ممكن وصفات الجلبانة من فضلكن [الأرشيف] - منتديات الجلفة لكل الجزائريين و العرب

ام مؤمن

2012-05-24, 19:18

السلام عليكم

ما شاء الله عليكن عضوات المنتدى الكريمات راكم طباخات ماهرات و كل اطباقكم هايلة

و هذا السبب اللي خلاني نطلب منكم طلب صغير

زوجي جابلي كمية كبيرة من الجلبانة و انا قمت بتقشيرها و تنقيتها و غسلها و تقطيرها و حطيتها في اكياس و خزنتها في الفريزر

انا متعودة نعمل طبق الجلبانة شوربة يعني نعملها باللحم و المرقة بالطماطم او بالدجاج ايضا بمرقة بيضاء و نضيفلها المعدنوس و القارص

و لانوا الكمية اللي عندي كبيرة بزاف اكيد رايحة نمل من وصفتي

و اتمنى ان اجد لديكن وصفات اخرى للجلبانة كنوع من التغيير

في انتظار ردودكم

مع كل الشكر و التقدير

سعاد1789

2012-05-24, 19:51

اختي ممكن تعملي سلطة الماسيدوان شهية و تشد مدة و ممكن وصفة انا جربتها رائعة تطهي الجلبانة المرق البيضاء و صدر دحاح و لما يطهى في قالب فرن تفتتين صدر الدجاج مع المرق و الجلبانة و جبن شاف او اي جبن ابيض و تضعين الخبز المرحي و الفرماج رابي متنسايش تنقصي صوص على حسب الرغبة و الله جد لديد

nissaben

2012-05-24, 19:58

السلام عليكم اوا بعد عندي وصفة للجلبانة ممتازة
1- المقادير:
اطراف دجاج على حسب افراد العائلة - كيلو جلبانة -بصلة مقطعة قطعا صغيرة - زيت -ملح-فلفل اسود-قرفة-البقدونس -3بيضات-جبن ابيض

نقلي الدجاج بالزيت و البصل ونضيف الملح . الفلفل الاسود و القرفة

نمرق و نترك الدجاج يطيب بعين نضيف الجلبانة و نتركها اطيب

بعدما اطيب الجلبانة و الدجاج نصفي الجلبانة في صحن كبير و نتركها تبرد قليلا .انضيف لها البيض و الجبن و البقدونس مقطع قطعا رقيقة و قليلا من الرق و شوية ملح نخلط الكل و نضعه في مول خاص بالكايك اي مول مستطيل الشكل ندخله الفرن درحة حرارته 150 درجة
لما يتماسك الخليط نحمره قليلا من الاعلى ثم نخرجه

نقطع كيك الجلبانة اطاف و نضعه في صحن التقديم مع اطاف الدجاج و نسقيه بالمرق المتبقي في القدر .

ام مؤمن

2012-05-24, 22:14

اختي ممكن تعملي سلطة الماسيدوان شهية و تشد مدة و ممكن وصفة انا جربتها رائعة تطهي الجلبانة المرق البيضاء و صدر دحاح و لما يطهى في قالب فرن تفتتين صدر الدجاج مع المرق و الجلبانة و جبن شاف او اي جبن ابيض و تضعين الخبز المرحي و الفرماج رابي متنسايش تنقصي صوص على حسب الرغبة و الله جد لديد

يعطيك الصحة حبيبتي انا بالفعل حددت كيسين صغيرين للماسيدوان

اما وصفتك فقد شهاتني بالفعل و ان شاء الله نجربها بالنسبة للفرماج نرابيه في النهاية و نذرر عليه الخبز المرحي ثم نحمرها هذا قصدك اظن

رايحة نجربها قريبا ان شاء الله

بارك الله فيكي

ام مؤمن

2012-05-24, 22:19

السلام عليكم اوا بعد عندي وصفة للجلبانة ممتازة
1- المقادير:
اطراف دجاج على حسب افراد العائلة - كيلو جلبانة -بصلة مقطعة قطعا صغيرة - زيت -ملح-فلفل اسود-قرفة-البقدونس -3بيضات-جبن ابيض

