لي راه هابطلو المورال

[o2bm]

السلام عليكم
بقالنا 20 يوم قد قد على لباك , و كاين بزااف لي راها قابدتهم الخلعة و انا وحدة منهم :sdf: و تخلطت عليا و راه يبانلي بلي ماني موجدة والو وراني رايحا فراغة و لمورال ديما هابط , حبيت ندير هذا الموضوع باش نطلعوا لمورال لبعضانا pcq مش كيما تهدر مع روحك كيما واحد يشجعك و يطمنك بلي كلش راح يفوت مليح نشالله
نبدى بروحي
يا جماعة بقى غير شوي وقت و نتهناو ولي علينا درناه وجبدنا لعام كامل و بقى غير شوي مراجعة نصبروهاذي ليامات و ربي يفرج علينا كاامل و ينجحنا
مالازمش نخلو لخوف يسيطر علينا
لازم نحملوا و نصبروا بقات مدة قصيرة ونتهناااااو
لازم نثيقوا بربي لانو مش راح يخيبنا ابدا
نشالله ننجحوا كامل و نفرحوا فرحة كبيييييييرة هذا العام و نفرحوا والدينا

:19::):1:

[فتونة]

انا راني محتاجة تشجيع لخاطرش انا طالبة مراسلة ومانتواصلش مع تلاميد الثانوية تسما راني نقرا غير وحدي

[sissou69]

انت تراجعي برك و طايحلك المورال و انا نحفظ واش نقول

[سوهيون]

إن شاء الله أختي ربي يوفقنا كامل
ولازم نوعدوا بعضنا بلي نقراو وانديروا ألي علينا
والباقي على ربي سبحانو
ربي يوفقنا كامل

[فتونة]

انا نحضر دروس روحي ونراجع ونحفظ

[فتونة]

هدا اول باك ليا بالمراسلة لخاطرش صراولي ظروف رغمموني باش نقرى بالمراسلة

[زكي bac]

هدا اول باك ليا بالمراسلة لخاطرش صراولي ظروف رغمموني باش نقرى بالمراسلة

حتى انا نورمالمون نعقب العام لي فات مي الله غالب الظروف ماخلاتنيش نروح للثانوية خلاص
مي السنة راني سجلت بالمراسلة علوم تجريبية و انت؟؟؟

[o2bm]

انا راني محتاجة تشجيع لخاطرش انا طالبة مراسلة ومانتواصلش مع تلاميد الثانوية تسما راني نقرا غير وحدي
انا ثاني راني كيفك مترشحة حرة بلوكيت و قعدت نعاود و مدخلتش كور و كل مرة كيفاش مرة نكون مليحا و نقرا و مرات منقرا والو
شوفي ماعندو مابقى نركزو و خلاص و ربي يجيب لي فيه الخير ربي يوفقك
انت تراجعي برك و طايحلك المورال و انا نحفظ واش نقول
ولله يا نحفظ و ننسى و لفلسفة مانيش ماستها طول , نقدرو نكملوا كلش في الوقت بربي
إن شاء الله أختي ربي يوفقنا كامل
ولازم نوعدوا بعضنا بلي نقراو وانديروا ألي علينا
والباقي على ربي سبحانو
ربي يوفقنا كامل


نشالله ننجحوا اكل و نقراو و لباقي على ربي

[ميهانيدار]

نقولكم خير الكلام ما قل ودل كن مع الله يكن معك صدقوني اجمل حل

[sissou69]

ان شاء الله النجاح للجميع

انا ما عرفتش خلاص نظم روحي سور تو فهاد الفترة المواد العلمية رياضيات و فيزياء و ميكانيك

و المواد الأدبية ما نعرفش ندير مقالة حتى فالفلسفة الاسلامية مانيش حافظ و الاجتماعيات جايبها فهامة برك

و الله لي عندو حل غار يساعدني

[karica88]

خويا حتى انا تقني راضي ..................و شويا مارانيش مليح خطاك مزالي دوروص ماراجعتهمش ان شا الله ربي يكون معانا و خاصة شعبة تقني رياضي اصعب شعبة

