اخت الزوج هل هي حماة ثانية

[سعاذ]

سلام عليكم

شد انتباهي عزوف بعض الشباب عن الزواج بسبب اخت من الممكن يكون زوجها و لكل من البنت و الشاب اسبابه

- البنت ترفض او تتخوف من الزواج من الرجل اذا كانت لديه اخوة بنات خاصة اذا كن غير متزوجات وبالاخص اذا كنا غير متزوجات و اكثر منها سنا فهي تعتبرهم اكثر خطورة من الحماتها

- و الشاب يرفض او ياجل الزواج و يشترط لكي يتزوج ان تتزوج كل اخواته لانه لا يريد المشاكل

يا ترى ماهي اسباب هذه المخاوف

كيف تتعامل الزوجة الاخ مع اخوات زوجها لتكسبهم

وكيف تتعامل اخت الزوج مع زوجة اخيها لتكسبها

و لعل الاهم كيف يتعامل الزوج و الاخ مع الزوجة و اخواته لتجنب حدوث الصدمات

[z.abdo]

السلام عليكم أختي سعاد سأجيب على أسألتك


و الشاب يرفض او ياجل الزواج و يشترط لكي يتزوج ان تتزوج كل اخواته لانه لا يريد المشاكل

انا عن نفسي الأسباب هي البطالة و أسباب مادية فيستحيل أن اجل الزواج كما ذكرتي انت

يا ترى ماهي اسباب خذه المخاوف

إذا كنت لبعض الشباب نظن هي ان يتأزم الوضع بين زوجته و اخته فيصبح في موقف إما زوجته إما أخته

كيف تتعامل الزوجة الاخ مع اخوات زوجها لتكسبهم


يجب ان لا تتكبر و تتواضع

وكيف تتعامل اخت الزوج مع زوجة اخيها لتكسبها

يجب ان تتذكر سيأتي يوم وتكون هي كذالك زوجة وكما تدين تدان
و لعل الاهم كيف يتعامل الزوج و الاخ مع الزوجة و اخواته لتجنب حدوث الصدمات

يجب اولا أن يبقى يتصرف مع اخته كما في السابق كذالك يشتري هدايا لأخته ويكون حنين مع أخته كذالك ولا يشعرها أنه ليس بحاجة إليها أو إستغنى عنها


تقبلو مروري

[ايمان نور الجزائر]

يا ترى ماهي اسباب خذه المخاوف اسباب هذه المخاوف هي الخوف من حصول تغيير او نمط العيش داخل الاسرة كيف تتعامل الزوجة الاخ مع اخوات زوجها لتكسبهم على الزوجة التي تختار بيت الاسرة سكنا لها احترام عادات البيت كيما نعرفو كل دار طريقة معينة في الشفل في الطبخ....عليها ان تكسبهن تساعدهن لا تفشي اسرارهن وتساعدهن وتحاول تجنب فعل ما يضايقهن وكيف تتعامل اخت الزوج مع زوجة اخيها لتكسبها على اخوات الزوج تقبل وجود الكنة بالبيت واعتبارها اخت لهن...وماحولة مساعدتها على التاقلم بالبيت وايضا اصطحابها للزيارات العائلية وغيرها وكذا عدم تحريض الاخ عليها و لعل الاهم كيف يتعامل الزوج و الاخ مع الزوجة و اخواته لتجنب حدوث الصدمات على الزوج ان يفصل بواجباته مع اخواته فمثلا يبقى على اتصال بهن يلبي طلباتهن ويبقى يتحدث اليهن ويساعدهن ما يخليش زواجو يبعدو عن اخواتو حتى لا يحسسن بفقدان الاخ وكما عليه ابقاء مكانة الزوجة محفوظة بين اخواته لا يهينها ولا يعلق على تصرفاتها امام الاخوات ولا يظهر انه منصاع جدا لزوجته بل عليه افهامها انو كل حاجة في بلاصتها شكرا على الطرح

[حلاوة_87]

ممكن تعتبر حماة ثانية...لانه كل بيت وطريقتهم في العيش والشغل وكل شيء والعروس غالبا متعرفش طريقتهم ولها طريقتها الخاصة صعب باش تغيرها من اول يوم وهذا ما يجعل بعض الكلام بين الاخت والعروس...واحيانا العروس تتصرف على حسب تفكيرها وممكن يكون غلط وبالتالي يكون النقد في الحال....صراحة راني نهدر على حساب ما شفت روحي نعامل نسا خاوتي...اللي تغلط نجي عقابها ...وراني نستنى في نهاري انا باش يخلفو مني ...
تقبلي مروري..

[سعاذ]

السلام عليكم أختي سعاد سأجيب على أسألتك


و الشاب يرفض او ياجل الزواج و يشترط لكي يتزوج ان تتزوج كل اخواته لانه لا يريد المشاكل

انا عن نفسي الأسباب هي البطالة و أسباب مادية فيستحيل أن اجل الزواج كما ذكرتي انت

يا ترى ماهي اسباب خذه المخاوف

إذا كنت لبعض الشباب نظن هي ان يتأزم الوضع بين زوجته و اخته فيصبح في موقف إما زوجته إما أخته

كيف تتعامل الزوجة الاخ مع اخوات زوجها لتكسبهم


يجب ان لا تتكبر و تتواضع

وكيف تتعامل اخت الزوج مع زوجة اخيها لتكسبها

يجب ان تتذكر سيأتي يوم وتكون هي كذالك زوجة وكما تدين تدان
و لعل الاهم كيف يتعامل الزوج و الاخ مع الزوجة و اخواته لتجنب حدوث الصدمات

يجب اولا أن يبقى يتصرف مع اخته كما في السابق كذالك يشتري هدايا لأخته ويكون حنين مع أخته كذالك ولا يشعرها أنه ليس بحاجة إليها أو إستغنى عنها


تقبلو مروري

شكرا على الاجابات الدقيقة

ربي يفرج عليك انشاء الله بخدمة وتتزوج ماتنساش تعرضنا برك

[سعاذ]

