راني امعولة عليكن

[ام نسمة]

مرحبا اخواتي اردتكم ان تعطوني افكاركم واقترحاتكم كي انظم عملية الانتقال للبيت الجديد وتجيني سهلة لاني وحدي ماعنديش اللي ايساعدني ادن الان احاول جمع قدر كبير من الافكار التي تسهل علي تنظيم العملية ثم ارتبها حسب وقتي المهم انا سانتقل اخر هدا الشهر ان شاء الله لدا اريد البدء من يوم غد انشاء الله في الاستعداد من تخمال الى تحضير الحلوى واقترحن لي مادا اقدم للضيافة الى غيرها من الامور من الرغم اني تعبانة نفسيا لكن لازم نستجمع قواي ونبد ماكان على من نتكل انا عندي قش هنا وين راني وعندي قش مازالو في دار شيخي من اين ابدء هدا اول سؤال مهم اطرحه عليكن وانا انتظر ردودكن فلا تبخلن عليا باراءكن وافكاركن المهمة وشكرا

[نيفرتيتي.]

انا ثان راني راحلة وراني نلم في القش نص لميتو ونص مازال راني تخدم براحتي باه مانتغبنش نرحل اواخر جوان ولا اوائل جويلية بصح بديت من درك لميت القش تاع الشتا ولميت الماعن خليت غير حوايج قلال نستعملهم ثان هنا في الصحراء سخن الحال لميت الزرابى وخليت غير حصيرة نغسل ونخبي ماذابيك اغسلي وخبي باه بعد تجيك الحالة ساهلة مازالت الشمبرة ناع الدراري باه نلمها زكي نتفكر حاجة ولا نخدم حاجة نقلك

[ام نسمة]

انا ثان راني راحلة وراني نلم في القش نص لميتو ونص مازال راني تخدم براحتي باه مانتغبنش نرحل اواخر جوان ولا اوائل جويلية بصح بديت من درك لميت القش تاع الشتا ولميت الماعن خليت غير حوايج قلال نستعملهم ثان هنا في الصحراء سخن الحال لميت الزرابى وخليت غير حصيرة نغسل ونخبي ماذابيك اغسلي وخبي باه بعد تجيك الحالة ساهلة مازالت الشمبرة ناع الدراري باه نلمها زكي نتفكر حاجة ولا نخدم حاجة نقلك

اهلا وسهلا ومرحبا نورتي موضوعي غاليتي ام دودة لكن احنا مازالت عندنا البرودة اشوية وزيد راني حايرة في غسيل الفراش انا الطبيبة مانعة اعليا الاثقال لاني راني عاملة عمليتين قيصريتين وعجبتني فكرة انلم المواعن نترك غير اللي نحتاجهم على هاد الحال راح نترك مقلاة وبريق فقط ههههههههه على خاطر راني نقتصد بزاف في الاكل حتى ايفرج ربي ونتهنى ان شاء الله المهم كاش ما تفكرتي عاودي ارجعي مرحبا بيك وزيدي خبري البنات يدخلو ايشاركو

[hayat17]

الله يعاونك ان شاء الله انا نصيحتي من تجربة خاصة دبري كراطن فيها اللماعن ابداي لمتسحقيهمش دوكا خمليهم وفكري وين تحطي القش اولا اكتبى فى الكرطونة اسم الشومبرا لي ناوية تحطي فيها باه تجيك ساهلة مام البيبيوتلك والحزانة اكتبى ارقام باه كي تجي تركبي تبعي الارقام بلا ماتضيعي وقتك فى التركيز او التجارب مام الحوايج افصلي انتاع الشتاء من الصيف وطبقى وديري في الكابات والفواليز وكل واحد ديريلو قشو وحدو باش تخبي طول واغسلي ما تدي والو مسخة باه تعود كلش جديد انا الرحلة انسميها ميناج انتاع الصح تخلصي من كل حاجة غير صالحة او حوايج صغرو وكانو جدد صدقيهم ادا كانو مش انتاع صدقة قطعيهم وامسحي فيهم حتى لاخر لحضة انتاع الرحلة ارميهم نتمنى نكون افدتك ال اللقاء

[ام نسمة]

الله يعاونك ان شاء الله انا نصيحتي من تجربة خاصة دبري كراطن فيها اللماعن ابداي لمتسحقيهمش دوكا خمليهم وفكري وين تحطي القش اولا اكتبى فى الكرطونة اسم الشومبرا لي ناوية تحطي فيها باه تجيك ساهلة مام البيبيوتلك والحزانة اكتبى ارقام باه كي تجي تركبي تبعي الارقام بلا ماتضيعي وقتك فى التركيز او التجارب مام الحوايج افصلي انتاع الشتاء من الصيف وطبقى وديري في الكابات والفواليز وكل واحد ديريلو قشو وحدو باش تخبي طول واغسلي ما تدي والو مسخة باه تعود كلش جديد انا الرحلة انسميها ميناج انتاع الصح تخلصي من كل حاجة غير صالحة او حوايج صغرو وكانو جدد صدقيهم ادا كانو مش انتاع صدقة قطعيهم وامسحي فيهم حتى لاخر لحضة انتاع الرحلة ارميهم نتمنى نكون افدتك ال اللقاء

