ساعدووووني خطيبي كرهلي حياتي

[مشكلتي]

السلاااااااام عليكم:mh92:
خطيبي كرهلي حياتي
يضل يتقلش عليا بلا سبة
يكوبيلي في وجهي و يزيد يسمعني هدرة طكايحة بزاف و يجرحني حتى نولي مريضة ملبكا
و الله يا خاوتي صدقوني غير دايرتلو غير قوصطوه
حنينة معاه و نشاورو في كلش و نطيعو و محتارماتو بصح هو الكونترار تاعي
المشكل اني ما نقدرش نعاقبو
كي ما يعيطليش نهبل و نولي نعيطلو سونزاري و كي يعاودلي مارقري هو اللي غالط بصح انا نحللو و نراضيه
بصح راني نشوف بلي هاد العقليةما خرجتش عليا
تعيشو دبرو عليا واااااااااااااش ندييييييييييييييييييييير باش يتبدل للاحسن
و ربي يجازي كل واحد يعاوني و لا يدعيلي ربي يفرج عليا

[الفتآة]

السلام عليكم ورحمة الله وبركاته
أختي الكريمة، المفاهمة وحسن المعاملة يجب أن يكونا قبل الزواج
حتى تستطيعوا الوصول إلى الحلول المناسبة لكي تبنيا بيتا مسلما
.............
حاولي أن تعرفي ماهو السبب من وراء ذلك
فلربما هو عصبي المزاج
أما إن كان لا يحترمك أنت فقط ويتجرأ لأن يغلق الهاتف في وجهك ... فليس حريا بك أن تتألمي من أجله ثم تعودين أدراجك تترجينه
وليكن في علمك أن الرجل لا يحب المرأة التي تترجى كثيرا حتى وإن كانت خطيبته
فجربي مرة من المرات أن لاتتصلي به ، وإن عاود بك الإتصال إمنحيه قدر سؤاله ولاتكثري من الحديث معه
فإن أحس بتغييرك طبعا سيسألك عن هذا
وإن لم يحس ...... فلن أقول لك سوى أن تعاودي النظر في أمرك جيدا ودعي العواطف والأحاسيس بعيدا
وفقك الله

[أم محمد و آيه]

خليه وحدو و متعيطيلوش ..شوفي الى يتفكرك ولا لا ........

وادا لا راكي عارفة شاديري بلا مانقولك ....

منحبش راجل يحسب روحو عليا ويتقلش ...وانت تاني اعطي روحك شوية كرامة ومتهبطيش نيفك قاع هاك.....

زيري روحك ........الله يهنيك ويفرج عليك

[z.abdo]

أنسيه بعض الأيام واصبري

يرجع هو اللي يعيطلك وهو اللي يسأل عليك وهو اللي يرضيك

جربي وردي الخبر

[أم معاذ أم معاذ]

و تصرفات خطيبك هذا تقلاش يسموه
هذا قلة أدب أنو الزوج يطيح الهدرة لزوجتو

إنت تعرفي سبب كل هذا و ما عليك إلا إبطال السبب فقط

[حضنية28]

يا ااختي خلي ايامات ومتعيطيلوش خلي تكون عندك شوية عزة نفس خليه هو اللي يعيطلك

[ize]

وهذا احسن حل حنونة انك تخليه يامات ما تحكيش معاه وحدو يفيق مع روحو ويوللي هو اللي يعيطلك وسقسي عليك واذا قالك علاش ماراكيش تعيطي قوليلو واش راهو في قلبك

[بلسم الجراح]

ماتعرفيش بلي الرجال يبغوا اللي تتقلش عليهم والي قاعدة تراييي فيه ما يعمرش راسوا بيها على حساب مافهمت راه حاسب دار فيك بليزير كي خطبك حنونة مشي كيم هكدا انا لوكان جيت في بلاصتك وسبني والله مانبقى معاه دقيقة اناعندي الكرامة والاحترام باش يكون حب وزيد باينة انتي خير منو في العقلية اختي عمرك ماطيحي بروحك حتى واذا كان شباب عليك ولا غني عليك ولا مستواه الدراسي اعلى من مستواك

[بنت الحجاج]

..............................




