هل من حقه

[مشكلتي]

السلام عليكم
سادخل في الموضوع مباشرة
شخص يريد التقدم للزواج بي
شروطه هي
لا يريد العمل مع العلم اني ادرس سنة اولى جامعي و عمري 19 سنة
يريد ان يلبسني كيما نقولو جلابة و لا ملاية و انا لا احبها
و ساسكن في ولاية اخرى هي قريبة من ولاية وهران
صراحة انا في نفسي راني حابة نتزوجه طبعا بعد شهادة ليسانس بصح خايفة نندم على الخدمة
ارجوكم نصحوني
و للعلم صليت صلاة الاستخارة اكثر من مرة و شعرت ارتياح لهدا الشخص

[z.abdo]

يا اختي

راكي غالطة في السؤال انت تقولي هل من حقه ؟؟
من المفروض تقلولي هل اقبل أو لا لان التفاهم هو اساس كل شيء

انا انصحك الشيء اللي مش عاجبك خبريه بيه


وتفاهمو بينكم يعني نحن هنا أعظاء المنتدى ليس لدينا أي دخل بينكم هذه حياتكم الخاصة

ولا تسمعي راي احد بداية مني انا

يعني تفاهمو بينكم

تقبلو مروري

[abdel02]

اختي الكريمة....راكي في مفترق الطرق....اما تقري انك تخدمي وتسمحي فيه من الان....او تسمحي في الخدمة...من اجله....ومادام مازالك 3 سنوات....منا لذاك الوقت يامن عاش.

[amina2688]

مدمت مرتاحة له ومقتنعة به
وتستطعين تلبية شروطه وفضلته على عملك فلما السؤال؟؟؟
مبروك عليك مسبقا
فقط اريد ان انبهك هل هو قادر ان يامن لك كل حاجياتك المادية؟؟؟؟؟؟
فانت ما زلت صغيرة والعمر امامك .فكري فقط جيدا فهذا مصير
بالتوفيق

[ترب الندى]

ما خاب من استخار


اتمنى ان تقر عينك معه

تحياتي اخيه


سلام

[مستفانم]

بالنسبة للخدمة ماشي شرط تخدمي . إذا هو وفرلك إحتياجاتك وعلاش تخدمي .
الجلابة أو الملاية أيضا شيء عادي .
هي لو فيه إمكانية تكملي دراستك أحسن . بويسك الكثير يندم على التفريط في دراسته . ديبلوم في يد الفتاة سلاحها . ماتعرفيش المستقبل واش يخبيلك .
ومازلتي صغيرة 19 سنة .
شوفي معاه تنازلي على الخدمة مقابل دراستك والجامعة مش شرط تروحي للمحاضرات .
وربي يوفقكم إن شاء الله للحلال

[صُبح الأندلس]

يا أختي أنت مازلت لم تكملي دراستك فكيف ضمنت أن تعملي حتى ترفضي هذا الرجل لهذا السبب ؟ لو كنت تعملين و طلب منك التوقف ربما لكن أن نعلق الأمر على المستقبل فلا أوافقك ثم ما العيب في الجلابة أو الملاية فهي مستورة ؟

[نجمة ساطعة]

سؤالك خطأ .... اسألي نفسك أنت ماذا تريدين ؟؟؟؟ ما ديريش حاجة مش مقتنعة بيها

ضعي في ورقة ما يلي : ماذا يمثل لك العمل ؟؟؟ ماذا تمثل لك الدراسة ؟؟؟ ماذا يعني لك الزواج ؟؟؟

ما هي مكانة هذا الرجل في حياتك ؟؟؟

صنفي هذه الاولويات حسب اهميتها ستجدين ضالتك حتى لا تندمي يوما ما .... و اكرر لا تقومي بشيء

انت لست مقتنعة به

[امينة 1991]

صلي صلاة الاستخارة وسينير الله دربكي بالتوفيييييييييييييييييييييييييييييييييييييييييييي ييييق

[MézZo Queén]

السلام عليكم

ان كنت لست مقتنعة بطلباته ....تناقشي معه ...وان شاء الله بالتفاهم ستصلان الى حلول ترضي الطرفين

[رزان.]