بارك الله فيك بالنسبة للقش راني فرغت غرفة سارتب فيها ما هو جاهز للترحيل وكاش ما تفكرتي عاودي ادخلي

[Big SmaiL]

حنا عندنا 5سنين من اللي رحلنا.. واجهنا صعوبة كبيرة في الدوزان..شوفي كيفاش تلمي بكري +
للضيافة:حنا خدمنا بقلاوة بالصنوبر+أنواع وحدوخرا+ حطينا في الصالون طبسي مناسب حطينا فيه الحلوى اللي يدخل نضيفوه منها.....
+
الماعن لفي كل قطعة بصفحة من الجريدة تفاديا للحوادث
+
ننصحك بالرقية من أجل إبعاد العين....


وربي يحفظك ويوفقك وعتبة خير إن شاء الله

[zahra ayoub]

السلام ليكم مبروك الرحلة يخي لدارك ماشي كارية مدام رايحة تديري الحلوى
انا ننصحك ترحلي لحوايج بالشوية و ما ترحليش حتى تكملي الفريز و عن الكيفيات ديري كروكي و مقروط و نوع اخر اقتصادي و البركة
ربي يهنيك والعاقبةى ليا انشاء الله

[نيفرتيتي.]

اهلا وسهلا ومرحبا نورتي موضوعي غاليتي ام دودة لكن احنا مازالت عندنا البرودة اشوية وزيد راني حايرة في غسيل الفراش انا الطبيبة مانعة اعليا الاثقال لاني راني عاملة عمليتين قيصريتين وعجبتني فكرة انلم المواعن نترك غير اللي نحتاجهم على هاد الحال راح نترك مقلاة وبريق فقط ههههههههه على خاطر راني نقتصد بزاف في الاكل حتى ايفرج ربي ونتهنى ان شاء الله المهم كاش ما تفكرتي عاودي ارجعي مرحبا بيك وزيدي خبري البنات يدخلو ايشاركو
واش حبيبتي رانا خيات انا ثان عاملة عمليتين بصح ساترني ربي برك كي كان عندي شهر جيت ونهز في الثقل محتم وساعات راجلي يكون ماكانش وساعات نكثر عليه كان يقولي روحي برك درك انا ندير كلش وكي جيت ههههههههههههه
اما الاقتصاد رانا كامل كيفكيف
الماعن لفيتهم في جرنال ودرتهم في كراتن
اما القش اللي حبيت نصدقو صدقت تاع ولادي بصح تاعي وتاع راجلي مانكذبش عليك نخاف منهم ومن السحور هههههه
نولي نخلي راجلي هنا ونروح لانهم كامل يعسو عليه يحوسو على الرجال بالشمعة نشالله ماعنده 10ذري
انا قلت نديه لبلادنا ونمدو لنا س ثقة لانها تضرينا من المسالة هادي
ولا واش رايكم

[ام نسمة]

شكرا غالياتي والاخت اللي سالتني اني رايحة لبيتي ماشي كارية اعقوبة ليكم ان شاء الله فيلات ماشي شقق وهادي تاني ليك يا ام دودة باش ايجو عندك الضياف السامطين يلقو راحتهم على الكامل ههههههه راني انقصر برك ما تزعفيش مني حنونة وضحكتيني راجلك ايقولك خلي اعليك ومن بعد ما ايدير والو ههههه انا تاني كما هكا راجلي قلتلو احكم غير الدراري ما حبش يلقى الف سبة باش يهرب وما يحكمهمش وما عنديش كامل اللي اللي ايشدهم لي ...وقيلا نعطيهم ايكسرو كل شي ونعاود نشري غير الجديد هههه وكي يزعف انقولو يا خي انت الي ما حبيتش اتشدهم ولا كيف

[chahrazedberrichi]

