دبرو عليا

[مشكلتي]

اخوتي انا شابة ابلغ 19 سنةالكبرى في اخوتي تقدم لخطبتي منذ ايام شاب 25 سنة عامل و خلوق و وسيم يعني لاباس به من كل النواحي ابي و امي قبلو لكن المشكلةان عندي خالتي 25 سنة طبيبة هي لي راهي واقفتلي في الطريق لان امي البارحة راحت اخبرت جدتي بامر الخطوبة فاجابتها انو من المفروض تتزوج خالتها قبل
قالتلها ماما انو الظاهر ان هي ماهيش حابة تزوج لوكان عينها تزوج راهي قبلت بكاش واحد انا بنتي متظلش تستنا فيها
وجداتي قالتلها انا هدرت كلمة و مانزيدش نهدر فوقها
تعيشو انصحوني واش ندير راني حايرة انا و امي بين ارضاء جدتي و بين القبول بالخاطب فجدتي قالت ان اذا درت العرس ما نحضرش و نقاطعكم .ما تقولوليش جربي معاها و حاولي و بعتيلها ناس تهدر معها لانها عنيدة بزززززززاف و حكاو معا الكثير لكن بقيت مصرة على رايها و زيد خالتي مديتها غير لتمسخير و الخرجات و مغرورة بجمالها ماهيش ناوية تتزوج حتى ل 30 يعني انا حسب جدتي عليا ان انتظر 5 سنين يا الاااااااهي

[س.مراد]

لا تضيعي حياتك في التقاليد والعادات

تزوجي ولا تنظري إليهما ...................

أنت لا تفعلين حراما ..............

[أويس DZ]

يا اختي ما تسقسيني ما نسقسيك روحي direct لكاش امام هو يعطيك الرسمي

الله يهدي جداتك

ربي يسهلك ان شاء الله وناكلو لقاطو لعقوبة لي مازالو

[المشتاق لجنة النعيم]

أختي إذا أنت قابلة و زيد باباك وأمك قابلين مابقاش نقاش وواحد ماعندو سلطة عليك ... وزيد الزواج نصيب ونتي جا مكتوبك وعلاه حتى ما تتزوجيش أنصحك بالزواج و إن شاء الله خير .

[sofiane8]

اذا جاءكم من ترضون دينه وخلقه فزوجوه



توكلوا على ربي

[نجمة ساطعة]

صراحة سمعت بحكاية تتزوج الكبرى قبل الصغرى لكن الخالة قبل بنت الاخت جديدة هذي

[fiorilla**]

يا أختي توكلي على الله و لا تهتمي لأي أمر آخر
ولو أنها اختك و الأكبر منك لا تنتظري أن تتزوج قبلك
كل واحدة و مكتوبها
لن تقاطعقكم جدتكم كثيرا سترضى بالأمر
فلا تقلقو أنفسكم

[amina2688]

والله لكان جات اختك اكبر منك نقول بلاك ممكت لكن خالتك؟؟؟؟؟؟؟؟؟؟؟؟؟؟؟
مادام انت حابة تتزوجي والراجل مليح واهلك عجبهم ما تضيعيهش من ايدك فالحياة فرص
وننصحك تتعامل مع جداتك بالحيلة امك تقلها انا قلت لا بصح بابها ماسمعليش
باباها قال راح نوافق عليها والراي راي باباها واش راح ندير هو ما باش يسمعني:1:حيلة:1:
وهكا تكونيانت وامك تكونوا رضيت جداتك وحطيتوها قدام الامر الواقع وفي نفس الوقت تتخلصي من حصار العادات وخالتك:19::19:

[تيقيدي]

السلام عليكم

عسى ان تكرهوا شيئا و هو خيرا لكم

اختي جا مكتوبك انت ..وش دخل جداتك و خالتك

توكلي على الله و صلي صلاة الاستخارة و ما تضيعيش وقتك في تفاهات

فرصة كما هذه تجيك مرة في العمر

ما علابالك بحتى واحد هذحياتك يا الله ما تضيعيش وقتك

[مستفانم]

السلام عليكم

أولا إسمحي ليا نضحك هههههههههههه
الدنيا غريبة حقا

شوفي أنت إذا عجبك الرجل ومقتنعة بالزواج فتوكلي على الله ولا تهتمي لرأي أحد من غير والديك والله
أفعلي تماما ما قالته لك الأخت amina2688
المفروض هذي جدتك من الأم
قولي لأمك تقول لجدتك ماشي أنا أبوك حب يزوجك . الجدة ماعندها حتى سلطة على رأي نسيبها وحطي خالتك وجدتك الله يهديها أمام الأمر الواقع .

[مريم الصابرة]

السلام عليكم نقولك حاجة وما تزعفيش مني واش خل جداتك فالموضوع يا ختي لو ختك الكيرة ممكن مقبولة مي خالتك بهيدة بزاف جاك مكتوبك كان تضيعيه راحا تندمي طول جياتك كيما فالت ااخت ديرولها حيلة وكان غضبت فربي اكيد عارف إنو ماكانش سبب لغضبها ودعائها او عدم مجيئها للعرس ربي يهديها بالتوفيق ونصيختي اقبلي

[غريبة الاطوار]

تزوجي بيه حنونه ......لان هدا التصرف تاع جداك و خالتك اناااااااااااااااااااااااااانييييييييييييييي
ف لا تضيعي الفرصة
و ربي يكمللكم بالخيرر

[loubna2]