نقلي الدجاج بالزيت و البصل ونضيف الملح . الفلفل الاسود و القرفة

نمرق و نترك الدجاج يطيب بعين نضيف الجلبانة و نتركها اطيب

بعدما اطيب الجلبانة و الدجاج نصفي الجلبانة في صحن كبير و نتركها تبرد قليلا .انضيف لها البيض و الجبن و البقدونس مقطع قطعا رقيقة و قليلا من الرق و شوية ملح نخلط الكل و نضعه في مول خاص بالكايك اي مول مستطيل الشكل ندخله الفرن درحة حرارته 150 درجة
لما يتماسك الخليط نحمره قليلا من الاعلى ثم نخرجه

نقطع كيك الجلبانة اطاف و نضعه في صحن التقديم مع اطاف الدجاج و نسقيه بالمرق المتبقي في القدر .

وصفة هايلة انا سمعت عن الغراتان و الاطباق التي تتحمر بالفرن لكن الصراحة مع الجلبانة بالظبط ما جربتها جربت غراتان بانواع مختلفة من الماكولات من قبل لكن الجلبانة اكيد رايحة تكون هايلة

ان شاء الله نطبقة وصفتك لانها سهلة و تشهي

يعطيك الصحة و بارك الله فيكي

حب ربي*ملأ قلبي

2012-05-24, 22:43

وصفات رائعة راني نستفيد معاك يا أم مؤمن ههههههه

ام مؤمن

2012-05-24, 22:55

معليش حبيبتي كلنا نستفيد ان شاء الله

انا قرات موضوع اخر لاخت كريمة و حصلت على وصفة رائعة نضيفها للموضوع حتى نجمع اكبر قدر ممكن من الوصفات

الوصفة من طرف العضوة

الكروان الجريح
السلام عليكم
اختي العزيزة انا نموت على السيدة سليمة و الله تدخل للقلب عندي بعض من وصفاتها و اليك واحدة منها
طاجين الجلبان بالقرنون و البطاطا
اطراف دجاج -كيلو جلبانة-كيلو قرنون-رطل بطاطا-بصلة كبيرة مقطعة رقيق-بيضة-2مك زبدة-2مك زيت-ملح-فلفل اسود-قرفة-زعفران-2 كؤوس شابلور معدنوس-3 سنات ثوم
ضعي البصل و الدجاج و الزيت و الزبدة و قليهم جيدا اضيفي لتر ماء سخون عندما تغلي اضيفي الجلبانة و القرنون و حبات البطاطا كاملة عندما ينضج القرنون والبطاطا انزعيهم وقطريهم في كسكاسو عندما تتجمر المرقة اطفىء عليها امعسي البطاطاو القرنون جيدا اضيفي لهم البيضة و المعدنوس و الثوم المرحي اذا كانت جارية نشفيها بالخبز المرحييعني قليلا منه ثم كوير هم مريريهم في شابلور و اقليهم في زيت ساخن ثم في صحن التقديم دائري ضعي في الوسط الجلبانة مع اطراف الدجاجو الكويرات على الحواف مزينة بالمعدنوس و القارص
و شهية طيبة
يااختي انا مجربتش الطبق و لكن اتصلوا عدة مستمعات بالسيدة يعلى و شكرو الطبق و على العموم كل وصفاتهاناجحة و ربي يخليهلنا امين يا

ربي

http://http://www.djelfa.info/vb/showthread.php?t=891957

حميدو09

2012-05-24, 22:57

يعطيكم الصحة

أنا أمهم

2012-05-25, 08:55

شوفي طاجين الجلبانة (بالتونسي مرقة الجلبانة ) يمكن تعجبك , في بعض المناطق من الجزائر يطبخوها بنفس الطريقة و عندها تسمية أخرى (الجواز ) على ما أظن , هذا الرابط : http://www.djelfa.info/vb/showthread.php?t=946706

ام مؤمن

2012-05-25, 13:35

شوفي طاجين الجلبانة (بالتونسي مرقة الجلبانة ) يمكن تعجبك , في بعض المناطق من الجزائر يطبخوها بنفس الطريقة و عندها تسمية أخرى (الجواز ) على ما أظن , هذا الرابط : http://www.djelfa.info/vb/showthread.php?t=946706

