إستفسار للخبراء حول الرؤية الشرعية ومابعدها

[nad10200]

إستفسار للخبراء حول الرؤية الشرعية ومابعدها السلام عليكم
عندي أخي أردنا أن نخطب له بنت من العائلة ونعلم أنه قبل الخطبة يجب أن يراها رؤية شرعية ويتحدث معها لأنه لم يرها قط....وتحدثنا مع أهل الفتاة في الموضوع...

سؤالي هو هل الأمر عادي والإطالة في فترة الرد لغرض الرؤية الشرعية طبيعي (أكثر من شهرين ولم يأتي رد !!!) أفيدوني الله يجازيكم

[z.abdo]

حسب كلامك الذي فهمته هو ان اخيك طلب ان يراها رؤية شرعية


وهم لم يرد لا بالقبول ولا بالرد اكيد بعض العائلات محافظين ينظرو ان الأمر محرج لهذا لا يقبلو بالنظرة الشرعية

تقبلي مروري

[nad10200]

نعم نحن شاوية وكاين هذ العقلية عندنا وممكن عندك حق لتفادي الإحراج بين العائلتين في حالة عدم قبول أحد الأطراف §!!! إذاً في رأيك نبحث له عن طريقة ليراها ويتحدث معها دون زيارة ولا إحراج لأهلها...
علما ان أخي يريد الزواج بالطريقة التقليدية يعني فوض الامر لأمي ولا يريد علاقات قبل الزواج ولا تلفونات...هذي عقليتو
وإذا كان الأمر كما قلت ..هل يشتري الحوت في البحر ولم يرى شيءا ؟؟؟

[z.abdo]

ممكن الطريقة باش شيوفها من بعيد وخلاص

كذالك لازم تكون الأمور في إطار الشفافية

ولا يخطب الرجل على خطبة أخيه إلا أن لا يسكن إليه، ولا يجوز التصريح بخطبة معتدة، ويجوز ... "إذا خطب أحدكم المرأة فإن استطاع أن ينظر منها إلى ما يدعوه إلى نكاحها فليفعل" رواه أبو داود (4) . وينظر إلى وجهها لأنه مجمع المحاسن، وموضع النظر، وليس بعورة. ... صلى الله عليه وسلم قال "لا يخطب أحدكم على خطبة أخيه حتى ينكح أو يترك" متفق عليهما

[nad10200]

لكن يا أخ نظن من حقو يحكي معها ولو 5 دقائق قبل الشروع في الخطبة هذا حق مشروع...ويحكي مع أهلها ويقدم نفسو ويبين نواياه...
ومع العلم اننا سمعنا بان أهلها موافقون وأما هي أخبرنا قريب أنها ترغب في رؤية أخي قبل ان يتقدم لمنزلهم...مافهمنا والوا لأني نظن انهم متخوفين من احتمال انها ماتعجب أخي ويحدث إحباط لهم ولبنتهم علما انها مازالت تدرس...وراك تعرف القيل والقال وسط العائلات ...

[nad10200]

رأيكم مهم إخوتي لا تبخلوا علينا بالنصيحة...نحن في الإنتظار

[محمد جديدي التبسي]

أظن أن شهرين وقت طويل
يجب أن تكون هناك صراحة من جهتهم
إن استطعت أنت أن تتصلي بالفتاة وتعرفي وجهة نظرها هي وعائلتها بصراحة
وما فيها والو بما أنك أخت الخاطب
والله يوفقكم لكل خير

[nad10200]

شكرا للمرور يا أخ تبسي
المشكل انو أعطيناهم كلمة ونحن ننتظر وأخي نفذ صبره وأصبح يفكر في إلغاء الأمر لكي يبحث في جهة اخرى لكنو فقط حشمان منهم كيعاد من العائلة ونخافو يزعفو...احنا بصراحة منعرفوش عقليتهم مليح ...لكن فترة شهرين نظن كبيرة مع مراعاة انه كان عندهم ظرف عائلي في الفترة اللي هدرنا معهم فالموضوع...ما رأيكم ؟؟؟