يا ترى ماهي اسباب خذه المخاوف اسباب هذه المخاوف هي الخوف من حصول تغيير او نمط العيش داخل الاسرة كيف تتعامل الزوجة الاخ مع اخوات زوجها لتكسبهم على الزوجة التي تختار بيت الاسرة سكنا لها احترام عادات البيت كيما نعرفو كل دار طريقة معينة في الشفل في الطبخ....عليها ان تكسبهن تساعدهن لا تفشي اسرارهن وتساعدهن وتحاول تجنب فعل ما يضايقهن وكيف تتعامل اخت الزوج مع زوجة اخيها لتكسبها على اخوات الزوج تقبل وجود الكنة بالبيت واعتبارها اخت لهن...وماحولة مساعدتها على التاقلم بالبيت وايضا اصطحابها للزيارات العائلية وغيرها وكذا عدم تحريض الاخ عليها و لعل الاهم كيف يتعامل الزوج و الاخ مع الزوجة و اخواته لتجنب حدوث الصدمات على الزوج ان يفصل بواجباته مع اخواته فمثلا يبقى على اتصال بهن يلبي طلباتهن ويبقى يتحدث اليهن ويساعدهن ما يخليش زواجو يبعدو عن اخواتو حتى لا يحسسن بفقدان الاخ وكما عليه ابقاء مكانة الزوجة محفوظة بين اخواته لا يهينها ولا يعلق على تصرفاتها امام الاخوات ولا يظهر انه منصاع جدا لزوجته بل عليه افهامها انو كل حاجة في بلاصتها شكرا على الطرح

شكرا على المرور الطيب
في كثير من الاحيان المراة لا تخاف من تغير نمط العيش داخل الاسرة بقدر خوفها من طريقة التعامل مع اخت زوجها

[سعاذ]

ممكن تعتبر حماة ثانية...لانه كل بيت وطريقتهم في العيش والشغل وكل شيء والعروس غالبا متعرفش طريقتهم ولها طريقتها الخاصة صعب باش تغيرها من اول يوم وهذا ما يجعل بعض الكلام بين الاخت والعروس...واحيانا العروس تتصرف على حسب تفكيرها وممكن يكون غلط وبالتالي يكون النقد في الحال....صراحة راني نهدر على حساب ما شفت روحي نعامل نسا خاوتي...اللي تغلط نجي عقابها ...وراني نستنى في نهاري انا باش يخلفو مني ...
تقبلي مروري..

شكرا على المشاركة

في كثير من الاحيان اخت الزوج تغفر بعض الاخطاء لاختها ولاكن اذا وقعت فيها زوجة اخيها فية لا تسامحها

وتجدين زوجة الاخ اذا حدث سوء تفاهم بينها و بين اخت زوجها تضخم سوء تفاهم و تجدها مناسبة لتحريض زوجها على اخته

[الجليس الصلح]

تحبون الصراحة أنا ضد من يتزوج داخل بيت مليئ بالمتربصين من أخوات وإخوة يغارون من زوجة أخيهم مجتمع مليئ بالمشاكل كهذه فكيف بالله عليكم بناء أسرة وسط ضجيج وصراخ وعويل وتراشق بالأحذية بلا شك يتربى جيل معقد حاقد على كل المجتمع الأحسن أن يصبر أو البحث على سكن فردي والحمد لله اليوم هي تعمل وهو كذلك وبالتوفيق لجميع شبابنا والشكر الجزيل لصاحب الموضوع

[محمد...عبد النور]

السلام عليكم أختي سعاد
موضوع جميل و مفيد
و الله الزوج و زوجته و يكون عندهم مشاكل ، فما بالك بغيرهما ، يعني الزوجة و عجوزها و طفلتها.......مشاكل كاينة و خاصة اذا كان عناد و عدم التغافل عن الجزئيات التي تحدث التوتر
و الزواج كل و ظروفه و قناعته و الامر يختلف من شخص لآخر
ربي يدوم العافية و يرزق كل شخص الهنا و العافية
شكرا أختي الكريمة سعاد و جزاك الله خيرا
ســـــــــــــــــــــــــــــــــلام

[سعاذ]

تحبون الصراحة أنا ضد من يتزوج داخل بيت مليئ بالمتربصين من أخوات وإخوة يغارون من زوجة أخيهم مجتمع مليئ بالمشاكل كهذه فكيف بالله عليكم بناء أسرة وسط ضجيج وصراخ وعويل وتراشق بالأحذية بلا شك يتربى جيل معقد حاقد على كل المجتمع الأحسن أن يصبر أو البحث على سكن فردي والحمد لله اليوم هي تعمل وهو كذلك وبالتوفيق لجميع شبابنا والشكر الجزيل لصاحب الموضوع

سلام عليكم
شكرا اخي على الصراحة

كي قريت ردك بديت نتخيل البيت كيفاه يكون

بصح واش هي ياترى الاسباب لي تخلي اخوات يغيروا من زوجة اخيهم على حساب رايك

[سعاذ]

السلام عليكم أختي سعاد
موضوع جميل و مفيد
و الله الزوج و زوجته و يكون عندهم مشاكل ، فما بالك بغيرهما ، يعني الزوجة و عجوزها و طفلتها.......مشاكل كاينة و خاصة اذا كان عناد و عدم التغافل عن الجزئيات التي تحدث التوتر
و الزواج كل و ظروفه و قناعته و الامر يختلف من شخص لآخر
ربي يدوم العافية و يرزق كل شخص الهنا و العافية
شكرا أختي الكريمة سعاد و جزاك الله خيرا
ســـــــــــــــــــــــــــــــــلام

سلام عليكم

شكرا اخي على المشاركة

المشاكل بين الزوج و الزوجة شيئ طبيعي كيما يقولوا هي ملح الحياة الزوجية
اما بين الزوجة الاخ و سلافتها و عجوزتها نقدروا نجنبوها او على الاقل تخفيف من حدتها
اذا عرفت كل وحدة حدودها و ماحولتش تتجاوزها

[محمد...عبد النور]

سلام عليكم

شكرا اخي على المشاركة

المشاكل بين الزوج و الزوجة شيئ طبيعي كيما يقولوا هي ملح الحياة الزوجية
اما بين الزوجة الاخ و سلافتها و عجوزتها نقدروا نجنبوها او على الاقل تخفيف من حدتها
اذا عرفت كل وحدة حدودها و ماحولتش تتجاوزها



