صابون دزاير [الأرشيف] - منتديات الجلفة لكل الجزائريين و العرب

ام تقوى 2009

2012-05-20, 21:29

ارجو من الاخوات افادتي بطريقة استعمال صابون دزاير للتنظيف فانا اول مرة ساستعمله مع العلم ان العرس نتاع اختي على الابواااااااب:sdf::sdf::sdf::sdf::sdf::sdf::sdf::s df::sdf::sdf::sdf::sdf::sdf::sdf:

فـــرح

2012-05-23, 03:01

لم افهم صراحة ماهو صابون دزاير

amina__

2012-05-26, 21:30

شوفي اختي على حساب معلوماتي ديريه هو الأول تتكيسي بيه دريه على جسمك كامل وتحكي بالكاسة وتشوفي كيفاه تولي كالبيبي
ربي يهني اختك وفرحة دايمة ان شاء الله

نيفرتيتي.

2012-05-27, 13:20

oum adam

2012-05-27, 14:35

صابون دزاير تقصدي بيه واحد البرودوي يجي كيما لاقراز تاع التوموبيلات ولاكيما البيترول ويجي كيما البوماد
الاسبوع الفارط لقيتو يتباع صقصيت عليه قالي بلي ديريه وبعد تحكي بالكيسة جربتو
واش نقلك تقول عندي عام مادوشتش هههههههههههههه
ننصحك ماديريشو قدام الناس راع يبهدل هههههههههههههههههههههه
اذا كان هذا هو جاوبيني راني نسشتنى

سلام عليكم هداك سموه الصابون البلدي و يجيبوه من الغرب هوا مليح بصح ادا كترتي منه يكحلك انا ننصحك بصابن العكر الفاسي روعععة

ام تقوى 2009

2012-05-27, 14:41

الف الف الف شكر اخواتي الله يحفظكم

نيفرتيتي.

2012-05-27, 17:05

صابون دزاير تقصدي بيه واحد البرودوي يجي كيما لاقراز تاع التوموبيلات ولاكيما البيترول ويجي كيما البوماد

الاسبوع الفارط لقيتو يتباع صقصيت عليه قالي بلي ديريه وبعد تحكي بالكيسة جربتو
واش نقلك تقول عندي عام مادوشتش هههههههههههههه
ننصحك ماديريشو قدام الناس راع يبهدل هههههههههههههههههههههه
اذا كان هذا هو جاوبيني راني نسشتنى

سلام عليكم هداك سموه الصابون البلدي و يجيبوه من الغرب هوا مليح بصح ادا كترتي منه يكحلك انا ننصحك بصابن العكر الفاسي روعععة
مشكورة اختي كي نبهتيني
لاني جربت مرة برك
هل هو نفسه صابون دزاير اذا كان لا واشي هو صابون دزاير
والصابون الفاسي مانعرفوش كيفاه يكون ووين يتباع

mimi souma

2012-11-09, 22:50

صابون الدزاير مايكحلش ملي نشفا على روحي ندوش غير بيه والفرق واضح بلا بيه وكل خطرة ازيد ابيض اكثر

mamia

2012-11-10, 15:44

عيشك اختي كون تحطيلنا الصورة تاع الصابون

ومنين نشريه

وتاني نقولو برك صابون الجزاير يمدهولي ولا وش نقولوا

اسمحيلي كترت عليك

شكرا مسبقا

نبض الفؤاد

2012-11-10, 19:42

صابون مرهمي اصفر يباع في الحمام

ملاك العاصمية

2012-11-12, 22:14

علاش صابون الدزاير يكحل
والصابون الفاسي مليح
عندنا الصابون انتاعنا واش دخلنا في الفاسي والمكناسي
الصابون الدزايري رائع وكلنا كبرنا عليه
يشبهل العسل لكنه أثقل منه
الطريقة انك تحطيه على كامل الجسم انتاعك وحتى وجهك وتبقاي بيه مده معينة وقد ما طولتي أحسن
الاغالبية يستعملوه في الحمام أحسن مع البخار والحرارة ياخد المفعول انتااعه
مع انك تقدري تستعمليه في حمام البيت
المهم تقعدي بيه مدة معيبنة ومن بعده قومي بفرك الجسم بالليفة او الكاسة
وستلاحظين الفرق
http://www.google.com/imgres?um=1&hl=fr&sa=N&biw=1024&bih=629&tbm=isch&tbnid=QPo4IjSjEhVfbM:&imgrefurl=http://maktoob.

