اواجه مشكلة اتمنى ان اجد من يساعدني

[مشكلتي]

السلام عليكم ورحمة الله وبركاته
جيت هنا ديراكتمو باه نقلكم على مشكلتي باسك انتوما خاوتي في الله لانو ماعنديش خاوتي اكبر مني انا
مشكلتي بدات لي من عامي اول في ليسي اللي هو هاد العام انا فتاة عمري 17 سنة منى عليا ربي بجمال الحمد الله
حتى وراني تاعبة منو بزاف نظن بلي فهمتوني دوكا في بداية السنة دخلت نورمال للكلاسة ديالي قعدت معع صحاباتي مي كنت دايما نشوف في واحد البنت تشوف فيا بواحد النظرة سبحان الله انا من اول نظرة مارتحتلهاش هادي الطفلة
المهم كانت غير تشوف فيا من بعيد ومن بعداك واحد نهار جاتني قاتلي رايحة نصارحك وبدات تقولي اكي عجبتيني وحبيتك وحابة تكوني صديقتي انا تنخلعت بصح وماقلت والوا وبعداك من داك نهار عادت تبعتلي في ليكادو وهادوك راسائل يايما مانجي نقراهم حتان نموت بالحشمة حتان ساعات نحس بلي الطفل اللي بعتلي هاديك الورقة ماشي طفلة نعطيكم نموذج منها تكتبلي انت قمر يمشي انت ......مع اني لابسة الحجاب الشرعي يعني غير وجهي يبان مي تلقاها وصفتني وصف في هاديك الورقة المهم كلام مشي تاع بنت لبنت حتان لواحد نهار قلتلها شوفي ماتعوديش تبعتيلي هاد لورق وماحقكش تكتبيلي كيما هاك زعفت وبدات تبكي ومانعرف وكان من قبل حدروني واحد لبنات منها قالولي راهي غير تاع شوفة ومانعرف وكدبتهم انا حتان واحد نهار قاتلي اعطيني حاجة من عندك باش نشوفلك الا راهم كشما دايرينلك خلاص انا تصدمت ماعرفت واش ندير عدت غير نقرى في آية الكرسسي عدت كي نشوفها نهرب واحد نهار جاتني للدار شافتها ماما وبابا قالولي بعدي عليها اي ماعجبتناش هاد الطفلة ماعرف كيفاه نبعدها بلاما نزعفها باسك خفت لكشما ديرلي حاجة ومبعد جات اخر السنة موت بالفرحة قلت خلاص ماعدش نتلاقا بيها الموصيبة انها عادت تجيني للدار وماما وبابا راهم يزيروا فيا قولها تبعدك وانا ماعنديش الجمل اللي نقولهملها باه تبعدني ياخاوتي دبروا عليا واش نقولها باه تبعدني اني خايفة لكشما ديريلي والله راني من صغري نعاني ونجري من راقي الى راقي والله ماني ناقصة واش ندير معها دبروا عليا ارجووووووكم خاوتي

[ترب الندى]

السلام عليكم
اظن ان مشكلتك ساهله
و لو كان عليا ما نعتبرها مشكله خلآص
المشكله عندك انتي برك طيبه معاها بزياده
يا اختي مكانش صداقه غصب
و من غير ما تجرحيها نقولك واش تديري
كيما تجيك للدار
_ لا للترحيب الحآر ولا حتى المتواضع يعني بيني بلي راكي تقلقتي
_ كيما تبدا تتحدث معاك ابقي غير ساكته و اذا رديتي ردي با ايه حتى
لو كانت غالطه قولي ايه او هزي راسك :1:
هك تستفزيها
_ وصي داركم كيما تجي مره راكي ؤاقده و مره خرجتي و مره مريضه و مره مشغوله
راح تمل و تبطل تجيك
_ شوفي هي واش شدها ليك اي واش عجبها فيك و اعملي العكس قدامها
_ اعملي كل الاشياء لي هي تكرههم و لي يزعجوها و يعصبوها
_ كيما تجي و تقعد معاك قولي ليها دقيقه و نرجع و اضربي ساعه
_ لا تحطي ليها لا قهوه لا تاي لا غازوز ولا حتى كاس ماء:1:
خليها تمل و تعيا و تكره و تهرب و تقول ياريتني ما درتها صديقه
و ربي يسامحني http://www.djelfa.info/vb/images/smilies/biggrin.gif

[معجزة الاكوان]

اقراي المعوذتين وسورة الاخلاص قل هو الله احد ثلاث مرات
واية الكرسي وراء صلاة الصبح والمغرب
وعليك باذكار الصباح والمساء
متقدر ديرلك والو كتروح وين تروح
وتشوفلك وين تشوف
اومبعد صارحيها بطيبة
انا نحبك والله عزيزة عليا
بصح بابا وماما..........
واذا زعفت خلي تزعف المهم تتهناي منها