السلفة هي زوجة أخ الزوجة
و نقولوا طفلتها يعني أخت الزوج بالنسبة للزوجة

نتي من جوايهنا لكن ممكن راكي غالطة في المصطلح هههههههه
ربي يبارك فيك و جزيتي الجنة
ســــــــــــــــــــــــلام

[مريم الصابرة]

السلام عليكم اختي سعاذ كيف الحال؟
شكرا على الموضوع خليني نجاوبك بكل صراحة الفتاة اللي تجي تتزوج وتعرف إنو الشاب عندو خواتاتو تخاف نقولك علاه لأانو هي ماذابيها يكون وحدو يلا اهلو لانو عندها غيرة دفينة بأعماقها وتملك تحب الراجل يكون ليها فقط مع إنو هذو حواتاتو هي يلزم لما يتزوج بيها ينساهم حتى امو هي وبرك مي ما ينساش خوتاتها وأمها محال على هذا كثرو البايرات فالجزائر لأاو النسا يحبو التملك تحب الراجل تتحكم فيه
اما الشباب ربي يحسن عونهم الله غالب عليهم الاغلبية البطالة كيما قال عبدو وعارفين النسا ماديات وعن خواتاتو يعرف إنو رايحين يكونو المشاكل ربي يهديهم وشكرا على الموضوع

[سعاذ]

السلفة هي زوجة أخ الزوجة
و نقولوا طفلتها يعني أخت الزوج بالنسبة للزوجة

نتي من جوايهنا لكن ممكن راكي غالطة في المصطلح هههههههه
ربي يبارك فيك و جزيتي الجنة
ســــــــــــــــــــــــلام
انا ماشي من جوايهكم انا من سطيف
عندنا
سلفة هي اخت الزوج
سلف هو اخ زوج
مرت سلفها هي زوجة اخ الزوج
وربيبة هي ابنت الزوج من امراة اخري

[محمد...عبد النور]

انا ماشي من جوايهكم انا من سطيف
عندنا
سلفة هي اخت الزوج
سلف هو اخ زوج
مرت سلفها هي زوجة اخ الزوج
وربيبة هي ابنت الزوج من امراة اخري



شكرا لك أختي على التوضيح و سامحيني على الازعاج
ربي يبارك و يوفيلك ما تتمناي
ســــــــــــــــــــــلام

[سعاذ]

شكرا لك أختي على التوضيح و سامحيني على الازعاج
ربي يبارك و يوفيلك ما تتمناي
ســــــــــــــــــــــلام


بالعكس اسعدني ذلك
امين يارب العلمين
ولك بالمثل اخي

[Amouna.DZ]

في الواقع في كثير من الأحيان تكون أخت الزوج أصعب من الحماة في تعاملاتها مع زوجة الاخ

ولكن هذا الأمر ليس دائما لدي زميلة حماتها امرأة صعبة التعامل كيما نقولو غلطة بورطة يعني زلقة بفلقة

وتخيلي أن أخت زوجها هي الوحيدة لتصبر فيها واقفة معاها وتساندها و لي من الامثلة الكثير

حبين نوصل بكلامي أن كل وحدة و كيفاش تكسب أهل الزوج أو على الاقل تعرف كيف تتفادى المشاكل معهم

[z.abdo]

انا ماشي من جوايهكم انا من سطيف
عندنا
سلفة هي اخت الزوج
سلف هو اخ زوج
مرت سلفها هي زوجة اخ الزوج
وربيبة هي ابنت الزوج من امراة اخري

نفس التعاريف اللي ذكرتيهم عدنا في الجلفة

نظن الأخ لذريق ما علبلوش فقط

[قضــــــــــــ وقدر ـــــــــــاء]

السلام عليكم
أنا في رأيي من الأحسن أن تسكن الزوجة وزوجها
في بيت مستقل ربما هكذا تنقص المشاكل
وأخت الزوج تكون مشكلة إذا تدخلت فيما لا يعنيها
أما إذا كانت لا تؤذي أحدا هنا لا أراها كما ذكرت
ونفس الكلام عن الزوجة حسب تصرفاتها
والحقيقة أن بيوت الجزائريين تقريبا كلها
تشهد هذا النوع من المشاكل
الله يجيب الخير

[Lydia istanboul]

البيت المستقل هو الحل و يبقى الكل مرتاح و كيما حنا نقولو عين ما شافت قلب ما وجع لا الاخت تشوف ليونة أخوها المفاجئة مع الوافدة الجديدة و لا الزوجة تشوف تقبل زوجها لبعض الامور من أخواتو من باب الاحترام لا من باب استصغار زوجته كأن يتقبل إنتقاد أخواتو لبعض أفعال زوجتو و كما قال عضو قبلي السلفة هي زوجة أخ الزوج و الطفله هي أخت الزوج على الأقل هكذا في مسيلة نسميهم سلام

[سعاذ]

في الواقع في كثير من الأحيان تكون أخت الزوج أصعب من الحماة في تعاملاتها مع زوجة الاخ

ولكن هذا الأمر ليس دائما لدي زميلة حماتها امرأة صعبة التعامل كيما نقولو غلطة بورطة يعني زلقة بفلقة

وتخيلي أن أخت زوجها هي الوحيدة لتصبر فيها واقفة معاها وتساندها و لي من الامثلة الكثير

حبين نوصل بكلامي أن كل وحدة و كيفاش تكسب أهل الزوج أو على الاقل تعرف كيف تتفادى المشاكل معهم
سلام عليكم
شكرا على الاهتمام
بالنسبة لي و هذى راي و عن تجربة (انا عندي مرت اخي)
لوكان تعامل الحماة زوجة ابنها مثل واحدة من بناتها وزوجت الابن تعامل حماتها مثل امها تاكدي بان اي خطا يصدر من احد الطرفين يستطيع الطرف الثاني استعابه بكل سهولة

اما بالنسبة لاخت الزوج كي تعرف بلي زوجت اخوها جات باه تبني حياة جديدة ماشي جات باه تحارب تاكدي بلي مايكون بيناتهم غير الخير

[سعاذ]

