نحكيلم و أنتما حكمو عليا

[التـــــــــــــــــــائهة]

السلام عليكم
أنا عندي صحبتي من يامات الليسي و الله نحبها أكثر من أختي .سورتو من جيهتي اللي تسحقها نمدلها كتابات تاع الباك كامل من عندي فوتنا كيف كيف أنا أربحت و هي لالا ، كان كل مرة نجي نشوفها في الليسي و نبعثلها رسائل باش نشجعها المههم كنت أفضل صديقة عندها .....جابت الباك مورايا و دخلت نفس الجامعة اللي كنت فيها .
كملنا الجامعة كيف كيف تخرجنا كل واحدة في التخصص تاعها كنا مقربين بزاف كيما بكري حكمنا الخدمة و كل مرة نتلاقاو ..
شوفو واش صرا
تخطبت صاحبتي و راجلها نعرفو مليح مليح و أعلابالو بلي أحنا صحابات الروح في الروح ، واحد المرة تلاقيت بيهم في المحطة تاع الحافلات سلمت على صاحبتي و السي راجلها لاح يدو باش يتخامس معايا قوتلو لالا ، انا بطلت ملي لبست حجاب مرانيش نتخامس مع الرجال قالي ماتحشمينيش قوتلو لالا ..

أنا أغلطت مع صاحبتي في الهدرة و نستعرف بهاد الشيء قولتلهــــا ربي راجلك علميه ما إيلوحش يدو .... فاتت القصة
غدوا من داك خطيب صاحبتي هادا عيطلي في التليفون و نخبركم ماعندوش رقم تاعي صاحبتي مدتهولو ، بهدلني و قعد يهدر و يهدر أنا قوتلو اسمحلي عل هديك الهدرة كانت قصرة واش قالي ، السي قالي كي تزيدي تشوفينا ماجيش تسلمي علينا كي أنا كي صاحبتك و إنسايها ...
فاتت سمانة ، رحت عند صاحبتي باش نطلب منها السماح كي شافتني مافرحتش كيما بكري إبتسامة مكاش ، أنا قولتها اعلاه مديتي الرقم تاعي لراجلك لوكان عيطيلي نتيا و بهدلتني و سبتني و ما يعيطليش هو ، قاتلي نورمال أنا خليتها قولتها أسمحيلي
من هداك اليوم نتلاقا بيها وحدها في الطريق الخزرة ماتخزرش فيا أما إذا تلاقيت بيها مع راجلها باينة ....

كي قريب عرسهم راجلها عيط لخطيبي ماقالوش أنا فلان ، قالو مباشرة راك معروض يوم فلاني لعرس فلانة مع فلانة و كوبا ... أنا كي قالي راجلي قوتلو هو سور ..... واش دار خطيب صاحتي هدا عاود عيط لراجلي قالو سمحلي ...
المهم تزوجو ربي يسعدهم ، و صرالها مشاكل أنا كي سمعت بعثتلها مساج قولتلها راني أهنا لي تسحقها قوليلي ..................
و هكذاك والو bip مكاش ، والو كي نتلاقا معاها تدور و جهها
دورك صاحبتي زادت عندها طفلة ، كتبتلها مساج قولتها مبروك عليك أعلابالي مكاش صداقة مي مساج يكلفني 05 دج أرخص حاجة في حياتي ...
و الله ماردت فات عام و نص علي القصة والو نسات قاع واش درتلها ..............................
أعلابالي طولت عليكم أسمحولي مي و الله كي نتفكرها نحب نبكي ...........................
كيفاه تحكمو البنات ، ......

[assmasara]

السلام عليكم :mh31:
شوفي اختي انا في نضري ماركيش غالطة كفيتي وفيتي حاجة كما هادي ماشي هي الي تخصر محبة تاع ششحال من عام و انت بين قلبك بيض ونيتك صافية والله ماتخافي حنونة انت درت الي عليك وزيادة غير ريحي بالك ويجي نهار وين
تحس بالدنب تاعها وراح ترجعلك ولا بلاك راهي حاسة وحشمت تواجهك نقولك حاجة بيناتنا صراحة تاع ربي
كاين بزاف بنات غير ينخطبو ولا يزوجو يتبدلو ينقلبو والله ماعلى بالي وعلاه مانطولش عليك لهدرا
لمهم ريحي روحك نتي راك صح 100 ب100 نتمنى تقبلي مروري ودمتي حنونة:19::19:

[mina18]