[amina2688]

والله لا يسعني الا ان اقول ربي يسترنا حتى نموتوا مستورين

جيل مجلجل والله العظيم جيل مجلجل

[maria35]

صراحة ما فهمتش واش راهي حابة تحديدا منك ، المهم أنت أدرى وولي كي تهدر معاك أهدري ماعها بالزربة و بينيها بلي تقلقك ... و كي تكونو في جماعة و تهدر كاش حاجة انت ديري روحك كملي اهدري فالموضوع اللي كنت تناقشيه و ما تسمعيلهاش .... و ربي معاك إن شاء الله

[z.abdo]

السلام عليكم ورحمة الله وبركاته
جيت هنا ديراكتمو باه نقلكم على مشكلتي باسك انتوما خاوتي في الله لانو ماعنديش خاوتي اكبر مني انا
مشكلتي بدات لي من عامي اول في ليسي اللي هو هاد العام انا فتاة عمري 17 سنة منى عليا ربي بجمال الحمد الله
حتى وراني تاعبة منو بزاف نظن بلي فهمتوني دوكا في بداية السنة دخلت نورمال للكلاسة ديالي قعدت معع صحاباتي مي كنت دايما نشوف في واحد البنت تشوف فيا بواحد النظرة سبحان الله انا من اول نظرة مارتحتلهاش هادي الطفلة
المهم كانت غير تشوف فيا من بعيد ومن بعداك واحد نهار جاتني قاتلي رايحة نصارحك وبدات تقولي اكي عجبتيني وحبيتك وحابة تكوني صديقتي انا تنخلعت بصح وماقلت والوا وبعداك من داك نهار عادت تبعتلي في ليكادو وهادوك راسائل يايما مانجي نقراهم حتان نموت بالحشمة حتان ساعات نحس بلي الطفل اللي بعتلي هاديك الورقة ماشي طفلة نعطيكم نموذج منها تكتبلي انت قمر يمشي انت ......مع اني لابسة الحجاب الشرعي يعني غير وجهي يبان مي تلقاها وصفتني وصف في هاديك الورقة المهم كلام مشي تاع بنت لبنت حتان لواحد نهار قلتلها شوفي ماتعوديش تبعتيلي هاد لورق وماحقكش تكتبيلي كيما هاك زعفت وبدات تبكي ومانعرف وكان من قبل حدروني واحد لبنات منها قالولي راهي غير تاع شوفة ومانعرف وكدبتهم انا حتان واحد نهار قاتلي اعطيني حاجة من عندك باش نشوفلك الا راهم كشما دايرينلك خلاص انا تصدمت ماعرفت واش ندير عدت غير نقرى في آية الكرسسي عدت كي نشوفها نهرب واحد نهار جاتني للدار شافتها ماما وبابا قالولي بعدي عليها اي ماعجبتناش هاد الطفلة ماعرف كيفاه نبعدها بلاما نزعفها باسك خفت لكشما ديرلي حاجة ومبعد جات اخر السنة موت بالفرحة قلت خلاص ماعدش نتلاقا بيها الموصيبة انها عادت تجيني للدار وماما وبابا راهم يزيروا فيا قولها تبعدك وانا ماعنديش الجمل اللي نقولهملها باه تبعدني ياخاوتي دبروا عليا واش نقولها باه تبعدني اني خايفة لكشما ديريلي والله راني من صغري نعاني ونجري من راقي الى راقي والله ماني ناقصة واش ندير معها دبروا عليا ارجووووووكم خاوتي

السلام عليكم اختي


اسمعي كلامي جيدا كاين امور نحشكو فيهم وكاين امور لازم نكونو صارمين مع الناس وهذا امر لازم تكوني صارمة


وقوليلها بالحرف الواحد ماتزيدش تكلميني او تحوسي عليا وانتهى الأمر لأنك الغلطة فيك انت أي وحدة تشوف وصيقة فيها الشر مثل هذه تقطع مباشرة علاقتها معاها


والأكثر من ذالك انها تاتيك للبيت ربي ييهديك اختي

[تالا تسنيم]

ياأختي الكريمة ما تقيميهاش خلاص و ما عندها ماغادي ديرلك ............. لازم تكون شخصيتك قوية قدامها و قولي لها ما نسحقكش تزيدي تحكي معايا........