نفس التعاريف اللي ذكرتيهم عدنا في الجلفة

نظن الأخ لذريق ما علبلوش فقط

سلام عليكم
اسعدني مرورك اخي عبدو

[سعاذ]

السلام عليكم
أنا في رأيي من الأحسن أن تسكن الزوجة وزوجها
في بيت مستقل ربما هكذا تنقص المشاكل
وأخت الزوج تكون مشكلة إذا تدخلت فيما لا يعنيها
أما إذا كانت لا تؤذي أحدا هنا لا أراها كما ذكرت
ونفس الكلام عن الزوجة حسب تصرفاتها
والحقيقة أن بيوت الجزائريين تقريبا كلها
تشهد هذا النوع من المشاكل
الله يجيب الخير

سلام عليكم
هو لوكان يكونوا الامكانيات ماكنش قد الاستقلال ببيت خاص سرتوا لوكان لعجوزة و الشيخ كاين لي يخدمهم

هكذا كنت ومازلت نهدر لوكان كل واحدة تحكم قدرها مايصراوش المشاكل

[سعاذ]

البيت المستقل هو الحل و يبقى الكل مرتاح و كيما حنا نقولو عين ما شافت قلب ما وجع لا الاخت تشوف ليونة أخوها المفاجئة مع الوافدة الجديدة و لا الزوجة تشوف تقبل زوجها لبعض الامور من أخواتو من باب الاحترام لا من باب استصغار زوجته كأن يتقبل إنتقاد أخواتو لبعض أفعال زوجتو و كما قال عضو قبلي السلفة هي زوجة أخ الزوج و الطفله هي أخت الزوج على الأقل هكذا في مسيلة نسميهم سلام

سلام عليكم
شكرا على المشاركة العطرة
نرمالموا مسيلة ماشي بعيدة على سطيف بصح على حساب حطا تختلف التسميات من ولاية الى اخري

[حنيني24]

الســـــــــــــــــــــــــــ عليكم ــــــــــــــــــــــــــــــــــــــــــــــــــ ـــــــــــــلام
-
أخيتي المشكل هو أن الزوجة تتحسس كثيرا
من أي فعل أو كلام
يصدر من أخت الزوج،،، مقصود أو غير مقصووووود،،،
ولا يحق لأخت الزوج أن تأمرها بفعل شيئ،،
أو تركه،،، وتتحكم فيها،،، أو تتدخل في شؤووون
زوجة أخيها،،،
والأحسن أن تتبع أخت الزوج هذه الخطوتان،،
تريح نفسها وضميرها،،، من الصدعااااات
" صباح الخير مساء الخير"
ومعاملتها بالتي هي أحسن
-
والأفضل للزووووجة سكن مستقل،،،
تريح نفسها،،، وأهل زوجهااااااااااااا

[سعاذ]

الســـــــــــــــــــــــــــ عليكم ــــــــــــــــــــــــــــــــــــــــــــــــــ ـــــــــــــلام
-
أخيتي المشكل هو أن الزوجة تتحسس كثيرا
من أي فعل أو كلام
يصدر من أخت الزوج،،، مقصود أو غير مقصووووود،،،
ولا يحق لأخت الزوج أن تأمرها بفعل شيئ،،
أو تركه،،، وتتحكم فيها،،، أو تتدخل في شؤووون
زوجة أخيها،،،
والأحسن أن تتبع أخت الزوج هذه الخطوتان،،
تريح نفسها وضميرها،،، من الصدعااااات
" صباح الخير مساء الخير"
ومعاملتها بالتي هي أحسن
-
والأفضل للزووووجة سكن مستقل،،،
تريح نفسها،،، وأهل زوجهااااااااااااا

سلام عليكم
شكرا على المشاركة
انا معاك كي تقولي بلي اخت الزوج لازم متامرش مرت خوها و متتحكمش فيها و نزيدلك لازم مادنقلهاش لا خدمت شغل تاع الدار و لا لا خاطر كيما تحب عينها تخدم ولا ماتخدمش يخي ماكانوش ميتين من الشر و لا قاتلهم الدود قبل lماجي مرت خوها و هذي انا راني مطبقتها و الله مرات نجي من الخدمة مهلوكة ورغم هذاك ندير لعشا خاطر ماحاباش تحس بلي راهي محقورة و بلي شغل تاع الدار راهوا كامل عليها

اما انوا علاقة بينتهم تنحصر في صباح الخير و مساء الخير هذي مارانيش معاك مادامهم راهم عايشين في دار واحدة لازم تكون بيناتهم علاقات اخرى

[عُضو مُحترم]

و لماذا لا تقولون إنّها اُخت ثانية


؟؟؟؟؟

والله اعيش في عائلتي من زمااااااااان و عندنا 4 كنات

و عشنا و مازلنا عايشين la belle vie

[سعاذ]

و لماذا لا تقولون إنّها اُخت ثانية


؟؟؟؟؟

والله اعيش في عائلتي من زمااااااااان و عندنا 4 كنات

و عشنا و مازلنا عايشين la belle vie

سلام عليكم
والله هذا واش حبا نوصلوا من خلال النقاش

انا تاني عندي مرت خويا والله و ربي شاهد كي ختي

[Lydia istanboul]

ربي يرزقني بأخت زوج كيفك يا سعاذ,,,لحد الان معرفتي بعائلتي الجديدة سطحية و يا ريت يكونو مثلك في الرقي الحوار و الليونة بصراحة هكذا العقل المثقف يا بلى

[حنيني24]

سلام عليكم
شكرا على المشاركة
انا معاك كي تقولي بلي اخت الزوج لازم متامرش مرت خوها و متتحكمش فيها و نزيدلك لازم مادنقلهاش لا خدمت شغل تاع الدار و لا لا خاطر كيما تحب عينها تخدم ولا ماتخدمش يخي ماكانوش ميتين من الشر و لا قاتلهم الدود قبل lماجي مرت خوها و هذي انا راني مطبقتها و الله مرات نجي من الخدمة مهلوكة ورغم هذاك ندير لعشا خاطر ماحاباش تحس بلي راهي محقورة و بلي شغل تاع الدار راهوا كامل عليها

اما انوا علاقة بينتهم تنحصر في صباح الخير و مساء الخير هذي مارانيش معاك مادامهم راهم عايشين في دار واحدة لازم تكون بيناتهم علاقات اخرى

