كيف اعرف ان خطيبتي تحب شخص اخر

[khelifa09]

كيف اعرف ان خطيبتي تحب شخص اخر وخاصة ادا كانت تعمل معه

[أم محمد و آيه]

ديما نبغي نقولهالك مي نحس روحي مشي من حقي لكن الله غالب انا فضولية بزاف

لأنك راك تكتب بزاف مواضيع على زوجتك وانت اللي تسامح وانت اللي ...........

لازم عليك تفرض شخصيتك يا أخي الكريم وانت فهم واش راني نقولك ......

انا زوجي نقولو انت تاج راسي ..وهو يقولي انتي دراعي اليمين......

حزم على روحك وكون قدها....

واسمحلي على التدخل باسكو منحبش الراجل يحط نيفو ..وعذرا على هاد الكلمة.

سلاااام

[زهرة البيلسان البرية]

أخي في الله ،، مع كل احترامي لشخصك لكن من خلال مواضيعك التي لم أرد عليها يوما لاحظت أنك فقدت الثقة بنفسك ،، أخي أنت رجل لا تدع أي امرأة تتكبر عليك ،، كن حازما في قراراتك !!

أنا لا أعرف خطيبتك و لا اظلمها لكن يا أخ ،، إذا المرء لا يرعاكَ إلا تكلفا ،،،، فدعه و لا تكثر عليه التأسفا

[soso sirin]

كيف تستطيع اخي ان تتزوج بامراة لا تثق في حبها .اخي اذا لم تكن تثق فيها ولا تثق فيك فمن الاحسن ان تبتعدا الان احسن لانك ستتعب و تتعبها معك تخيل اخي انت لم تتزوج بها و بدات تشك في محبتها لك اذن غدا ستسجنها حتى تطمئن اخي لازواج بدون ثقة في الحقيقة لا وجود لاي علاقة دون ثقة

[فتـ حييةـاة]

بصراحة يا اخي واسمحلي نقولهالك انا قلبي اللي يذلني نديرو في طرف خبز وندير فوقه شوية كاتشب وشوية ومايونيز وناكله ونتهنى

[نجمة ساطعة]

اوووووووووواه وصلت لدرجة متطورة ... اللي عندك اخي وسواس الشك ... لازم تشوف طبيب

و الا راح يدمرك ... اذا مش واثق فيها غير مكلاه تتزوجها لاني متاكدة زواجكم فاشل بهذه الطريقة

[معجزة الاكوان]

صراحة تبدو ضعيف الشخصية وهذا ما جعل خطيبتك تتصرف معك تصرفات
جعلتك تشك بها اظن انها لا تحترمك او لا تقدرك هذا من خلال مواضيعك
لا اعرفها ولا اريد ان اظلمها
لكن ان لحق بك الامر ان تشك بها من خلال تصرفاتها معك
فطلقها لماذا تذل نفسك انت رجل وهي المراة
ام انني مخطئة
ثق اولا بنفسك واكتسب شخصية قوية

لا تجعل اي امراة تتكبر عليك وتهينك
كن رجلا باتم معنى الكلمة
ان لم تقدر حبك فنصيحتي طلقها
ليست اخر امراة

[عُضو مُحترم]

مستحيل تعرف

[شولاك]

والدينا يقولوا: ما ناكل رية ما يتبعوني قطوطا
من أولها اختر امرأة ماكثة بالبيت تخاف الله وترعاه في سرها وعلنها، واغلق بغلق مفتاحه تنوء أكتاف العصبة عند حمله، بدلا من "التبهديل" و"الشك" القاتلين ... اللهم قدرنا على حسن الاختيار
سلام

[طيبة نفس]

ربي يعينك في حالتك اديما نقرا مواضيعك بصح مانعرف واش نرد على خاطر ديما كاين حلقة ناقصة اذا كنت شاك وعندك يالو كان دليل صغير صارحها

وقوللها واش هو الشيء ل خلاها دير هاك..........بلاك تاني هذو غير وساوس

نصيحة ليك افرض شخصيتك عليها صراحة حنا البنات نحبو لي يكون فرض شخصيتو علينا نحبو الشدة في بعض الاحيان

اذا كنتو متخاصمين وكانت هي الغالطة خليها حتى تعيط هي ما تطيحش نيفك واذا وصلتو لطريق مسدود و شفت بلي كل يوم راك تنقص اكثر من قيمتك معاها ضع حدود ولا تجعلها كل حياتك تفكر بلي هي جزء من حياتك وشوف في الجوانب الاخرى فيهاالدين الخدمة الوالدين..............

