حيرانة

[السحابة]

:confused:
:dj_17:والسلام عليكم :

"]اناعمري 27سنة وعاملة المشكلة انوا الاب نتاعي يرفض اي خاطب يتقدملي من بعيد ويقولي انا خاطيني ولا يقولي براني وما نعرفوش وزيد يقولي نقصوا لبنات في بلادوا يجي ليك انتيا ويلتزم الصمت وما يكلمنيش بحجة انوا ماهوش قابل دارهالي مرتين والان اني مع واحد الحمدلله حاب يجي هاد ليام وراني خايفة يرفضوا مع انوا تكلموا معاه كل اهلي من قبل وكان يتحجج باني نقرا ومن بعد قالهم حتى تخدم والان راني نخدم وراني خايفة نرفضوا بحجة انوا براني بمعنى هو من الشرق وانا من الغرب وكي نحكوا على الزواج الوجه نتاعوا يتبدل المشكلة لو يجيك واحد ويقولوا باغية فلانة نتزوج بيعا يوقف معاه او دبرلي مرا يبدا يبحث لكن لينا احنا بناتوا ما يحبش وزيد في خطبتي الثانية لما كلموا في الهاتف تصرف معاه الوالد نتاعي بتصرف مخزي وبدا ما يجاوبش عليه
انصحوني ارجوكم [/SIZE][/COLOR]

[بنت الباهية]

السلام عليكم
ما هو السبب الحقيقي لرفض الوالد؟ هل طمعا في مرتبك؟

[z.abdo]

أختي إذا رفض الأب نتاعك الزواج انصحك ان تتوقفي عن العمل لأني اظن انه يريد راتبك الشهري وإذا تزوجتي راح يفقد راتبك


اسمحليلي أختي على تحليلي هذا

تقبلي مروري

[فارس الجزائري]

السلام عليكم
خيرا إن شاء الله
أعتقد أن مخاوف والدك تتعلق بالمسافة والبعد عن ناظريه وهذا بدافع حبه لك فهو لا يريدك أن تبتعدي عنه وهذا حال كل الآباء
دائما نجدهم يفضلون ابن المنطقة على البعيد لاعتبارات كثيرة نفهمها عندما نصبح آباء إن شاء الله
عموما إن كان هذا الشاب الذي سيتقدم اليك على خلق وملتزم بدينه وابن عائلة اكيد سيقبل خاصة إن قدمت له تطمينات فيما يخص البعد عنه.
ومن أجل اقناعه حاولي أن تسألي عن الشاب عن اصله وفصله وحثي أقاربك على السؤال عنه
فعندما يجمع الجميع على خلق الشاب وصلاحه أكيد سيوافق
عليك أن تتفهمي سبب قلق والدك الذي هو ناتج عن حبه لك لا أكثر
بالتوفيق إن شاء الله

[NADA 25]

السلام عليكم ورحمة الله تعالى وبركاته
أختاه والدك ربما لايحب بعد المسافة هدا ما في الأمر
أنصحك بالدعاء أن يسهل الله لك في الزواج
الزواج مكتوب ومكتوبك لم يحضر بعد
لا تحملي كرها لوالدك فهو يحبك ويحب سعادتك ومصلحتك

[السحابة]

شكرا لكم كلكم على نصائحكم هو طبعا دائما يقول انه لا نهون عليه ضف الى انه يقول لنا احب ان ازوجكم داحل ولايتنا ولكن انا لم يخطبني من هو داخل ولا يتي دائما خارجها واخيانا يقول لنا بهاته العبارة خدمتكم باش تعاونوني والحمد لله والله لا ابخل عليه بشي وكذلك لا اقدر اتوقف عن العمل لان امي مريضة

[abdel02]

والدك بيه راتبك يا اختي الكريمة.

[Lydia istanboul]

ربي يهديه اذا صح راه يدير هاك على برك راتبك و مش غايضاتو عمرك لي يضيع المهم نتي ما تقلقيش روحك ان شاء الله مكتوبك جايك و ربي يجازيك على صيرك

[amina2688]

ان شاء الله ربي يشفي امك اولا ونمنى ربي يكملك بالخير والهناء
اما بالنسبة للموضوع والله اختي كي قريتو ضحكت على خاطر انتم ايضا في الغرب عندكم نفس الازمة........
هههههههههههههههه هههههههههههههههههههه هههههههههههههههههههه هههههههههههههههههه ههههههههههههههههه
لحقتكم هذي العقلية نظن كل الجزائريين متقاربين في الفكر وكل واحد وتشددوا .........والمشكل عندنا اكبر انا ابي
لا يريد ان يوافق الا على العائلة يعني حتى من نفس ولايتي ومن نفس منطقتي ما وفقش عليهم
لكن الواحد يرجع ويقول ممكن هو يعرفهم وما همش ملاح لسبب او لاخرى واكيد كون كان عجبوا كان اخذ رايك
والله ما تقولي على الراتب والله ابي الحمد لله ميسور الحال ولا يحتاج الى رواتبنا ابدا وهو يزيدنا ولكن هكا تفكيرهم
وانا شخصيا شبه مقتنعة بفكرة البعد هذه لانها صعيبة
اختي من الشرق للغرب كلش متبدل اللهجة العادات كلش كلش اكيد كاين صعوبة كبيرة
ربي يوفقنا واياكم
شكرا