أخبرني،،، هل زوجة أخوك،،،
كنة جديدة ولا قديمة؟؟
إذا كانت جديدة نحسن عونــــــــــــــــــكـ
أخيتي مقصودي من صباح الخير مساء الخير
يعني لا تتدخلي في شؤوووونها،،،
و لا تتركيها تتدخل في شؤووونك،،،
وهذه العلاقات الأخرى،،، لا تنتج من وراءها
إلا وجع الرأس،،،، خاصة إذا كانت من نساء
القيل والقال،،، تكلمت عن تجربتي الخاصة
وقدمت نصيحتي،،،، التي كنت أسمع بها من قبل ،،
ولم أكن أصدقها،،،
يا أخيتي ورب لم أعني بها المقاطعة،،،
وإنما وضع حدوووود ،،، لدفع المشاكل،،،
وليس كل الزوجات كبعض،،،

[حنيني24]

و لماذا لا تقولون إنّها اُخت ثانية


؟؟؟؟؟

والله اعيش في عائلتي من زمااااااااان و عندنا 4 كنات

و عشنا و مازلنا عايشين la belle vie

بسم الله ما شاء الله،،، الله يدوم الحال،،،
"لماذا لا نقووول أنها أخت ثانية"
المشكل،،، عندما تعاملهاااا أكثر من أختكـــ
و تحاووووول إرضائها بكل شيئ،،،
حتى لا تشعر بالوووحدة،،،
،،، تقابلكـــ بلساااااان حلو،،،
لكن
إذا توااارت عنكـ فهي العقرب،،،
عندما تجعلها،،، مثل أختكــــــــــــ،،،، وتكتشف أنها تكن لكـــــــــ كل الحقد،،،، و لا تقيم لكـ وزن،،،
وتعمد على إهانتك،،،
فهل أختي يا أخي تفعل بي هذا الأمرررررر ؟؟
-
قيل لا يلدغ المؤمن من الجحر مرتين،،
ورب أنا ألدغ مرااات ومراااات
وأقووول لا أحمل في قلبي حقدا حتى لا أتعبه،،،
لولا سؤااالك ما تكلمت

[سعاذ]

[QUOTE=Lydia istanboul;10143418]ربي يرزقني بأخت زوج كيفك يا سعاذ,,,لحد الان معرفتي بعائلتي الجديدة سطحية و يا ريت يكونو مثلك في الرقي الحوار و الليونة بصراحة هكذا العقل المثقف يا بلى[/QUOTE
والله ياختي ديري النية برك وبربي انشاء الله مايكون غير الخير
انا مرت خويا قبل ماجي لدار مانكذبش عليك جامي هدرت معاها في التيليفون بخلاف انواكي نوى خويا يخطبها كنت انا هي همزة الوصل كنت نهدر معاها غير كي نروحوا نزوروهم خاطر علابلي بلي في هذك المرحلة كل وحدة تبين حوايج ايجابية برك

كي جات لدار حطيت في راسي بلي جات باه تبني حياتها ماشي باه تحارب عمري مادخلت في علاقتها باخي و علاقاتها بيما ولا حتى في طريقة تربيتها لابنتها وعمري ماحطيت راسي براسها حبت تخدم حبت ماتخدمش كيما التحب المهم كي يوجد العشاء و لا غدا نعيطلها باه تحبط تتعشا ولا جبت حجا لخواتاتي عمري ماميزتها عليهم

و يما تعاملها كيما تعاملنا و عمرها لاراحت زيارة وماسقساتهاش هي اول واحدة لا حبا تروح

و هي و الحمد الله طفلا عاقلا عمرها مالعبتها علينا و عمرها وماوصلت حجا هدرناها بيناتنا لاخي و لا حاولت تفسد ولا دخلت روحها كي نكون نهدر مع خويا

[amina2688]

السلام عليكم ورحمة الله وبركاته

اختي سعاذ وكل الاعضاء:

الشاب يرفض او ياجل الزواج و يشترط لكي يتزوج ان تتزوج كل اخواته لانه لا يريد المشاكل

فهذا والعياذ بالله...............كما انه شخص بلا تفكير هو على يقين مسبق ان زوجته ستقوده كما تشاء

اما الفتاة التي ترفض الزواج من الرجل الذي لديه اخوات

فهي امراة ناقصة وحقودة وغيارة خايفة لا يفيقوا بالنقائص نتاعها وزيد بالزيادة راح تحمر منهم..........

اما بالنسبة لك اختي سعاد :كونك قلتي زوجة اخي هي اختي.........فمعذرة منك هذا محال محال محال

قولي متجنبين المشاكل كاين الي يسكت على حقوا ويتنازل اكثر من الحد نصدق كي اختي ههههههههشوي هذه

_عضو محترم 4 كناين عيشين ومتعايشين مع بعض كي الاخوة

اسمحلي مي نقلك هذا شبه مستحيل لا ليس شبه مستحيل هو مستحيل

اختي حنيني كلامك كلوا منطقي ويظهر انك مجربة وفاهمة الوضع :19::19:

احسن حل السلام عليكم عليكم السلام

ما دون هذا ستكون مشاكل لا طائل من ورائها

شكرا للجميع واسفة من الجميع

تقبلوني اختكم امينة:19:

[سعاذ]

أخبرني،،، هل زوجة أخوك،،،
كنة جديدة ولا قديمة؟؟
إذا كانت جديدة نحسن عونــــــــــــــــــكـ
أخيتي مقصودي من صباح الخير مساء الخير
يعني لا تتدخلي في شؤوووونها،،،
و لا تتركيها تتدخل في شؤووونك،،،
وهذه العلاقات الأخرى،،، لا تنتج من وراءها
إلا وجع الرأس،،،، خاصة إذا كانت من نساء
القيل والقال،،، تكلمت عن تجربتي الخاصة
وقدمت نصيحتي،،،، التي كنت أسمع بها من قبل ،،
ولم أكن أصدقها،،،
يا أخيتي ورب لم أعني بها المقاطعة،،،
وإنما وضع حدوووود ،،، لدفع المشاكل،،،
وليس كل الزوجات كبعض،،،





