مواقف محرجة صرات معاكم [الأرشيف] - منتديات الجلفة لكل الجزائريين و العرب

khoul_chellia

2012-05-24, 11:47

ههههههههههههههههههه اهدروا و متحشموش على المواقف يلي صادفتكم و هي محرجة انا و حد المرة هابطة نقرا كيما وصلت لسيام طحت بداو يضحكو عليا مت بالحشمة
والله العظيم غير نرد

khoul_chellia

2012-05-24, 11:52

ردوووووووووووووووووووووووووووووو

saliha15

2012-05-24, 11:54

طحتي برك
انا واحد الخطرة كانو الاساتذة يلعبوا في كرة الطائرة واحنا نتفرجوا
ومن بين كامل التلانيذ طاحت فوق راسي

saliha15

2012-05-24, 11:55

وما شفتيش لوكان تولي تحكي مع روحك عند المراة
ومن بعد تشوفك اختك ولا خوك يشبعوا ضحك عليك

khoul_chellia

2012-05-24, 13:34

مرسي هههههههههههه

خـولـة^-^"

2012-05-24, 13:48

مرة حبيت نعيط للأستاذ قلتلو بابا ايا الأستاذ زعف و قاللي راكي ماكيش مركزة مع الدرس .
.

...
.
.
.
.
.
.
.
.
.سقساني فواش كنت نخمم كي عيطلتو

قلتلو بلي ابي راهو مريض

و راني حايرة عليه

كي كملت الساعة جاية خارجة والاستاذ مورايا كيلحقت عند الباب طلعت راسي لقيت ابي يستنى فيا باش نروح معاه وتلفتت شفت الاستاذ لمزية اللي درتها ركبت فالسيارة وبقى بابا يهدر مع الأستاذ

موقف محرج جدا جدا جدا جدا

khoul_chellia

2012-05-24, 13:52

مرسي على الرد

✿❀سًجّْـدًةْ خٌشٌـوُعٍـ ❀✿

2012-05-24, 13:52

هههههههههههههه
والله ما رانيش متفكرة بصح كي نتفكر راني نجي نجري هنا
بصح حبيبتي خلود حاولي ما تحلفيناش المرة الجاية
لان الاعضاء كي تحلفيهم الاغلب ما يردوش ولكن كي ما تحلفيهمش اللي حب يرد واللي ما حبش ربي يسهل
مشكووووووووووورة وان شاء الله ما تزعفيش مني

- إكرام -

2012-05-24, 13:59

ههههه
مرة كنت في القسم جيت نعيط استاذة استاذة قلتها : آ مـــــــــامــــــــــا مــــــاما و ما حبستش باقيا نعيط هكا
حتى نلقا الغاشي بكل يشوف معايا هههههههههه

+
+
+
+

و صح يا خلود كيما قالتلك la fleur dorée (http://www.djelfa.info/vb/member.php?u=338958)
ما تزيديش تحلفي العباد
(http://www.djelfa.info/vb/member.php?u=338958)

rola.29

2012-05-24, 14:10

موقف محرج ههه و الله ما اكثرها ؟؟
طحت في القسم هذا العام .. جيت نهز (نرفد) السيالة من الرض مال بيا الكرسي .. و طحت .. و ماتوا من الضحك عليا
حتى استاذ الرياضيات ضحك ...
فكرة مليحة تع الموضوع هذا .. شكرا خلوود

oumama1300

2012-05-24, 15:21

هههههههههه انا كنت واقف مع صاحبي و مبعد فاتت علينا مرأة سمينة بزاف قتلو شوف هادي المرأة وشحل سمينة قالي هدي اي يما يا واحد المهبول
موقف احرجني كثيرا

rola.29

2012-05-24, 18:29

هههههههههههه .. فعلا موقف محرج للغاية .. اللطف يا ربي .. ربي يلطف بينا و يسترنا
هذي نتيجة الغيبة هههه .. كون ما حكيتش في ظهر الامراة كون ماصرا والو

فجر المستقبل

2012-05-24, 18:40

هههههههههههههههههه انا مرة تاني جيت نعيط للاستاذة تاع الفرنسية قلتلها ماما ومت بالحشمة الكلاسة كامل تضحك عليااااا هههههههههههههههههههههههه

oumama1300

2012-05-25, 13:10

هههههههههههه .. فعلا موقف محرج للغاية .. اللطف يا ربي .. ربي يلطف بينا و يسترنا
هذي نتيجة الغيبة هههه .. كون ما حكيتش في ظهر الامراة كون ماصرا والو

هههههههههههه بصح واش الدير لازم يغلط الانسان
بصح بعد هادي الغلطة ما زدتش اغتبت في الناس
و صدق من فال من الاخطاء نتعلم

Adila_Medea

2012-05-25, 13:15

ههههههههههههههههههه
انا وحد المرة كنا نقراو في الموسيقى
و كاين وحد النغمة نغنيوها و نحبسو
امالا كنا نغنيو
و اومبعد كاااااااامل حبسو
غير انا زدت غنيت وحدي