شوفي اختي

الا هذا الرجل مناسب من جميع النواحي انتي غير مجبورة على ارضاء اي شخص
في الدين لازم رضى الطرفين وهذا متوفر
رضا الوالدين وهذا ايضا متوفر
اتوكلي على الله
ربي مقالش رضا الجدة
صح هذي علاقات وصلة رحم لكن انتي ماشي في سبب خالتك تضيعي فرصة مليحة وتتخلاي على زواجك
جداتك راهي غالطة 100 بالمية هذي كون كانت اخت كبيرة ليك نعذروها
وزيد بالزيادة خالتك طبيبة اي واحد يتمناها يعني هي تأشر فقط وعندها الفرص اكثر منك
ربي يهديها انتم اقبلوا برك وهي تدبر راسها يعني انتم لم تظلموها ابدا

حبيبتي الفرص قليلة استغلي الفرصة والا ستندمين طوال حياتك
حاجة اخيرة
حبيبتي تهمك غير نفسك لانوا واحد ما يحبلك الخير اكثر من نفسك
ضعي مصلحتك رقم 1
والبقية تأتي بعد

ولا تقولوا انني انانية لكن الزمن هذا الي ميخممش على مصلحتوا راهو غبي لانو واحد ما يفيدك الكل تجري على مصالحها
لذا اختصري الطريق مدامك مراكيش عاصية ربي

[kingbelkacem]

جابلي ربي هدي جياحة مكانش منها قاع ممكن الترتيب يكون فى الاخوات بصح تزوج الخالة ومبعد بنت الاخت هدي جديدة المهم ادا كان هدا الراجل مريقل وانسان خلوق ومتدين غير اتكلي على ربي ومديريش على الخروطي الزايد ربي يوفقك اختي http://www.djelfa.info/vb/images/icons/15.gif

[faridos]

الزواج نصف الدين .لا طاعة في معصية الخالق مادام رضاة يماك او باباك .قولي ايه وان شاء الله زواج مبارك

[معجزة الاكوان]

اقبلي
فمطاوعة جدتك اجحاف لحقك وتضييع لمستقبلك
بيديك
تعاملي بالحيلة كما قالت الاخت امينة2688
نفع اللهم بارك
منفعش توكلي على ربي وكملي
مدرتيش حاجة غالطة انتي وماماك حتى تتحاسبو عليها عند ربي

[adlan18]

ادا راكي باغية تحطي مستقبلك و حياتك بين يد جداك و يد خالتك .............................................؟؟؟؟؟ ؟؟؟؟؟؟؟؟؟؟؟؟؟؟

[ترب الندى]

السلام عليكم
ربي يفرحك اختي
انا نقولك تزوجي و اتكلي على الله
هذه عادات و تقاليد ستؤدي بنا الى الهاويه
و خالتك و جدتك تغضب ايامات و ترجع عادي ما تخافي
ما ظنيت ان جدتك قاسيه لهاذ الدرجه
و في الزواج الرأي و هو رايك انتي و والديك ما دخل لا خالتك ولا جدتك فيه
و خصوصا مبرر جدتك لا اساس له من المنظق
ربي يفرحك خيتو
و يفرح والديك بيك
سلام

[!?زين الدين?!]

اخوتي انا شابة ابلغ 19 سنةالكبرى في اخوتي تقدم لخطبتي منذ ايام شاب 25 سنة عامل و خلوق و وسيم يعني لاباس به من كل النواحي ابي و امي قبلو لكن المشكلةان عندي خالتي 25 سنة طبيبة هي لي راهي واقفتلي في الطريق لان امي البارحة راحت اخبرت جدتي بامر الخطوبة فاجابتها انو من المفروض تتزوج خالتها قبل
قالتلها ماما انو الظاهر ان هي ماهيش حابة تزوج لوكان عينها تزوج راهي قبلت بكاش واحد انا بنتي متظلش تستنا فيها
وجداتي قالتلها انا هدرت كلمة و مانزيدش نهدر فوقها
تعيشو انصحوني واش ندير راني حايرة انا و امي بين ارضاء جدتي و بين القبول بالخاطب فجدتي قالت ان اذا درت العرس ما نحضرش و نقاطعكم .ما تقولوليش جربي معاها و حاولي و بعتيلها ناس تهدر معها لانها عنيدة بزززززززاف و حكاو معا الكثير لكن بقيت مصرة على رايها و زيد خالتي مديتها غير لتمسخير و الخرجات و مغرورة بجمالها ماهيش ناوية تتزوج حتى ل 30 يعني انا حسب جدتي عليا ان انتظر 5 سنين يا الاااااااهي

هذه خالتك وليست اخت لا تضيعي مستقبلك بسبب امر تافه هناك من عندها اختها اكبر منها وتزوجت قبلها الامر عادي كيف لك ان تربطي مستقبلك بخالتك ومن أكد لك ان خالتك ستتزوج انا لا اريد ان اتدخل في امور لا تعنيني لكن الواضح ان خالتك تغار منك كونك ستتزوجين قبلها وليس بسبب التقاليد التى لا فائدة منها

[صُبح الأندلس]

والله من أعجب ما سمعت !!!!
سمعت قولهم الكبرى تتزوج قبل الصغرى لكن لم أسمع الخالة قبل ابنة أختها !!!
يا أختي عندك والداك و هما من يقررا مصيرك لا جدتك و إن لم تحضر عرسك فلا إثم عليك لأن ما طلبته لم ينزل الله به من سلطان

[asma2021]

توكلو على ربي و ربي يكملك إن شاء الله

[warda rouse]

اختي الزواج مكتوب و كيما راكي تقولي هاد الشاب ما فيه ما يتعيب لازمك تقبلي بيه لو كان خالتك جات في بلاصتك ما ضيعش مستقبلها على خاطرك امالي ديري واش في راسك و والديك راهم معاك