اولامرت خويا كنة قديمة
وصلتني الفكرة لي حبيتي تقوليها
صح دخس بزاف ماشيي مليح

[حنيني24]

اولامرت خويا كنة قديمة
وصلتني الفكرة لي حبيتي تقوليها
صح دخس بزاف ماشيي مليح

أخيتي،،،، رب يفرحكــــــ ويعطيكــ ديما على حساب نيتكـ
ما تشوفي شـــــــــــــــــــــــــــــــــــــــــــــــر

[حنيني24]

السلام عليكم ورحمة الله وبركاته


اختي حنيني كلامك كلوا منطقي ويظهر انك مجربة وفاهمة الوضع :19::19:

احسن حل السلام عليكم عليكم السلام

ما دون هذا ستكون مشاكل لا طائل من ورائها

شكرا للجميع واسفة من الجميع

تقبلوني اختكم امينة:19:

إحترامها،،،، مساعدتها إن احتاجت إلى المساعدة،،
ما دووون ذلك لا،،، لأن العلاقات ،، ستولد أحقاد،،،
وخلافات،،، خاصة إذا طغى سوووء الظن،،،
مع ذلك لا نعمـــــــــــــــــــــــــــــــــــــــــــــــ ـــــــــــــم
مشكـــــــ ـــــــــ ــــــــــــــ ــــــــــــــــــــــ ـــــــــــــــــ ـــــــــــــــــ ـــــــــــ ـــــــــــــــــ ـــــــــــــــ ـــــــــــــورة
رب يحفظكـ ويسعدكـ
ما تشوفي شر

[Amouna.DZ]

سلام عليكم
شكرا على الاهتمام
بالنسبة لي و هذى راي و عن تجربة (انا عندي مرت اخي)
لوكان تعامل الحماة زوجة ابنها مثل واحدة من بناتها وزوجت الابن تعامل حماتها مثل امها تاكدي بان اي خطا يصدر من احد الطرفين يستطيع الطرف الثاني استعابه بكل سهولة

اما بالنسبة لاخت الزوج كي تعرف بلي زوجت اخوها جات باه تبني حياة جديدة ماشي جات باه تحارب تاكدي بلي مايكون بيناتهم غير الخير

جوابك في الصميم اختي سعاد

كيما يقول المثل ( مولا النية يغلب ) يعني كل وحدة تروح لدار زوجها على اساس انها ذاهبة لبتها الثاني اين تجد اخوة و اخوات اخرين و اب و ام يحبونها و يحترمونها

عندي سؤال (اسمحيلي على التقرعيج) كيفاش تعاملكم زوجة اخيك كيف تعاملها مع والديك لكي نستفيد :1: :1: :1:

[حنيني24]

[quote=lydia istanboul;10143418]ربي يرزقني بأخت زوج كيفك يا سعاذ,,,لحد الان معرفتي بعائلتي الجديدة سطحية و يا ريت يكونو مثلك في الرقي الحوار و الليونة بصراحة هكذا العقل المثقف يا بلى[/quote
والله ياختي ديري النية برك وبربي انشاء الله مايكون غير الخير
انا مرت خويا قبل ماجي لدار مانكذبش عليك جامي هدرت معاها في التيليفون بخلاف انواكي نوى خويا يخطبها كنت انا هي همزة الوصل كنت نهدر معاها غير كي نروحوا نزوروهم خاطر علابلي بلي في هذك المرحلة كل وحدة تبين حوايج ايجابية برك

كي جات لدار حطيت في راسي بلي جات باه تبني حياتها ماشي باه تحارب عمري مادخلت في علاقتها باخي و علاقاتها بيما ولا حتى في طريقة تربيتها لابنتها وعمري ماحطيت راسي براسها حبت تخدم حبت ماتخدمش كيما التحب المهم كي يوجد العشاء و لا غدا نعيطلها باه تحبط تتعشا ولا جبت حجا لخواتاتي عمري ماميزتها عليهم

و يما تعاملها كيما تعاملنا و عمرها لاراحت زيارة وماسقساتهاش هي اول واحدة لا حبا تروح

و هي و الحمد الله طفلا عاقلا عمرها مالعبتها علينا و عمرها وماوصلت حجا هدرناها بيناتنا لاخي و لا حاولت تفسد ولا دخلت روحها كي نكون نهدر مع خويا

ورب أفرح عندما أسمع هذا الكلااااام،،،
هناك أناااااس عندما تعاملينهم بالحسنى،،،
وتمنحيهم حبكـ و ودكـ
يقدروووون ذلكـ ،،، ويبادلوووونكـ نفس الشيئ،،
يصدِقوكـ المودة،،
وتحسين أن فقلوبهم نقية،،،، وبيضااااء
- - - - - - - -
رب يدوم الحااااال،،، أخيتي،،،

[سعاذ]

السلام عليكم ورحمة الله وبركاته

اختي سعاذ وكل الاعضاء:

الشاب يرفض او ياجل الزواج و يشترط لكي يتزوج ان تتزوج كل اخواته لانه لا يريد المشاكل

فهذا والعياذ بالله...............كما انه شخص بلا تفكير هو على يقين مسبق ان زوجته ستقوده كما تشاء

اما الفتاة التي ترفض الزواج من الرجل الذي لديه اخوات

فهي امراة ناقصة وحقودة وغيارة خايفة لا يفيقوا بالنقائص نتاعها وزيد بالزيادة راح تحمر منهم..........

