moimeana
2012-05-02, 15:56
هاذا شخص كره من القوائم و من المترشحين الغير أكفاء فكتب يقول
التصاوير راها معلقا في كل مكان ........ وفي كل القنوت وفي كل الحيوط
والقايمات راها مزينة بكل للوان ..........وفي رأس القايمة يا خاين يا بلعوط
وراهم باغيين يولوا نيام في البرلمان........ وراهم يوجدوا في رواحهم لنهار الفوط
هذا معا لاراندي وهذا مع الأفالان........... والنسا رشحوهم عام السنا بالكوط
هذا متصور مخلوع وهذا متصور حيران........ وهذي تخوف حتى شعرها مشي ممشوط
والحملة دايرينها بالموسيقى والالحان ...............وليوم قاع تفكرو المسكين اللي مزلوط
وقليل وين تلقا واحد يستاهل كلمة انسان ..............وقليل وين تلقا واحد بعقله مشي مخروط
تلاثين مليون ردتهم مهبلة وعميان.............. وقاع باغين يقضوا صوالحهم هذ الرهوط
بوتفليقة قال بلي هذا وقت الشبان ................بسح في راس كل قايمة شيباني محطوط
مستواه طايح وباغي يصلح الاوطان ................والكوستيم ماهوش جايه وسرواله مقشوط
بالله وين راك رايح يا هاذ الحيوان ..................ونتا حتا كوردون سباطك مشي مربوط
كيما قالك حثالة مقملين و جرذان ............و الي تهدر معاه يقولك عندي خيوط
بربي نطلع ونولي نائب في البرلمان .............و في سنين ندير دراهم و فيلا في الحجوط
وقاع يولو يعرفوني و يقولو سي فلان ..........و نضمن مستقبل ولادي و نولي مبسوط
في هاذ الوقت الاصوات شراوهم الرعيان ............بثلث مياتلف و بورطابل و فيلي ممروط
بالله الي يبيع صوته لهاذ الخيان................ رأسه فيه عقل ولا مليان بلوط
ويقولو فوطو علينا و نخّدموكم يا الشبان ..................و الشبان كثرتهم قابضين الحيوط
و كذابة يحلفو بالله و يحلفو بالقرأن ..................و اللي يمشي منهم لجماعة يخرج مبطوط
و كل مانخرج من دارنا زاهي و فرحان ...............حتى نشوف هاذ الإمعات نرجع مقنوط
و نقول لوكان جاو في وقت زمان .............هاذ السفهاء و الله غي يشبعو سوط
مانيش على الصادقين الي يتمشو نيشان........... راني على الخيان الي شوهو هاذ الفوط
التصاوير راها معلقا في كل مكان ........ وفي كل القنوت وفي كل الحيوط
والقايمات راها مزينة بكل للوان ..........وفي رأس القايمة يا خاين يا بلعوط
وراهم باغيين يولوا نيام في البرلمان........ وراهم يوجدوا في رواحهم لنهار الفوط
هذا معا لاراندي وهذا مع الأفالان........... والنسا رشحوهم عام السنا بالكوط
هذا متصور مخلوع وهذا متصور حيران........ وهذي تخوف حتى شعرها مشي ممشوط
والحملة دايرينها بالموسيقى والالحان ...............وليوم قاع تفكرو المسكين اللي مزلوط
وقليل وين تلقا واحد يستاهل كلمة انسان ..............وقليل وين تلقا واحد بعقله مشي مخروط
تلاثين مليون ردتهم مهبلة وعميان.............. وقاع باغين يقضوا صوالحهم هذ الرهوط
بوتفليقة قال بلي هذا وقت الشبان ................بسح في راس كل قايمة شيباني محطوط
مستواه طايح وباغي يصلح الاوطان ................والكوستيم ماهوش جايه وسرواله مقشوط
بالله وين راك رايح يا هاذ الحيوان ..................ونتا حتا كوردون سباطك مشي مربوط
كيما قالك حثالة مقملين و جرذان ............و الي تهدر معاه يقولك عندي خيوط
بربي نطلع ونولي نائب في البرلمان .............و في سنين ندير دراهم و فيلا في الحجوط
وقاع يولو يعرفوني و يقولو سي فلان ..........و نضمن مستقبل ولادي و نولي مبسوط
في هاذ الوقت الاصوات شراوهم الرعيان ............بثلث مياتلف و بورطابل و فيلي ممروط
بالله الي يبيع صوته لهاذ الخيان................ رأسه فيه عقل ولا مليان بلوط
ويقولو فوطو علينا و نخّدموكم يا الشبان ..................و الشبان كثرتهم قابضين الحيوط
و كذابة يحلفو بالله و يحلفو بالقرأن ..................و اللي يمشي منهم لجماعة يخرج مبطوط
و كل مانخرج من دارنا زاهي و فرحان ...............حتى نشوف هاذ الإمعات نرجع مقنوط
و نقول لوكان جاو في وقت زمان .............هاذ السفهاء و الله غي يشبعو سوط
مانيش على الصادقين الي يتمشو نيشان........... راني على الخيان الي شوهو هاذ الفوط