متقلقيش أختي وانت تاني ماحليش لحكاية هذي تدور في راسك صح أنت غلطتي لما قولتلها ربي خطيبك ماكانش لازم عليك وأي وحدة ماتقبلش هذا الأمر، ونصيحتي ليك أجبد روحك خاصة وان لحكاية نتاعكم عندها بزاف

[المبتغية لمرضاة الله]

لي بدلك بالفول اختي بدليه بقشورو وليام تبينلها حجم غلطها خاطر ربي ما يحبش الظلم وتعيا ودور الدنيا وترجع هي تحلل باه

تخزري فيها وهي ربي يهنيها عيشي حياتك انت مع راجلك وما تعمريش راسك بيها اذا هي نساتك امحيها انت قاع من الخريطة

وربي يهدي عبادو وفي حال ما اذا كانت محتومة باه تبعد عليك اعذريها راها تشوف في صلاحها في طاعة زوجها

[التـــــــــــــــــــائهة]

أنا ماراني حابة منها والو ، برك كي تشوفني تسلم عليا ماشي ترجع روحها ماتعرقنيش .......
الوقت هذا صعيب تلقا صاحبك يبغيك كيما أنت الكل يحوس على صلاحو ، صح أنا صريحة مي الحمد لله ماشي منافقة .... للعلم صاحبتي هذي دايرا حجاب شرعي و كانت في الجامعة تطول خمارها max ...

[بنت غليزان]

أنا من جيهتي مراكيش غالطة شيء عادي لكن تبانلي هو الي راهو مأثر عليها و مزير عليها و هي راهي عاطياتو الفرصة يتحكملها في حياتها لأنها ضعيفة الشخصية نورمالمو هي ما تدخلش رووووحها و تداااافع عليك و علي البرانسيب نتاعك
و هو كون جا راجل ما مدش يديه لوحدة ما يعرفهاش
شتا نقولك الي يبدلك بالفول بدليه بقشوروووو خليها على هواااها هادي عام و نص و ما نساتش واش صرا قلبها اكحل
ما تعمريش راااسك بيها نورمال

[التـــــــــــــــــــائهة]

لي بدلك بالفول اختي بدليه بقشورو وليام تبينلها حجم غلطها خاطر ربي ما يحبش الظلم وتعيا ودور الدنيا وترجع هي تحلل باه

تخزري فيها وهي ربي يهنيها عيشي حياتك انت مع راجلك وما تعمريش راسك بيها اذا هي نساتك امحيها انت قاع من الخريطة

وربي يهدي عبادو وفي حال ما اذا كانت محتومة باه تبعد عليك اعذريها راها تشوف في صلاحها في طاعة زوجها

نا ثان نظن راجلها هو لي حتمها مي المشكل كي تشوفني وحدها والو كلي ما تعرفنيش ..
أعلابك أختي صعيب تنساي صاحبتك تاع الصح مام واش دير معاك

[soumsouma]

غلطتي كي قولتيلها ربي راجلك كنت قادرة تفهميهم بلي مراكيش تمدي يدك خاطر حرام
و هي غلطت كي مدت النمرو ديالك و راجلها باين عقلية دراري كي عيطلك خلاصو الرجالة
و نتي كي هي مراهيش مقيماتك اجبدي روحك راكي درتي لي عليك و بالزيادة
تقبلي رايي

[فيض النور]

ماديري والوا في بالك اختي المهم انتي طلبت منهم السماح و حاولت ترجعي المياه لمجاريها خلي صحبتك حتى ترجعلك بنفسها واذا صحبتك نحاتك من الذاكرة تاعها خلاص ربي يعوض عليك

[sarah3113]

لي بدلك بلفول بدله بقشوره
غمظي عينيك وفوتيها افون هادي ماتبغيش لي يقيمها

[جسر الأمل]

انت خرجت امراة ونص معاهم للزوج، صايي اخطيك منها والله تخافي تزيدي تقربيلها تتاهمك باثارة المشاكل ولا كاش حاجة، انا لوكان جيت في بلاصتها وراجلي جا يخمس معاك نخرجله عينيه ونعنقك انت على عفتك والتزامك، هذا بنادم يضرب مرته في ليلة الدخلة والله عندي فضول نعرف خخخخخخخخخخخ
المهم ماتخميش وفوتيها الهي بخطيبك والتخطيط لحياتك وربي يوفقك ويفررررررررررررررررررررررحك
ربي يكثر من امثااااااااااااااااااااااااااااااااااااااااااالك
انت فعلا كننننننننننننننننننننننز

[التـــــــــــــــــــائهة]

