إلى الأخ نجيب نوفل من فضلك ساعدني

[عائشة نريمان]

يا أخي عجبني القاطو نتاعك لي خدمتو لعروسة خاصة المعين واش يسموه و كيفاش خدمت القلاصاج لاني عندي عرس اختي بعد سمانتين و حابة نخدملها حاجة هايلة وواش هو القاطو لاكلاس و المليح هذا الوقت نتمنا ترد عليا انت أو أحد المشاركات في المنتدى و اجركم على الله .

[نجيب نوفل]

السلام عليكم اولا انا ام نجيب ونوفل ندخل بعصوية زوجي
هاداك المعين هو مقروط اللوز بالقلاصاج ماشي مسكر درتلو لخطوط من فوق بالقلاصاج و كي نشف درتلو لبريو ابيض بواسطة اسفنجة نتاع الفوندوتا كي تكملي تمسحيه كامل بالابيض جيبي اسفنجة واحدة اخرى وديري لبريو اللون لي تحبية بصح لرطب وتمسحي خانة بخانة وحدة تلونيها و الاخرى خليها ولا مافهمتينيش نزيد نفهمك
اما بنسبة للقاطوات كاين غير جديد ان شاء الله رايحة نصورلك لي مودال لي عندي http://hh7.an3m1.com/Sep/an3m1.com_e6189852c11.jpg (http://hh7.an3m1.com/)

http://hh7.an3m1.com/Sep/an3m1.com_e6189852c12.jpg (http://hh7.an3m1.com/)

http://hh7.an3m1.com/Sep/an3m1.com_e6189852c13.jpg (http://hh7.an3m1.com/)
وهادو هوما لي درت بيهم انا

[عائشة نريمان]

إسمحيلي حبوبة أنا شفت على الإسم و متشرفة بيك و شكرا على الرد ، صح أنا نخدم القاطو مليح و معنديش صعوبة فيه لكن الصعوبة هي في اختيار الأنواع لي نديرهم في العرس حابة نديرلها حاجة هايلة من ديكور كيما نتاعك و بنة و شكل راني نستنى جديدك و ألف شكر ليك على الرد السؤال 2 القلاصاج نتاع المعين درتيه غير بيض و لونت الموف بالبريون الموف ولا عاودتي طليتيها بالقلاصاج الموف و من بعد البريون رايحة نهبلك معايا اسمحيلي حنونة .

[نجيب نوفل]

لالا الحبة كامل تلونيها بالابيص من بعد تبداي تمسحي بالبريون ماشي قلاصاج واحد اخر لالا

[عائشة نريمان]

شكرا لكي أختي و يسلملك إيديك و يحفظلك عائلتك يارب آميـــــــــــــــــــــــــــــــــــــــــــــــ ـــــــــــــــــــــن

[نجيب نوفل]

لاشكر على واجب اختي كاشما تسقي راني هنا

[natacabell]

kount haba nafham ala had nouaa makrot louz glacée mafhamtch mlih kan ghire tzidi tfahmini rabi yahafdak hanouna esamhili ana chwiya rasi yabess fi had lahwayej besah ghire nafham khals rabi yahfadlak wlidatek ou yatik matatmenay amine ya rabi

[نجيب نوفل]

واش مفهمتيش حنونة انا نفهمك هداك مقروط اللوز نورمال تعسليه وديريلو لقلاصاج عادي م كي ينشف تخدميه كيما شرحت للاخت