طبق هايل يعطيك الصحة

ام مؤمن

2012-05-25, 13:37

يعطيكم الصحة

يصحي ايمانك

ام مؤمن

2012-05-25, 21:46

http://www.enjaztech.com/up/i/00008/oy94hytw5dtm.gif

zahra manini

2012-05-29, 20:52

مرحبا عزيزتي حتى انا نديرها كيما انت يعني مرقة بصح نزيدلها حبة او 2 جزر + حبة بطاطا +القرنون +و تجي بيضة بالقارس والدبشة

windows0306

2012-05-30, 14:28

روووووعة حتي انا راني نتعلم وصفات روعة

Big SmaiL

2012-05-30, 21:59

ديريها مع الطعام والروز والشربة وغراتان ومع البطاطا المقلية ومع البيض والجبن >>وإذا خلاصو كولوها هكداك كيما أنا وخاوتي كي ننقوها مع بعض حبة بحبة.....

ربي يوفقكم

ام مؤمن

2012-06-02, 19:33

ديريها مع الطعام والروز والشربة وغراتان ومع البطاطا المقلية ومع البيض والجبن >>وإذا خلاصو كولوها هكداك كيما أنا وخاوتي كي ننقوها مع بعض حبة بحبة.....

ربي يوفقكم

هههههههه فكرة مليحة ناكلوها هكاك ههههههه

يا ريتك كتيبتي الوصفات لو فيها اختلاف عن وصفات الاخوات

windows0306 روووووعة حتي انا راني نتعلم وصفات روعة

شفتي كيفاه درت فيكم مزية هههههههه

على عيني شكر للاخوات

انا نبحث عن غراتان اللحم المفروم و الجلبانة اذا ممكن و شكرا جزيلا

ام مؤمن

2012-06-05, 15:35

و وجدت ايضا هذه الوصفة الرائعة

http://www.djelfa.info/vb/showthread.php?p=10288440#post10288440

ام مؤمن

2012-06-05, 15:35

انا نبحث عن غراتان اللحم المفروم و الجلبانة اذا ممكن و شكرا جزيلا

ياربي اني راضية

2012-06-06, 10:40

انا نبحث عن غراتان اللحم المفروم و الجلبانة اذا ممكن و شكرا جزيلا

حنونتي انا نجيب الجلبانة +لحم مرحي+معدنوس+ توابل +ملح ++ثوم+ بصلم مكرفجة+ زيت+ نغليها مليح ونضيفلها2 كيسان ماء ونغلق على الكيكوطة
ونحمر الشومبينيوا في الزبدة كي تبرد شوية نخلي فيها لصوص نضيفلها المعدنوس و4 بيض نضربهم ونخلطهم مع بعض نحط الشومبنيو في المول من التحت اجي ديكور ونسكب الخليط ونرابي الفؤرماج وكي طيب نقلب المول ونقطعها تجي بنينة

ام مؤمن

2012-06-06, 13:16

حنونتي انا نجيب الجلبانة +لحم مرحي+معدنوس+ توابل +ملح ++ثوم+ بصلم مكرفجة+ زيت+ نغليها مليح ونضيفلها2 كيسان ماء ونغلق على الكيكوطة
ونحمر الشومبينيوا في الزبدة كي تبرد شوية نخلي فيها لصوص نضيفلها المعدنوس و4 بيض نضربهم ونخلطهم مع بعض نحط الشومبنيو في المول من التحت اجي ديكور ونسكب الخليط ونرابي الفؤرماج وكي طيب نقلب المول ونقطعها تجي بنينة

يعطيك الصحة باينة تجي هايلة ان شاء الله نجربها نورمالمون حسب ما فهمت ترمي اللحم المفروم مع الجلبانة و بقية المقادير حتى يقرب ينشف لاصوص و منبعد تحطيها في المول و ترابي عليها الفرماج و تضيفيلها البيض و المعدنوس و تجي ناشفة و في الاخير نقطعها قطع
المفروض نحطلها شوية قارص لما تصير جاهزة
يعطيك الصحة

ام مؤمن

2012-06-09, 15:54

اريد ان اشكر كل من ساعدتني بالوصفات و لقد استفت كثيرا منكن و قمت بالتفنن في استخدام الجلبانة و عملت البارحة غراتان هايل يعطيكم الصحة و بارك الله فيكن و جزاكم خير جزاء