[QUOTE=جسر الأمل;9880570]انت خرجت امراة ونص معاهم للزوج، صايي اخطيك منها والله تخافي تزيدي تقربيلها تتاهمك باثارة المشاكل ولا كاش حاجة، انا لوكان جيت في بلاصتها وراجلي جا يخمس معاك نخرجله عينيه ونعنقك انت على عفتك والتزامك، هذا بنادم يضرب مرته في ليلة الدخلة والله عندي فضول نعرف خخخخخخخخخخخ
المهم ماتخميش وفوتيها الهي بخطيبك والتخطيط لحياتك وربي يوفقك ويفررررررررررررررررررررررحك
ربي يكثر من امثااااااااااااااااااااااااااااااااااااااااااالك
انت فعلا كننننننننننننننننننننننز[/QU
فرحتني
و الله أنا راجلي قوتلو attention attention تتخامس مع نسا ، تلوح يدك اللي جات متحجبة و لا لا...... انا نشوف قلة إحترام راجل يتخامس مع مرا

[التـــــــــــــــــــائهة]

وين منقـــــــــــــــــــــــــــــــــــــول .....................................؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[z.abdo]

انت لم تخطئي سوا في شيء واحد انك رديتي رد قاسي على رجل ومن يكون هذا الرجل هو زوج اعز صديقة لك


لكن السماء لم تسقط على الأرض فات اللي فات إنت حاولتي تصلحي الأوضاع وربي ما كتبش


فقط انحك مرة اخرى ما تكونيش متسرعة في إتخاذ قرارت أو كلام

كذالك لا تلومي نفسك رب يعلم لمذا دار هذا الخصام ممكن كا رح يجيك منها مشكل وربي بعدكم على بعضاكم


فقط لبتعدي على تأنيب الظمير واللوم

تقبلو مروري

[mohamed85]

انت ماكيش غالطة

[فرح العمر]

و الله ما تبكى على اللى باعك
هى بدلت الصداقة بالراجل و هذى غلطة كبيرة لان الصديقة و الله ما تخون و لكن الراجل الخيانة تجرى فى دمو

[أبو عبد الرحمن الشريف الجزائري]

السلام عليكم
مع أنو الكلام موجه للبنات بحكم أنك كاتبة في أخر الموضوع البنات
رايح نحكيلك و أنت تحكمي
صراتلي نفس القضية تقريبا
كنت مع صديق لي منذ أيام التاسعة أساسي و من بعد في الليسي ولينا مانتفرقوش و حتى في الجامعة بل و إننا درنا مذكرة ترج مع بعضانا أي واحد يشوف عبد الزاق لابد يشوف معاه الشريف و العكس بالمختصر عشرة 10 سنوات
بعد التخرج صرات بيننا مناوشات صغيرة
كبرها هو و درك على الرغم من أننا نسلموا على بعض ولكن لا اتصال ولا واحد يروح للثاني عدا ايام العيد أنا نروح ليه و نسقسي عليه في الهاتف و نسقسي عليه الناس من بعيد لعلى و عسى يحتاج حاجة
المهم ولله الحمد من نهار تفرقت معاه استقمت و لزمت صلاتي و أصبحت ملتح بعدما كنت لاهيا ولاعبا و مستهزأ بديني
تأكدي بلي ربي شافلك فيها الخير و بلي هذي صديقتك ولو كانت بينكما عشرة فليست فيها خير لذا أبعدك الله عنها
وعليه فلا تبكي أو تحزني و ارضي بما كتبه الله لك
و تأكدي بلي فيها خير إن شاء الله

[ghada91]

ختي تبان عليك صديقة مخلصة

المهم ربي يحفظك

فكرتيني بنفس الموقف مع صحبتي

ما علاباليش كيفاش يخمو هاذ النوع من البنات

في دقيقة تنسى كامل العشرة

ربي يهديهم

المهم خسرتي صديقة عزيزة عليك

و هاذ الشي انا راني حاسة بيه

ما يحس بالجمرة غير اللي كواتو

نتي نيتك صادقة

خليها ما تعيطيلها ما والو

يجي النهار اللي تتفكر انو عندهاوحدة اللي هي نتي

و تجي برجليها ليك

تفكري كلامي

و نقولك ربي يجيب الخير

سلام

[*نآدرة~]

سبحان الله،هذا كامل على جال مابغيتيش تمديلو يدك،ماراكيش غالطة ختي واذا واحد آخر دارها ديريلو نفس الشي
هذي للأسف ماهيش صديقة وانا كون كنت في بلاصتها نسمع راجلي وسخ وذنيه قاعد يمد في يديه للنسا من طرف
الله يهديها صحبتك ويردها لعقلها على الأقل تردلك بميساج كيما لي بعثتيهلها
بالمختصر لي بدلك بالفول بدلو بقشوره انت درتي لي عليك وهي نسات معناتها تعلمي تنساي كيما هي