ملاك العاصمية

2012-11-12, 22:16

عيشك اختي كون تحطيلنا الصورة تاع الصابون

ومنين نشريه

وتاني نقولو برك صابون الجزاير يمدهولي ولا وش نقولوا

اسمحيلي كترت عليك

شكرا مسبقا
أختي هو موجود ومتوفر تجدينه عند العطارين او في الحمامات النسوية

فراشات العمر

2012-11-13, 06:23

ارجوكي صوريه لنا حبين نشوفوه

ملاك العاصمية

2012-11-13, 11:50

ارجوكي صوريه لنا حبين نشوفوه
هاهي صورة صابون الدزاير
رائع أختي جربيه وماتندميش طبيعي في طبيعي

http://www4.0zz0.com/2012/11/13/10/908274951.jpeg

ام ايمان16

2012-11-16, 19:45

هاهي صورة صابون الدزاير
رائع أختي جربيه وماتندميش طبيعي في طبيعي

http://www4.0zz0.com/2012/11/13/10/908274951.jpeg

هذا هو صابون دزاير مليح

ام عبد الرزاق

2012-11-18, 13:08

من فضلك صورة الصابون

ملاك العاصمية

2012-11-18, 21:25

من فضلك صورة الصابون
اختي ام عبد الرزاق لقد سبق ووضعت صورة الصابون في الصفحة الاولى

ورد21

2012-11-19, 17:03

من فضلكم السعروهل يباع عند العطاريييين او ليكوسميتيك

M!sŝ. Mystère

2012-11-19, 19:27

مساء الخير
حابة نعرف وين يتباع هادا صابون وشكون يقدر يوفرو لي ؟ كم سعره ؟

ملاك العاصمية

2012-11-19, 21:30

من فضلكم السعروهل يباع عند العطاريييين او ليكوسميتيك
عند لي كوسمتيك لا أظن
لكن عند العطارين ربما ستجدينه
من أي منطقة انتي أختي؟

ملاك العاصمية

2012-11-19, 21:34

مساء الخير
حابة نعرف وين يتباع هادا صابون وشكون يقدر يوفرو لي ؟ كم سعره ؟
منت أي منطقة انتي اختي
هو متوفر وسعره معقول جدا
أنا في الخدمة ان أردتي أن أبعثه لكي

ورد21

2012-11-20, 15:26

ملاك العاصمية

2012-11-20, 20:21

اناملقيثش صابون دزاير قلى فض ولقيت عندوا صلبون مغربى قالى كيف كيف مبصح سائل شوية هو كيما اللى حطت الاخت مبصح سائل بزاف محطوط فى باطة شفافة او ما مكتوب عليها والو ا انا شريتوا 100دحج ومعرفتش نستعملوا وكاين تانى فى ساشيات كيما الشمبوا مكتوب عليه صابون مغربى يدير25دج
لا مغربي لا سيدي زكري
هو صابون جزائري
احيانا يجي في علب شفافة بدون اي غلاف او كتابة
سعرع 100 دينار جزائري وممكن اقل أو أكثر
ليس بسائل يجي خاثر شوية لون عسلي غامق
اختي أول ما تدخلي للحمام وقبل ان تكيسى لحمك
حطيه على كل الجسد والوجه
وابقاي تسخني بيه لربع ساعة او اكثر
ومن بعد كيسي لحمك جيدا وسترين النتيجة بنفسك
بصحتك الحمام مسبقا عزيزتي

it's me

2012-11-21, 09:46

كي تدخلي للدوش بللي روحك بالماء و ديريه على جسمك كامل و ابقاي بيه حتى تعرقي مليح و كيسي و تشووووفي العجب اللي يخرج ههههههه