هههههههههههههههههه
و بداو كااااامل يضحكو
وحد التبهديييييييييييلة

شكراااااااااا

oumama1300

2012-05-25, 13:18

ههههههههههههههههههه ما شي كيما الموقف ديالي

maya88

2012-05-25, 13:30

فكرتيني في موقف صرالي كنت نتمشى انا واختي وكنت رافدة بنت اختي صغيرة املا كي جيت في وسط جماعة نتاع رجال طحت واحد الطيحة عدوك متتمنيهالهش ماتو بالضحك عليا ولالة نتاع اختي دارت روحها قاع متعرفنيش كي نتفكرها تغيظني عمري ومبعد نضحك هههههههههههههههههههههه

oumama1300

2012-05-25, 13:39

نورمال ختي المهم تعيشي la vie

محبة التميز

2012-05-25, 13:44

انا واحد المرة كنت قاعدة في القسم وكنت نخزر في صديقتي القاعدة بجنبي والاستاذ كان يحكي ولسء الحظ الاستاذ كان يعيط لي وبقا يعيط وانا مسمعتش رحت فيها وغير تفطنت لقيتهم كامل يخزرو في ههههههههههه والاستاذ زعف وبدا يصرخ واش راحتلك التريسيتي ولا واش خليكي مركزة بالدرس هههههههههههههههههه مت من خجلي هههههههههههههههههههه

aya youchi

2012-05-25, 13:50

أنا كنت رايحة نقرا على 1:30و مكاين حتى واحد في الحومة قدام بيت جدي علابالك كنت عندها و الحومة هاذيك طويلة و ضيقة و كي شفت بلي ماكاين حتى واحد رحت نقفز و نغني و نتمهبل و مبعدا سمعت هدرة طلعت راسي لقيت 2 بنات يشوفوا فيا مت من الحشمة و رحت نمشي بالزربة حتان وصلت للطريق الرئيسية

ام سيلينا

2012-05-25, 14:02

انا مرة منت رافدة بنت خويا ونمشي رحت للماغازة ولابسة صباط طالون وزلقت في الفايونس قدام مولا المغازة وبنت خويا راحت في الجهة لخرى ودارت روحها ماتعرفنيش خلاص
http://www.karom.net/up/uploads/13254515447.gif

حـبـيـبو عـبـدو السوفي

2012-05-25, 14:10

هههههههه
شبعت عليكم ضحك بمزح بركا متزيروش عليا

مرة نيا لابس جديد ايام المدرسة وكان الجوء ممطر وراني نمشي وزلقت توسخت كامل بالماء الموسخ هههههه

:dj_17: :dj_17: :dj_17:

koka star

2012-05-25, 14:25

هههههههههههههههههههه
شحال من موقف صرالي
وحد النهار كنت لابسا صباط طالوا جديد ورحت نقرا بيه المهم في حصة الفرنسية رفعت صبعي باش نطلع نكتب
مالا كي طلعت للمصطبة كتبت وخلاص وجيت راجعة لبلاستي نتعثر في المصطبة وطحت ولصق الطالوا في المصطبة
وقاع الغاشي يخزر فيا وروحت للدار نمشي ونردي
ومن هاداك النهار حلفت على الطالوا مانزيد نلبسوا
ههههههههههههههههه
شكراا لطرح الموضوع

oumama1300

2012-05-26, 10:50

هههههههههه تذكرت موقف محرج جدا
من 9-10 في وقت الدراسة وقفت من الكرسي و مبعد زميلي لي يقعد بحذاية جبدلي الكرسي كي جيت نقعد ما شفتش وراية طحت كامل الكلاسة ولات تضحك

~كِبْريَاء أمِيرَة~

2012-05-27, 20:08

ههههههههههه
شكرا و الله مواقفكم مضحكة .
في أيام الإبتدائي كان واحد زميلنا في القسم سمين بزاف و أنا الصغيرة و القصيرة في كامل القسم .
كنت عند الأستاذة في المكتب نتاعها و هذاك السمين كان ورايا و ماشفتوش كي درت دخلت في بطنو المنتفخ و طحت في الأرض .
بداو كامل يضحكو عليا .ههههههههههه

sbmwhadz

2012-05-27, 20:55

أنا عندي عدة مواقف طريييييييييييفة
وحد المرة كنا نقراو فرونسي منبعد طرحت سؤال رفدت يدي مادام مادام ماما منبهد لاكلاس سكتت ونا كملت منبعد فقت بروحي وشفت لاكلاس قاع تخزر فيا ويضحك خزرت في الشيخة نتاع فرونسي لقيتها ولات حمرة منبعد شبعت ضحك على روحي
+
كنا في الزاوية ولبعدها عن مزلنا قعدنا ثمة نفطرو منبعد خويا راح لبيت الوضوء وزلق راح ألي سون روتور حتى خبط في الحيييط

adel houari

2012-05-27, 21:24

واحد الخطرة كنت قاعدة على كرسي فسقطت به و بدا الجميع يضحك علي و الاستاذ ايضا عندها قالوا لي
على سلامتك
قولتلهم كي شبعتو من الضحك
انننننننا فتتتتتتتتتتاة