[محمد جديدي التبسي]

هل انتهى الظرف ورجعت الأمور العادية
لابد أن يتصل أخوك بولي الفتاة
أو لابد أن تتصلي أنت بالفتاة وتحطي النقاط على الحروف
لأن الانتظار هكذا لا جدوى منه ومضيعة للوقت
حاولي تتصلي بالفتاة بما أنها تدرس اذهبي لها هناك واسأليها
ربي يوفق

[nad10200]

الامور غامضة وربي يقدر الخير...لأن أمي هي من اقترحت عليه البنت وأعجبتها وتحدثت مع امها لكن لم يردو لا بالقبول ولا بارفض... وأخي يبحث عن ارضاء الوالدة ويجيب بنت تعاونها لهذل السبب راهو صابر ويسايس فيهم...ومنعرف إلى متى سنبقى ننتظرهم !!!!منظنش رايح يصبر أخي كثيرا ليضع النقاط على الحروف..
أرجو لمن لديه خبرة في هذ المواضيع ينفعنا برايو خاصة بالنسبة لناس الشرق وناس الشاوية

[محمد جديدي التبسي]

ما هو موقف والدتك حاليا من الأمر؟
يمكنها الاتصال هي بالفتاة ووالدتها وإيضاح الأمور
والله أعلم وربي يوفقكم ويتمم بخير

[nad10200]

مشكورين على الردود جزاكم الله خيرا

[nad10200]

هل من آراء أخرى تنورونا بيها ...اوعلى الاقل جاوبوا على الإستفتاء ..مشكورين مقدماً

[blackTears]

السلام عليكم و رحمة الله تعالى و بركاته
أولا في الأستطلاع يبانلي عادي أن تطول فترة الرؤية
ولازم أخوك يتحدث معاها فترة باه على الأقل يشوف العقلية
صحيح هو حاب وحدة على الذوق تاع الوالدة ولكن هذا لا يمنع من أنه يكون قبول بين الطرفين لانه في الأول و الأخير رايحة تكون زوجته
اي سؤال أنا هنا

[nad10200]

سلام عليكم
شكرا اختي العزيزة black tears لإيضاح الامر فقط احنا طلبنا ان نذهب ليرى اخي الفتات ويحكي معها ونحكيو بطريقة رسمية ونقدمو نفسنا ونوظحو نوايانا
لكن لم يأتينا لأكثر من شهرين....ومفهمتش اقتراحك يعني تقصدي أخي يحكي مع الفتات عن طريق الهاتف نجيبولو نيمرو ؟؟ ولا كيف قصدك...لأنو بصراحة حب الأمور تتم باحترام مشي بطريقة الصداقة والمواعيد ...يعني على الاقل بعد ما تم هذ الخطوة يكون فيه تقدم مش العكس هذا ما فهمت منو ومنعرف!!!!!شو رايكم ?

[blackTears]

سلام عليكم
شكرا اختي العزيزة black tears لإيضاح الامر فقط احنا طلبنا ان نذهب ليرى اخي الفتات ويحكي معها ونحكيو بطريقة رسمية ونقدمو نفسنا ونوظحو نوايانا
لكن لم يأتينا لأكثر من شهرين....ومفهمتش اقتراحك يعني تقصدي أخي يحكي مع الفتات عن طريق الهاتف نجيبولو نيمرو ؟؟ ولا كيف قصدك...لأنو بصراحة حب الأمور تتم باحترام مشي بطريقة الصداقة والمواعيد ...يعني على الاقل بعد ما تم هذ الخطوة يكون فيه تقدم مش العكس هذا ما فهمت منو ومنعرف!!!!!شو رايكم ?