ورد21

2012-11-21, 10:56

مارسسسسسسسسسسسسسسسسسسى كامل

فراشات العمر

2012-11-22, 10:36

شششششششششششششكرا

sarah rose

2012-11-27, 12:54

في الشرق كاين اللي يسمسوه صابون الاسلام .....يعني اذا طلبتي من البايع صابون دزاير و ما فهمكش قوليلو صابون الاسلام ماشي غالي بالصح فعــــــــــــــــــال

kaoutar*

2012-11-27, 13:03

لازم يكون دوش سخون ولا في حمام خيرلك بعد لدخلي حمام قيسي على روحك ماء من بعد الدهني بصابون دزاير في جميع مناطق الجسم الا دائرة العينين خاطرش يحرق قعدي فيه حتى 10د الي 15 دقيقة تم شلي مليح وبدا تكيسي وتشوفي وسخ يبدا يطير كيما دود اي عملتي تقشير للجلد تولي جلد كيما طفل صغير ورطب

بسمة تنتظر فرحة

2012-11-28, 16:37

اختي اذا راكي عروسة ننصحك دومي عليه راه مليح بزاف وعن تجربة والطريقة مثل ماقالولك البنات تحطيه على كامل جسمك مدة ربع ساعة ومبعد تكيسي جسمك مليح ولازم يكون حمامك مليح وسخون فيه البخار تما تكون النتائج افضل وربي يهنيك

بسملة القرأن

2012-12-02, 11:42

صابون الدزاير _ _ _ انا ان نفسي نستعملو كل ما نستحم وهو يخلي الجلد رطب والبشرة نتاعك تولي كيما نتاع البيبي وحتى يصفي البشرة
وتولي بلوندا وطريقة استعمالو انك تدهني كامل جسمك بيه وتقعدي تسخني ربع ساعة ومن باعد تشلي جسمك بالماء مليح مليح
وابداي كييسي حتى تخرجي كامل الخلاية المية الي حنا نحسبوها وسخ هههههه
وفيه ميزة اخري هيا يصفي المناطق الحساسة ماتامنيش عقلك

نسمة 16

2012-12-02, 16:35

لبنات يوالم البشرة الحساسة انا شراتو اختي ضحكت عليها لاني نخاف مثل هذي الامور بشرتي بلخف تحمار وتولي تحرق حتى الكاسة تاعي رطبة بزااف

mari23

2013-10-09, 13:07

بسبب الحرارة و التعرق دارلي الحب في جبهتي من العرق
فهل صابون الدزاير يفيدني و يخفي هذه الحبوب ؟؟؟؟؟؟ اذا كان لا فبماذا تنصحوني

omelhabib

2013-10-10, 00:09

السلام عليكم الصابون البلدي أوالمغربي او دزاير ماشاء الله عليه ينزع الخلايا الميتة من لأعماق تستطعين وضعه قبل الحمام بساعةةأو دقائق دهن الجسم به مع إضافة القليل من عصير الليمون إليه إن لم يتيسر لك ضعيه عند دخولك الحمام وابقي به 10أو15د كلما كان أكثر كان أحسن ثمإغسليه بالماء وإ بدئ بفرك الجسم {الكياسة} سيخرج ما لا تتوقعين عند الإنتهاء من حمامك إدهني جسمك بماء الورد سوف تحسين بلإنتعاش لا أملكه في هذه الساعة إن تيسر لي أن أريه لكم لا ابخل عليكم سأخبركم كيف يقال له بالتلمسانية

omelhabib

2013-10-10, 00:20

السلام عليكم أخت Mari 23 أنصحك بغسل وجهك بالسدر الأخضر المطحون ودهنه بزيت شجرة الشاي أدخلي النت وابحثي عن منافعه

nourssim nada

2013-11-14, 12:51

ارجو إفادتي محلات بيع العكر الفاسي في الجزائر ؟

ichrak03

2014-02-05, 08:31

انا خطرشفت روبورتاج عليه فالمغرب قالك تدهني كل جسمك بيه حتى يدخل مليح فالجلد تبقاي نصف ساعة في الحمام ثم تحكي برفق بالكاسة والنتائج تكون رائعة بشرط تكون 1مرة فالاسبوع فقط لانو يقشر الجلد واذا استعملتيه لاول مرة لازم ما تعاوديش حتى تفوت 21 يوم

oumaline

2014-02-08, 23:16

الله يحفظكم على نصائح

ichrak03

2014-02-11, 07:48

شفت خطرة فالمروك طريقة استعمالو لكن ولا ورة جربتو
تهزي بالشوي وتدهني جسمك كامل حتى يدخل مليح فالجلد تقعدي20د ثم تحكي بالكاسة برفق ثم تشلي