ربي يهديه

[assia81]

السلام عليكم ورحمة الله وبركاته
اختي العزيزة اعتقد ان الخطوبة هي وعد بالزواج وليس زواج ولكنك اعطيتي لهذا الشخص اكثر مما يستحق ماكان عليك ان تحدثيه الا لضرورة اظن ان المبادرة تكون منه اولا ان كان حقا يحبك ويريدك زوجة له ولهذا عليك ان تتبتعدي عنه بعض الشيء ان كان فيه الخير سيعتذر لك والا فلا تكترثي له ولا تزعجي تفسك به وشكرا

[zaki92]

ماتعرفيش بلي الرجال يبغوا اللي تتقلش عليهم والي قاعدة تراييي فيه ما يعمرش راسوا بيها على حساب مافهمت راه حاسب دار فيك بليزير كي خطبك حنونة مشي كيم هكدا انا لوكان جيت في بلاصتك وسبني والله مانبقى معاه دقيقة اناعندي الكرامة والاحترام باش يكون حب وزيد باينة انتي خير منو في العقلية اختي عمرك ماطيحي بروحك حتى واذا كان شباب عليك ولا غني عليك ولا مستواه الدراسي اعلى من مستواك

الســـــــــــــلام عليكم
اختي الكريمة ° °انا ماكنتش حاب نكتب رد باسك هادالمشكلة تبقى بينها وبين الفيونسي تاعها وماعلابالناش واش كاين بيناتهم مي هدرتك الصح ماعجبتنيش

واش تعني كي تقوليلها كن جيت انا والله ماني قاعدا معاه عنبالك ساهلة وانا نفهم بلي راكي تحرضي فيها على راجلها وتقوليلها باينة بلي نتي خير منو في العقلية ههههه تقول عليك عايشا معاهم وتعرفيهم في زوج
لالا اختي مش هكا الامور كلها دجي بالمفاهمة ونزيدلك حاجة انا راجل وراني فاهمو مليح صح مالازملوش يقوللها كلام طايح مي هو يحب يفرض شخصيتوقدامها من الاول هادي صفة كاينة في الرجال ومش معنتها راه يكرها ولا
كن جا يكرها جامي ليخطبها ويبقى يعيطلها
اختــــــــي ماتزعفيش مني انا قلت رايي هدا مكان قادر يكون صح كيما قادر يكون مكاش منه
واختي المخطوبة انا نقولك غير اصبري عليه شوية ومن بعد لي تتزوجو تشوفي كي رايح يتبدل كامل نتمنالكم زواج سعيد ان شاء الله
والعقوبة ليا ههههههههه;)

[تهاليل]

ياأختي واش نقولك كون زوجك نقولك راضيه بشتى الوسائل أما خطيبك ومن دوك راه يتصرف هكا اعفسي على قلبك يامات ومتتصليش بيه وخلي عندك كرامة شوية كون أخوك يكوبي عليك تقيمي الدينا ولا تقعديها يسما هو تانيك لازم توقفيه عند حدو ويلا وليتي كل مرة هو يخطىء وأنت تترجيه راح يوالفك هكا ونت المضررة أختي وربي معاك

[الفراشة الساحرة]

السلام اختي انتي جربتي كل طرق الحسن معه بصح هو ماردش اعتقد انه ظاهرة له شوفات الطريقة الجيدة هي:
عدم الرد عليه
تجنبي المشاكل معه
اظهري انك لا تهتمين له
عامليه ببرودة اعصاب
{نصيحة :انا اهلي مانعين الخروج مع الخطيب والمحادثات الهاتفية والمتحكم الوحيد بي مادامني في بيت اهلي هم الوالدين }
وانا ارى انه مادام لايحترمك قبل الزواج فانه لايستحق انسانة مثلك وقد احب الله ان يظهره لك على حقيقة امره تريثي لكي لاتندمي ولاتعاني في المستقبل ولا تعاني كثيراااا بسببه مادام لايهتم بك
اسمعي بنصيحتي من فضلك
وردي عليا ان اعجبك والسلام اراك باحسن حال ان شاء الله:dj_17::mh92::mh92::mh92::1::1::o:o:o