[سارة البوسعادية]

يا اختي انك ماتتخامسيش مع راجل اجنبي هذا شئ طبيعي
لكن راكي زدتي فيها شوي ومع راجل تاني
كنتي قادرة تجوزيها ضحكة تقوليلو اسمحلي راني ملي درت الحجاب مانتخامسش مع رجال وبضحكة عادية من غير تجريح
انتي رحتي قلتيلها ربي راجلك؟؟؟؟؟ وهي سير عاودتهالو فبطبيعه الحال هنا راكي سبتيه
واكيد راه خيرها بينو وبينك لانك اهنتيه قدام مرتو
وهي تبعت راجلها

[نسيم الإيمان]

يغيضك الحال صح
بصح هذي هي الدنيا
ضرك انت عندك راجلك و فاميلتك بالدنيا ومافيها
ضرك ماتوليش لاتية خلاص
ماتقلقيش روحك خلاص

[أم محمد و آيه]

ها حي عليا راكي تكتبي فيها وقاع .....وتزيدي باغية تبكي ....

ياو صحبتك العزيزة كيما قلتي بدلاتك براجل وانت قعدي تندبي عليها وهي مراهيش قاع جايبتها عليك ..

وانت تاني قسيها في التقيل .......

دري راجل كيما هي وديري دراري وخليها دير اللي يطلعلها ...


شدي في راجلك وخليك من نية الناقصة تاع لبنات درك ...

[التـــــــــــــــــــائهة]

[quote=الشريف 406;9881836]السلام عليكم
مع أنو الكلام موجه للبنات بحكم أنك كاتبة في أخر الموضوع البنات
رايح نحكيلك و أنت تحكمي
صراتلي نفس القضية تقريبا
كنت مع صديق لي منذ أيام التاسعة أساسي و من بعد في الليسي ولينا مانتفرقوش و حتى في الجامعة بل و إننا درنا مذكرة ترج مع بعضانا أي واحد يشوف عبد الزاق لابد يشوف معاه الشريف و العكس بالمختصر عشرة 10 سنوات
بعد التخرج صرات بيننا مناوشات صغيرة
كبرها هو و درك على الرغم من أننا نسلموا على بعض ولكن لا اتصال ولا واحد يروح للثاني عدا ايام العيد أنا نروح ليه و نسقسي عليه في الهاتف و نسقسي عليه الناس من بعيد لعلى و عسى يحتاج حاجة
المهم ولله الحمد من نهار تفرقت معاه استقمت و لزمت صلاتي و أصبحت ملتح بعدما كنت لاهيا ولاعبا و مستهزأ بديني
تأكدي بلي ربي شافلك فيها الخير و بلي هذي صديقتك ولو كانت بينكما عشرة فليست فيها خير لذا أبعدك الله عنها
وعليه فلا تبكي أو تحزني و ارضي بما كتبه الله لك
و تأكدي بلي فيها خير إن شاء الله[/quo
شكرا لك أخي

[التـــــــــــــــــــائهة]

يا اختي انك ماتتخامسيش مع راجل اجنبي هذا شئ طبيعي
لكن راكي زدتي فيها شوي ومع راجل تاني
كنتي قادرة تجوزيها ضحكة تقوليلو اسمحلي راني ملي درت الحجاب مانتخامسش مع رجال وبضحكة عادية من غير تجريح
انتي رحتي قلتيلها ربي راجلك؟؟؟؟؟ وهي سير عاودتهالو فبطبيعه الحال هنا راكي سبتيه
واكيد راه خيرها بينو وبينك لانك اهنتيه قدام مرتو
وهي تبعت راجلها


أكيد هاذا واش صرا مي راجلها نعرفو مليح مليح و أعلابالو بلي أنا نلوح في الهدرة ، هو ثان شحال من خطرة يقول كلام مي أنا ما نشدش فيه ...
يا خي نقولو أغلط غلطة كبيرة ، الأجدر بصاحبتي هذى على الأقل ترجع لي مساج تقول فيه حاجة مليحة و لا ماشي مليحة ...
و دورك باعد مافات عام و نص بعثتلها مساج كي زادت عندها طفلة ، ماتقدرش ترجعلي بالتخبية على راجلها .............
و الله حرت فيها و الله السلام نبعثهولها مع الناس سورتو عجوزتها و لوستها دايمن نقولهم أتهلاو فيها في خاطري ، لأنو عجوزتها مامات راجلها جارتنا من بكري و تحبني كيما بنها و نهار راحو يخطبوها قالولها أعلاه ماحضرتش ياسميــــــــــــــــــن ......
ياربي علا الناس كي دايرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ربي يستر