تقصدي بلي أهل العروس مازال لم يرجعو لكم الخبر
يعني مازالو ماوافقوش باه تروحو تشوفاها
ومنيش نقصد عن ريق الهاتف
نقصد بعد مايتم القبول من الطرفين و العائلة إنشاء الله
يكون هناك وقت يخصصه أخوك و العروس باه يتحدثو أكثر عن حياتهم المستقبلية
بطريقة محترمة و على حساب العقلية تاعهم

[nad10200]

نعم أختي black tears
أنا سؤالي هو هل هذه الإطالة معناها موافقوش واحنا نعتبروها إجابة ونصرفو النظر عنها أم نزيدو نصبرو
لأنو واش نعرف فالعادة الموافقة على المجيء للرؤية من المفروض أسبوع يكفي للتفكير ؟؟
أنا نحوس نفهم إذا هذا الامر في الاطالة عادي ام لا لأننا لم نفهم هل هو تكبر من طرف البنت وغرور لأننا سمعنا ان الأهل موافقين أم أن البنت تفكر في الاختيار بين عدة اشخاص...
انصحونا برايكم..لأن أخي تراوده أفكار في البحث عن فتاة أخرى ورفض هذه البنت حتى لو وافقت فيما بعد ...

[blackTears]

لو راني في مكانك نعيط لام البنت و لا نخلي الوالد تاعي يكلم والدها
باه على الأقل الأخ تاعك يعرف واش يدير
متخليوهاش تدي الوقت
وباش أنتم ثاني تتهناو وتكونو أكيدين

[nad10200]

مشكورة أخت بلاك تيرز
يعني نظن لازمو يحسم اللأمر لأنو شهران ونص مدة طوووووووووووووووووويلة لأنهم من الأهل مش غرباء يعني بمجرد يسألو يلقاو المعلومات المطلوبة سواء عنا او عن اخي وثانيا هذي مش خطوبة باش يشاورو رواحهم ههذ المدة الكامل هذي فقط رؤية يعني ممكن يتسمى هذا تضييع وقت...نظن أخذو وقت طووووووووووويل
واحنا خشمنا نزيدو نعيطولهم لأننا نستناو الرد من جهتهم...!!!!شو رايك

[blackTears]

نعرف بنات في مدة شهرين دارو العرس ههههههههه
وزيد مادام راهو من العائلة لماذا هذا الدلال إلا إذا كانت تختار . ومن الأحسن أخوك يشوف في مكان آخر
كاينة كلمة وحدة تقولها نعم أو لا ميش صعيبة لهذه الدرجة وزيد كون أنا نعيطلهم نخلعهم و نقلهم طولتو.
نعرف شخص أكثر من شهرين باه ردولو الجواب بالقبول ’ ولكن هو رفض قالهم طولتو عليا ميش لهذه الدرجة قالهم صبت في مكان آخر .
وراني نجاوب فيك كلي راهو أخي يعني منيش نفسد عليه . وكون جا أخي صدقيني راني فريتها و خلاص.دار أخوك صلاة الإستخارة؟

[nad10200]

نعرف بنات في مدة شهرين دارو العرس ههههههههه
وزيد مادام راهو من العائلة لماذا هذا الدلال إلا إذا كانت تختار . ومن الأحسن أخوك يشوف في مكان آخر
كاينة كلمة وحدة تقولها نعم أو لا ميش صعيبة لهذه الدرجة وزيد كون أنا نعيطلهم نخلعهم و نقلهم طولتو.
نعرف شخص أكثر من شهرين باه ردولو الجواب بالقبول ’ ولكن هو رفض قالهم طولتو عليا ميش لهذه الدرجة قالهم صبت في مكان آخر .
وراني نجاوب فيك كلي راهو أخي يعني منيش نفسد عليه . وكون جا أخي صدقيني راني فريتها و خلاص.دار أخوك صلاة الإستخارة؟



ههههههه مشكورة ختي على الصراحة
نعم خويا صلى الاستخارة وانسان متدين ويخاف ربي وخاطيه كل الامور السلبية
فعلا بكري في أسبوع أو اثنين يتم العرس اما ظرك لبنات ولاو يتقلشوا خاصة اللي مزالو يقراو
والله صدقيني أختي خويا سيريو بزاف وميحبش التمسخير
أنا أكيدة انو طول بالو ومتقلقش فقط لأنهم من الأهل ومحبش يخلق مشكل لما يقلهم بطلنا أو حتى لما يبطل ويشوف بنت اخرى يخاف بعد مدة يقولولنا ارواحو....وميحبش يكسر خاطر البنت ولا يطيح قيمتهالأنو هذ المواضيع فيها حساسية كيما تعرفو والقيل والقالوساعات تكبر وتولي فيها حقد....

