هل من تفسير ؟؟؟؟

[اية الرحمن1988]

السلام عليكم ورحمة الله وبركاته
أتمنى أن أجد تفسيرا أوحلا لهذه القصة
لن أطيل عليكم، لدي صديقتين أحداهما مقربة جدا
صديقتي الأخرى لديها ابن خال طلب منها أن تجد له عروس تثق فيها وتكون بنت عائلة شريفة
وذات أخلاق عالية، والحمد لله هاد الصديقة فكرت في صديقتي المقربة كزوجة له ولما اقترحت عليه الفكرة وافق
وتلك الصديقة اتصلت بصديقتي وقدمتلها معلومات عليه من بينها أنو ببيت مستقل ومداير عمرة وعندو عمل خاص
المهم كل الشروط اتفقو عليها وبقي فقط كيفاش يشوفها ويجيب العائلة نتاعو
صديقتي المقربة خبرت عائلتها بكل شيء وامها وافقت
لكن المشكل يا إخوتي كي لاقاها وشافها بدى يقولها شروط عكس اللي حكات عليهم بنت خالتو من قبل
من بينها انو دار في السكن التساهمي وقالها نحب نسكن مع العائلة حتى وإذا عندي سكن
وصديقتي وافقت بالرغم من أنو الهدرة تبدلت
وفي الأخير كي روح للبيت اتصلت البنت بصديقتي وقاتلها مهوش قابل
وانا حاسة بذنب كبير لأني أنا اللي شجعت صديقتي باش تقبل لأنهم أصرو عليها بزاف وهو الحمد لله متدين
لكن سبب الرفض لم نجد له تفسير وصديقتي تقاست بزاف
لأنها بجهد كبير باش قبلت بيه وفي الأخير ردوها هكذا
لذا في رأيكم ما التفسير لم تعجبه في المظهر أو ماذا مع أنها بشهادة الكل مقبولة وحجابها شرعي
لم أجد لها أي مبرر لأواسيها به وحالتها ربي يعلم بيها صرالها احراج كبير مع عائلتها
اسمحلولي كثرت عليكم بمصطلح صديقتي
انتظر رأيكم

[عُضو مُحترم]

مكتوب ربي و خلاص


الزواج مكاتيب

و ممكن ربي يُؤجل لها الزواج بمن هُو افضل منه

[اية الرحمن1988]

مكتوب ربي و خلاص


الزواج مكاتيب

و ممكن ربي يُؤجل لها الزواج بمن هُو افضل منه

بارك الله فيك على الرد
انا ثاني قتلها هكداك
لكنها مصرة تعرف السبب صراتلها خيبة امل كبيرة
بنتلها كي شغل ولاو يلعبو
شكرا لك

[عُضو مُحترم]

قولي لها لا داعي للبحث عن الاسباب

فحتى لو تعرف لن تستفيد شيء

ما الفائدة من معرفة السبب؟؟؟؟

=================

و قولي لها قال الله تعالى

يا أيها الذين آمنوا لا تسألوا عن أشياء إن تبدى لكم تسؤكم

ممكن تعرف و ما يعجبهاش الحال و تزعف و ممكن حتى تمرض

خليها على ربي و خلاص


ربي يهدينا و يثبتنا

[اية الرحمن1988]

قولي لها لا داعي للبحث عن الاسباب

فحتى لو تعرف لن تستفيد شيء

ما الفائدة من معرفة السبب؟؟؟؟

=================

و قولي لها قال الله تعالى

يا أيها الذين آمنوا لا تسألوا عن أشياء إن تبدى لكم تسؤكم

ممكن تعرف و ما يعجبهاش الحال و تزعف و ممكن حتى تمرض

خليها على ربي و خلاص


ربي يهدينا و يثبتنا

آمين يا رب
شكرا لك ان شاء الله نقولها هكذا مجاتش في بالي هاد الهدرة

[z.abdo]

السلام عليكم أختي

واين المشكل كيما هو ماعجباتوش من المكن كانت هي يعجبهاش


كل شيء بالمكتوب وهذا مش زواج وطلاق هذا مجرد إجراءات قبل الخطبة



وتأكدي لو كان مكتوبها لو انه وافق لكن ربي كاتبلها في شخص آخر

اما انت أختلا فلا يلاومك ظمير ولاهم يحزنزن انت حبيتي الخير لصديقتك و وقفتي معاها لكن ربي ما كتبش


ملاحظة : خطك بالكاد نستطيع قراءته

تقبلو مرروي

[ميمنة الجزائر]

قليلها ما تديرش في بالها خلاص ربما ماشي من مكتوبها وعسى ان تحبو شيئا وهو شر لكم يعني لاعود ربي هناها

ويجيبلها ربي ما هو احسن وما تديرش في بالها خلاص وراهي تسرا في كثير من العايلات

[sarl02]

كل شيء بالمكتوب والزواج قسمة ونصيب.....لكن السبب الرئيسي هو انها لم تعجبه ظاهريا ربي اعوضها خير ان شاء الله.

