اريد وصفة للبسبوسة

[منال 22]

بنات اريد وصفة للبسبوسة تكون ساهلة وتنجح في اول مرة

لي تعرفها مليح تقولهالي

[بشرى2008]

راهي كاينة عدة وصفات للبسبوسة فى المنتدى انا وحدة راني حطيت وصفة تجي هاااااااايلة وكاين ثان اخوات حطو وصفة البسبوسة عليك غير تحوسي فى المنتدى

[الواثقة بالله 23]

السلام عليكم

اعملي السيرو هو الاول

6 فناجل "تاع القهوة" سكر

2 فناجل ماء نخليوهم يتغالاو شوية كي يبردو ويديلهم عصير ليمونة كبيرة و 2 فناجل ماء زهر

العجينة

2 عضمات و 2 فناجل سكر "اذا متحبيش الحلاوة ديري فنجال واحد" 2 زيت 2 حليب و مبشور ليمونة وواحدة خميرة الحلويات و 6

فناجل دقيق "سميد"

خلطيهم مليح بالباتور او بيدك ثم حطيهم في صينية مدهونة " متكونش ضيقة باه متجيش معجنة"

حطيهم يطيبو 20 دقيقة من الاسفل و5 من الفوق

كي تحمار خرجيها من الفرن

قصيها كاريات

ثم و هي سخونة سقاها بالسيرو بارد

أختي هذي هي وصفتنا المعتمدة في البسبوسة و تجينا بنينة لانو البسبوسة فيها عدة طرق

موفقة باذن الله

[منال 22]

بارك الله فيكم

[امة الله نور]

4 بيض تضربيهم مع كاس سكر عادي
+ كاس حليب و كاس زيت
لفاني
قشور قارص 2 خمارة
( كاس سميد + كاس نواة كوكو + كاس خبز يابس)
و لما تطيب ديريلها شاربات
تخرج هايلة مجربة عدة مرات

[نعيمة البليدة]

هذي وصفة ناجحة
5 او 6 حبات بيض +كاس اينوكس تع سكر عادي ضربيهم مليح +كاس زيت +كاس حليب و نضيف مبشور ليمون و فاني و 2باكي خميرة + 2كيسات سميد متوسط +كاس فرينة و نضعها في صينية تطيب
لما تطيب و تبرد تديرلها شاربات و بصحتك ختي

[ام رمزى]

كل الوصفات هايلة ولاكن اذا حبتيها تجيك خفيفة اختاري اى وصفة التى قدمة لك من طرف العضوات ولكن استبدلى السميد بالخبز اليابس والله تجيك هايلة ضع 2 كيسان خبز يابس و كاس فرينة جربيها ورديلى الخبر انا دايما نخدمها وبصحتك

[fafou12]

انا نعطيك طلريقتي هي لا تختلف عن الوصفات المقدمة لكن فيها شئ واحد اللي يعطيها بنة مميزة وهي استبدال كاس حليب بحبة ياؤورت والمقادير هي
4بيض كاس زيت حبة ياؤورت كاس سكر 1خمارة 1فاني واندير السميد عيني ميزاني 3كيسان تقريبا او اقل و الشربات ممبعد نسقي بيها و البسبوسة ساخنة لكن المرة الجاية راح انعوض السميد بالخبز اليلبس كيما قالت ام رامزي الله ايبارك فيها

[ines22]

5 بيض
كاس سكر + 1 ياغورت طبيعي . (او علبة ياغورت عادي + نص كاس سكر)
كاس زيت
1 خميرة . سميد خشين (ملزمش يكون خشين بزاف )
قشور قارص
(ممكن تضيفي كمية حوالي كاس نواد كوكو )
الشاربات انا ندير 3 كاس سكر ب3 كاس ماء و بعد ما يطيب نضيف ماء زهر + قشور قارص
الطريقة . اخلطي البيض السكر الياغورت ثم ضيفي الدشيشة و الخميرة و حطيها في قالب و الفرن لازم يكون شاعل 180 درجة
بعد ما تطيب اسقيها بالشاربات و رجعيها للفرن 5 دقايق ثم اخرجيها و اسقيها مرة ثانية
ملاحظة : هادا المقدار يعطيلك كمية كبيرة نصيحة دايما لاول تجربة استعملي نصف المقدار

[منال 22]

بارك الله فيكم

[ميمي2012]

أختي هذه طريقتي في البسبوسة وهي سهلة ولذيذة


المقادير:

- 04 بيضات

-كأس حليب

-كأس زيت

-كأس سكر عادي

-2 أكياس خميرة كيمياوية

-حوالي ملعقة صغيرة نكهة الفانيلا

-حوالي ملعقتين نواد كوكو

- بشور الليمون أو حبات زبيب مقطع رقيق

-حوالي 02 ملاعق كبيرة فرينة

- حوالي كأس ونصف سميد خشن



الشاربات: 02 كأس سكر+02 كأس ماء+قطعة صغيرة ليمون

طريقة التحضير:

تخلطي بواسطة خلاط كهربائي المقادير بداية بالبيضات الأربعة,الحليب,الزيت,السكر وكيس واحد من الخميرة الكيمياوية بعض الوقت حتى تتخلط كل المكونات وتتجانس.

تضيفي وأنت دائما في حالة خلط المكونات كل من الفانيليا, النوادكوكو ومبشور الليمون وتواصلي الخلط لمدة تقارب 10 دقائق.

ثم تبدئي بإضافة الدقيق الخشن (أو ما نسميه بـ "لحرش") حت تتحصلي على عجينة سائلة لا تتركيها تتعجن كثيرا يفضل أن تكون سائلة جدا, ثم تواصلي بإضافة ملعقتي الفرينة وكيس الخميرة الكيمياوية المتبقي وتخلطي بواسطة ملعقة بعض الوقت حت يتجانس الكل.

وتصبي الخليط في صينية مدهونة بالزبدة وتضعيها في فرن ساخن حتى تحمر واجهتها لمدة تقارب 30 دقيقة أو حتى أقل.

في الوقت الذي تكون البسبوسة تطيب حضري الشاربات بخلط حوالي 2 كأس ماء و2 كأس سكر وقطعة ليمون وخلطها على نار هادئة مع إضافة ملعقة أو 2 عسل عند اقتراب نضجها.
وبعد إخراج البسبوسة من الفرن ونضجها أفرغي عليها الشاربات وهي ساخنة ودعيها تبرد ثم قدميها بالهنا والشفا.

[lilou 2010]

ma recette a moi
4oeufs
un demi verre de sucre
1verre d'huile
1pot de yaourt aromatisé
vanille ou zeste de citron
3cuiellere de noix de coco
1verre et demi de semoule fine
un demi verre de farine
2 sachets de levure cimique
pour le sirop
un verre et demi d'au est la meme quantité de sucre
laisser bouillir 10mn
ajouter jus de citron ou vanille et une cuillere de miel

[أم المعتصم بالله]

كاس سكر
كاس حليب
كاس زيت
فاني+ زاست+كستري اوماءالزهر
كاس فرينة وكاس دقيق كاس نصفوفرينة ونصفودقيق
5بيضات او4 كيما حبيتي
2 باكيات خميرة نوارة
العسيلة 3كيلات ب2 كيلات المهمخثريها

تجيب تهبل
ملاحظة كيتضيفي كميات الفرينة ودقيق لا مخفارتش زيديشوي