مصروف الدار

[hakim3148]

حبيت نتشارك مع الاخوات في مصروف الدار وكيفية التحكم فيه مثلا شحال كل وحجة تصرف في الشهر واش تشري وكيفاش تقتصد وممكن واش تطيب كتدابير باش تكمل الشهر بلا ما تتسلف اوتكردي هيا كل وحدة تعطينا تجاربها حتى نستافوا من بعضنا

[Nadjet10]

موضوع هايل خاصة وانا على وشك بناء عائلة لا اعرف شيء في مجال المصروف

ونخاف كي يحطوني في وجه المسؤولية نتغاشا

تجاوبو معانا باش نتمكن من المصروف بلا م نزعفو ازواجنا

[المغتربة]

انا راجلي هو الي يصرف مصروف الدار وانا نشري اللبسة برك يزي hhhhhhhhhhh

[ام شرفو]

انا دايرة هذا التقسيم
المشتريات الشهرية سكر , فهوة زيت سميد ملح , حبوب عدس لوبيا حمص ,معجنات و روز طماطم و توابل,و مواد التنظيف
المشتريات الاسبوعية الخضر و اللحوم
المشتريات اليومية الحليب او حين اطبخ شيئا معينا
وطبعا الزوج هو الذي يبحث عن الاماكن التي يجد فيها الاسعار المناسبة كالاسواق السبوعية و سوبيرات

[mamatou]

انا مهنية راسي اللي تخص الدار يشريها زوجي ومع هاذ الغلاء ربي يعينهم

[it's me]

ولا فكرة ماذا بيهم الشاطرات يفيدونا

[ام ياسين187]

انا كي يخلس راجلي نشريو كلشي مانخليو حتي حاجة نوخرو دراهم تاع الكهرباء وووووو
و اللي بقا يقولي نديرو بوسيبل نلموه .....رانا نحوسو نبنيو ان شاء الله....و كييكمل الشهر تجي نيشان كلشي يكمل

[صاحبة السمو الفكري]

انا هي مشكلتي
راجلي كي كان ساكن مع اهلو ماكانش يصرف
عايش حياة العزوبية
لذلك نحسو مايعرفش يصرف
يقولي انا نشري واش يخص
وكي يخلص يروح يجيب صوالح مانستحقوهمش
ولا يكونوا غالييين
ولازم حتى تخلاص الحاجة باه يشرييها ماعندوش هذيك تع نشرو في بداية الشهر والا خلاصت نلقاو البديل
واحيانا الحمد لله ياخذ برايي ونقتصدو شوية ومرات نطيحو مع الشهر قد قد
مع اننا زوج فقط في البيت

[meriem hanin]

شكرا على الموضوع
سمعت كثير من السيدات يحكيو على فكرة الاظرفة ماذا بينا يفهمونا فيها اكثر
في ما يحصنا حنا فالدار ديما يما تحكم الشهرية و تسمي بسم الله و تدعي ربي يبارك فيها (و الله لها مفعول سحري ) و من بعد نقسموهم كيما قالت الاخت ام شرفو ( القضيان الشهري و الاسبوعي و اليومي زيديلهم دراهم الماء و الكراء و الكهرباء)
بالرغم من غلاء المعيشة الا ان التدبير المحكم و بركة الله نقدرو نحقو المستحيل

[maiar]

ههههههه كانت الشهرية تجي قدقد مع الشهر لكن درك مع الشورى تاعي ربي يعين والديا و يعين كل واحد و يرزقنا و يعوضنا

[hindoucha02]

و الله أصبح تقسيم الشهرية شيء يخوف... أنا و زوجي نعملوا للاثنين و عندنا بنت واحدة مع هذا نطيحوا مع الشهر لا نترك و لادينار ساعيدوني

[kiki12]

اختي هند شوفي لقيت موضوع بزاف مليح على تقسيم الشهرية

انا عجبني بصح ما قدرتش نحطلك الرابط على خاطر مشاركاتي اقل من 30

وحبيت نبعث رسالة خاصة قالي مشاركاتي لازم تكون 1000 هههههههههه

اجخلي لل google واكتبي تقسيم مصروف الدار او اللي حاكمة مصروف الدار

المهم تخرجلك رابط تاع منتديات الجلفة ادخلي شوفيه

وربي يوفقك اختي و يبارك في رزقكم


ادرسيه مليح و شوفي وش يخرج عليك و ديري جدول ان شاء الله ربي يوفقك و يبارك في رزقك

ولقيت وحدة قالت كي تجي الشهرية تقرى اية الكرسي و تدعي ربي يبارك فيها

[djazia87holi]

السلام عليكم احبائي راح نقلككم حاجة انشاء الله تفيد لييكون زوجها لي يصرف لما يصرفلك المصروف مثل السكر والقهوة وماشابه انا ناخد من كل حاجة ونقس منها وندسها مثلا السكر نحي كمية منو وندسو ولما يخلاص السكر نزيد نشري ونحيي وندس حتان نلقى روحي عندي السكر والقهوة وماشابه اضافي عندي صدقيني الفكرة هادي ماتخليكش تسلفي او تكردي وحل ورطة لما يجوك ضياف غفلة لا زوج ولا الاولاد في البيت انا من الوقت لي ودعت العزوبية والفكرة هادي هي لي وفرت عليا اشياء كثيرة وصدقوني هادي الفكرة حل للزوج البخييل عافانا الله وعافاكم ههههههههههههههه

[djazia87holi]

ومتضحكزش عليا الفكرة هادي اخذتها من حماتي والبراكة عند العجايز

[hindoucha02]

شكرا لكي أختي kiki 12على اهتمامك بالموضعوع. سأفعل ما قلتيه لي.

[alaabiskra2007]

السلام عليكم
اعتذر على التطفل على مجلسكم الأنثوي
و لكن هناك حلقة عن التدبير المنزلي الاسلامي اعجبتني اتمنى تفيدكم و الله الموفق
http://www.youtube.com/watch?v=jo65qWVYOhA

[TAHAR32]

انا بانسبة ليا متبعة نضام هايل هو مصرواف اسبواع مشابهة للفكرة الاضرفة ومليحة تري مصرواف سبواع تحاولي تكملي المبلغ وادا شاط هاديك البراكة بشرط ما يكوانش على حساب ولادك