علاه الراجل يلعبها بطاطا كبيرة؟؟؟

[جسر الأمل]

مسااااااااء الخيرات والطيرات كيفكن يا مهضومين :Dيا أبرأ من براءة الطفل:rolleyes::rolleyes:
ميضوع اليوم شائك ومعقد يتطلب صبر كبير وحكمة من الكبار.
وهي اختلاف العقليات بعد الزواج:mad: هذا الشي اللي طغى وتفشى واصبح شي متوقع:mad::mad:
سؤالي ليكم هو:
1- علاه الراجل دايما في تعامله مع المرأة يلعبها رجلة زايدة عليها ويستصغرها علاه ياالشاشرة راه صاريلكم قاع كيما هاك علاه؟:mad::mad:
2- ماهو التصرف الاحترافي في حالة ما اذا وجدت زوجتك بذهنية مختلفة تمااااااااااما:D عما كانت عليه في فترة الخطوبة؟
3- وانت أختي ماهي ردة فعلك في حالة ما اذا تلاقيت الخطيب روميو الرومانسي:rolleyes: مختلفا تماما بعد الزواج؟

وكالعادة يا خاوتي ردودكم مرحب بيها *:19:* كل واحد حر في كلامه
اللي يقصف بالثقيل في رده ماعليش
واللي يقصف بالخفيف في رده ماعليش
واللي يدخل يضرب طلة ويخرج لالا مانبغيش:D:1:
شرح المفردات: الشاشرة: لي جان ، وفي الاصل كلمة فارسية معناها الشبل.
الاعراب مكانش
ايا ابدو في الوضعية الادماجية حلوا غايا

ملاحظة: اخطونا من التعليقات الجانبية ابار صا اهدرو على رواحكم
بالتوفيق هههههههههههههه

[khouloud 27]

هههههههههههههههههههه شوفي الحية الاولة زدتي كملتي قاع
يا بنيتي رانا نعقلو فيك باه غدوة تروحي وماتحشميناش
قتلتيني بالضحك هههههههههههههههههههههههه
ندخلو في موضوعنا دروك
ماشي العقلية لي تتبدل نتي نضرتك ليه تتبدل تزيدي تشوفي صوالح فيه ماكانوش يبانولك من قبل مع العشرة كيما يقولو - العشرة فتاشة - تكتاشفيه نيشان لازم تصبري معاه وتحاولي تبدلي فيه حتى نتي غادي يشوف فيك صوالح وحداخرين
ودايما نقولك الحاجة لي ما تعجبكش لازم توصليهالو بطريقة محترمة
الراجل ما يبغيش المرا لي تنقص من قيمتو خاصة زوجتو دايما لازم تحسيه بلي هو البطاطا تاعك الكبيرة العملاقة - ماي هيرو - شوية انجليزي هههههههههههههههه
وادا زدت تفكرت كاش كلمة نولي ان شاء الله ههههههههههههه
بصح طرحك للموضوع مميز كيفك حنونتي دمتي مميزة خاصة الشرح هبال ههههههههههههههههههههههههههههههههههه

[حكيـ الجَزآئِرِي ــم]

آسف رايح نفسد عليكم شوية لأنكم جبتوها بطريقة فكاهية وانا نلعبها سيريو
بالنسبة ليا بالرغم من أني مانيش مزوج بصح نشوف فالأمور عادية
لأنو المشكلة ماهي فالمرأة ولا فالراجل لازم نتقبلو بلي المعطيات راهي تتغير وكل حاجة في وقتها
وقت الرمنسية والمغازلة واللطافة ايكون فاليامات اللولين نتاع الخطبة والاشهر اللولة نتاع الزواج
من بعد تأتي المسؤولية وتتغير شوية الاهتمامات مع أني أؤكد أنه تبقى المحبة والمودة لكن في أغلب الأحيان الطرفين كي يتأكدوا منها ينقص ابداؤها
يعني المرأة تهتم بالدار اولولاد او رغبات الزوج
والزوج يهتم بالنفقة والعمل وتوفير الامن والراحة للأسرة ......
ماشي ديما لازم ايكونو مقابلين بعضاهم هو ايغازل فيها او هي كذلك
يعني كل حاجة في وقتها
تقبلوا مروري وشكرا على الميضوع

