الله يخليكم وش ندير معاه .......

[مشكلتي]

سلام عليكم ؛
أنا إمرأة متزوجة مندو سنة ونصف ، في أول العلاقة الزوجية كان كل شي مليح ، لكن مع مرور الوقت تغير معي تغير جدري، أول المشاكل كان يريد أن يعيد الزواج أنا رفضت، الضروف لا تسمح مع أن لم اقتنع ، المهم حتى 9 شهور ونة في مشاكل كبيرة والحمد لله غيرتلو رأي ،
لكن الأن اصبحنا في حال لا يعلم بها إلى الله كل يوم شجار على أتفه الأسباب، و إدا كان مشكل ونحب ناقشوا إما ميشوفش معايا أبداً يعني لا يعملi إعتبار وما يستهزئ بكلامي ، وida كان شجار حامي يقول كلام يقيس بزاف كما مكش متربية ...............- ، يعني مكانش حتى إحترم ، تعبت معه بزاف . مالقيتش وش ندير بش نعمل لروحي إعتبار معاه. وصلت لدرجة أن كما يخرج من دار نرتاح ،
ولله عجزت نفهم وش ندير معاه ، وزيد راني في فترة نوجد للباك مبقاش بزاف 15 يوم فقط لكن هو يزيد عليا الضغط .
i خوتي وش ندير معاه؟؟؟؟؟

[توكل]

اختى شحال عمرك ما فهمتش مازلتى تقرى؟؟
يمكن مشكل الدراسة

[ما وراء الطبيعة ؟؟؟؟]

كم عمرك أنت ؟؟؟؟؟؟

وكم عمره هو ؟؟؟؟؟؟؟؟

[abdel02]

أخشى أنه تزوجك مكرها..........لأنني قرأت من خلال مشكلتك أنكما صغار في السن......ربما راس المشكلة انك رفضتيلو طلب مشروع وهو اعادة الزواج......لذلك انقلب راسا على عقب..........لكي ترتاحي........عاودي افتحيلو الموضوع من جديد....ولازم تقنعيه بالحجة الدامغة...انو هذا من حقه...وان يعدل عن رايه...ماشي الرفض وخلاص...
لاتنسي ان اخطر مرحلة في حياة الزوجين هي السنة الاولى...لصعوبة التاقلم من الجانبين مع متطلبات الحياة الجديدة...ربي يهنيكم وينجحك في البكلوريا ان شاء الله.

[ديني حياتي]

الله يفرجها عليك

[hamiddeg]

يا أختي المرأة الحرة و البنت أصل تتحمل راجلها بالحلوة و المرة . سايريه ، أفهمي عقليتو . كي تعرفيه مقلق ما تفتحيش معاه الموضوع اللي يقلقوا . أضحكي في وجهو كي يدخل للدار . ادعيلو بالهداية .بإذن الله سوف يتغير . (( و الصبر مفتاح الفرج )9
اشتدي أزمة تنفرجي ***** قد آذن ليلك بالبلــــــــج
وظلام الليل له ســرج ***** حتى يغشاه أبو السرج

[ايمان نور الجزائر]

ربي يفرجها عليك ان شاء الله.....
++
اختي زيدي اصبري وتحملييي تحملي قد ما تقدري وان دعا الامر استشيري شخصا من اهلكي
وشحصا من اهله ليصلحا بينكما ولينصحا زوجك وحبذا يجيبو امام يفهمو حقوقك الزوجية
بالاك يانبو ضميرو ...اما نتي فاصبري حتى تفرج

[يونس معبدي]

ربي يقدر الخير
الصبر الصبر و ما باليد حيلة

[asma2021]

الطلاق هو الاخر الزواج ماشي لعبة
ديري مستقبلك و كملي قرايتك
و حاولي تكسبي زوجك الى ناحك و نقصي من الشجار لانك رايحة تخصريه
و ربي يهنيك حبيبتي

[أكوام الورد]