[blackTears]

يا أختي مادام راهو خايف لهذه الدرجة زيدو أصبرو شوية ممكن يتولهو مع روحهم و يعرفو بلي طولو عليكم .
زيد يصبر و إنشاء ما يكون غير الخير .

[nad10200]

يا أختي مادام راهو خايف لهذه الدرجة زيدو أصبرو شوية ممكن يتولهو مع روحهم و يعرفو بلي طولو عليكم .
زيد يصبر و إنشاء ما يكون غير الخير .

ههههههههههه مشكورة ختي ايه نحاولو نصبروه لأنو نظن البنت عندها عدة عروض...صغيرة ومزالت تقرا وراكي تعرفي بنات لالجيري والعقلية... أنا أصلا هذ الموضوع كتبتو فقط باش نعرف رايكم فالمدة ومحبيتش نغبنكم بالتفاصيل المملة...يعني المدة طبيعية وصرات قبل (شهرين ونص ومزال الكونتور يدور)؟؟ ولا حدث تاريخي فريد من نوعه ههههههههه....هذ التقلاش برك باش يروح يشوف مالا الخطبة والعرس كيفاه...على العموم الاحترام واجب وهذ العقليات والتصرفات نظن يأثرو في المستجدات والاحداث اللي جاية وفالعلاقة بين الطرفين فالمستقبل على ما أظن !!!! 7

[اميرة باحتشامي]

شهرين ونص فاض الكاس يا اختي كان لازم ترد في 3 ايام واذا كثرت 10 ايام ماشي شهر ولا شهرين هذا لعب
برايي عيطولهم ايه ولا لا والسلام لازم تتحركو

ربي يقدر الخير

[nad10200]

شهرين ونص فاض الكاس يا اختي كان لازم ترد في 3 ايام واذا كثرت 10 ايام ماشي شهر ولا شهرين هذا لعب
برايي عيطولهم ايه ولا لا والسلام لازم تتحركو

ربي يقدر الخير

lمشكورة أميرة المجتهدة انا ثاني نظن هذا تكبر لكن احنا محبيناش نوسوسوا الطفل ورانا نسايسو وفرات والعيب ساهل ....هو الموضوع نشالله هذ اليومين يتم سواء اتصلنا بهم او بدون ما نتصلوا لأن أخي سيحسم الموضوع على حد كلامه...والله أعلم ربي يعرف الخير وين...

[arn]

لكن يا أخ نظن من حقو يحكي معها ولو 5 دقائق قبل الشروع في الخطبة هذا حق مشروع...ويحكي مع أهلها ويقدم نفسو ويبين نواياه...
ومع العلم اننا سمعنا بان أهلها موافقون وأما هي أخبرنا قريب أنها ترغب في رؤية أخي قبل ان يتقدم لمنزلهم...مافهمنا والوا لأني نظن انهم متخوفين من احتمال انها ماتعجب أخي ويحدث إحباط لهم ولبنتهم علما انها مازالت تدرس...وراك تعرف القيل والقال وسط العائلات ...

سلام عليكم
هذه لطريقة المسمات الرؤية الشرعية على ما أعلم ليست خطوبة ولا قبول مجرد مقدمة لا يحدث فيها إعطاء الكلمة ونصيحة لك مهما تكن النتيجة لا يجوز إعطاء الحكم خلالها ولأوضح أكثر قصدي أي إذا أعجبته لا يقول لهم قبلت إلا بعد فترت التفكير ومشاورة الأهل أي يخرج من عندهم كمن يزور شخص ما أما إذا لم تعجبه فنفس الأمر لا يقولها لهم وممكن بعد مدة يعلمهم بالأمر الرفض وهناك من عند خروجه من الرؤية الشرعية ينادي أبوها أو أخوها الأكبر يقول له بكل إحترام (بينه وبينه) أتمنى لها رجل أصلح مني أو أي عبارة أخرى لكي يعلمهم وهذا أمر عادي (في حالة الرفض)
اتمنى التوفيق