كن انت الرجل وافرض نفسك

[الجليس الصلح]

صارت مودا البنت ليها خاطب وهي دايرة علاقة مع آخر وحتى بعد الزواج زمان العجب والعيب في الراجل دائما ضعيف الشخصية ونساو أن المرأة تجاوزت الخطوط الحمراء بسبب الحرية المطلقة التي أهداها لها الرجل أو بالأحرى فلتت منه اعترفن يا بنات حواء بذلك الضياع الذي آلت إليه المرأة مع احتراماتي للعفيفات المحترمات

[شولاك]

يعني ضروري من أجل نصيحة تجرحوا ناس آخرين ...
يعني حاب تقول اللي جالسة في البيت لا تخون ... استغفر الله
معليش تقدر تفتح الجرائد و تقرأ بنفسك أو تسمع ما يحدث في مجتمعك


السلام عليكم ...
من قال لك أني "حاب نقول" ما تفضلت به؟
ذاك فهمك قادك إلى هذا الاستقراء الذي لم يطرأ على بالي، علما أن المقام هذا يخصه هذا المقال؛ فافقهي القول يرحمك الله؛ ففعلا ففي الفهم كذلك مدارك شتى.

[نجمة ساطعة]

السلام عليكم ...
من قال لك أني "حاب نقول" ما تفضلت به؟
ذاك فهمك قادك إلى هذا الاستقراء الذي لم يطرأ على بالي، علما أن المقام هذا يخصه هذا المقال؛ فافقهي القول يرحمك الله؛ ففعلا ففي الفهم كذلك مدارك شتى.

الآن فقط ركزت ... المعذرة خطأ تركيزي :cool::cool::rolleyes::rolleyes:

[جسر الأمل]

اااااااااااا بن عمي خويا خليفة انا من اللي كنت خاطب كنت نتبع في مواضيعك ونقولك حاجة انت مشكاك بزااااااااااااااااااف ومسوس خطيبتك اللي راها مرتك ماراهاش تقيمك وديرلك اعتبار باسكو انت راك طالق شوف افرض شخصيتك هاااااااااااحوجي وزير روحك شوية وكي تهدر اعرف شاتقول ماتقعدش ترطل وتشكل وتقعد متردد تتلفلك الهدرة زوج كلمات والسلام
اقلع الشك من بالك صح نهار تحكمها صح تبغي واحد غيرك تم نهدرو ابار صا راك غير تقلق في روحك
ونقولك حاجة راك مقلقني راك تبالغ بزاف ومتحمس زعما عقدت وراك راجلها لالالالا غير بالعقل وافرض شخصيتك
الله يكون في عونك زيييييييييييييييييييييييير روووووووووووووحك

[الجليس الصلح]

الشك والغيرة بداو يهزوا فيك قبل الزواج وما بالك كي تتزوج يا حسراه حوس على أخرى قاعدة في الدار تتهنى نهائيا والسلام

[soso sirin]

الشك والغيرة بداو يهزوا فيك قبل الزواج وما بالك كي تتزوج يا حسراه حوس على أخرى قاعدة في الدار تتهنى نهائيا والسلام


وعلاش خويا شكون قالك انو الشك تاع انسان يموت اذا كانت المرا قاعدة في الدار و زيد على حساب هدرتك معنتها كل وحدا خدامة لازم راجلها يشك فيها نقلك حاجة خويا و هاذي مراة راهي تقلك فيها كون وحدا دير في عينها دير حاجة ماشي مليحة والله و تربطها في رجلك و عينك عليها كل ثانية دير واش باغية و الي تكون مربية و عندها عقل و الله و تكون مع مليار راجل في بلاصة وحدا والله ماراح تخمم في حاجة ماشي مليحة

[أم عبير]

يا خوي ماتقدرش تعرف لازم تكون صارم و غير متساهل معها