[محمد...عبد النور]

السلام عليكم و رحمة الله
مرات ثاني النسا مرات يلعبوها بطاطا فريت ....درجة فوق البطاطا يعني frite bien préparéههههههههههههه
كل واحد و كيفش يشوف في المرا و كل شحص و عقليتو و كل مرا و شا تستاهل
الخطوبة و كلامها الجميل يروح مع الزواج اذا كان المخطوبين تباريك الله في زوج يزوقوا الهدرة بززاااااااااااااااااااااف يعني يكذبوا
و ماهما كان الزوجين فلابد من مد و جزر في الحياة الزوجية و شوية مشاكل باه تحلى الحياة
يعني باغية يبقاو دائما سمن على عسل ؟؟؟؟؟؟؟؟؟
و زيدي ليا كان هو روميو لابد على جوليات تكون متفتحة و فاهمة كيما هو لابد يكون متفهم
باه البطاطا تتفاهم مع البطاطا
شكرا على الموضوع الجميل و ربي يبارك فيك
ســـــــــــــــــــــــــــــــلام

[جسر الأمل]

هههههههههههههههههههه شوفي الحية الاولة زدتي كملتي قاع
يا بنيتي رانا نعقلو فيك باه غدوة تروحي وماتحشميناش
قتلتيني بالضحك هههههههههههههههههههههههه
ندخلو في موضوعنا دروك
ماشي العقلية لي تتبدل نتي نضرتك ليه تتبدل تزيدي تشوفي صوالح فيه ماكانوش يبانولك من قبل مع العشرة كيما يقولو - العشرة فتاشة - تكتاشفيه نيشان لازم تصبري معاه وتحاولي تبدلي فيه حتى نتي غادي يشوف فيك صوالح وحداخرين
ودايما نقولك الحاجة لي ما تعجبكش لازم توصليهالو بطريقة محترمة
الراجل ما يبغيش المرا لي تنقص من قيمتو خاصة زوجتو دايما لازم تحسيه بلي هو البطاطا تاعك الكبيرة العملاقة - ماي هيرو - شوية انجليزي هههههههههههههههه
وادا زدت تفكرت كاش كلمة نولي ان شاء الله ههههههههههههه
بصح طرحك للموضوع مميز كيفك حنونتي دمتي مميزة خاصة الشرح هبال ههههههههههههههههههههههههههههههههههه

ههههههههههههههه ااااااااااااااااااااااربي لحقتيني هنا هههههههههههههه مرحبا مرحبا بالحاجة خلود الحقانية والله كلامك صواب كبرت وراكي تحلي ياه راكي جايبتها غايا انت زدتي وخدتيها كي قلت النظرة تتبدل اخلادار الشر هههههههههه وعجبتني كلمة ماي هيرو عقلي عقلي يا سويت هارت ههههه
والله انت المميزة في طرح ميضوعاتك مشي مواضيعك ههههه فارسيو جديدة
كونك هانية حاجة مليحة الواحد يتعلم كيفاش يتعامل خاصة بعد الزواج شكرا لمرورك العطر ربي ينوررررررك حبيبة راكي فور:19::19:

[جسر الأمل]

آسف رايح نفسد عليكم شوية لأنكم جبتوها بطريقة فكاهية وانا نلعبها سيريو
بالنسبة ليا بالرغم من أني مانيش مزوج بصح نشوف فالأمور عادية
لأنو المشكلة ماهي فالمرأة ولا فالراجل لازم نتقبلو بلي المعطيات راهي تتغير وكل حاجة في وقتها
وقت الرمنسية والمغازلة واللطافة ايكون فاليامات اللولين نتاع الخطبة والاشهر اللولة نتاع الزواج
من بعد تأتي المسؤولية وتتغير شوية الاهتمامات مع أني أؤكد أنه تبقى المحبة والمودة لكن في أغلب الأحيان الطرفين كي يتأكدوا منها ينقص ابداؤها
يعني المرأة تهتم بالدار اولولاد او رغبات الزوج
والزوج يهتم بالنفقة والعمل وتوفير الامن والراحة للأسرة ......
ماشي ديما لازم ايكونو مقابلين بعضاهم هو ايغازل فيها او هي كذلك
يعني كل حاجة في وقتها
تقبلوا مروري وشكرا على الميضوع