اما بالنسبة لك اختي سعاد :كونك قلتي زوجة اخي هي اختي.........فمعذرة منك هذا محال محال محال

قولي متجنبين المشاكل كاين الي يسكت على حقوا ويتنازل اكثر من الحد نصدق كي اختي ههههههههشوي هذه

_عضو محترم 4 كناين عيشين ومتعايشين مع بعض كي الاخوة

اسمحلي مي نقلك هذا شبه مستحيل لا ليس شبه مستحيل هو مستحيل

اختي حنيني كلامك كلوا منطقي ويظهر انك مجربة وفاهمة الوضع :19::19:

احسن حل السلام عليكم عليكم السلام

ما دون هذا ستكون مشاكل لا طائل من ورائها

شكرا للجميع واسفة من الجميع

تقبلوني اختكم امينة:19:
سلام عليكم
شكرا اختي على المشاركة و الصراحة
كلامك جواهر و صحيح مائة بالمائة في الجزء الاول
اما الجزء الثاني سمحيلي ندير تعقيب عليه
حبيت نقولك كي تكون كل واحدة علابلها واش عليها واش ليها من رايحا جي المشاكل

[سعاذ]

جوابك في الصميم اختي سعاد

كيما يقول المثل ( مولا النية يغلب ) يعني كل وحدة تروح لدار زوجها على اساس انها ذاهبة لبتها الثاني اين تجد اخوة و اخوات اخرين و اب و ام يحبونها و يحترمونها

عندي سؤال (اسمحيلي على التقرعيج) كيفاش تعاملكم زوجة اخيك كيف تعاملها مع والديك لكي نستفيد :1: :1: :1:
سلام عليكم
والله و الحق يقال وقفت مع يما في شدتها يما دخلت لسبيطار حولي 40 يوم و في هذي الفترة حرمت روحا من حوايج بزاف حرمت روحا من زيارة اهلها و حتى من حظور اعراس فاميلتها و الله كي نتفكر واش دارت نحطها فوق راسي

هي سقسي يما على كلش كيما احنايا و تشاورها ماشي من باب الخوف بصح من باب الاحترام ياخي تعرفي لعبد لكبير كي يشاوروا واحد يحس بلي راهوا مقادروا

[سعاذ]

[quote=سعاذ;10144151]

ورب أفرح عندما أسمع هذا الكلااااام،،،
هناك أناااااس عندما تعاملينهم بالحسنى،،،
وتمنحيهم حبكـ و ودكـ
يقدروووون ذلكـ ،،، ويبادلوووونكـ نفس الشيئ،،
يصدِقوكـ المودة،،
وتحسين أن فقلوبهم نقية،،،، وبيضااااء
- - - - - - - -
رب يدوم الحااااال،،، أخيتي،،،
شكرا اختي
والله الدنيا مازلها بخير كيما يقولوا اذا خليت خربت
حبيت نقولك بلي واحدة كي جي تتزوج و لا كي تكون جايتهم عروس جديدة تسقسي اهل التجربة و كل واحدة تنصحا على حساب خبرتها
بصح لازم كل واحدة فينا تصفي هذوك النصائح و تدي منها واش يخرج عليها ماشي طبيق هذيك النصائح كوبي كولي
خاطر الناس ماشي كيفكيف

[حنيني24]

[quote=حنيني24;10154136]
شكرا اختي
والله الدنيا مازلها بخير كيما يقولوا اذا خليت خربت
حبيت نقولك بلي واحدة كي جي تتزوج و لا كي تكون جايتهم عروس جديدة تسقسي اهل التجربة و كل واحدة تنصحا على حساب خبرتها
بصح لازم كل واحدة فينا تصفي هذوك النصائح و تدي منها واش يخرج عليها ماشي طبيق هذيك النصائح كوبي كولي
خاطر الناس ماشي كيفكيف

أخيتي،،،أعرف أن دنياااا ما زاااالت بخيرررر
وفيهاا ناس يحبو الخير،،، ويخافوا ربي،،
في السر ،،، وفي العلن،،،
أخيتي،،، ليس من طبيعتي،،، سؤااال الناس،،
عن " كيفية معاملة النااااس"،،،،
إنما هذا ما كنت أسمعه مراراً،،، لكن كنت أتجاهله،،
إلا أن جربت،،، والله يا أخيتي،،، لا أحب أخت الزوج التي لا هم لها سوى توجيه الأوامر،،
وتسيئ الكلاااام
الكنة لها كل الحرية،،، الوحيد المسؤوول عنها هو زوجها،،، ولها الحق،،، في جزء من البيت ،،
ومطبخ مخصص لها،،هذا إن كانت تعيش مه أهل زوجها،،،،
أخيتي،،، نخلي لبير بغطاااااه أحسن،،،
فالله وحده عالم بالحــــــــــــــــــــــــــــــــــــــــااااال ،،،
أختي،،، قتلكـ قعدي على نيتكـ ،،، ورب يعطيكـ ما تتمني،،،
فزوجة أخوكـ ،،، ليست هي زوجة أخي،،،
وأنت ،،، لست أنـــــــــا،،،
رب يهنيكـ ،،،، والسمااااااااااااااح

[Lydia istanboul]

ربي يهنيكم كامل يا لبنات

[Amouna.DZ]

سلام عليكم
والله و الحق يقال وقفت مع يما في شدتها يما دخلت لسبيطار حولي 40 يوم و في هذي الفترة حرمت روحا من حوايج بزاف حرمت روحا من زيارة اهلها و حتى من حظور اعراس فاميلتها و الله كي نتفكر واش دارت نحطها فوق راسي

هي سقسي يما على كلش كيما احنايا و تشاورها ماشي من باب الخوف بصح من باب الاحترام ياخي تعرفي لعبد لكبير كي يشاوروا واحد يحس بلي راهوا مقادروا

حقيقة أن الانسان مواقف

ماشاء الله ربي يهنيكم مع بعضكم البعض

[سعاذ]

[quote=سعاذ;10157768]

أخيتي،،،أعرف أن دنياااا ما زاااالت بخيرررر
وفيهاا ناس يحبو الخير،،، ويخافوا ربي،،
في السر ،،، وفي العلن،،،
أخيتي،،، ليس من طبيعتي،،، سؤااال الناس،،
عن " كيفية معاملة النااااس"،،،،
إنما هذا ما كنت أسمعه مراراً،،، لكن كنت أتجاهله،،
إلا أن جربت،،، والله يا أخيتي،،، لا أحب أخت الزوج التي لا هم لها سوى توجيه الأوامر،،
وتسيئ الكلاااام
الكنة لها كل الحرية،،، الوحيد المسؤوول عنها هو زوجها،،، ولها الحق،،، في جزء من البيت ،،
ومطبخ مخصص لها،،هذا إن كانت تعيش مه أهل زوجها،،،،
أخيتي،،، نخلي لبير بغطاااااه أحسن،،،
فالله وحده عالم بالحــــــــــــــــــــــــــــــــــــــــااااال ،،،
أختي،،، قتلكـ قعدي على نيتكـ ،،، ورب يعطيكـ ما تتمني،،،
فزوجة أخوكـ ،،، ليست هي زوجة أخي،،،
وأنت ،،، لست أنـــــــــا،،،
رب يهنيكـ ،،،، والسمااااااااااااااح