الواثقة بالله 23

2012-06-09, 16:34

السلام عليكم

نمدلك أسهل و أحلى قراتان تاع الجلبانة هاااااااااااااااااااااااااايل

كمية من الجلبانة ملحيها و حطي علاها فلفل أكحل و حطاها تفور حتى تطيب

بطاطا اقسميها مربعات صغار شوية و ملحيها و اقليها

لحم مرحي ملحيه و حطي فلفل اكحل و قرفة و معدنوس مرحي رقييييييييييييق و خلطيهم

خلطي الجلبانة المفورة و البطاطا المقسومة كاريات صغار و المقلية و اللحم بمكوناته " انا نحطو هكا بعد اذا تحبي دبليه شوية في الزبدة و الزيت مع انو ميحتاجش"
و حطيهم في الصحن تاع الفور و قصي فرماج ياسر و خلطيه معاهم
اضربي حبات بيض مه ملح و فلفل اكحل مليح حسب الكمية تاع الجلبانة و البطاطا لي عندك و صبيها فوقهم بعد ما تكوني سويتيهم بيدك

دخليهم فرن على نار هادية و قبل ما تخرجي صبي فرماج مرحي

كي تشيح العضام و تجمد خرجيها و قصيها كريات

والله قمة الروعة كون نصيب ناكلها كل يوم

حنا تاني كي نطيبو روز نخدموه بالجلبانة

طيبي روز ابيض عادي
و اعملي سوس تقيلة بالطماطم و اللحم او الدجاج و معاهم حبات جلبانة امممممممممممممم
حطي الروز في صحن غارق و اقلبيه فوق صحن آخر افطح و صبي فوقهم السوس الثقيلة المخلطة بالجلبانة و اللحم اممممممممممممممممممم

حتى السوس تاع المقرونة العادية صبي فيها حبات جلبانة

أو ممكن تعملي تورت تاع الجلبانة هبااااااااااااااااااااااااااال

العجينة أغلب الناس تعمل عجينة العشر دقائق لي هي 300 غ فرينة و 90 غ زبدة او سمن او زيت و ملح و ماء دافي

عن نفسي منحبهاش انا نستعمل عجينة البيتزا اممممم هههههههههههه شوفي رطل فرينة بيضة واحدة

نص ملعقة كبيرة خميرة فورية نص ملعقة سكر خلطيهم مع الماء دافي حتى يطلعو

نص ملعقة كبيرة ملح نص كاس زيت نص كاس ما دافي و خلطي و خليها ترتاح نص ساعة مبين وجدتي الحشو

لي هو جلبانة مفورة و ملحة

بطاطا شرشم مع ملح و فلفل اكحل و زبدة و تخفيها بالحليب و الفرماااااااااااج

دجاج مقسوم قطع صغيرة و ملح و طايب في شوية زبدة و زيت و فلفل اكحل و ثوم
الصحن تاع الكوشة اذهنيه مليح بالزبدة او الزيت اطرحي العجينة تاعك مللللللليح و حطي نصفها في البلاتو و فوقها كوش مش عالية تاع بطاطا
و فوقها الدجاج مخلط مع حبااااااااااات زيتون اسود و اخضر مقطعين و فوقها الجلبانة و فوقهم فرماااااااااااااااج قطع اممممممممممممممممممم

زيدي طبقة اخرى من العجينة غطي بيها المكونات و الحواشي تاع العجينة دخليها لداخل اي من تحت باه متبشعش المنظر

صفار بيضة مع شوية ملح و شوية قهوة اضربيهم و ادهني بيهم العجينة "القهوة رح تعطيها لون رائع"

ممكن تزينيها بزيتون مقسوم و ورقات تاع معدنوس تلسقيهم في الصفار و ممكن تخليها هكت

ايه و لازم العجينة سواء السفلية او العلوية تبيكيها مليح بالفرشيطة و الا تطلع لانو فيها الخميرة