[minanfel]

عزي نفسك من ضكا احسن لك اختي ، ثقلي روحك وديري شوي نيف (من المفروض ما تكونش عزة النفس والكرامة بين الازواج لكن ان زاد الامر عن حده استعملي القليل من كرامتك)
استخيري الله في زواجك منه وادعي الله ان يسخره لك حبيتي وربي يهنيكم

[إيمان احمد]

شوفي اختي انقولك ديري الكود زعما راكي غالقاتو مي انتي يوصلوك اي ميساج و خليه يوم و تشوفي و الله غير يتوسوس هههههه

و ماتفليكسي باش ما تعيطيلوش اوكي و تشوفي اهمليه ديري روحك بللي هو زائد ناقص في حياتك و تشوفي

[samir0770]

هناك عنصر هام في المشكلة لم تدكريه لدلك قلت لا تستطيعين ان تعاقبيه...........شيئ يقوم بمنعك القيام باي شيئ سلبي اتجاهه..............

[محب الحكمة]

في الحب و الرخب لا يكون الهجوم هجوم و فيه رفق و لين ؟

عززي روحك شوية..و خليه يتوحشك شوية و بعدي عليه شوية و ما تفكريش بلي غادي تخسريه حتى لو هددك و لى مارانيش عارف واش يقولك ؟ما تعطيش كل الاهتمام و هو غالط......العصفور لي مكربياته حلي عليه القفص..اذا طار و روجع هذاك تاعك و اذا مارجعش ماراهش تاعك برك انت راكي تشقي في روحك و تعبي في حياتك و تربي عليه في الكبدة و تكبري عليه في الاحلام

[عاشقة الرمال]

اختي الكريمة حاولي ان تفرضي شخصية قليلا لا لاتعتذري على اشياء لم تقومي بها علميه كيف يحترمك اعلميه انك لا تقبلي ان تهاني فهو ليس زوجك و حتى ان كان فالاحترام هو اساس العلاقات الناجحة .ما تعيطليش خلي عندك كرامة كون تقعدي هك يركب و يدلل رجليه هذا رايي
تقبلي مروري

[lilou f lilou a]

يا أختي بالك يا أختي إحذري منو ونتمنى تخمي مليح مليح

[ahmedzlol]

يا أختي المثل يقول ............. زوجك على واش ولفتيه .......... وانت خطيبك على واش ولفتيه ..........
يعني أزليه يسعرف وإذا حبيت حاجة تحيها من راسك تجيك وربي يجعل الهنا بيناتكم يا رب

[mer ilham]

السلام عليكم أختي بالنسبة لمشكلتك أنا رأيي أنك إذا كملتي معاه هكا راح تهوني عليه و طيح قيمتك و ما تنسايش بلي راكي في طريق باش تكوني زوجتو إن شاء الله و لازم يكون عندو بعض الاحترام لك على الأقل لانك انت أيضاً إنسانة عندها كرامتها و كيانها لي أوبليجي عليه يحترمو و إذا ما فرضتيش عليه احترامك ليوم صدقيني راح تتعبي معاه مبعد، ربي يهديه و يوفقك معاه يا رب

[ترب الندى]

السلام عليكم
يا اختي اذا قلت لك كبري قلبك و اصبري المشكله ما تحلت ابدا
ما دامك تعامليه هاك و راضيه ماراحش يتبدل
انتي ديري في بالك حاجه
انه اذا ما تغير لازم تنهي علاقتك بيه ( هذا طبعا اذا اردت انهاء معاناتك معه)
لازمك لما ما يتصل ما تتصلي ايضا
لما يغلط في حقك اعلميه بانه هذا الشيء مش مسموح بكل لباقه
و لازم تثقلي و تبني ليه انو ماش هو كل شي
لان اظن انه شاف فيك متعلقه بيه كثير و مهما عمل ما راح يخسرك
على هك لازم يعرف قيمتك و يقدرك
و نعاودها هذا ان اردتي انهاء معاناتك حتى لا يعتبر ردي تحريض على انهاء علاقتك به
و ربي يهدي بالك و يفرح قلبك و يرحم ضعفك يا اختي
دمتي بود