[موج و صخر]

يا اختي علاه تعذبي في نفسك و في ضميرك
صحيح صحبة دامت سنين ما تهونش بسهولة لكن الي باعك بالفول بيعو بقشوره.
من الواضح انك تحبينها اكثر مما تحبك هي لهذا سهل عليها الابتعاد عنك
لاول سبب قابلكما
و الله يا اختي ما نزيد على ابيات الامام الشافعي و ان شاء الله تفيدك
و تنزعي الحيرة و اللوم من قلبك :

إذا المـــرء لا يرعــاك إلا تكلفــــا * * * فدعه ولا تكثر عليه التأسفــــــــــا

ففي الناس (http://www.7zzz7.com/vb/hanan42/)أبدال وفي الترك (http://www.7zzz7.com/vb/hanan42/)راحة * * * وفي القلب صبر للحبيب ولو جفـا

فما كل من تهــــواه يهواك قلبــــه * * * ولا كل من صافيته لك قد صفـــــا

إذا لم يكــن صــفو الود طبيــعـــة * * * فلا خيـــر في ود يجيء تكلفــــــــا

ولا خير في خـِل ٍ يخــون خليــله * * * ويلقــاه من بعــد المـــودة بالجـفــــا

وينـكر عيشا ً قد تقـــادم عهـــــده * * * ويظهـــر سرا ً كان بالأمس قد خفا

سلام ٌ على الدنيا إذا لم يكـن بها * * * صديق ٌصدوق ٌصادق الوعد منصفا

[أسـماء]

كيفاه تتجرئي وتقوليلها قدامو ربي راجلك وماتمديش يدك ؟؟
مانقدرش نعلق نتي الغالطة وهو عندو الحق ونورمالمون يصفعك صفعة قوية جدا
تبانلي حاجة كبيرة
صح البنات يديرو حاجات كبار ومبعد يديو الحجاب يوليو ستايت

[الجزائرية المحبوبة]

تقولي راها دايرة جلباب يعنى عارفة مصافحة حرام
ربي يعوض خير منها

[المبتغية لمرضاة الله]

نا ثان نظن راجلها هو لي حتمها مي المشكل كي تشوفني وحدها والو كلي ما تعرفنيش ..
أعلابك أختي صعيب تنساي صاحبتك تاع الصح مام واش دير معاك

السلام عليك اختي رديت عليك هاك لانو مريت بنفس تجربتك وكاين واحد الناس الله غالب هذيك هي تركيبتهم
وحنا كنا مخدوعين فيهم انت ديري واش يريحك كي تفوت عليك قوليلها السلام وكملي طريقك جاوبت بها ونعمت
ما جوبتش الله لا يردها خاطر الصحبة لي تتغير بعد الزواج ماهيش صحبة اطلاقا ولي علماتولي الدنيا انو في الزمان
كل واحد يضرب على صلاحو وين يلقى فايدتو يحكم ويمتن غير تخلاص كانو ماكاين والو وربي يهدي عبادو لازم تتعلمي تتعايش مع الوضع
خاطر ماش قاع الناس تمشي بالنية والصفا

[سارة البوسعادية]

كيفاه تتجرئي وتقوليلها قدامو ربي راجلك وماتمديش يدك ؟؟
مانقدرش نعلق نتي الغالطة وهو عندو الحق ونورمالمون يصفعك صفعة قوية جدا
تبانلي حاجة كبيرة
صح البنات يديرو حاجات كبار ومبعد يديو الحجاب يوليو ستايت

اولا هي ماقالتش قدامو قالت لصاحبتها
وباي صفة يصفعها وش هذا التخلف الي راكي عايشة فيه
وعلى الجملة الاخيرة ربي يقبل باب التوبة
وانتي حكمتي على ياسمين انها منافقة
فاعيدي التفكير في جوابك المستفز

[first first]

لازم يحكيولنا هوما تاني!!!!!.
تباني قلبك كبير ......خليلها بلاصتها في قلبك....ماخسرتي والو...
وربي يهنيك ويهنيها....دخل بيناتكم الشيطان هذا ماكان....وهي كون ماجيتيش عزيزة عليها ما تغيضها منك لهاذ الدرجة...وزيد راجلها راه داخل في الحكاية....ربما حبها تجبد روحها عليك؟....النفوس البشرية اختي صعيب تفهميها....كي نفهمو رواحنا ...رانا غاية.