ممكن تقلولى كيفاش راكم تقراو هدو الايام

[amine_7]

سلام عليكم :dj_17:
أنا راني نقرى كل يوم مادة أدبية و علمية و للغة

بصح صحابي قالولي راك تضيع فالوقت لازم تقرى فنهار كثر من 3 مواد واش ريكم و من فضلكم قلولي كيفاش راكم منضمين و قاتكم :sdf:
وشكرا

[zoldek 7]

ننصحك متسمع ولا واحد يهدر معاك انا الوقت هذا راني نلعب في الكوره نسمع في الغناء نتفرج في الافلام ندير كلش + لقرايه المهم تقرى برك

انا لازم في اليوم نحل 2 مواضيع علميه + في الليل نحفظ

اللغات نخليلها يومين ولا يوم واحد كلها مع بعضها

الفلسفه ...خليني ساكت نظن نحفط منهجية تحليل نص والسلام

هذا ما عندي خويا وننصحك متبعنيش ...الناس راهم دايريني مجنون هههههههههه

[nasser26]

أحسن طريقة تقسيم الوقت حسب القدرات

[lulajijlia]

سلام انا نقرا كل نهار مادة علمية نحل في المواضيع والمواد الادبية كلما نكره نروح نقرا مادة

[KARIMA DERBAL]

انا يا اخي ادبية كملت الفلسفة و راني في التاريخ , الصباح انوض على 4:00 نحفظ تاريخ نحبس على العشرة ندير ساعة نراجع فيها فلسفة كل يوم و ساعة نتاع شريعة سما نكمل على 12:00 نحبس ونكمل على 14:00 ساعتين ادب وساعة رياضيات و ساعة انجليزية وساعة فرنسية سما نحبس على 20:00 مع الصلاة و الدعاء ان شاء الله ننجحووووو كامل :o

[saya vert]

nadam waktak akhi dir programe emchi 3lih w btawfik

[ميهانيدار]

المشكل عملت بروقرام فيه نضوض على 4 نتاع الصباح مي والله ماقدرتش حد الان نوض ..................................................

[mssmn55]

انا نوض على 6:00 نحفظ اجتماعيات و لا فلسفة حتى 9:00 نرتاح 10 دقايق ونحل بعدها موضوع مادة علمية (رياضيات . فيزياء . علوم ) نحاول دايما نوفق بيناتهم على الاقل موضوع في كل مادة بصح العلوم تدي شوية وقت و تركيز على هذه عدت نقراها يوم بيوم مع لغة عربية ولا اجنبية والحمد لله مرتاحة نتمنى تقسم وقتك على حسب القدرة وما تخليش نفسك تسيرك ما بقى غير 21 يوم وخليك من هدرت الناس ماتوصلش .والى كنت تقدر تنوض بكري مليح ليك ..........بالتوفيق للجميع

[zoldek 7]

المشكل عملت بروقرام فيه نضوض على 4 نتاع الصباح مي والله ماقدرتش حد الان نوض ..................................................

انا انوض مع 9 :1::1::1:

مستحيل انوض مع 4:confused:

[حسام ساسي]

عندي 4 أيام وأنا لاتي مع الإنتخابات ليوم برك باش رجعت لأجواء الدراسة ههههههههه مزال الحال بشوي برك لي ناجح راهو باين منظنش لي ظاعت في عام رايحيت تسترجع في 20 يوم لذلك لي راهو قاري من بكري نشالله نجاحو مظمون

[حسام ساسي]

انا بكل صراحة كي نوض على 4 ننوض مقلق متوتر لازم نوض على 11 باش نستوعب المراجعة ههههههههههه

[ishi dona]

سلام أنا مارانيش مدايرة برنامج للمواد مي الصباح دايما نوض على 5 نحل تمارين تاع مواد علمية نحبس على 11 نتغدى ونقيل شوية ولعشية نبدا على 4 نحفظ حتى 7 من تم مندير والو والحمد لاقية روحي .................والباك جايبينوا كامل عام السنة قولوا آميييييين

[جزائرية طيبة]

انا عكسكم الكل انا مدايرا درك 4 ايام علوم نحيها كاملة زير 3 ايام فيزياء و 4 رياضيات نراجعهم من الاول للاخر و مبعد نرجع للحفيظة كل يوم مادة تبقالي 9 ايام نراجع بعقلي انا لازم كي نكمل من مادو منرجعش ليها

[عش حلمك]

انا نوض على 9.30 :rolleyes: لانو مستحيل نوض بكري

هذا وين بديت نحفظ في الجغرافيا اليوم اول درس حفظتوا

التاريخ الحمد لله حفظتها مع انو المصطلحات مازال :D

راني نحل في تمارين الفيزياء والعلوم

الرياضيات مامسيتهاش عازمة غير الدعم

اللغات والفلسفة حدث ولاحرج

[عش حلمك]

انا عكسكم الكل انا مدايرا درك 4 ايام علوم نحيها كاملة زير 3 ايام فيزياء و 4 رياضيات نراجعهم من الاول للاخر و مبعد نرجع للحفيظة كل يوم مادة تبقالي 9 ايام نراجع بعقلي انا لازم كي نكمل من مادو منرجعش ليها

عجبتني العفسة تاعك :19:

[ميهانيدار]

الداكرة حسب معلوماتي كل ماتكون فيها المعلومة قديمة تثبت على حساب ماراكم تقولو نراجع في يامات والباقين نحفظو فيهم شوفو نزيدكم حاجة.............................................. ...........................
العقل كيما القارورة اللي فيها رمل مع ماء والشرط القارورة شفافة لو رجيناه واش رايح نشوفو .........كل شيء مخلط بصح نخلوها ماكسيموم نص ساعة نلاحظو الرمل هبط تحت والماء بقا صافي هادا هو عقلنا كون نحفظو في الضغط يمكن نتشوشو وهادي معلومة حفرتهالي استادة في راسي الله يحفظها