[اميرة باحتشامي]

السلام عليكم ورحمة الله وبركاته

لا تثريب عليها

نفس الحكاية صرات معايا لكن هو صديقه اللي توسط ومبعد اخته عييات تحاول وكي قبلت بالرغم انو شافني وعلى قولو عجبتو بطل وبدون سبب والكارثة العظمى كي راحولو الرجال باش يسقسيوه يتهرب منهم وما يبانيلهمش

[سومية88]

السلام انا سراتلي نفس المشكل جاء هو شافني وقالي عجبتني يماه كانت طايرة بالفرحة عجبتها وباباه تفاهم مع بابا وشراولي الخاتم والطبق وثلاثة ايام قبل الفاتحة جات اختوا من تلمسان شافتني وبعد 3 ساعات قالولي بطلنا زعفت هداك نهار امبعد الحمد الله نسيت وابعد عرفت خير ليا والحمدالله اختوا تحكم في دار هم باباها ويشكي منها شافت يماه فرحانة وحبتني ولات دير في المشاكل انا نقولها احمدي ربي ومزالكي صغيرة وربي يجيب ماغيرمنوا

[النابغة الذبيانيٍ]

الخــــيرة فيما اختاره الله


قل لمن يحمل هماً إن همك لن يدوم : : : مثلما تفنى السعادة هكذا تفنى الهموم

[krime.20]

أظفر بذات الدين تربت يداك) الزواج مكتوب لو كان مكتوب عنده لكان (كن فليكن))

[amare92]

الله يوفقك أخي ...

[اية الرحمن1988]

بارك الله فيكم على المرور الطيب

[اية الرحمن1988]

السلام عليكم أختي

واين المشكل كيما هو ماعجباتوش من المكن كانت هي يعجبهاش


كل شيء بالمكتوب وهذا مش زواج وطلاق هذا مجرد إجراءات قبل الخطبة



وتأكدي لو كان مكتوبها لو انه وافق لكن ربي كاتبلها في شخص آخر

اما انت أختلا فلا يلاومك ظمير ولاهم يحزنزن انت حبيتي الخير لصديقتك و وقفتي معاها لكن ربي ما كتبش


ملاحظة : خطك بالكاد نستطيع قراءته

تقبلو مرروي


عليكم السلام
شكرا لك على المرور
المشكل أخي في أنو هذا الأمر يشجع البنات كل ما يجي يخطبهم واحد يتلاقاو برا ومباعد يتقدم للدار
وانا اقترحت عليها قدام دارهم احسن وتبداها بالحلال خير
هي جاها احراج كبير قدام عائلتها لأنو اتفقو على كل شيء بقى يشوفها وفقط
المهم الله يكتبلها اللي فيه الخير
لكن فقط ملاحظتك قصدك خطي في الصياغة للموضوع ميش مليحة ولا الحجم
لأنك قليل النقد جاتني غريبة شوي

[الكـ الطيبة ـلمة]

كما قال من سبقني

الأمر كله لا يتعدى كون أنهما ليسا لبعضهما بغض النظر عن الظروف و الأسباب

و أنتِ كنت واسطة خير

ربي يسهل لصديقتك بزوج ترضيه و يرضيها

آمين

----------------------------------------------

الأخ z.abdo يقصد حجم الخط ربما كتبتيه بالحجم واحد

فهو بالكاد يكون مقروءا

[محمد...عبد النور]

السلام عليكم و رحمة الله أختي الكريمة آية الرحمان 1988
و الله ان كل قدر الله خير
قوليلها بلاك ربي صرف عليك شر كبير و جبنبك الزواج بهذا الشخص
و زيديها بلي الزواج مكتوب و مين يجي مكاش لي يقلعه
أنت كنت واسطة للخير لكن لا تلومي نفسك قدر الله و ما شاء فعل ، لكن خذي العبرة ههههههههههه
ربي يبارك فيك أختي الكريمة و يرزقك كل أخواتنا بالأزواج و الذرية الصالحة
تقبلي مروري وفي امان الله
ســــــــــــــــــــــــــــــــلام

[اية الرحمن1988]

السلام عليكم و رحمة الله أختي الكريمة آية الرحمان 1988
و الله كل قدر الله خير
قوليلها بلاك ربي صرف عليك شر كبير و جبنبك الزواج بهذا الشخص
و زيديها بلي الزواج مكتوب و مين يجي مكاش لي يقلعه
أنت كنت واسطة للخير لكن لا تلومي نفسك قدر الله و ما شاء فعل ، لكن خذي العبرة ههههههههههه
ربي يبارك فيك أختي الكريمة و يرزقك كل أخواتنا بالأزواج و الذرية الصالحة
تقبلي مروري وفي امان الله
ســــــــــــــــــــــــــــــــلام
بارك الله فيك أخي على المرور
كي يكون شخص مقرب ويطلب رأيك
وتكون متأكد يعمل بيه لما لا إن كنت أملك النصيحة
الحمد لله على كل حال امورها تحسنت

[حضنية28]

السلام عليكم اختي قوليلها الزواج قسمة ونصيب وربي ميحب غير الخير لعبادو بلاككانت هادي سبة تحميها من هاد الراجل وتانيا راح ربي يعوضها بواحد احسن منو تعيش معاه بسعادة وهناء

[mohamed160]

هدا مكتوب الله . عليها بالصبر

[حفيظة 1]

ربي يعوضها خييييييييييييييييييييير منه

[دكتورة بإذن الله]

السلام عليكم و رحمة الله و بركاته

يا اختي الكريمة ماحدث تفسيره شيئ واحد هو ماكتبش المكتوب و لعل في ذلك خير

و قولي لها بالاك ربي بعدو عليك و مافيهش الخير ليك فلا تحزني على شيئ قد مضى

(لذلك ماكان لاه تكسر راسها في التفسيير و ربي يرزقها ان شاء بماهو خير منه )

و انت يا اختي كنتي دلالة خير فلاداعي للانزعاج و تانيب الضمير

و اعلمي أنه كل شيء بقدر

و نسأل الله ان يرزق بنات المسلمين ازواج صالحين ...امين يارب العالمين