أختي هذا راجلك مولا دارك كيفاش ماكان الحال ساعفيه قدما تقدي و صبري عليه و حاولي ما تزيديش معاه فالهدرة يلا هو قالك كلام ماعجبكش كوني رزينة قد ماتقدري و ماتديريش الأخطاء معاه
هكذا على الأقل تحاولي تقلي من شدة الصراع
ماكانش الزواج اللي مافيهش المشاكل خاصة يلا كنتو عاد كي زوجتو و مازال مافهمتوش بعضكم غاية
العشرة ماشي ساهلة
الحاجة اللي ننصحك بيها هي أنك تصبري و ربي يفرج عليك ان شاء الله

[منهاج]

السلام عليكم

الله يصلح حالكم عاجلا غير اجل ، نصيحة اختي عندما يشتد به الغضب لا تقتربي منه ولا تحاولي

فتح اي موضوع كان والتزمي الصمت الصمت الصمت لان كلامك معه وهو في حالة الغضب يزيد

من تضخيم الموضوع ويزيد من السب والشتم ، واكثري من الاستغفار وقراءة القران خاصة سورة

البقرة .

[جسر الأمل]

ياعمري سينورمال يزعف ويتقلق انت سايريه وسايسيه لان الرجل مايبغيش وحدة متزمتة في قراراتها وتعانده، وانت مازلت صغيرة جيبيها معاه بالعقل وبالحنانة ودوك تشوفي اغلبيه بالقدر انت ماخسرت والو سيي بدلي طريقة تعاملك معاه واذا قالك لاااااااا في اي موضوع وافقيه الراي في النهاية راه راجلك
وربي يوفقك وينجحك حنونة

[عكس التيار]

اللهم اني اعوذ بك من الفقر والمرض والجهل والخوف

[lilou f lilou a]

والله يا أختي المشكل درتيه بيدك ونتي لي تحليه علاش قبلتي بيه المرة الأولى

[Best hope]

سلام عليكم ؛
أنا إمرأة متزوجة مندو سنة ونصف ، في أول العلاقة الزوجية كان كل شي مليح ، لكن مع مرور الوقت تغير معي تغير جدري

ما سبب التغيير ؟:confused:
، أول المشاكل كان يريد أن يعيد الزواج .....لمادا؟.... أنا رفضت، الضروف لا تسمح مع أن لم اقتنع ، المهم حتى 9 شهور ونة في مشاكل كبيرة والحمد لله غيرتلو رأي ،
لكن الأن اصبحنا في حال لا يعلم بها إلى الله كل يوم شجار على أتفه الأسباب، و إدا كان مشكل ونحب ناقشوا إما ميشوفش معايا أبداً يعني لا يعملi إعتبار وما يستهزئ بكلامي....عند النقاش ادا لايسمعك اسكتي أو غادري المكان أحسن .... ، وida كان شجار حامي يقول كلام يقيس بزاف كما مكش متربية ...............- ، يعني مكانش حتى إحترم ، تعبت معه بزاف . مالقيتش وش ندير بش نعمل لروحي إعتبار معاه صدقيني ادا انتي مقيمة روحك تجي وحدها . وصلت لدرجة أن كما يخرج من دار نرتاح ،
ولله عجزت نفهم وش ندير معاه .....الصمت ... ، وزيد راني في فترة نوجد للباك مبقاش بزاف 15 يوم فقط لكن هو يزيد عليا الضغط . أضن هنا مربط الفرس ،......
i خوتي وش ندير معاه؟؟؟؟؟


مع القراية ، يمكن أهملتي واجباتك *****،
كم عمرك ؟ وهو ؟ هل يعمل ؟ في أي مجال، أقصد هل في مكان مختلط ؟ أهم سؤال .....هل تقصين حواجبك ؟
أجيبي ، بعدها لكل حادث حديث ..

[نجمة ساطعة]

كي نحكوا و نتكلموا على زواج الصغر و اخطاره يحسبونا غير كي ما صبناهش و ربي راه يعلم بالنيات

ربي يصلح حالكم يا رب