ربي يسهلك حبيبتى ويجعل هدا المنزل بركة وخير على اولادك وعليكم انتيا وراجلك بالنسبة للرحول نقترح تبداى بملابس الشتاء تجمعيها وتطويها وتكتب في ورقة تحطيها معاها اسم صاحب الملابس و وين ترونجيها اما ماعن البيبلييوياك جمعى كل سارفيس وحدو في كارتون واكتبي اين يوضع لي ناب غسليهم حدديهم و رونجيهم لي تابي اي السجاد باه ما يجيوكش ثقال انا نقولك كى دري حتى انا عندى لارنى ديسكال انا نغسلهم بالماء و الصابون مبعد نجيب الفروتوار نجبد قاع الصبون مبعد نشلل عاود نجبد مليح الماء كيلي نسيقو ههههه هكدا يجينى خفيف والله عن تجربة كي ينشفوا طبقيهم واحد فوق واحد وخليهم على جنب بالنسبة لفراش ضعى الكوفيرتات في ليساك بوبل وبلعيهم مليح وديريهم على جنب حتى هوما الوسائد غسلي الغلافات و حدديهم حتى ترحلي وعاودي رديهم اتمنى ان اكون قد افدتك قليلا

[ام نسمة]

ربي يسهلك حبيبتى ويجعل هدا المنزل بركة وخير على اولادك وعليكم انتيا وراجلك بالنسبة للرحول نقترح تبداى بملابس الشتاء تجمعيها وتطويها وتكتب في ورقة تحطيها معاها اسم صاحب الملابس و وين ترونجيها اما ماعن البيبلييوياك جمعى كل سارفيس وحدو في كارتون واكتبي اين يوضع لي ناب غسليهم حدديهم و رونجيهم لي تابي اي السجاد باه ما يجيوكش ثقال انا نقولك كى دري حتى انا عندى لارنى ديسكال انا نغسلهم بالماء و الصابون مبعد نجيب الفروتوار نجبد قاع الصبون مبعد نشلل عاود نجبد مليح الماء كيلي نسيقو ههههه هكدا يجينى خفيف والله عن تجربة كي ينشفوا طبقيهم واحد فوق واحد وخليهم على جنب بالنسبة لفراش ضعى الكوفيرتات في ليساك بوبل وبلعيهم مليح وديريهم على جنب حتى هوما الوسائد غسلي الغلافات و حدديهم حتى ترحلي وعاودي رديهم اتمنى ان اكون قد افدتك قليلا

شكرا للافادة وكا العادة ادا تدكرتي شيئ اخر عاودي ارجعي انهارك سعيد انا دخلت نلقي نظرة سريعة فقط وفي المساء نرجع

[نيفرتيتي.]

كيما قالولك الاخوات اذا كنت راحلة لدارك ودارك في نفس المدينة رحلي بالبيت وريقلي بعقلك اما اذا كانت بلاصة بعيدة لازم نرحلي مرة وحدة على الكرية تاع الكاميو

[ام نسمة]

ايه راحلة في نفس المدينة يعني بضعة امتار فقط قولي لي كي انكمل عملية الفرز واش نحتج وواش ما نحتاجش هل ابدء في التخلص من الاغراض الزائدة اولا ثم اعود للملمة الاغراض الاخرى و ترتيبها ام العكس شوفو عندي لحافات صوف راهم باليين بزاف وما رانيش حابة نديهم امعاي دبرو اعليا كي انديرلهم

[نيفرتيتي.]

نقلك انا واش درت كي لميت قش ولادي الي ملنحتاجوش كامل صدقته مع كاين جارتي زوالية ولدت اليوم جتني قدقد مديتلها قش ولدي تعرفي اليوم رحتلها لسبيطار لقيتها مابساتو قش ولدي مشو جديد شحااااااااااااال شفتني يعني حتى انها باه تشريلو تريكو جديد ب اربعة ولا خمسة الاف ماكانش شحال غاضتني العبد يحمد ربي كي تشوفي الناس كيفاه راه عايشة نحمده ربي صباح وعشية هو على اية حال الحمد لله يعطينا ربي سكنة برك وفوقها الصحة العبد يعيش على قد حاله والصحة رضا ربي والوالدين الدنيا ومافيها
خرجتلك على الموضوع
المهم الماعن اللي قديم رميتو واللي مشقق ثان رميتو اما اللحاف اللي حابة ترميه بالاكي راكي تحتاجيه انا عطاتني عجوزتي زوج بساطات تاع الكتان ماهمش شابين ومانقدرش نحطهم قدام الناس راكي تعرفي نحبو كلش ستيل ههههههههههههههههههه
واش درتلهم شريت البونج والقماش شريت كريستال زوج الوان موف وقري درت من الجهتين البونج وغلفت بالقماش وخيطهم خيطت واحد برك لاخر مازال جا روعة
ماتقوليش مانعرفش انا ثان هكاك ديري كيما هكا صح فيهم تعب بصح بجو روعة
شوفي الحاجة اللي تحشمي بليها قدام الناس ارميها بصح الحاف لا راكي رلاايحة دار جديدة معليش تكوني ناقصة بصح تكون حوايج مليحة بشوية تعمري كي نتفكر نقلك

[ام نسمة]

شكرا ام دودة راني ابديت انفرز في الملابس وحطيت اللي ما نستعملوش على جنب لكن راني حايرة لمن انمدهم راكي عارفة الوقت ماراهوش يعجب اخلاص اما عن البساطات مافهمتش قلتلك انا عندي تاع الصوف عاودي فهميني احنا انقولو لهم اللحوف اللي تديهم معاها العروسة عندي عشرة وماراهمش عاجبيني خلاص ...........وبالمناسبة مبروك على جارتك وكاش ما تتفكري عاودي ادخلي اوكي باي حنونتي

[نيفرتيتي.]