[nad10200]

سلام عليكم
هذه لطريقة المسمات الرؤية الشرعية على ما أعلم ليست خطوبة ولا قبول مجرد مقدمة لا يحدث فيها إعطاء الكلمة ونصيحة لك مهما تكن النتيجة لا يجوز إعطاء الحكم خلالها ولأوضح أكثر قصدي أي إذا أعجبته لا يقول لهم قبلت إلا بعد فترت التفكير ومشاورة الأهل أي يخرج من عندهم كمن يزور شخص ما أما إذا لم تعجبه فنفس الأمر لا يقولها لهم وممكن بعد مدة يعلمهم بالأمر الرفض وهناك من عند خروجه من الرؤية الشرعية ينادي أبوها أو أخوها الأكبر يقول له بكل إحترام (بينه وبينه) أتمنى لها رجل أصلح مني أو أي عبارة أخرى لكي يعلمهم وهذا أمر عادي (في حالة الرفض)
اتمنى التوفيق


شكرا جزيلا للجميع على التفاعل
نشالله يكون الجميع استفاد خاصة المقبلين على هذا المرحلة في المستقبل وأنا فعلا استفدت
المهم على الانسان ان يتريث ولا يتسرع في الحكم على الناس
ممكن كاين ظروف قاهرة تمنع الرد السريع وممكن أمور خفية متظهرش ...المهم يصلي الانسان صلاة الاستخارة ويسقسي مليح ويتثبت من المصدر ويعالج الموضوع بجدية ووضوح دون الجوء للطرق الملتوية والغير قانونية كيما قال: أدخلوا البيوت من أبوابها

[مشكاة الهدى]

السلام عليكم


الامر غريب اخي وفيه ان ايضا

يعني المفروض انو اهل الفتاة ياخذو وقتهم بالسؤال لكن ليس مدة شهرين
يعني انا بين النظرة الشرعية وموعد عقد القران لم تتجاوز الفترة عشرون يوما
لا بد ان اهل الفتاة غير موافقون لذا انصحكم بالاتصال لتبين الامر ولا عيب في ذلك

[دكتورة بإذن الله]

السلام عليكم و رحمة الله و بركاته

اختي الكريمة الحل الامثل :هو ان امك او انت تهدري مع والدة الفتاة و تحددو الموعد المناسب ليكم و ليهم

لازم تهدرو معاهم لانو لو بقيتو انتم شادين و جابدين و متحيرين اذا قابلين او لا و هوما ما يقدروش

يقولولكم لانهم ربما مش مالفين بالزواجات او ناس محافظين و يقلك نقولولهم مش جاية نورمال

و هنا تكبر الهوة بيناتكم

اهدرو معاهم عادي مافيها والو باش تحددو الموعد

يا يقولولكم اهلا و سهلا ووووووووووو هنا توجدو رواحكم و ينتهي اللبس نهائيا و مبروك عليكم مسبقا و ربي يتمملكم بالخير

يا تقلكم راهي الطفلة مش قابلة و عدة حجج و هنا تتهناو انتم و خوكم و تشوفو جهة

اخرى و عادي كلشي بالمكتوب و شوفت وجوهم خير

و صبت و صحات

بالصح يا اختي ما تنسايش هوما ثاني بالاك راهم يقولو

ماردولناش لخبر ويكتا يجونا ؟!! ماهمش مقادرينا ؟!!

