اختكم سندوسة تريد مساعدة

[sondse1]

مساء الخيرات حبيباتي
واش احوالكم ان شاء الله بالف خير

ليوم حبيت نسقسيكم و نتمنى نلقى مساعدة من اخواتي و حبيباتي

كيما رانا عارفين في الدورة درتلنا اختنا دولي و خالتي ام سفيان رسمات ما شاء الله عليهم

وطبقناهم كامل وجاونا روعة
انا راني حابة نزيد نطبقهم في قماش الفودان

عندي قطعة نتاع فودان في اللون العنابي تجي حوالي 6 مخايد صغار

انا حابة نديرهم للزينة
و 2 نديرهم نهار تحزامي باذن الله لانو الكراكو اللي رايحة نتحزم بيه في اللون العنابي كيما القماش

المهم حابتكم تعاونوني في تنسيق الالوان باه تتماشا مع القماش

يعني واش هي الالوان الباهية اللي تخرج معاه
و اسكو نستخدم اللي تلمع ولا العادية؟؟

وعندي سؤال اخر بخصوص هذي الحاشية
قولولي اسكو تجي باهية كي نديرها ولا لالا هي تصلح في الفودان احسن شي
هذي هي الحاشية و نخدمها بالتقطاع يعني الا قطعت ما نقدرش نتراجع

http://t0.gstatic.com/images?q=tbn:ANd9GcR6EJ6PEqEyCF3sAz24psFk8iYeKI0-5kwhh3uCyJPiJjPg1EpgzsRq63hiEg

وواش رايكم اذا درت الفكرة ككل اللي في هذي المخدة في الحاشية مي في الوسط نطبق الرشمة نتاع حبيبتي دولي و خالي ام سفيان

http://img532.imageshack.us/img532/5827/mkhada4.jpg

http://img94.imageshack.us/img94/1307/mkhada6.jpg
اتمنى تعطوني رايكم لانو يهمني بزاف

مع تحياتي

[fifiarch]

مساء النور سندوسة
بالنسبة للدبلة انا ننصحك بالعادية
لانو مبعد تستعمليهم في تزيين البيت
ماتعجبنيش الدبلة لي تلمع للتزين
حاجة اخرى
نهار العرس كي تحبي ذري على المخدة البريون تخرجلك هايلة
ومبعد مع شوي وقت يتنحالها البريون وتقعد سامبل تجي هايلة
والالوان
استخدمي العنابي
والروز بومبو والموف والاحمر
واذا قدرت تدخلي الازرق سماوي نظن يحصل تناسق هايل

اما عن فكرتك بالنسبة لرشمة طاطا ودولي كيفاش راح تدخليهم في بعض
اسكو تقصدي ترسمي رشمة جديدة فيها نفس انواع الوردات والا واش
لانو السلة في مخدة انا ماتعجبنيش
واصلا راكي خادمة منها قبل

اما عن الحاشية هاذي اسمحيلي حنونة مافهمتهاش كيفاش تجي
مانقدرش نحكم

[نبوغ]

مساء الفل حبيبتي سندس في رأي الألوان لي تخرج مع العنابي أكثر شي هو دوري يطيح هايل مام لبيض و أحمر وفار بيستاش ثاني أما بالنسبة لنوع عادي خير الحاشية أنا منعرفهاش مي حسب لمخدة لي حطيتيها تجي واللون نتاع الحاشية دوري
ربي يوفقك

[sarsoura23]

مساء الخير مريومة انا من رأي ديري الالوان لي في الكراكو ديري الدوري او الباج لكان الكراكو بالفتلة الصفرا و الارجونتي كان الكراكو بالابيض و دخلي معاهم فيو غوز.

[-رودينا-]

سندوسة عندي رشام شباب سلفتو باش نخدم لاختي كوفرولي بمخايدو اظن ممكن يفيدك ان شاء الله نحطولك غدوة
وفي راي متكثريش الالوان ديري دوري وحاشية عادي في العنابي بصح شوية كلار باش تكاسي لاكولار تاع الفودان وحتى لو صبتي لون العنابي ديال الفودان وتكون الحاشية فيها دوري من الجانبين فهمتيني يخرج بزاف شباب تاني رشي بشوية ابيض ولا بلون صال يعني ازهار صغيرة الحجم
لاخطرش الرشمة ديال الاخت دولي وام سفيان طبقتيها من قبل لازم تنوعي شوية مايكونش التروسو ديالك نفس الرشمة

شوفي هاذ سرتو الحمراء بلاك تفيدك

http://my-pix.org/images/tpzh55lzg704clkdcywl.jpg

ضرك نوليلك


http://my-pix.org/images/3i1u3pxf8fwrijvrxp.jpg

[faizarbh]

انا نظن اديري العادية ماديريش اللي تلمع لانك انتي اللي تولي تلمعي
و الالوان ديري الباهيين البوادغوز و الموف و الاخضر الشباب اللي يجي في الاوراق و الفيولي و الغوز بونبون

[sondse1]

الف شكر ليكم لبنات

[sondse1]