السلام عليكم
سادخل في الموضوع مباشرة
شخص يريد التقدم للزواج بي
شروطه هي
لا يريد العمل مع العلم اني ادرس سنة اولى جامعي و عمري 19 سنة
يريد ان يلبسني كيما نقولو جلابة و لا ملاية و انا لا احبها
و ساسكن في ولاية اخرى هي قريبة من ولاية وهران
صراحة انا في نفسي راني حابة نتزوجه طبعا بعد شهادة ليسانس بصح خايفة نندم على الخدمة
ارجوكم نصحوني
و للعلم صليت صلاة الاستخارة اكثر من مرة و شعرت ارتياح لهدا الشخص



يوجد الكثير من الشباب من يفضلها ماكثة في البيت و أنت لا زلت في مرحلة الدراسة يعني لست عاملة بعد و لكن ممكن تطلبي منه اكمال دراستك بالمراسلة مادام لك رغبة في ذلك ، أما بالنسبة للجلابة و الملاية هذا ليس بمشكل بل سترة للمرأة ، انتقالك من ولاية إلى أخرى لست الوحيدة من حدث معها ذلك

الجميل أنك صليت صلاة الإستخارة و الحمد لله أنك أحسست بارتياح

القرار الآن لك يا إما التنازل عن بعض الأمور أو الرفض و أنصحك إن قبلت به أن تكوني مقتنعة بكل ما ستفعلينه

حتى لا ينعكس عليك ذلك مستقبلا

[RISA]

اولا انصحك بالاستخارة
وحاولي تتفاهمي معاه على كل شئ
ربي معاك وكامل ندعيولك

[صالح الدين 92]

مازلت صغيرة والمستقبل أمامك لا تضحي بطموحك مجرد وصول طالب لبابك واصلي دراستك لضمان عمل مناسب إن شاء الله أي باب رزق قد تجدينه في وقت العسر والزواج مكتوب لا تستعجلي وأخيرا يبقى الرأي الأخير لك فبالتوفيق

[معجزة الاكوان]

مادام ارتحتي اقبلي
واذا الراتب تاعو كافي وميخليكمش تروحو لذل السؤال
خليك من الخدمة
مكانش كما انك تقعدي في دارك تربي ولادك قدام عينيك
راهم كوارث يصراو للولاد علجال المراة الخدامة
اللي خطفوه واللي اعتدي عليه وخلي وخلي
تخدمي شغلك وتريحي تقراي كتابات تخدمي بالنت
تتهناي من المشاكل تاع الخدمة
ونوصيك اقراي كتابات تاع كيفية التعامل مع الاطفال
باش يخرجو ولادك من رواد النهضة ان شاء الله

[معجزة الاكوان]

مازلت صغيرة والمستقبل أمامك لا تضحي بطموحك مجرد وصول طالب لبابك واصلي دراستك لضمان عمل مناسب إن شاء الله أي باب رزق قد تجدينه في وقت العسر والزواج مكتوب لا تستعجلي وأخيرا يبقى الرأي الأخير لك فبالتوفيق


نعم يجب ان تواصلي دراستك
وتدي الديبلوم بصح مش شرط الخدمة
اذا كان خدام

[أبو عبد الرحمن الشريف الجزائري]

نصيحتي لك أخيتي أن تقبلي به مادمت استخرتي و له ارتحتي
و بالنسبة للدراسة ماذا فعلنا بها نحن الذين أكملنا الدرسات العليا ؟
لا خير للمرأة من رجل يسترها و يعينها على طاعة الله
ومستواك ماشاء الله يعني تقدري أنت اللي تقري أولادك بدون مشكل
فأنصحك بتعجيل الزواج لأنه رايح يجي وقت ماكاش اللي يجيك يخطبك
وهذه فرصة ستندمين عليها
لا تفكري في الأمور المادية أو في الدنيا الفانية فكري في الدار الباقية و اجعلي زواجك هذا سببا في ولوجك في الدار الباقية

[lilou f lilou a]

ربي معاك أختي العزيزة