لا خويا احكي براحتك تفسادك لينا راحة ههه:D انت حر اخي وبالعكس مافسدتش:19:، وان شاء الله ربي يرزقك ببنت الحلال خويا:cool:، وكلامك يخط بماء الذهب باسكو حنا نخلطوها بزاف ومانفصلوش كيما قلت بين الرومانسية ووقت الجد وووو.....، ربي يحفظك ويزيدك نور على نور اللي نورتنا
والعفو أخي مـــــــــــيضوعي:D نور بوجودك

[الضحية واحد]

اسمك جميل لكنك كلامك غير الواقع بطاطا كبيرة هادي الى راكي تهدري عليها تكون من تكون الفلفلة كبيرة هههههههههه وبالعكس الرجل ما دام به يلقى انسانة حساسة باش يعيش معاها بالبيان ههههههههههه شكر على طرحك للموضوع

[جسر الأمل]

السلام عليكم و رحمة الله
مرات ثاني النسا مرات يلعبوها بطاطا فريت ....درجة فوق البطاطا يعني frite bien préparéههههههههههههه

عقل عقل على فريت بيا بريباري هذه فووووور:24:
كل واحد و كيفش يشوف في المرا و كل شحص و عقليتو و كل مرا و شا تستاهل
صح كاينة منها والعكس صحيح وهذه حقيقة مانقدروش ننكروها اللي مليح معاك تكون عسل والعكس
الخطوبة و كلامها الجميل يروح مع الزواج اذا كان المخطوبين تباريك الله في زوج يزوقوا الهدرة بززاااااااااااااااااااااف يعني يكذبوا
شانقولك خويا الكذب يكون داير ظل، بصح مشي لدرجة ينكرو صفة خلقية وهي متجذرة فيهم هنا رايحة تكون كارثة
و ماهما كان الزوجين فلابد من مد و جزر في الحياة الزوجية و شوية مشاكل باه تحلى الحياة
اودي راك فور قالو المشاكل هوما لي زيبيس تاع الحياة الزوجية شوف العلم شوف :rolleyes::rolleyes:
يعني باغية يبقاو دائما سمن على عسل ؟؟؟؟؟؟؟؟؟
مانقولش لا هاو نكذب عليك؟؟ بصح بيناتنا مكانش منها قاع هههههههههه:D
و زيدي ليا كان هو روميو لابد على جوليات تكون متفتحة و فاهمة كيما هو لابد يكون متفهم
اودي شانقولك روح راك رابح دنيا واخرة:cool:
باه البطاطا تتفاهم مع البطاطا
اكدلي عليها بزاف هههههه:1:
شكرا على الموضوع الجميل و ربي يبارك فيك
والله مواضيعك ومشاركاتك هي الاجمل وفيك بارك
ســـــــــــــــــــــــــــــــلام

تبقى على خير

[جسر الأمل]

اسمك جميل لكنك كلامك غير الواقع بطاطا كبيرة هادي الى راكي تهدري عليها تكون من تكون الفلفلة كبيرة هههههههههه وبالعكس الرجل ما دام به يلقى انسانة حساسة باش يعيش معاها بالبيان ههههههههههه شكر على طرحك للموضوع

صحيت خويا واسمك شانقولك رانا قاع ضحايا ربي يفرحك خويا:19:
واه بصح اسمحلي الفلفة على قوالك هههه اذا كانت مليحة هذا مايعنيش البطاطا تكون مليحة اودي انت رديتنا حصة طبخ، موضوعي وخلطتني فيه ههههههههههه

قارع باه نحكم روحي غايا زعما انت راك تقول المراة كي تكون مليحة الراجل يكون مليح هذه تلقاها عند اللي بعقله ويقدر المراة، ايا واذا كانت هي حساسة كيما راك تقول وطاحت في أبي شلفحة هههههه؟ هنا كيفاش رايح يكون التعامل معاه
يا خويا انا قلت الراجل يلعبها بطاطا كبيرة بحكم ان القوامة للرجل وهو المسير وصاحب الكلمة ياسيدي ماقلنا والو هنايا بصح كاين اللي يتمادى ويتعنتر
انت انسان طيب ومانعرف:rolleyes::rolleyes::D المهم ربي يحققلك اللي تتمناه ويرزقك ببنت الحلال، اكيد من كلامك تبان واعي
وشكرا كي فت على ميضوعي وشاركت :1::D

