نصائح مطبخية للمرأة العاملة

[imane khaled]

حبيت نقترح عليكم هذا الموضوع كل وحدة تحط نصيحة أو طريقة جربتها و سهلت عليها عملية تحضير الغداء أو العشاء أو حتى الفطور خاصة إذا كانت عاملة نظرا لضيق عامل الوقت و التعب الذي يمكن أن تتجنبه إذا تابعت هذه النصائح ..أفكار . تجارب . كيفيات كل شيء يمكن أن نستفيد منه نشاء الله فكرتي تعجبكم و نتفاعلو معاها جميعا:dj_17:

[loudjaine]

السلام عليكم
انا يا ختي نسوفري بزاف خدمتي ما عندهاش وقت معين ساعات في الليل سلعات في النهار مؤخرا لقيت حل لي هو الكونجيلاتور كي نتيب ديما نزود نص ناكلوه و نص نكونجليه لسمانة جاية سيرتو الحبوب و لي بات ما يفزدوش
و ثاني وجدت لا صوص تاع بيتزا و درتها في ساشيات صغار و كونجليتها العجينة ندير تاع 10 دقائق نوجدها صباح كي نروح في ليل نجبد و نتيب
ماسيدوان نوجد كيس سمانة في بورت مونجي و نخليه بيتراف ثاني
ديسار ندير فلان ديما نخليه وقت الازمة نجبدو الا عندي الوقت ندير موس ولا كرام الا مادرتش نجبد الفلان (ندير بزاف)
في الليل طول حاجة خفيفة الا فريت نقصو نعدلو و نخليه في الماء لعشيا غير نقلي ساعات شكشوكة نتيبها و في ليل غير نسخنها و نفرغ عليها البيض
ساعات ندير الغداء نفسو لعشا
ولي عندها طريقة احسن تساعدنا

[نسيبة 2009]

فكرة مليحة والي عندها افكار تحطها

[imane khaled]

شكرا ليكم على تفاعلكم عزيزاتي
أنا تاني لقيت في البداية شوية صعوبة لكن مع الوقت بديت نوالف مثلا :
-نعمل دائما صوص الطماطم بكمية كبيرة و نضعها في الكونجيلاتور و هكذا نربح الوقت في تحضير القراتان أو البيدزا...الخ
-بنسبة للحبوب مثل اللوبيا و الحمص ...نشمخهم ثم نحطهم في الكونجيلاتور و هكذا ما ياخذوش مدة طويلة في طيابهم .
- العدس نطبخو و نقشرو و نكونجليه لسلطات و الشوربات ..
- كذلك بالنسبة للخضر لي تاخذ وقت في تقشيرها كاقرنون و الجلبان .
- البطاطا قشريها و قطعيها و غليها شويةمن الليل وحطيها في الثلاجة و كي تجي من العمل إقليها ما تاخذش وقت في طيابها و تجي لذيذة و تقرمش .
- اللوبيا باش طيب بسرعة طيبيها بالمياه تاع سعيدة أو حطيلها قرصة خميرة حلويات .
و لي عندها أفكار ما تلخلناش شكرا

[imane khaled]