جاو و راحو لا خبر لاهم يحزنون ؟

احنا مانحلوش على بنتنا ؟

ذركا راهي بنتنا مخطوبة ليهم و لا لالا علاه ربطو الطفلة و راحو و كان يجينا واحد كيفاه نديرو مانا عارفيها لا مخطوبة و لى لالا

وووووووووووو

لازم نفكرو بتفكير الاخر باش نكونو وسطيين

و بالتالي تكبر الهوة بيناتكم و تولو

انتم تفكرو في السلبيات انو ماهمش قابلين و تقلشو علينا وليدنا واش خصو راجل و نص ذركا نحلفو يمين ما نروحو ووووو

و هم ثاني يفكرو تفكير سلبي يقلك عفسو علينا وربطو بنتنا ماعرفناها لا قابلين و لى انسحبو وو

يعني هنا يدخل ابليس بيناتكم لان الاتصال منعدم

لذلك لازم و ضروري يا اختي انتم لي تهدرو مع اهلها او امها باش تبان الطريق وين راهي رايحا بيناتكم

و ربي يسهلكم الخير ان شاء و ما يكون غير الخير فقط سوء تفاهم

ربما يقولولكم كنا نستناو فيكم تردولنا لخبر ويقتاش تجونا !!,و النهار لي يساعدكم احنا ماناش عارفين ضروفكم !!

و ربي يوفقكم ان شاء الله

و الله اعلم

[nad10200]

السلام عليكم و رحمة الله و بركاته

اختي الكريمة الحل الامثل :هو ان امك او انت تهدري مع والدة الفتاة و تحددو الموعد المناسب ليكم و ليهم

لازم تهدرو معاهم لانو لو بقيتو انتم شادين و جابدين و متحيرين اذا قابلين او لا و هوما ما يقدروش

يقولولكم لانهم ربما مش مالفين بالزواجات او ناس محافظين و يقلك نقولولهم مش جاية نورمال

و هنا تكبر الهوة بيناتكم

اهدرو معاهم عادي مافيها والو باش تحددو الموعد

يا يقولولكم اهلا و سهلا ووووووووووو هنا توجدو رواحكم و ينتهي اللبس نهائيا و مبروك عليكم مسبقا و ربي يتمملكم بالخير

يا تقلكم راهي الطفلة مش قابلة و عدة حجج و هنا تتهناو انتم و خوكم و تشوفو جهة

اخرى و عادي كلشي بالمكتوب و شوفت وجوهم خير

و صبت و صحات

بالصح يا اختي ما تنسايش هوما ثاني بالاك راهم يقولو

ماردولناش لخبر ويكتا يجونا ؟!! ماهمش مقادرينا ؟!!

جاو و راحو لا خبر لاهم يحزنون ؟

احنا مانحلوش على بنتنا ؟

ذركا راهي بنتنا مخطوبة ليهم و لا لالا علاه ربطو الطفلة و راحو و كان يجينا واحد كيفاه نديرو مانا عارفيها لا مخطوبة و لى لالا

وووووووووووو

لازم نفكرو بتفكير الاخر باش نكونو وسطيين

و بالتالي تكبر الهوة بيناتكم و تولو

انتم تفكرو في السلبيات انو ماهمش قابلين و تقلشو علينا وليدنا واش خصو راجل و نص ذركا نحلفو يمين ما نروحو ووووو

و هم ثاني يفكرو تفكير سلبي يقلك عفسو علينا وربطو بنتنا ماعرفناها لا قابلين و لى انسحبو وو

يعني هنا يدخل ابليس بيناتكم لان الاتصال منعدم

لذلك لازم و ضروري يا اختي انتم لي تهدرو مع اهلها او امها باش تبان الطريق وين راهي رايحا بيناتكم

و ربي يسهلكم الخير ان شاء و ما يكون غير الخير فقط سوء تفاهم

ربما يقولولكم كنا نستناو فيكم تردولنا لخبر ويقتاش تجونا !!,و النهار لي يساعدكم احنا ماناش عارفين ضروفكم !!

