مشكلتي مع خطيبي انصحوني في وجه ربي

[نور اليقين جيداء]

السلام عليكم نتمنى تكون كامل في تمام الصحة و العافية
باختصار المشكل تاعي مع خطيبي دايما في المشاكل معهاه و التالية كامل اليوم كي قلقني بطبايعو قتلو ........... منديرش واش قتلي المشكل كلو قالي عيطيلي و انا قتلو معنديش ازعف مني و حطلي سعدي في يدي و قلي انتي ماشي متربية و هذي كلمة تا ع الشارع و بزاف سب و شتم بهدلني و قلي خلاص كل واحد يروح بحالو و كوبا عليا
واش ندير نوصلها للاب تاعي و لا كيفاه
و حتى هو تبدل من جيهتي راه كل مرة يقولي خلاص انتي بلاك ماشي تاعي مع العلم خطبني و كي نقلو خلاص نوصلها للاب تاعي يولي وحد و و قلي سمحلي
الحل من فضلكم و نصحوني واش ندير
بيني و بينو 17 سنة هو كبير عليا

[هدى ام ريماس]

اختي في الله عسى ان تحا مشاكلك في اقرب وقت
اختي العزيزة دعكي من الكلام السوقي المؤدي لكي في دينك واحترمي الفاظكي هدا قدرك
تريثي قبل ان تخبري والدكي تريثي خاصة ادا كنتي لاتودين الانفصال عنه فالمشاكل ادا دخل فيها شخص ثالث زادت حدتها ثم قد تتسببين في ازعاج والدك وفي النهاية تعودان الى بعضكما
حاولي تفهميه وتصبري عليه

[z.abdo]

السلام عليكم اختي

أختي رويدك رويدك يا أختي يعني بشوية بشوية

واش هذا الكلام واش هذه الطريقة في التعامل مع بعض

يا أختي تفادي الجدال معه كذالك لا تكبرو المواضيع الصغيرة وما تيبسيش راسك بزاف

كذالك إياك ان تخبري مشاكلمك بأي أحد سواء كان الاب أ الأخ او الأم لأن إذا دخلت اطراف اخرى راح يخرج الموضوع عن السيطرة إذا

انت طلبتي النصيحة وانا انصحك ان لاتخبري والدك

كذالك ابتعدي على الصراخ وحاولي تقنعيه في مواضعه بالشوية برك


كذالك انصحك تنقطعو على بعض بعض الأيام وبعد حاولو كيف ترجعو المياه لمجاريها


تقبلو مروري

[آمِيْرَتُه]

السلام عليك اختي

غير بالعقل و حلو مشاكلكم و كان من الاحسن متكثريش الهدرة معاه في التلفون باه متزيدش المشاكل

و ربي يجيب الخير و ان شاء الله ترجع المياه لمجاريها

[first first]

ربما بيناتكم سوء فهم......واحد لا فاهم الاخر...............حاولي وهو تاني يحاول يفهمك............واذا مافهمتوش بعضاكم افهمو بلي من الافضل الافتراق.
الخلافات اختي ماشي عيب ولامشكل.....كيفية التعامل معها ومعالجتها هي لي تجعلها مشكل.....حاولو تتفاهمو وربي يجيب لي فيه الخير.
بالتوفيق اختي .....وكبري بالك+عقلك.

[maryouma46]

سلام أختي على حسب ماقريت مشكلتك حبيت نعطيك رأيي أنتي قلتي بلي سبك وشتمك علجال كي معيطيلوش ماشي راجل مع احتراماتي ليك أنا نعرف الخطيب يقدر خطيبتو ويحترمها اذا كان طيح قدرك اليوم بعد الزواج...واش رح نقلك
يأختي استغفري الله وصلي الإستخارة وخممي أنت أدرى بصح متخبيرش والديك إلا للضرورة

[amina2688]

اسلام عليكم
على حسب فهمي انك قلتيلوا كلام ماهوش لائق حت قالك كلام الشارع
انا نشوف انك غلطي في هذه كان لازم تكوني رزينة وتخلي مسافة بيناتكم
وتخلي احترام
اما بخصوص انوا سبك وشتمك انا شخصيا نشوف خطا كبير اذا هو لتو ما وصللتيش
يعني راكي في دار بباك ولتو مخطوبة عزيزة قالك هكا ما لا كي تروحي عندوا كيفاش راح تعمليه
شوفي اختي اذا انت حاب تكملي معها وهدرتوا ماهيش ترن في وذنك لحد الان كملي وحاولي تصحح تصرفاتك
واذا كنت كيما انا متحمليش الشء هذا غير فكري مع روحك راه زواج مشي لعبة راه عمر راح تكمليه معا
صلي صلاة الاستخارة والشيء الي تلقي روحك مرتاحتلوا ديريه
ربي يسعدك ويهنيك ان شاء الله

[lili1988]

ادفع بالتي هي أحسن و الذي بينك و بينه عداوة كانه ولي حميم يا أختي غير بشويه احكوا و تفاهموا على الحوائج اللي مقلقتكم و قاعدة كل مرة تتعاود كل شئ الحل تاعو في الحوار
اسأل الله ان ييسر أموركما

[راية السلام]

السلام عليكم ورحمة الله تعالي وبركاته.. اختي العزيز ة انه يكبرك ب17 سنةهذا الفرق بين السن هو الذي سبب المشاكل اطلبي الانفصال لان اساس العلاقة الزوجية الاحترام المتبادل لكلا الطرفين هذا مازلت ماكيش في دارو ومداير هكذا وكي تروحي لدارو كيفاه يقدر حتي يضربك..... انا من راي ان تنفصلي منه وتبداي حياة جديدة ملئها الاستقرار والاحترام وان شاء الله تحظين بزوج يقربك في السن "وعسي ان تكرهو شيئا وهو خير لكم وعسي ان تحبو شيئا وهو شر لكم"

[نور اليقين جيداء]

السلام عليكم
شكرا لكم و يعطيكم الصحة و الله مقدرت نصبر يعطلي وحدو و هدرنا نورمال و فتالي عاودنا زاعفنا و الله لا كرهت
مشكل هو راه يتهرب كي نبغي نفاتحو في اي موضوع يهرب مقدرش نوصلو شاني باغية

[جسر الأمل]

حنونة من كلامك فهمت انك انت قلتيله كلام استفزه وخلاه يسبك هكدا، وزيدي اذا ماعندكش باش تعيطيله هذا مشي عيب ، اسمعي صلي صلاة الاستخارة ومن بعد كي يعيطلك فهميه بلي الاحترام اساس كل علاقة ومالازمش يسبك، روحيله بالعقل وشوفي ردة فعله وربي يهنيكم حنونة

[نور اليقين جيداء]

شكرا لكم جميعا لقد تم حل المشكل بارك الله فيكم