ما هو شعورك عندما تسمعينها

[le fugitif]

ما هو شعورك عندما تسمعين كلمة - مسكينة - والمقصود بها انها عنست وخصوصا اذا سبقتها لفظة - تسا - طبعا اللفظة لا استطيع كتابتها انما اكيد تعرفنها ،ما شعورك عندما تسمعينها الجواب بكل صدق.

http://img243.imageshack.us/img243/8874/123fh6.jpg

[*جوداء*]

ههههههههههههههههههههههه
والله غير ضحكتني خويا هشام
يا ويلي هذي الكلمة ولا رصاصة الرحمة ههههههههههههه
انا نقولك حاجة ماتهمنيش اذا لحقت لهذاك الوقت لان الزواج ليس اسمى اهدافي
لاني اجيد الاعتناء بنفسي
تحياتي ليك رايحة تنقص النية الشوية من جيهتك عس روحك هذا فال سيء للبنات
ههههههههههههههههههههههههه

[دموع الحيــاة]

أن أسمع كلمة "" مسكينة "" خير من أسمع كلمة "" مغفــّلة ""
Bonne Continuation

[le fugitif]

لان الزواج ليس اسمى اهدافي



غريبة وعجيبة ،غرايب وعجايب

أن أسمع كلمة "" مسكينة "" خير من أسمع كلمة "" مغفــّلة ""
Bonne Continuation

والله يا دموع حكايتك حكاية يظهرلي والله اعلم تكرهي ومتعقدة ومتشميش ومتحمليش جنس اسمو الرجالة

http://gallery.7oob.net/data/thumbnails/4/tiger.gif

[ل..ب..ن..ى]

ههههههههههههه


رايي رايك اختي شيراز

السلام عليكم

[النيلية]

قعدة الخزانة ولا جوازة الندامة

مشكور علي الموضوع وعودة ميمونة لمنتدي الاسرة والمجتمع

[اليتيمة العصماء]

مازلت صغيرة باش نسمع هادي الكلمة و ادا قالوها ربي يهديهم لاخترش يجي دورهم ولا دور بناتهم :1:
كما تدين تدان

[*جوداء*]

علاش عجايب يا هشام والله عادي صحيح الزواج حلم كل فتاة لكن لااعتبره من الاولويات في حياتي هذا مافي الامر
حنا نقولوا وينتا ماجا الخير ينفع ولا واش قلت؟؟؟؟؟؟؟؟
واذا ماجاش ربي يعوضنا بامر اخر صح؟
تحيااااتي

[المتفائلة]

ههههههههههههههههههههههههه
السلام عليكم جميعا واش اخباركم يا مشاغبين
نروح نخليكم متناقرين نجي نلقاكم مازال متناقرين
واش احوالكم خاصة السي هشام راك داير فيها استاد على الغاشي ههههههههههه
ههههههههههه
انا رأي عااااااااااااااااااااااااااااااااااااااادييييييييي يييييي
و مبعد واش فيها وادا ما تزوجتش خربت الدنيا نورمال
بالعكس تكون انت و راسك آلاز مع روحك ما كان حتى واحد يديرونجيك
خيرات ربي ويناه الي خير منك
ههههههههههههههه
المهم
ادا جا اهلا و سهلا و ادا ما جاش عنو ما جا
يلا سلااااااااااام

[سائلة عفو ربها]

((انا نقولك حاجة ماتهمنيش اذا لحقت لهذاك الوقت لان الزواج ليس اسمى اهدافي
لاني اجيد الاعتناء بنفسي......))

معك حق اختي في هاته الكلمة بارك الله فيك

مع ان الزواج سنة الله في خلقه ....لكن ليس هذا معناه ان يكون شاغل الانسان الاساسي

وانا شخصيا لا يهمني مثل هذا الامر بتاتا حتى وان مت دون زواج........ فما عند الله خير وابقى

نسال الله ان يوفقنا الى مايرضيه من صالح القول والعمل ليعطينا ما يرضينا

والزواج اولا واخرا مسؤولية كبيرة وكبيييييييييييرة جدا يقع معظمها على عاتق المراة وهنا تستحق فعلا وصف ((المسكينة ))

تقبلوا مروري

والسلام عليكم....