سلام عليكم
شكرا حنين على الصراحة
باين بلي راكي مقيوسا بزاف
ربي فرج عليك و يسرلك امرك انشاء الله
و يعطيلك على حساب نيتك

[سعاذ]

ربي يهنيكم كامل يا لبنات

من فمك لربي انشاء الله

[morad81]

يحدث هذا مع الكثير من الشباب .....لكنه إعتقاد خاطئ لأنه يرهن زواجه بزواج أخواته ...فكيف لو لم يتزوجن ...؟
أما بخصوص التعامل مع أخت الزوج ...فالمشادات تكون حتمية لأسباب أو لشبه أسباب .......فيجب أن تكون زمام الأمور بيد الزوج ...
كما أن في هذه المواقف يكون الفضل في فضها هو أب الزوج الذي تكون له السلطة العليا...و الله أعلم.

فلم نجد من تشكو اب زوجها و الكثيرات من يلجأن اليهم في حالة الضرورة.......شكرا سعاد

[سعاذ]

حقيقة أن الانسان مواقف

ماشاء الله ربي يهنيكم مع بعضكم البعض

ربي يحفظك اختي
و يقنعك و عطيلك ماتتمناي

[nokia111]

شدني الموضوع انا لي اخوات الزوج 12 اخت وهو الولد التاني والاصغر اعيش في بيت مستقل لكن اقسم انهن كدن يؤدين بحياتي اتناء الحمل وبسببهن فقدت الجنين تسببن لي في رفع ضغط الدم اتناء الحمل وبالتالي وفات الجنين والغريب اني اعيش وحدي لا ازورهن ولا يزرنن الا اد التقيتهن في المناسبات لكني لا امنع زوجي من زياتهن لما كنت عروس جديدة كنت نعمر راسي بكلامهم والان وكانهن غير موجودات زوجي وبيتي وفقط لكن والله كلمة حق في حماتي كانت نعم الحماة رحمها الله كنت احبها واحترمها وبدوري اصبح لي زوجة اخ والله احاول ان اكون لها اكتر من اخت لاجل اخي وابنائه في المستقبل ومايحس بالجمرة غير لكواته

[منهاج]

السلام عليكم

الحل الامثل وعن تجربة هو أن يسكن الشاب وحده كي يتزوج ،الزوجة راها جي موصية من دار بوها وخواتاته ما راهمش ملائكة

فيصبح الفعل ورد الفعل والخاسر في الموضوع هو الزواج يولي في دوامة ما عندها اول من اخر

تقبلو مروري هدا ايي وعن تجربة ل 3 مرات وليس من فراغ

[سعاذ]

يحدث هذا مع الكثير من الشباب .....لكنه إعتقاد خاطئ لأنه يرهن زواجه بزواج أخواته ...فكيف لو لم يتزوجن ...؟
أما بخصوص التعامل مع أخت الزوج ...فالمشادات تكون حتمية لأسباب أو لشبه أسباب .......فيجب أن تكون زمام الأمور بيد الزوج ...
كما أن في هذه المواقف يكون الفضل في فضها هو أب الزوج الذي تكون له السلطة العليا...و الله أعلم.

فلم نجد من تشكو اب زوجها و الكثيرات من يلجأن اليهم في حالة الضرورة.......شكرا سعاد

شكرا على المرور الطيب
بصح انا ناحبتش تدخل في راسي بلي المشادات تكون حتمية
واش دانا ليها لوكان كل واحدة تحكم قدرها

[سعاذ]

شدني الموضوع انا لي اخوات الزوج 12 اخت وهو الولد التاني والاصغر اعيش في بيت مستقل لكن اقسم انهن كدن يؤدين بحياتي اتناء الحمل وبسببهن فقدت الجنين تسببن لي في رفع ضغط الدم اتناء الحمل وبالتالي وفات الجنين والغريب اني اعيش وحدي لا ازورهن ولا يزرنن الا اد التقيتهن في المناسبات لكني لا امنع زوجي من زياتهن لما كنت عروس جديدة كنت نعمر راسي بكلامهم والان وكانهن غير موجودات زوجي وبيتي وفقط لكن والله كلمة حق في حماتي كانت نعم الحماة رحمها الله كنت احبها واحترمها وبدوري اصبح لي زوجة اخ والله احاول ان اكون لها اكتر من اخت لاجل اخي وابنائه في المستقبل ومايحس بالجمرة غير لكواته

سلام عليكم
شكرا على المشاركة
قصتك تشبه بزاف لقصة واحدة من صحاباتي
بصح تاكدي بلي هذى النوع من الناس ماعندوش مشكل مع زوجة الاخ برك
عندوا مشكل مع الناس كامل

[سعاذ]

السلام عليكم اختي سعاذ كيف الحال؟
شكرا على الموضوع خليني نجاوبك بكل صراحة الفتاة اللي تجي تتزوج وتعرف إنو الشاب عندو خواتاتو تخاف نقولك علاه لأانو هي ماذابيها يكون وحدو يلا اهلو لانو عندها غيرة دفينة بأعماقها وتملك تحب الراجل يكون ليها فقط مع إنو هذو حواتاتو هي يلزم لما يتزوج بيها ينساهم حتى امو هي وبرك مي ما ينساش خوتاتها وأمها محال على هذا كثرو البايرات فالجزائر لأاو النسا يحبو التملك تحب الراجل تتحكم فيه
اما الشباب ربي يحسن عونهم الله غالب عليهم الاغلبية البطالة كيما قال عبدو وعارفين النسا ماديات وعن خواتاتو يعرف إنو رايحين يكونو المشاكل ربي يهديهم وشكرا على الموضوع

وعليكم السلام و رحمة الله وبراكاته
انا رني مليحة و الحمد الله سوال عليك
شكرا مريم على صراحتك عندك الخق هذا هو الواقع