سلام
رجعتلكم بأفكار أخرى
- بالنسبة للحم عوض تحطيه في الكونجيلاتور فقط دوزنيه أحسن و ضعيه في أكياس محكمة الغلق خاصة اللحم لي تحضري بيه الكسكس يجي بنين بنين
-أطراف الدجاج كذلك دوزنيها مليح و حطيلها الخل و الحليب مع النوابل و الزيت و الثوم و اليوم لي تحتاجيها مباشرة إلى الفرن تجي طرية من داخل و مقرمشة و بنينة
- الديول ممكن تحضري ما شئتي من أنواع البوراك باللحم أو الدجاج أو الجبن ..... لكن نصيحة لما تحطيهم في الكونجيلاتور ما تحطيهمش فوق بعضم باش ما يلسقوش و لما يجمدو حطيهم في كيس أو علبة باش ياخذوش مساحة كبيرة في الكونجيلاتور.http://dl107.herosh.com/ea0963076aa067c7bef8efd150fc49e4/imagesCASCRBU8.jpg
- السمك إربحي الوقت و نظفيه أيام العطلة و لما تحتاجيه تلقايه منقي فحضري بيه و تفنني .
- ممكن تحضري كمية كبيرة من أوراق الشخشوخة و فتيها و حطيها في أكياس لما تخرجيها تلقايها كيما هي.http://dl106.herosh.com/8f8d4becafebaffba1a5c3596649c18c/DSC09695.JPG
- الكسبر و المعدنوس قطعيه و حطيه في شوية ماء في لي قلاصون تاع الشلج و لما تحتاجيه أرميه كمكعبات في الشوربةhttp://dl105.herosh.com/a2821af31fe8ea7dab02b5cbf93386bc/imagesCA4TBUDV.jpg

[imane khaled]

نظن أن الموضوع ما عجبكمش و لا ما كانش العاملات هههه

[imane khaled]

لهذه الدرجة الموضوع لا يستحق الرد

[aicha3357]

mawdo3ek raw3a rabi ybarek fik w y3awnek inchaalleh

[imane khaled]

mawdo3ek raw3a rabi ybarek fik w y3awnek inchaalleh

شكرا حبيبتي

[aicha3357]

chokren imane , ana sadikini fanyana kabira mane3refch ntayab ,ida 3andek afker zawidina bihem ,rabi ykon m3eki

[aicha3357]

ana antadir jadideki befarir alsabr

[farida333]

المشكل ليس في العاملات....................... بل في الأفكار .........ههههههههههههههه
انا وزوجي نحبو الحميص دايما نشويه ونقيه في العطلة الأسبوعية و ما نتبلوش وما نديرش la vinigraite. وفي الوقت اللي نحتاجو نجبدو ........... ويجي يهبل................وكأنه جديد..............

[imane khaled]

المشكل ليس في العاملات....................... بل في الأفكار .........ههههههههههههههه
انا وزوجي نحبو الحميص دايما نشويه ونقيه في العطلة الأسبوعية و ما نتبلوش وما نديرش la vinigraite. وفي الوقت اللي نحتاجو نجبدو ........... ويجي يهبل................وكأنه جديد..............

صح هذ ه الفكرة أنا أيضا نعملها شكرا ليك
حتى السلطة الخضراء نغسلها و نقطعها و نخليها في وعاء التقطير نتاعها في الثلاجة تشد حتى أربعة أيام

[سعاد1789]

اختي القرنون ماشي مليح تكونجليه هكا سمعت و الله اعلم احنا تاني نطيبوا بالزايد نص ناكلوه و نص نخبوه للاسبوع القادم

[wafa.wafa]

فكرة مليحة انا ثاني عاملة بصح ما نكونجلي حتى ماكلة لأن عملي متقطع ليس طول اليوم وأحيانا لما نضطر نحضر في الليل زوج أطباق ولا أكثر حسب الوقت فمثلا الشربة والحريرة نحضر بزاف ونقسمها على العلب ولما نحتاج نسخن برك والشربة طبعا ما نحطلهاش الفرميسال مرقة برك

[ami-05]

انانطيب دايما في الليل و حتى البصل نرحي كمية كمية كبيرة و نحط في الكونجيلاتور

[OU SS AMA]

متزعفوش انا منيش عاملة بصح حبيت نشارك معاكم والله غضتوني تشنشيفة ربي يكون في العون انا الحمد لله الكسرة سخونة الخبز تاع ميميشة نهار على نهار الغدا زي والعشاء زي وكلش فري منجمد والو لي يجبو النهار يديه اليل هههههههههه ودائما نفاجا زوجي واولادي باطباق جديدة من المنتدى الغالي الحمد لله بصح راني حايرة كيفاه تقدرو توفقو بين الخدمة والدار ولولاد والزوج يعطيكم الصحة