djazia87holi

2014-04-23, 15:06

noudjoud 05

2015-08-27, 00:36

انا تاني معنديش معلومة و كثر خير لبنات راهم كفاو و وفاو

نهلةن

2015-08-27, 07:10

بارك الله فيكم انا بصراحة اول مرة نسمع بيه ووضرك نجربو بصح على ضمانتكم

rose de sable s

2015-08-27, 07:32

انا لم يفدني

فتيحة تفاحة

2015-08-29, 11:01

بارك الله فيكم

ome yahia

2015-08-29, 11:54

أنا عن نفسي جربتو مليح بزاف وطريقة استعمالو كيما قالولك لبنات بعد الاستعمال تحسي صح بالنظافة الحقيقية

soumajoujou

2015-08-31, 20:06

والله يعطيكم الصحة

MouhaKamikaz

2015-09-02, 18:14

بارك الله فيك

جوهرة الابداع

2015-09-02, 18:43

بارك الله فيكن

فاتي تيارت

2016-04-07, 09:28

هو مفيد للجسم ينحى الشوائب و يحل المسامات وما تديرهم الى اقل من 12عام

redouanedz

2016-04-30, 14:18

ارجو افادتي بطريقة صنع صابون دزاير ...مع ذكر المكونات و المقادير...وشكرا للجميع

fatisousou

2016-05-03, 23:01

:mh31:شكرا لك

&ام ايوب&

2016-05-03, 23:44

شكرا على الافادة لكن هل يباع عند العطارين فقط؟؟؟

Moni magda

2016-06-19, 22:55

السلام عليكم صابون العكر الفاسي نفسه الصابون البلدي إلا انه مصنوع من عشبة العكر الفاسي او ما يسمى دم الاخوين أو دم الغزال ولا ينسب الى فاس بالمغرب انما هو مجرد اسم فقط وانا عن نفسي استعملت هذا الصابون لونه احمر وهو بنفس مفعول الصابون البلدي وهو طبيعي مئة في المئة

جوهرة الشرق سكيكدة

2016-06-22, 05:29

شكرا لكم لقد افدتونا

أميمةالعربية

2016-06-23, 16:02

يعطيكم الصحة علي الافادة

optemiste

2016-06-23, 16:29

جزاااااااااكِــــــــــ اللـــــــــــه خييرآآآآآآ

omelbanin

2016-07-04, 08:32

السلام عليكم،انا شفت عند ختي والله غير حقرتو، بصح كي قلتولي واش يدير نشريه انشالله ونجربو. يعطيكم الصحة.

رضا زوجي غايتي

2016-07-11, 02:31

يعطيكم الصحة

mimi_belle

2016-07-11, 14:59

الله يبارك بصح هل كاين فرق بين الصابون البلدي و صابون دزاير و لا هو نفس المنتوج لانو انا نشوفه فالاسواق في المدينة الجديدة في وهران بصح شريته غي خطرة و ما زدتش و هل بصح يكحل الجسم ؟؟؟؟ارجو الاجابة

ghazalt assahra

2016-09-06, 14:01

صدقوني هادي اول مرة نسمع بلي كاين صابون دزاير نعرف البلدي برك . ان شاء الله نلقاه ونجربو حمستوني

ملك 25

2016-09-06, 16:08

سلام بنات مافهمتش اسكو كي ديريه بعد ربع ساعة تكيسي وهو مازال فوق لحمك والا تشليه بالماء اولا ثم تكيسي

نواعم

2016-09-06, 18:13

كم ثمنه يا اخوات

تاج الهناء

2016-09-06, 18:30

لمعلوماتكم صابون دزاير هو صابو ن عادي مثلو مثل صابون الطرف و لكنو مخدوم بمادة كيميائية اسمها هيدروكسيد البوتاسيوم عندها قدرة كبيرة انزع الدهون من الجسم
و الاستعمال تاعو كيما ذكرو الاخوات الي قبلي
وننصحكم ما اديروهش قدام الناس صح ينزع البشرة الميتة مي هوما يفهموها حاجة اخرى