[islam 004]

انا والله غير متاكد اي واحد يقرا هادي 20 يوم ويبذل فيها مجهود والله والله غير يجيب الباك

[o2bm]

نقولكم خير الكلام ما قل ودل كن مع الله يكن معك صدقوني اجمل حل
يعطيك الصحة ختي ربي معانا و مش راح يخذلنا ابدا شكرا على الرد الرائع
ان شاء الله النجاح للجميع

انا ما عرفتش خلاص نظم روحي سور تو فهاد الفترة المواد العلمية رياضيات و فيزياء و ميكانيك

و المواد الأدبية ما نعرفش ندير مقالة حتى فالفلسفة الاسلامية مانيش حافظ و الاجتماعيات جايبها فهامة برك

و الله لي عندو حل غار يساعدني
نشالله ننجحوا بلعقل برك
انا درت يومين للمواد العلمية
نقرا من 8 لل 11:30 و من 2 لل 5 و من 7 لل12
نقسم على حساب الوحدات نراجع الدرس و القوانين و نحل عدد من التمارين و تبان برك بلي ميكفيش الوقت جربت و يكفي غير ركز و هز عدد كبير من المعلومات
اما الموا الادبية درت نهار للانجليزية و الفرنسية مع بعض نراجع القواعد و الملخصات و مضمون الوحدات
مواد الحفظ الاجتماعيات درت 3 ايام مزالي المصطلحات برك و التوقيع على الخريطة على ذيك 3 يام يكفو للحفظ و التثبيت و المراجعة
الشريعة ساااااااهلة طول و خفيفة على الراس حاول تحفظ التعاريف مليح يحاسبو عليهم و الباقي مش شرط تحفظوا عن ظهر قلب لي لحقت عليه هذاك هو
الفلسفة الغاشي اكل مش حافظ كل المقالات راح نحفظ غير المتوقعة و لباقي نلخصهم على شكل عناصر و اذا خلات نخلط من راسي كي لعام لي فات و ندي فيها 8,5 و فيها براكة
و هكذ راح يكفي الوقت باش سمانة الاخيرة نزيدو نراجعوا للباك كاي اختبار يعني مراجعة خفيفة برك
ذك انسى بلي ماكش مراجع ابدى صفحة جديدة ورقة وستيلو و دير توقيت لل 20 يوم و صدقوني غير ننجحوا و بمعدل مليح ثاني
انا ليوم راح نراجع الادب و نحطها على جنب و هي ماشيا لازم نبداو ذك شوي حماس راح لكثير و بقى لقليل
شكرا على ردودكم و ربي ينجحكم في حياتكم عموما
انا والله غير متاكد اي واحد يقرا هادي 20 يوم ويبذل فيها مجهود والله والله غير يجيب الباك
عندك حق

[a.sami]

أنا راني نعوم
ربي يستر

[أمال الاسلام]

السلام عليكم
اول مرة ارد على موضوع في هذا المنتدى
واش نقول انا هاذي المرة الرابعة وبالمراسلة دايما جوزت تعليمي الثانوي حتى وصلت للباك وهاذي المرة الرابعة اللي راح نجوزه :'( :(
ربي يجيبالخير ويوفقنا جميعا
لا تنسوا اختكم من صالح الدعاء :)

[أمال الاسلام]

أنا راني نعوم
ربي يستر
ربي يسترنا كامل خويا
ويفقنا لكل خير :)

[RAM38]

ديرو اللي تقدروا عليها والباقي على ربي مصداقا لقوله ((لايكلف الله نفسا إلا وسعها )) صدق الله العظيم
وفي الاخير أتمنى النجاح لجميع الطلبة إن شاء الله
.................................................. .................................................. ..................................................

[بلقلوش]

ربي يوفقنا قاع وانشاله نجيبو كامل هدا الباك

[lina_31]

oui il faut s'efforcer il reste pas bcp on dois faire le maximum pr avoir de bonne note nchlh on l'aura nchlh