[negro600]

انا مانيش عاملة لكن ندير الحتياط نتاعي مرات نكون مريضة اونروح صباح نخرج مانرجعش بكري او يجي ضيف على غفلة ويكون الغداء قليل او حتى ماكنش اللي يشريلي من برة المهم كترت الهدرة انا اول نحبو بزاف المقبلات فدائما نخدم البوراك او الكوكا محشية باي حشو مختلف ونزيد على احتياجي ونحط في الكونجلي والفلافل نتاع الفول والحمص نخدم بزاف ونتبلهم كي نحب نجبد في الليل ونزيد فقط الخمارة يجوا روعة تانيا كي ندير مرق لحم او دجاج ما نرميهش نكونجليه وكي نسحق ندير بيه الشوربات او تليتلي بالحمص يكون هو تاني مشمخ وطابب ومكونجلي وتاني في موسم الجلبانة نشري نقيها ونحطها في الكونجلي ونطيب الحميس بزاف ونخبا بلا ما نحط زيت الزيتون حتى نجبد واش نسحق وفي المرة الجاية نزيدلكم شوية افكار ياااااه نسيت انا حتى المسمنات او المعارك او اي حلويات نخدم بزيادة ونكونجلي كي تدخل كاش وحدة نلقى باش نحمر وجهيهههههههههههههههه

[aicha3357]

okhti nigro memkin tgelili koka tkon tayba wala lala wa memkin tmadili wasfat alfalafil nta3 alfoul wa alhomes

[*SELENA GOMEZ*]

***mlih***********

[أم سراج الدين]

انا منيش خدامة بصح نشتي يكون عندي الواجد باش نسهل عليا الطبخ surtout مع ويلي الله بارك كلما يكبر كلما تصعاب عليا الخدمة تاع الدار و تاع الطياب
المهم مثلا
البصلة ديما عندي مرحية واجدة في الكونجلي
الثوم في وقتها نشري بزااف نشيحها صيف كامل و جوايه سبتمبر نرحيها و خبيها تحكملي عام كامل مانزيدش نشري الثوم هههههههههه
الطماطم في وقتها نشري و نرحيها و نخبيها
و نظرا انه ماش ديما نقدر نشري الحشواوش نهار نشريهم نقطعه و نحطهم في قلاصو و نزيد عليهم الماء و نحتافظ بيهم في الكونجلي
اللحم مرحي كذك نداويه اذا في بالي ندير هومبرغر نصاوبو دوائر نطرحهم و نفرق بيناهم بورق المنيوم و نجبد قد مانحتاج

هاذي من بعض تدابير المطبخية
شكرا موضوعك ممتاز

[jackin]

بارك الله فيك

[imi10life]

شكرا على الموضوع والردود افادتني بصح مازلني نقرا كي نبدا نخدم ان شاء الله نعمل بهاد الافكار ههههه

[ام نسمة]

مرحبا حبيت نستفسر منكن اخواتي انا ماشي خدامة لكن مع ولادي راه ايجيني الشغل تاع الدار والطياب صعيب شوية لدا كدلك المربيات راح يستفادو بزاف من هدا الطرح المميز للمساعد لهن وانا الان عندي سؤال انا في رمضان النهار اللي ما نطيبش فيه بوراك الفطور ما نحسش بيه خلاص على خاطر انحبو بزاف لدا سؤالي عن اللحم المفروم راكم طارحين البال بلي الجزار راه يجبد اللحم من الكونجي لاتور ويطحنو واحنا كي نرجعوه للمجمد ماشي يشكل خطر على الصحة لان اللحوم ادا جمدت واديبت ثم جمدت راها تفسد وتكحال وتشكل خطر التسمم اريد جواب لانه لمن الجميل نقومو بمساعدة بعضانا والطرق المقدمة تكون صحية باش يرجع الموضوع حج وحاجة