و ربي يوفقكم ان شاء الله

و الله اعلم


مشكورين جميعا ربي يفرج على الجميع ويوفق كل المقبلين على الزواج لازم الصبر والرزانة والتفهم وترك وساوس الشيطا جانيا

[اية الرحمن1988]

السلام عليكم
بما أنك شاوية أكيد كيف بعض نعرفو التقاليد
شوفي يا أختي في جيهتنا خاصة الشاوية مسألة النظرة الشرعية فيها شوي إحراج بالنسبة للفتاة وأهلها
مثلا ممكن حتى الفتاة ميعجبهاش الخاطب ويصرا إحراج كبير، أو الخاطب متعجبوش وتتقاس البنت راكي علابالك بهاد الحكايات
أخ صديقتي في مثل موقف خوك بالضبط
حاب يخطب فتاة ويدير الرؤية الشرعية
لكن كي راح وهدر مع دار العروس وافقو لكن أخ صديقتي تأخر لمدة شهرين
هداك الوقت صراولهم ظروف في الدار ووفاة ومرض راكي تعرفي حال الدنيا
والبنت تقلقت اللي كان راح يخطبها، وفي نفس الوقت هو كان يسقسي عليها مليح
وبعدها تمت الرؤوية الشرعية والحمد لله تمت الخطبة بخير
هلى هذا نقلك متتسرعوش ممكن يكون عندهم ظرف طارئ في وسط العائلة وواحد ما يعرف
وكيما نقولو الغايب حجتو معاه
على هذا كيما اقترحو عليك الإخوة حاولتي تكلميها أنت من بنت لبنت باش تفهمو بعضاكم
وشوفي واش تقلك
لأنو إذا تعيط الوالدة نتاعك ممكن يصرالهم إحراج راكي تعرفي بين الناس الكبار كلشي رسمي
ميش كيما أنت صغيرة تقدري تتفاهمي معاها بطريقتك
وإن شاء الله ربي يتمم على خير

[first first]

عاودو عيطولهم وقطعو الشك باليقين................ربما ينتظرون تاكيد طلبكم؟؟؟؟

[nad10200]

السلام عليكم
بما أنك شاوية أكيد كيف بعض نعرفو التقاليد
شوفي يا أختي في جيهتنا خاصة الشاوية مسألة النظرة الشرعية فيها شوي إحراج بالنسبة للفتاة وأهلها
مثلا ممكن حتى الفتاة ميعجبهاش الخاطب ويصرا إحراج كبير، أو الخاطب متعجبوش وتتقاس البنت راكي علابالك بهاد الحكايات
أخ صديقتي في مثل موقف خوك بالضبط
حاب يخطب فتاة ويدير الرؤية الشرعية
لكن كي راح وهدر مع دار العروس وافقو لكن أخ صديقتي تأخر لمدة شهرين
هداك الوقت صراولهم ظروف في الدار ووفاة ومرض راكي تعرفي حال الدنيا
والبنت تقلقت اللي كان راح يخطبها، وفي نفس الوقت هو كان يسقسي عليها مليح
وبعدها تمت الرؤوية الشرعية والحمد لله تمت الخطبة بخير
هلى هذا نقلك متتسرعوش ممكن يكون عندهم ظرف طارئ في وسط العائلة وواحد ما يعرف
وكيما نقولو الغايب حجتو معاه
على هذا كيما اقترحو عليك الإخوة حاولتي تكلميها أنت من بنت لبنت باش تفهمو بعضاكم
وشوفي واش تقلك
لأنو إذا تعيط الوالدة نتاعك ممكن يصرالهم إحراج راكي تعرفي بين الناس الكبار كلشي رسمي
ميش كيما أنت صغيرة تقدري تتفاهمي معاها بطريقتك
وإن شاء الله ربي يتمم على خير



شكرا جزيلا أختي الغالية
وشكر أيضا للأخت first first
الانسان ملزمش يتسرع ممكن الظروف تهلي ناس يطولوا لأنو مشكيتش أنو من الصعب يرفضو خاصة إذا حصل إلحاح من الطرف الآخر من واجبهم يوضحو الأمور إلا إذا كان فيه ظرف يمنع التوضيح ويحبو يأجلو شوي القصة لظروف مش فقط للتفكير أو البحث خاصة لما يكون الشخص من لعايلة....ربي يجيب الخير للجميع شباب وشابات...الطيبون للطيبات والخبيثون للخبيثات وكلش مكتوب ربي