والله تحفة

حرام عليك شهيتيني راني نموووووووووووووت على الجلبانة

بصحتكم

oum ayyoub

2012-06-20, 13:37

بارك الله فيك اختي لبواثقة بالله الوصفات هايلين حتى نجربهم ان شاء الله

ام مؤمن

2012-06-20, 14:59

السلام عليكم

نمدلك أسهل و أحلى قراتان تاع الجلبانة هاااااااااااااااااااااااااايل

كمية من الجلبانة ملحيها و حطي علاها فلفل أكحل و حطاها تفور حتى تطيب

بطاطا اقسميها مربعات صغار شوية و ملحيها و اقليها

لحم مرحي ملحيه و حطي فلفل اكحل و قرفة و معدنوس مرحي رقييييييييييييق و خلطيهم

خلطي الجلبانة المفورة و البطاطا المقسومة كاريات صغار و المقلية و اللحم بمكوناته " انا نحطو هكا بعد اذا تحبي دبليه شوية في الزبدة و الزيت مع انو ميحتاجش"
و حطيهم في الصحن تاع الفور و قصي فرماج ياسر و خلطيه معاهم
اضربي حبات بيض مه ملح و فلفل اكحل مليح حسب الكمية تاع الجلبانة و البطاطا لي عندك و صبيها فوقهم بعد ما تكوني سويتيهم بيدك

دخليهم فرن على نار هادية و قبل ما تخرجي صبي فرماج مرحي

كي تشيح العضام و تجمد خرجيها و قصيها كريات

والله قمة الروعة كون نصيب ناكلها كل يوم

حنا تاني كي نطيبو روز نخدموه بالجلبانة

طيبي روز ابيض عادي
و اعملي سوس تقيلة بالطماطم و اللحم او الدجاج و معاهم حبات جلبانة امممممممممممممم
حطي الروز في صحن غارق و اقلبيه فوق صحن آخر افطح و صبي فوقهم السوس الثقيلة المخلطة بالجلبانة و اللحم اممممممممممممممممممم

حتى السوس تاع المقرونة العادية صبي فيها حبات جلبانة

أو ممكن تعملي تورت تاع الجلبانة هبااااااااااااااااااااااااااال

العجينة أغلب الناس تعمل عجينة العشر دقائق لي هي 300 غ فرينة و 90 غ زبدة او سمن او زيت و ملح و ماء دافي

عن نفسي منحبهاش انا نستعمل عجينة البيتزا اممممم هههههههههههه شوفي رطل فرينة بيضة واحدة

نص ملعقة كبيرة خميرة فورية نص ملعقة سكر خلطيهم مع الماء دافي حتى يطلعو

نص ملعقة كبيرة ملح نص كاس زيت نص كاس ما دافي و خلطي و خليها ترتاح نص ساعة مبين وجدتي الحشو

لي هو جلبانة مفورة و ملحة

بطاطا شرشم مع ملح و فلفل اكحل و زبدة و تخفيها بالحليب و الفرماااااااااااج

دجاج مقسوم قطع صغيرة و ملح و طايب في شوية زبدة و زيت و فلفل اكحل و ثوم
الصحن تاع الكوشة اذهنيه مليح بالزبدة او الزيت اطرحي العجينة تاعك مللللللليح و حطي نصفها في البلاتو و فوقها كوش مش عالية تاع بطاطا
و فوقها الدجاج مخلط مع حبااااااااااات زيتون اسود و اخضر مقطعين و فوقها الجلبانة و فوقهم فرماااااااااااااااج قطع اممممممممممممممممممم

زيدي طبقة اخرى من العجينة غطي بيها المكونات و الحواشي تاع العجينة دخليها لداخل اي من تحت باه متبشعش المنظر

صفار بيضة مع شوية ملح و شوية قهوة اضربيهم و ادهني بيهم العجينة "القهوة رح تعطيها لون رائع"

ممكن تزينيها بزيتون مقسوم و ورقات تاع معدنوس تلسقيهم في الصفار و ممكن تخليها هكت

ايه و لازم العجينة سواء السفلية او العلوية تبيكيها مليح بالفرشيطة و الا تطلع لانو فيها الخميرة

والله تحفة

حرام عليك شهيتيني راني نموووووووووووووت على الجلبانة

بصحتكم

بارك الله فيكي حبيبتي راكي اتحفتيني و استفت منك كثيرا و اتفضلي تاكلي معايا بصحتك

يعطيك الصحة حنونة