انقذووووني .... فقدت الأمل .....

[lola22]

صباح الخير ..... ان شاء الله تكونو ملاح وصحتكم bien
انا شعبة علوم تجريبية وعندي مشكل كبيييييييييير ومخوفني بزااااف وهو انو منعرفش في الرياضيات كامل ومنحبهاش وما ركزتش عليها
وضرك راني ندمانة بزاف باسكوا لقيت روحي 00 فيها وخاصة الدوال منعرف والو


والله كرهت وفقدت الامل اني نجيب معدل مليح في الباك

اسمحولي طولت عليكم
ربي يكون في العون
بالتوفيق ان شاء الله

[ronaldo imad]

لي عودة ان شاء الله

[ronaldo imad]

السلام عليكم
هذا الملف قد يفيدك
http://www.4shared.com/rar/mo2Hz96a/3AS-BAC-MATHS-SOFT.html

[حامل اللواء]

حاولي تحصيل اكبر قدر من النقاط

بالرغم من ضيق الوقت

اجمعي اكبر قدر من النقاط

[الطبيبة مخطارية]

زوري هذا الوقع bacalg.voila.net راح يفيدك bienفيه كل مل تحتاجي

[lola22]

ربي يخليكم على مساعداتكم

[اماني 92]

عادي اختي راهم 3 ولا 4 تمارين تقدري تخرجي ب 12 عادي
انا معولة هكة

[knives55]

[QUOTE=lola22;10133833] صباح الخير ..... ان شاء الله تكونو ملاح وصحتكم bien
انا شعبة علوم تجريبية وعندي مشكل كبيييييييييير ومخوفني بزااااف وهو انو منعرفش في الرياضيات كامل ومنحبهاش وما ركزتش عليها
وضرك راني ندمانة بزاف باسكوا لقيت روحي 00 فيها وخاصة الدوال منعرف والو


والله كرهت وفقدت الامل اني نجيب معدل مليح في الباك

اسمحولي طولت عليكم
ربي يكون في العون
بالتوفيق ان شاء الله[/QUOTE ]


معيش أخدمي على 7 و ركزي على علوم ولفزياء راه مشكلتنا كامل منعرفوش رياضيات

[Hassani ahmed]

ختي أخدمي على 6 ما دام متعرفيش الرياضيات الفييزياء أكيد تكوني ناقصة فيها أخدمي على 8 ولا 9 ويلزم عليك تجيبي في العلوم 13 ولفوق وأخدمي في المواد الأدبية مليييح نأكدلك ختي تجيبي الباك بمعدل هايل

[lola22]

ربي يخليكم
مي والله راني في المورال تحت 000000
جيت نقراها معرفتش واش نقرى
اه اه اه اه
يا ربي فرج عليا همي

[assala BaC2012]

سلام اختي والله راني كيفك حابسة في الرياضيات بصح والحمد لله نفهم في العلوم وهي دائما لي نطلع بيها المعدل بالاضافة الى المواد الادبية التي دائما اعتمد عليها
المهم انتي شوفي نقاط القوة نتاعك وزيدي ركزي عليهم بااسكو نعرف شحال من تلاميذ علميين داو الباك نتاعهم غير بالمواد الادبية _____الله ينجحنا كامل

[اميرة41]

أختي والله نفس الحالة فقدت الأامل راني نظل نبكي خاطر خلاص الناس راهي كملت مراجعتها و راهي تدير في لي روتوش لخرين
ماعلاباليش واش رايحة نحط نهار الباك في المات
ربـي معنا و خلاص و ادعيولنا في ظهر الغيب يمكن تنقدونا بدعوة منكم

[أمينة1994]

أختي متقلقيش روحك

نقلك ركزي على الهندسة الفضائية ادي 4 نقاط ......... تحفظي القوانين والطرائق تضمني فيها

++ الدالة تعلمي تدرسي التغيرات ........ من المفروض ساهلة ........... تدي على الأقل 3 او 4 نقاط

++ الأعداد المركبة تقدري تديري الأسئلة الأولى تع حل المعادلة واكتب على الشكل الأسي وهكذا....... بسهولة تامة تدي على الأقل 2 نقط

وهكذا على الأقل تضمني المعدل

وفي الوقت لي بقالك إذا كملتي المواد الأخرى بشكل جيد كثري من تمارين الرياضيات وابداي بالساهل

موفقة وإن شاء الله نسمعو من عنك اخبار طيبة

ادعيلنا معاك

[mama93]

رب يوفقكم نشاءالله أنا ديت الباك وراني نعاود وخويا دا16 في المات وماداش الباك ورانا متوكلين على ربي هذا العام كلشي بالمكتاب لي قرا ربي ميضيعهش رب يوفق الجميع.

[lola22]

ربي يخلييكم على ردودكم وان شاء الله تنجحوا بالمعدلات اللي تحبوها ولا اكتر

ادعولي برك معاكم ربي يوفقني
ربي ينجحكم ... اللهم امين

[اماني 92]

ربي يوفقنا كامل يارب

[patchi222]

ختي حلي مواضيع بكالوريا فقط من 2008 إلى 2011 منبعد شوفي الحل
لأن تقريبا نفس الأسئلة تتعاود و إن شاء الله تتمكني من الرياضيات

[mehdi94]

يا اختي كان انتي شعبة علوم و تشكي من الرياضيات احنا شعبة رياضيات واش نقولوا ههههه

المهم حاولي تركزي على الهندسة و الأعداد المركبة هذوما لي يجيبولك المعدل في الرياضيات

[وسيمツ]

:dj_17:
احسن طريقة أولا أنك ما تزيديش تقعدي عند الميكرو
^^

ثاني أبدائ ب الهندسة في الفضاء ثم الأعداد المركبة ثم الدوال و ركزي بزااف على كيفية الاشتقاق و حساب الدالة المشتقة+اعتمدي على طريقة لوبيتال لاكان ما عرفتيش النهايات لأنو 0.25 كي تحطي النهاية بلا تبرير ما شكريتش ينقصولك+ لا تتوتري و هو اهم شيئ:mh31::mh31:

و في الأخير ربي يوفقك
:19:

[lola22]

شكرااااااااااااااااا
ربي ينجحنااااااااااا