[ميهانيدار]

واش رايكم في المعلومة

[محب الرياضيات]

انا صراحة كان نقدر نبات نقرى لكن العاب الفيديو ''' برو 2012 ''' راها تدي من عندي الوقت بصح الحمد لله المواد العلمية كملت معاها في العام ....الحفضا كملت باقي غير الادبية اما الفلسفة ما نطلش عليها


اما المشكلة المراجعة و حل التمارين والوا لانني حين اريد الحفظ اجد نفسي اكرر مع العلم في كل فرض او اختبار كنت احفظ كل شيء اعيده


حين اريد حل التمارين اجد نفسي قد حليت متلهم مع العلم اني حليت تمارين التي في الانترنت و الهباج و الكتب المدرسية وكتاب الممتاز و سلاح الطال من بسم الى الاخر .........................................


البعض عندما اقول له هذا الكلام يقول كا غير جيت كيفك

لكنني احس بنفسي ما زال ما قبت كلش



سلام

[محب الرياضيات]

اما عن طريقتى


من 10===12 حل تمارين علمية

من1====4 الحفظ ( ت ا تا ج ) كل يوم مادة

من 5===9 مراجعة المواد العلمية

من 9===10 مواد ادبية ((( احيانا برك )))

هذه الطريقة التي اسطرها

[محب الرياضيات]

ولكن لا اتبعها

[zoldek 7]

انا صراحة كان نقدر نبات نقرى لكن العاب الفيديو ''' برو 2012 ''' راها تدي من عندي الوقت بصح الحمد لله المواد العلمية كملت معاها في العام ....الحفضا كملت باقي غير الادبية اما الفلسفة ما نطلش عليها


اما المشكلة المراجعة و حل التمارين والوا لانني حين اريد الحفظ اجد نفسي اكرر مع العلم في كل فرض او اختبار كنت احفظ كل شيء اعيده


حين اريد حل التمارين اجد نفسي قد حليت متلهم مع العلم اني حليت تمارين التي في الانترنت و الهباج و الكتب المدرسية وكتاب الممتاز و سلاح الطال من بسم الى الاخر .........................................


البعض عندما اقول له هذا الكلام يقول كا غير جيت كيفك

لكنني احس بنفسي ما زال ما قبت كلش



سلام


ممممممممممم ارواح تلعبلي درك نعلمك كيفاش تلعب لبرو خاصة برو6 :19::19: راني نبهدلك
لكن بع الباك :mad:

[zoldek 7]

انا نوض على 9.30 :rolleyes: لانو مستحيل نوض بكري

هذا وين بديت نحفظ في الجغرافيا اليوم اول درس حفظتوا

التاريخ الحمد لله حفظتها مع انو المصطلحات مازال :D

راني نحل في تمارين الفيزياء والعلوم

الرياضيات مامسيتهاش عازمة غير الدعم

اللغات والفلسفة حدث ولاحرج

:rolleyes:احم احم ...:rolleyes:

[رندة...]

انا عندي نوض على 7 نحفض حتى 12 وعلى 6 حتى 9 نقرى رياضيات لمدة4 ايام ومن بعد نقرى علوم 5 ايام ونختم بفيزياء 4 ايام

[عبير الأزهار]

سلاااااااااااااام
بالنسبة ليا البارح لي سطرت برنامج لهاد ليامات وبديوتو ليوم
لانو كنا مع باك بلووزيدنا قرينا ليومين هادو ......كملنا لبروقرام.؟
المهم
5....8.....حفظ (علوم شرعية+تاريخ +جغرافيا بالتناوب)
8.15......12 (فيزياء/رياضيات)
13.30.......17.00(علوم طبيعية)
17.30......20(تكملة الحفظ)
21......حتان ننعس.ههه.......لغات حل مواضيع
بالتوفييييييق لكم جميعا.

[عش حلمك]

:rolleyes:احم احم ...:rolleyes:

واش بيك زاد عليك الحال :rolleyes:

[zoldek 7]

واش بيك زاد عليك الحال :rolleyes:

حتى انتي وليتي مستحيله تنوضي مع 9 :mad::mad:

ايا سيدي تو نولي نوض بكري في خاطرك :1: وفي خاطر الغيارين :rolleyes:........;)

[المشاغب العنيد]

السلا م عليكم

انا والله مو واضع اي برنامج للدراسة

بصح وين ما تبالي نروح نقرى

[ميهانيدار]

السلا م عليكم

انا والله مو واضع اي برنامج للدراسة

بصح وين ما تبالي نروح نقرى
ننصحك ارسم اطار للمراجعة

[عاشقة الفرقان]

zoldek 7 حبيت ننصحك قالتنا الأستاذة ماتروحوش في الفلسفة للنص لأنو يصحوه أساتذة كبار دكاترة ومايمدوش فيه note أكبر علامة 8

[samar de]

السلام عليكم لكي تنجح فى الباك يجب ان تخصص كل يوم صباحا لحفظ الدروس التى تدعى الحفظ و فى الليل خصص ساعتين لدراسة مادة علمية بمعدل مادتين فى اليوم

[zoldek 7]

zoldek 7 حبيت ننصحك قالتنا الأستاذة ماتروحوش في الفلسفة للنص لأنو يصحوه أساتذة كبار دكاترة ومايمدوش فيه note أكبر علامة 8

شكراا اختي بارك الله فيك

انا راح نحفظ 4 محتمله وفرات ...واذا مجاتش وحده منهم عليا وعلى التحليل ...واش عندير راني دايره عجلة احتياط...