[mohamed160]

سلام عليكم الاخت كل رجل وعقليتو

[جسر الأمل]

سلام عليكم الاخت كل رجل وعقليتو

وعليكم السلام الأخ، الله يعطيك الصحة شكرا لمرورك :19:

[z.abdo]

السلام عليكم

مكانش منها أختي امل تتكلم في مواضيع جدية ههههههههههههههه

وكأنني شفت مثلا ممثل كوميدي يمثل في فيلم بوليسي هههههههههههههه

نحب نتمسخر بصح والله صح الموضوع مش جاي عليك يجي عليك انت التعليقات الجانبية والتمسخير مثل العادة


ونرجع لموضوعك


بالفعل كثير من يتغير بعد الزواج سواء من طرف الزوج أو الزوجة عندو عدة اسباب منها اسباب إجتماعية أو يصتدم بالواقع

اما عن سؤالك ما هي ردة فعلي لو تتغيرالزوجة بعد الزواج أكيد راح يتصرف معاها بعصبية لأنه يحس بالخداع ولبس قناع فقط وكذالك بالنسبة للزوجة

وشكرا أختي جسر الأمل على موضوعك الهادف والله عجبني بزاف

اما كلامي الاول مجرد مزحة فقط :1:

تقبلو مروري

[جسر الأمل]

السلام عليكم

مكانش منها أختي امل تتكلم في مواضيع جدية ههههههههههههههه

وكأنني شفت مثلا ممثل كوميدي يمثل في فيلم بوليسي هههههههههههههه

نحب نتمسخر بصح والله صح الموضوع مش جاي عليك يجي عليك انت التعليقات الجانبية والتمسخير مثل العادة


ونرجع لموضوعك


بالفعل كثير من يتغير بعد الزواج سواء من طرف الزوج أو الزوجة عندو عدة اسباب منها اسباب إجتماعية أو يصتدم بالواقع

اما عن سؤالك ما هي ردة فعلي لو تتغيرالزوجة بعد الزواج أكيد راح يتصرف معاها بعصبية لأنه يحس بالخداع ولبس قناع فقط وكذالك بالنسبة للزوجة

وشكرا أختي جسر الأمل على موضوعك الهادف والله عجبني بزاف

اما كلامي الاول مجرد مزحة فقط :1:

تقبلو مروري

ا خلادار الشر مالكم انخلعتوا قاع هههههههه راكم حاقريني بغيتو غير انتوما ديرو مواضيع جدية وهادفة ههههههههههههه ، انا بغيت نطرحه بطريقة فكاهية باش كل واحد يجاوب براحته بلا حساسية
هههههههههههههههههه وانت هذا وين تجي كنت نقارع لتدخلك وعرفت بلي غادي التقليعة تاعك غادي تبدا بضحكة هههههههه:1:هاو بغيتو الجدية غير ليكم صايي بديت نعقال ههههههههههه بلى ماتكتب كلمة أمزح جامي نزعف منك خويا،
تسمى تتصرف مع الخليقة بعصبية أيا غايا نستعرف بيك، وهذا قصدي في الخطوبة كل واحد يدير القناع اللي يناسبه ومورا الزواج يسقط القناع، الله يجيب الخير هدا ماكان
ايا مليح كي عجبك ميضوعي ههه الهادف
مرورك تقبلناها ياسيدي:19:
والله يفتح عليك خويا بخدمة عاجلا غير اجل يااااااارب ويفرررررررررحك

[first first]

الحقيقة الاستغلال السيء لفترة الخطوبة قد تكون السبب والله اعلم.
يعني يديوها غير في الكلام المعسول والمثاليات....والاحلام الوردية ....واحيانا الشفافة؟؟؟
مليحة واحد يقعد على طبيعتو..................والمثاليات بزاف ماعندها حتى معنى.
وحول قضية البطاطا لكبيرة.................................؟؟؟؟الحقيقة عقدة البطاطا هاذي معنديش تحليل ليها اخت امل...اعتذر.....:confused:

