جماعة ادخلوا تشوفو واش صرالي اليوم

[mirta]

السلام عليكم و رحمة الله تعالى و بركاته اليوم شفت العجب تخيلوا كنت حاسبة فبالي عندنا امتحان لغة فرنسية راحعت مليح و حفظت الفقرة و رايحة للمدرسة و انا نعاود في الطريق:34: في الفقرة باه ما نساهاش و قلت خلي نتكسل نمشي بعقلي باه نوصل متأخرة شوية علا خاطرش علابالي بلي الوقت يكفاني دخلت لليسي و رحت لكلاصة و ريتني ما دخلت تخيلوا لقيتوا امتحان لغة انجليزية :30::mh93::eek::eek::eek::eek::confused::confused: :confused:و الله قعدت واقفة و ما حبيتش نقعد وليت نشوف فروحي الدوبل :mh5858::mad:حليت الامتحان و انا نتحسر :(:(:(و من بعد خرجت................ الجزء الاول عليه 15 و درت 4 اخطاء اما الجزء الثاني الحمد لله خدمت الفقرة باهية في رايكم و شحال ندي وهذي عبرة باه ما نزيدش ننقل البرنامج غالط :mh31::mh31::mh31::mh31::mh31:

[-hala-]

والله حاجة تحير مام انا تصرالي ممكن ان شاء الله تدي 15 او 16 قولى ان شاء الله وادعيلي باش نجيب bem ♥☻

[mirta]

ان شاء الله خيتو و البيام ما تخافيش منو حاجة ساهلة زعمة كي اول مرة تروحي لامتحان رسمي تبانلك حاجة كبيرة لالا العكس راهو خير من الامتحانات تاع المتوسطة و ان شاء الله جيبي احسن معدل كيما تتمناي وربي يوفقك خيتو و ماتنسينيش فالباروك تاعك كيما تنجحي ان شاء الله اوكي خيتو

[ahmed toufik]

ان شاء الله تدي 16 غير ما تخافيش

[mirta]

شكرا جزيلا لك اخي ان شاء الله نديها

[نور26]

انت كيما بزاف صحاباتي يغلطو مرة اخرى تاكدي ميليح .........

[mirta]

اكيد لانو مارايحاش نزيد نعاودها خلاص طبعا العام الجاي هههههههههههههههه

[rkia]

ههههههههههههههههههه شوفي انتي صارتلك في اللغة الفرنسية واللغة الحية تقدري نسلكي راسك
ههههههههههههههه انا صراتلي بين علوم اسلامية و علوم طبيعية:confused::confused::confused::confused: مين دخلت صبت علوم طبيعية تشوكيت :mad::mad::mad::mad:انا كنت حافظ الاسلامية غاية والله غير خرجت محبيتش نديرها والحمد لله جبت شهادةطبية وعطاني النقطة نتاع الفرض:19::19::19::19::19:

[ali08833]

ان شاء تأخذي نقطة مليحة ان شاء الله
اللهم صلي على سيدنا خاتم الأنبياء و رسل


صلوا على الحبيب يا جماعة
صلوا على الحبيب يا جماعة