[le fugitif]

يا جماعة انا لا اتكلم عن الزواج وهل تردن الزواج ام لا او هو شغلكن او من اولوياتكن انا اتكلم عن الكلمة فى حد ذاتها ما شعورك عندما تسمعينها من غيرك
كلمة مسكينة ولا يواصلون كلمة بايرة او بارت هذا ما اردت الوصول اليه هل هذه الكلمة تزعجك ام لا وما شعورك نحوها ........... طبعا ان اتمنى لكن الخير كله


http://www.moveed.com/data/thumbnails/21/20.gif

[النيلية]

السلام عليكم

الاخوات الفضليات اجبن عن سؤالك ولكن بطريقة غير مباشرة وهو ان الكلمة لا تهمهن في شيء

[samir222]

مريم البتول بنت عمران توفيت ولم تتزوج وهي من خير نساء العالمين ولم يقال لها فقط هذه الكلمة وانما قيل لها ماهو اشد وعلى الرغم من ذلك كانت من القانتين
(ان في قصصهم لعبرة )

[اميرة اليالي البيضاء]

شكرا لك على الموضوع


واش نقولك كي نسمعها نولي نبكي ونخمم على زهري وعلاش ربي

ماعطنيش واش إعطى لبنات وعلاش لبنات كامل تزوجوا وأنا قعدت

وعلاش راني حية و علاش زهري مسود كرهت الروتين ديقوتيت

المرال راه هابط ياريت وماجيتش بنت وكنت شاب يارحم والديك خليني

ترونكيل ............. كلام أخر لاداعي لذكره

حقا الأخ كلمات صادقة من فتاة تعيش العنوسة سمعتها منها ........

حقا إنه واقع مؤلم ومر هي لم تقصد أن تقول لي هذا الكلام ولكن قصدت

لماذا والديها لم يضمن لها المستقبل ما الفائدة تقضي 10 سنوات ماكثة

في البيت وعمرها يمضي وتعاني من الفراغ هل يستمران الوالدان تاج

فوق رأس إبنتهم باالطبيعة الحال لالالالالالالالا لا لا .

أترك لك المجال مارأيك هل هي حقا مسكينة أم لا ........؟؟؟؟؟؟

أوضح لك أكثر :

أنت مار حتى تسمع زوج يهدرو عليك يقولوا شفت الهارب والله غير

كبر راه يبان شيخ وهدا وينتى يتزوج ويدير الدار كي نتاجوا

وهداك كي يتزوج يقدر يربي أولادوا ماشكيتش اللي يقدر..........


ماهو شعورك الأن .................. ؟؟؟؟؟

وتبقى العانسة أفضل يكثيييييييييييييييييييييييير من المطلقة.............

هذا هو المجتمع لا يتقبل لا عانسة ولا مطلقة وياالطبيعة

الحال طول ما الفتاة العانسة تسمع هذه الكلمة أكيد راح تتعقد ..........

فاحدف الموضوع فا أنت بموضوعك تسبب لنا أزمات نفسية .......

إنني أمزح.....

تقبل مرور ي بفائق التقدير والإحترام

نسيت تصاب باالإحباط والحزن أتعلم لماذا تسمع هذه الكلمة . بسبب جمعيتكم

جمعية الإضراب

بارك الله فيك وجزاك الله خيرا السيد والأخ المشرف الهارب .

الموضوع يستحق النقاش وباالأحرى يحتاج إلى حلول وهو أن يحترم الوالد والوالدة إبنتهم العانسة ويجون لها حلا

وأن يحترم الأخ أخته العانسة وباالدرجة الأولى يجب على المجتمع إحترامها

[*ام* عبد الرحمن]

et j’alais t’ataqué عجبتيني اختي الزمن القادم 'ان شاء الله'شوية
في الحقيقة هذه اللفظة تهز كيان الاخوات اللاتي لم يتزوجن بعد حتى على ولو سبيل المزاح ....كلمة تحمل في طياتها خاصة و هي مصحوبة ب" اتس مسكينة "تاع وحدة غايضيتهم نوع من جرح للكرامة و اهانة ...بزاف صعيبة خاصة اذا كنا قد عايشنا بعض حالاتها ق........تؤدي اما الى انحلال خلقي و اما depression بالنسبة للحساساتو من ايمانهن بقضاء الله و قدره ضعيف و السبب هو المجتمع

