايتي(ميلة) فقط

[evee]

انا تاني وجدت الملف و كي رحت قالولي استناي رانا نمدو للي متخرجين في 2010 و اهبط .مستغانم

[مواطن عادي]

أنا منذ قليل كنت عندهم في ولاية الجلفة
سألت موظف عن قطاع العمومي قالي متوفقة وقالي بحرف الواحد

أنسى باه تتفتح منامة وراحة
ظركي بقات غير الخاص وقطاع الاقتصادي

[www84]

meme abejaia de janvier jsq ce jour mazal meme moi jai une avi favorabl de anemm mazallllllllllllllllllllllllllllllll
de bejaia

[recamier]

نفس الشيء لولالية سيدي بلعباس :mad: الله أعلم واش يلزم علينا نديرو دوكا حتي عقد anem و وقفوها ... بالنسبة ل anem مع القطاع الخاص لا أنصحكم به لأنه ساري المفعول لفترة سنة فقط و بعدها يجيبوكم عند الباب .... أصبروا حت يحلوا مع الدولة أفضل

[mirel]

العقود توقفت عند لي ماعندوش المعرفة أنا من ميلة وكاين بزاف لي نعرفهم دخلو يخدمو بعقود لانام من مديرية التربية وباقي المؤسسات العمومية يعني من جانفي لوقت هذا وأنا عندي من سبتمبر و أتا نجري وما كان والو راهم غير يسكتو وصبرو فينا مايكذب عليكم حتى واحد ماكانش منها.

[michacool]

السلام عليكم
أنا اليوم استلمت محضر التنصيب باه نخدم عند الدولة
لكن شبعت جري باه قبلوني....................

[rafika1988]

نفس المشكل في ولاية عنابة

والله ما فهمنا فيها والو

[evee]

واه انا تاني قالولي راهم محبسينها ما تفهم والوووووووووووووووووووو

[Bilal Constantine]

هل Anem متوقفة في قسنطينة
أفيدونا بارك الله فيكم

[ابنة الجزائر25]

هل anem متوقفة في قسنطينة


أفيدونا بارك الله فيكم


ايه متوقفة و عندها بزاف من اواخر شهر جانفى عندى زميلة ليا جابت الموافقة لكن ماقبلوهاش و كان ردهم اخر مرة انو مالقاوش باش يسلكو عمال ماقبل التشغيل لكن الشركات الخاصة كاينة

[زازتافا]

merciiiiiiiiiiiiiiiiiiiiii pour l'information

[الدنيا]

كاينة منها كانت متوقفة و في ماي فتحوها و هذ اليامات وقفوها في مستغانم بحجة الميزانية المخصصة للعقود
فرغت لكن بالمعريفة كلش كاين

[roobi]

السلام عليكم
أنا اليوم استلمت محضر التنصيب باه نخدم عند الدولة
لكن شبعت جري باه قبلوني....................
خويا من اي ولاية انت؟
و كيفاش جريتي يعني معريفة ولا واش؟

[roobi]

أنا منذ قليل كنت عندهم في ولاية الجلفة
سألت موظف عن قطاع العمومي قالي متوفقة وقالي بحرف الواحد

أنسى باه تتفتح منامة وراحة
ظركي بقات غير الخاص وقطاع الاقتصادي
اخي ماذا تقصد بالقطاع الاقتصادي
يعني عمومي و هو اقتصادي
انا سالت ف مكتب التشغيل قالولي كاين غير قطاع خاص
و اكدولي ماكانش اقتصادي
ما يخافوش ربي حسبي الله و نعم الوكيل

[michacool]

خويا من اي ولاية انت؟
و كيفاش جريتي يعني معريفة ولا واش؟


أنا من ولاية بومرداس.....لا معريفة لا والو..............تعرف المثل لي يقلك (الصامط يغلب القبيح) هكداك انا

[roobi]

أنا من ولاية بومرداس.....لا معريفة لا والو..............تعرف المثل لي يقلك (الصامط يغلب القبيح) هكداك انا
شكرا على ردك لكن لو ما فيهاش احراج قولي وش عملتي
exactement
لانو صعيبة وقت لي ما يكونش عندك دليل بلي قاعدين يمدو
فيهم بالمعريفة
يعني كيفاش رايح تواجههم
انا من ولاية عنابة و قالولي اي حكاية ميتة
خاتر مدو ياسر لعام لفات مش رح يمدو العام هذا

[biberse1192]

السلام عليكم
ليوم قريت ارتيكل فالجورنال
إعفاء اصحاب عقود اما قبل التشغيل من مسابقات التوظيف 2012
و الوزير يلزم الوزارات على توظيفهم على أساس الشهادة؟؟؟؟
كيفاش هادي مافهمتهاااش

[roobi]

السلام عليكم
ليوم قريت ارتيكل فالجورنال
إعفاء اصحاب عقود اما قبل التشغيل من مسابقات التوظيف 2012
و الوزير يلزم الوزارات على توظيفهم على أساس الشهادة؟؟؟؟
كيفاش هادي مافهمتهاااش
مش مصدقة وش نسمع حسبي الله و نعم الوكيل

[michacool]

شكرا على ردك لكن لو ما فيهاش احراج قولي وش عملتي
exactement
لانو صعيبة وقت لي ما يكونش عندك دليل بلي قاعدين يمدو
فيهم بالمعريفة
يعني كيفاش رايح تواجههم
انا من ولاية عنابة و قالولي اي حكاية ميتة
خاتر مدو ياسر لعام لفات مش رح يمدو العام هذا



je suis ingénieur en chimie et comme dans ma ville il n'y a pas des unité industrielle ou bi1 des poste chez le privé....alors ils ont m'accepté ma demande c'est tt