[امينة 1991]

السلام عليكم
شكرا لكي اختي على الموضوع الرائع
اظن انه لا يحدث تغير ولا شيء فقط وقت الخطوبة ما يتلاقاوش بزاف يعني يتوحشوا بعضهم البعض وكي يتلاقاو كل واحد يعامل الاخر احسن معاملة لكن بعد الزواج يبقاو دايما في دار واحدة يبدا كل واحد يحوس على سلبيات الاخر وتبدا المناوشات والدبزة ..............الخ هذا رأيي والله اعلم

[الامل]

إدا تدخل الغير في حياة المرأة والرجل من أصدقاء وصديقات

سيتحول البيت الزوجي الى حرب قائمة

[الامل]

مشكووورة أختي ...

[biti]

كل طرف يظهر اجابيات غير موجودة فيه اساسا في فترة الخطوبة باه يضمن الطرف الاخر في جيبو بعد الزواج يذوب الثلج و يبان المرج

[abdel02]

الرجل يلعبها بطاطا كبيرة لان المراة وزيت المائدة سواء...فهي تقلي هذه البطاطا الكبيرة ولا تكتفي بذلك...اذ يمكنها ان تتطاير من المقلاة لتقلي امه واخوته واصدقاءه....والادهى والامر انك تجد مكتوب عليها في القارورة..."يمكن استعمالها عدة مرات" او..."تستعمل للقلي...الطهي او التتبيل"...ومع ذلك فهو يحبها ولا يقوى على فراقها....فبعد ان غاب عنها لمدة شهر تقريبا عاد اليها وهم الان سواء في مائدة اغلب الجزائريين..

[شمس 15]

ههههههه كيفية طرح الموضوع قمة نقولك حاجه بيناتنا أنا من العاصمة بصح لغتك حلوه تعجبني بزاف. نرجع لموضوعك الراجل لازم يلعبها بطاطا على مرتو باش تزيد في رجولتو بصح الفحله ألي تعرف تقشرها و طيبها باش ما يزيدش يعاودها.

[عربية الهوية]

هاذو هوما الرجال اسمهم الجنس الخشن الرومنسية لا تعرف طريق لكن حتى في خشونتهم تجدين حلاوة
في حالة الخطبة كاين مثل عندنا يقولك الخطاب رطاب :d
3- وانت أختي ماهي ردة فعلك في حالة ما اذا تلاقيت الخطيب روميو الرومانسي

جزائري رومنسي مكانش منها وين شفتيه :1::1::1:

مختلفا تماما بعد الزواج؟
طبعا راح يتبدل لانك في الخطبة كنتي تشوفيه سويعات معدودة بصح بعد الزواج راح يكون لاسق فيك 24 سا يعني تعرفي عليه حوايج اكثر و تتعرفي على عداتو الايجابة و السلبية اكثر
:1::1::1::1:

[طيبة نفس]

ياودي لا ببطاطا لا فلفل .............. الراجل يتبدل من بعد الزواج لاخاطر يحس روحه يملك المراة و المخلوقة كي تتزوج ماتقدر دير والو

انا لو كان يتبدل روميو مانكذبش عليك نصبر وندعي ربي يهديه بصح ان شاء الله مانطيح في راجل يتبدل غير يكون على طبيعته وما ينافقكش

هذا ردي فاقبلي مروري سلام

[أم محمد و آيه]

ههههه ..الله يخليك ديما فرحانة ان شاء الله ....

خاصة الرجالة تاوعنا في الغرب ....يقولك تموتي سي لليق تموتي ..حاسب روحو يكسب الدنيا لكل....

مي حنا تاني مشي ساهلين ....تخلفيها طق في الطبق....

الله يصبرنا وهوما تاني الله يصبرهم هههه ..

مرسي حنونة ...

[بنت الحجاج]

ما أراه في الواقعْ

مُختلفْ ،

يعني بعدْ الزواجْ يـعَشيوْ يْـصيحُو !!


إلا من رحِم ربي