يا خياتي باش وحدة تقول ما نتزوش و مايهمنيش الزواج ووقت ما جا مرحبا بيه okو هذا لانكن لم تتجاوزن سن 34او 40 و اذا لم يقدر الله ان تتزوج المراة فذلك من شؤونه في خلقه و لكن اذكر كن و نفسي ان النبي صلى الله عليه و سلم قال"وَمَا فِي الْجَنَّةِ أَعْزَبُ" نصحتي للاخوات اللاتي و الاخوة الذين لم يوفقهم الله و تزوجوا

و الا يسبوا الدهر و لا الدنيا و لا يقولوا ما عندناش الزهر او وعلاش يا ربي غير انا البنات تزوجوا ...لوكان جيت راجل خيرلي "" فهذا فيه عدم رضى بما كتبه الله لنا

[وشَـ،ـآحْ الـصـِـبـآا]

هههههههه
لازلت بعيدة أشد البعد عن تلك المرحلة لكن جوابي سيقتصر على انا اكره كلمة مسكينة والزواج وكل ما يحصل في المستقبل هو من امور الله وشاء الله وما قدر فعل لا أقلق من هذه الناحية ابدا
على العموم أني نقولك بلي لازم تراضي لبنات اللي ردوا عليك الظاهر ماحبوهاش منك خلاص

[اميرة اليالي البيضاء]

بارك الله فيك أخي حقوقية على ردك الرائع

لكن أنا نقلت لك الكلام من الواقع تردده الكثير من البنات وماردي عليهم إلا :

صبر جميل والله المستعان

شكرا جزيلا

[نور المنتديات]

والله مافهمت حاجة

[اميرة اليالي البيضاء]

واش مافهتيش أختي نور المنتديات

راني هنا ونفهمك

كيفاش يكون شعورك لوكان لقدر الله يجي نهار وتكبري ويقولولك

أنت عانسة : بايرة

كيفاش تحسي

شكراااااااااااااااااا

[سلاف26]

أنا كلمة مسكينة بصفة عامة نكرها في أي وقت مرة كنت في المشفى و كانت معايا ختي و كنت نموت من السطر جات عجوزة تقرعج و سقسات ختي و قالتلها واش بيها مسكينة صدقني كنت نموت رفع راسي و قلتلها ما تقوليليش مسكينة و العجوزة هربت مسكينة ههههههههه هكذا توب ما تعاودش تسقسي حتى واحد ولا تقول هذي الكلمة مرة خرا

[أختكم في الله]

كلنا مساكين ونفتقر الى حب الله

[le fugitif]

و قلتلها ما تقوليليش مسكينة و العجوزة هربت مسكينة ههههههههه

قلتيلها متقوليهاش بصح انت قلتيها - هربت مسكينة
هربت على خاطر حست انك ديري البوكس ولا الكراتي عندها الحق تهرب قه قه قه قه قه قه قه قه


http://www.al-zen.com/vb/images/smilies/116hb.gif

[khouloud08]

كما توجد كلمة مسكينة توجد كلمة مسكين و ارى ان وقع كلمة مسكين اكثر قسوة من مسكينة و الرجال اكثر تحسس من هذه الكلمة اكثر من النساء فما شعورك و احدهم يقول هذا مسكين
اما بنسبة لي شخصيا فاكلمة ليس لها محل من الاعراب في قاموسي فما هو مقياس قول مسكينة هل الزواج ام الثقافة ام المال ام العمل ام الجمال ام اليتم و كلهم من عندي ربنا
فربي يهدي عبادوا

[منهادي]

<FONT size=6>مشكور اخ

[le fugitif]

خلود - منهادي شكرا لكما


http://www.moveed.com/data/thumbnails/30/950.gif