معقدة [الأرشيف] - منتديات الجلفة لكل الجزائريين و العرب

مشاهدة النسخة كاملة : معقدة

مشكلتي

2012-05-22, 16:53

السلام عليكم انا بنت عمري 17 سنة و مشكلتي هي معقدة هكدا يقولولي صحاباتي
المشكل هو مانعرفش نهدر مع الناس و عائلتي دايمن يعايروني كيمانعرفش اذا هدرت نهدر غير لباس حمدولله
بصح مع صحاباتي المقربين نهدر مانسكوتس اما كي تجي بنت واحدوخرا مانهدرش و نسكت
و الاولاد كي يهدرو معايا نتفرفش و مانهدرش اما كي جي صحبتي نوالي نهدر meme مع البنات كي نكون مع واحدة مانهدرش و كي جي واحدوخرا نهدر و دايمن يقولولي معقدة صحاباتي و حتى عايلتي
الله يخايكم اعطولي حل

معجزة الاكوان

2012-05-23, 11:22

انه مشكل تمر به عديد الفتيات والشباب في سن المراهقة
اولا نحبك متكسريش راسك بيه بزاف لانو هو مشكل يجي بزاف فمرحلة المراهقة
بصح اذا عطيتيه فوق حقو قادر يستمر معاك
ثانيا ديري في بالك بلي كل الناس الل نتواصلو معاهم
اناس عاديين عندهم مركبات نقص ايجابات وسلبيات
مكان لاه تقيمهم بزاف وتحشمي منهم لهاذ الدرجة
مسالتك مسالة ثقة بالنفس وعائلتك بدل ما تعاونك زادت عليك
لهذل نحبك متزيديش تسمعيلهم لما ينتقدوك
انا تقريبا
في مثل عمرك ونلقى انتقادات اكثر منك بصح جامي درتها في بالي
معليش ايه عندك مشكل في المعاملات تجاوزيه

من اليوم ورايح كونك جريئة
اهدري مع الناس كل وبطلاقة متحشميش
من الاول صح تلقاي مشاكل وممكن تغلطي
ويضحكو عليك عادي اضحكي معاهم
بصح مديرش هاذيك الغلطة في بالك
لانك راح تغلطي بزاف قبل ما تولي جريئة
وهاذوك الناس اللي غلطتي معاهم حتى هما غلطو في حياتهم
ميهمكش نظرتهم ليك
انت اضغطي على روحك وواجهي الكل
وما دامكي حابة تتجاوزيه تتجاوزيه ان شاء الله
علبالي بلي قادرة

maria35

2012-05-23, 12:13

صراحة أنــا عندي نفس لمشكل تماما و ربما أكثر ... نعرف نهدر غير مع صحاباتي و إدا جات واحدوخرا تروحلي الهدرة و نسكت و مع الأولاد ما نهدروش .... نادرا ما نهدر ماعهم غير في الدراسة أو شيء من هذا القبيل حتى أنو الناس درك ما يشوفونيش عاقلة يشوفوني جايحـــــــــــة ! و عندي عقدة تاني مع الملابس .. مع أني ندي قوام رشيق و جميل جدا و أفضل من كل صديقاتي و يسمح لي بارتداء كل الملابس و هاكداك نلبس المئزر مالمسيد للدار و مالدار للمسيد .. أنا أعلم أن هذا حياء و ما شي عقدة علابيها ما رانيش حابة نبدل روحي لخاطرش كون نسمع لكلام الناس ما تفراش !!

نجمة ساطعة

2012-05-23, 13:22

ابقاي كيما راكي باش كي تطلعي الجامعة تعود قدقد خايفة تتفتحي ذرك و تزيدي تكملي في الجامعة

ترب الندى

2012-05-23, 13:38

السلام عليكم
ربي يفرح اخيتي
اذا كان عدم كلامك مع الذكور عقده
نقولك انا راني اكبر معقده في التاريخ:1:
اما عن باقي الناس اظن انك انطزائيه بعض الشيئ
و تفضلين العزله .... ثقي بنفسك و هذا سر تخلصك من ارتباكك
انتي لست معقده حبيبتي لا تدعي من يجهل امرك يؤثر عليك سلبا
تحيه طيبه يا الغاليه

abdel02

2012-05-23, 16:29

انا ثاني كنت كذلك في سنك هكذاك...ولكن عمرك ما تقولي على روحك انك معقدة....بل هي المراهقة وتغيراتها خاصة على الفتيات....هذا الشعور سيزول مع الوقت....باذن الله...فقط كوني طبيعية في تصرفاتك ولا تتصنعي ولا تقلدي احدا.

first first

2012-05-24, 23:23

اين العقدة.....................اراكي عادية جدا!!!
بعض التصرفات يمكن تحسيمها وحسب.

~’سَمـرٌ*,

2012-05-26, 15:10

لدي نفس الطبيعة ههه

لكنني لا اعتبرها تعقيدا اطلاقا

نحي الناس من بالك ختي ^___^

soumsouma

2012-05-28, 14:51

ما تتسرعيش و ما تتقلقيش و مع الوقت تتبدلي
كان تشوفي اختي الصغيرة كانت ما تهدر مع حتا واحد و في المسيد ديما يشكو منها و ما تحب تخرج وحدها و ما تهدر مع الناس
و دك شكون يشدها راهي تخدم و تسرحت و راحتلها العقدة