حبيبتي فيفي
شكرا حنونة على الاقتراح

بالنسبة لسؤالك نتاع الرشمة كل رشمة نديرها في 2 مخايد

وبالنسبة للحاشية راني نديرهالكم في الدرس المقبل باذن الله تعالى و تشوفي كيفاه تتخدم

والا معجباتكش السلة واش تقترحي في بلاصتها

مع تحياتي

[sondse1]

حبيبتي حراوية شكرا ليك

عجبتني المخدة الثانية هي في نفس اللون نتاع القماش نتاعي
نحاول نطبقها

[زهرة الهضاب 19]

مساء الخير سندوسة مانيش اختصاصية بزاف في هاذ الصوالح لكن نمدلك لرأيي

1- الشرائط العادية أحسن لا اذا حبيتي تزيدي الذهبي أو الفضي هاذيك حاجة اخرى
2- الألوان تقدري ديري : الذهبي -الأصفر - الأحمر - الوردي (Vieux rose - rose bonbon ....etc) - البنفسجي (Violet) - الموف MAuve - و حتى لا حبيتي البرتقالي الغامق Rouille ( معلاباليش اللون كيفاه اسمو بالعربية) و الأزرق
3- الحاشية شابة لكن منعرفهاش سما منقدرش نكذب عليك تصلح أو لا ....
4- الرشمة مانيش موافقة انك ديري رشمة السلة تبانلي كون تخيري رشمة أخرى أحسن
5- لازم ديري المخاد مربعات ؟ انا كنت نخمم كون ديريهم مدورين و ديري رشمة كي Anneau معمرة بالورد في وسط المخدة و لا تخلي المربعة و في الزوايا تزيدي وردات شابين بلا رشمة بلا والو يجيو ملاح .....و الله أعلم

و هذا رأيي و شوفس واش يخرج عليك ....

تحياتي

[mamatou]

شوفي هاذ المخاد كاش ما تدي منهم فكرة http://im23.gulfup.com/2012-05-08/1336461923262.jpg (http://www.gulfup.com/show/Xri44yy1mxqoc0) http://im20.gulfup.com/2012-05-08/1336462005392.jpg (http://www.gulfup.com/show/X2aihwur77vpcc)

[-رودينا-]

مساء الخير سندوسة هذا الرشام لي وعدتك بيه درتك الرشام قيس A4 باش نقدر نسكانيه انتي كبريها A3
الربطة خدمتها حبيبتي( يعطيها الصحة مابخلتش عليا لا بالرشمة ولا بطريقة العمل ) بطريقة شابة بزاف نحاول نطبقها ونحطها باش نستفيدو ممكن كاين لي تعرفها وممكن لي متعرفهاش هو الرشام بسيط بصح الورد لي خدمت بيه عطاولو حلة جميلة جدا

هذي المخدة حبيبتي عملتها في الوسط وزادت عملت نوار في الجوانب الاربعة

http://im17.gulfup.com/2012-05-08/1336463665511.jpg

هذي الصور الثلات تاع رشام واحد لصقيهم راني رتبتلك الصور تجي في الجوانب ديال الكوفرولي

تحبي هذي الرشمة ديريها في المخدة وتكون مايلة اي ماشي في الوسط في الحافة ثاني تجي شابة صافي عندك فكرتين وزيدي شوفي واش يناسبك اكثر

http://im17.gulfup.com/2012-05-08/1336463666882.jpg

http://im17.gulfup.com/2012-05-08/1336463667923.jpg

http://im17.gulfup.com/2012-05-08/1336463668604.jpg

بصحتك سندوسة وبصحتكم لبنات

[fifiarch]

يعطيك الصحة حراوية انا عجبتني الرشمة
راح ننقلها عندي ممكن في المستقبل ندير بيها حاجة
الف شكر ليك

[-رودينا-]

يعطيك الصحة حراوية انا عجبتني الرشمة
راح ننقلها عندي ممكن في المستقبل ندير بيها حاجة
الف شكر ليك

بصحتك فوفا حطيتها باش اي وحدة تستفيد منها
ولا شكر على واجب حبيبتي تستاهلي كل خير

[زهرة الهضاب 19]

يعطيك الصحة حراوية انا ثاني احتفظت بالرشمة لااستعمال ما في المستقبل ...جزاك الله عنا كل خير ....

[crono]

ختي سندوس سمحلي منيش ندخول بزاف:mad:
نحول غدا ان شاء الله نحطلك مخيدي خدمتهم قريب بي نفس الطرقة :19:
بلك تعجبك خدمتي وتخدمي بحلهوم :D

يعطيك الصحة حراوية انا عجبتني الرشمة:19:

[sondse1]

الف شكر ليك حبيبتي حراوية عجبوني بزاف

الف شكر ليك حبيبتي كرونو راني نستنا في مخايدك

[crono]

الف شكر ليك حبيبتي حراوية عجبوني بزاف

الف شكر ليك حبيبتي كرونو راني نستنا في مخايدك

سمحلي حنونة اليوم نصورهملك ونحطهوملك كنت مريضة من عنيا
علهديك مقدرتش نجبدهوم :mad:

[أم عبد الرحيم1]

شكرااااااااااااااااااااااااااااااااا