[asma2021]

ربي يسترك و يحفظك من شر الحاسدين من الجنة و الناس

[biti]

اختي كلما تجيك يقولها داركم بلي ماكيش في الدار وراكي خارج الولاية

[مستفانم]

السلام عليكم

أختي الدار داركم . ساهلة ماتحليش عليها الباب

كيما كي يجيك ضيف سامط ألعبيها ماراكمش في الدار وخلاص

تشجعي مرة واحدة وقوليلها في وجهها ماتزيديش تهدري معايا

وإذا حبيتي تستحملي 3 سنين لقدام الله يسهل عليك .

[*بسمة أمل*]

خلي أمك هي التي تتصرف معها
تفتحلها الباب وتقولها: يا بنتي رانا منحبوش كثرة الداخل والخارج وراه عيب وحدة تروح الدار ما همش من العائلة تاعها
وزيد على هذا ابوها راه يتقلق في كل مرة تجي فيها
هاي عندك تكلمي معها واش حبيتي في الثانوية
وانتي في وقت الدراسة روحي مع الوقت وفي الاستراحة تجنبي الوقوف معها وحدكم و أي حكايات جانبية

[مريم الصابرة]

السلام عليكم اختي والله تخلعت من مشكلتك صح هي الطفلة هذي راهي خطر عليك ومن الأاحسن تقوليها ما تزيزيدش تجيني او حلي امك تحكي معاها تقولها والدك رفض اي علاقة ليك مع البنات لازم تبعديها عليك .................... اختي خلي امك تقولها واقراي القرآن وأرقي رقية شرعية وما تخافيش منها لانو ربي موجود يحرسك وربي يوفقك اختي

[mostafa 12]

السلام عليكم ورحمة الله


............................................ .ثقي بي واتمنى ان تقطعي علاقتك بها فوريا ولا تعطيها اي شيئ من اثرك كلباس وراقبيها كيلا تاخذ منديل او كاس استعملته امامها كي لا تسحرك وتجعلك طوع يديها واكثري من اذكار الصبح والمساء وان شاء الله لن تفعل لك شيئاالمهم اتخاذ القرار المناسب في الوقت المناسب كي لا تندمي في المستقبل على شيئ كانت عندك القوة لفعله ولم تفعليه .خسارة صديقة خير من خسارة شرفك فكري بكلامي جيدا........................

[dodoman]

الصداقه لها طرفان يمكن لك ان تقطعى تلك العلاقة من طرفك

[السيدة اسيا]

مشكلتك يسيرة عندك حلين= ..........اما قولي لابويك على مشكلتك و راني واثقة راح يتفهموك .
=...............اما صارحيها ياطفلة اجرحي مشاعرها خير من تعيشي فهذي الحيرة كامل و صدقيني ما كان لاه تحسي بالذنب .

[kingbelkacem]

السلام عليكم في بالي هدي ماهيش مشكلة تعاملي معها بتحفظ وكي راكي ما كيش مرتاحتلها اجبدي منها بذكاء

[المنصور3]

يا أختي الصغيرة لا تخافي فالله معك ولن يصيبك إلا ما كتب لك ،قومي في الليل حيث لا يراك إلا الله وصلي ركعتين و ادعي الله بصدق ويقين أن يخلصك منها ومن شرها ومن شر ما خلق وسوف ترين العجب ستبتعد عنك وستحسين براحة لا مثيل لها في قربك من الله . تذكري دائما أن الله معك فلا تخافي إلا منه

[*قطر الندى*]

أنا تاني نشوف بلي لازملك تجبدي منها بذكاء .............

مثلا كي تجيك للدار قولي لأهلك يقوللها بلي ماكيش في الدار، راكي رحتي مثلا تصيفي في كاش بلاصا بعيدة و ماترجعيش حتى بعد شهر ولا شهرين ..............
أو يقولولها أهلك راكي عند جداتك ، راكي عند صحبتك ........

و هاكا حتى تفهم روحها و تبعد عليك
الله غالب لازم تكذبي شوي إلــــــــا راكي حابا تحافظيلها على مشاعرها

ربي يكون معاك

[RIMA95]

السلام عليكم
اختي الفاضل لم افهم تماما من ما انتي خائفة
مي نقولك كامل لبنات راهم يعانيو شوية من حكاية الزين
انا مثلا اهداني الله جمالا صح صعيب مي واش راح ديري لي يشوف فيك يقعد مشوكي
المهم استعيني بالمعودتين وسورة الكرسي {هدي من السنن
وبالنسبة لهد الطفل صارحيها {الصراحة راحة
ومكانش لي يحبلك صلاحك كيما والديك
وربي يحفظك

[فاطمة095]

الله يكون في العون

[نيفرتيتي.]

الحل عند امك هي الي تسحتها وبعد قوليلها راني خاطية والدار زسرو عليا لباه ماديرلك والو