اذا كانو لحاف تع الصوف الصوف ميخسرش كي ترتاحي من الرحلة عاوديهم كامل بقماش جديد يرجعو جدد انا عندي منهم زوج بصح مازالو ملاح كي يقدامو نعاود القماش برك نقلك الصباح واش درت غسلت الماعن تاع القهوة وكي بقات الرغوة لميت شوية ماعن تاع كوزينة سرفيس تاع لبن مزينة بيه الترامس ثان حاطتهم فوق الثلاجة وحوايج كيما هكا غسلتهم في هاديك الرغوة وخبيتهم كل يوم ندير هكا باه مانحسش ثان البايط تاع الفاح الملاح غسلتهم وخبيتهم مازالو ينشفو وخلايت تاع المايوناز وتاع الكورنيشون حطيت فيهم الفاح والملح والقهوة و............... حتى كي نروح مانديهمش
الحاجة اللي نديرها نقلك عليها وانت كيفكيف

[ام امجد14]

ربى يعاونكم والله يعطيكم الصحة

[ام نسمة]

شكرا ام امجد شكرا ام دودة انا الصباح فرزت الملابس خبيت تاع الشتا في كابات وحطيتهم في الغرفة اللي راني مخصتها فقط للاغراض الجاهزة للترحيل والقش اللي ما نحتاجوش درتو في اكياس كبيرة باش نتصدق بيه وراها جاتني فكرة مانمدش قشي وقش راجلي لناس نعرفهم باش ما نقعدش خايفة منهم بكل بساطة راح نحمل الاكياس في السيارة و يديهم زوجي لكاش قرية ابعيدة ايكونو ناس فقراء ويحطهم ويخبر كاش طفل بلي هاد قش للصدقة ويروح وهوما اكيد راح يقسمو وحدهم الملابس فهمتي خير ما انمدهم لناس يعرفوني ما نعرف كامل واش يقدرو ايديرو بملابسي وملابس زوجي المهم عجبتني فكرتك تاع اتلمي كل يوم شوية راها ساهلة بزاف وما تنخلعيش من القش دورك بلا ما اتحسي تلقي روحك كملتي كلشي وبخصوص اللحوف في رايك ماشي هادا وقتهم نحليهم حتى نتهنى ومنبعد نتلهى بيهم هكدا تاني هاك راي مليح ايا دوك باي ومن بعد اختي .......................ربي ايعاونك

[Sabrina ALG]

اختي زهور جيت متاخرة بصح ماعليش ههههههههههه
شوفي اذا عندك لاسبيراتور ديري لي كوفارتوغ في صاشيات كبار تع المزبلة اكرمك الله و دخلي الفم تع لاسبيراتور و هكذا يتلم كامل الهواء اللي فيه و يولي صغير و نفس الشيء للايزارات و الحوايج هكذا تشوفي الساشيات يوليو مبلاطيين و مايحكموش مساحة و خفاف في الرفود
انا هكذا درت و هاذي فكرة شفتها في اليوتوب و عجبتني بزاف
الف مبروك و بالسعد و لهنا

[ام نسمة]

اختي زهور جيت متاخرة بصح ماعليش ههههههههههه
شوفي اذا عندك لاسبيراتور ديري لي كوفارتوغ في صاشيات كبار تع المزبلة اكرمك الله و دخلي الفم تع لاسبيراتور و هكذا يتلم كامل الهواء اللي فيه و يولي صغير و نفس الشيء للايزارات و الحوايج هكذا تشوفي الساشيات يوليو مبلاطيين و مايحكموش مساحة و خفاف في الرفود
انا هكذا درت و هاذي فكرة شفتها في اليوتوب و عجبتني بزاف
الف مبروك و بالسعد و لهنا

ماعليش مرحبا بيكة بيناتنا حنونتي وعجبتني فكرتك مارسي ولاكانش اجديد ادخلي مرحبا بيك معانا

[نيفرتيتي.]

اختي زهور جيت متاخرة بصح ماعليش ههههههههههه
شوفي اذا عندك لاسبيراتور ديري لي كوفارتوغ في صاشيات كبار تع المزبلة اكرمك الله و دخلي الفم تع لاسبيراتور و هكذا يتلم كامل الهواء اللي فيه و يولي صغير و نفس الشيء للايزارات و الحوايج هكذا تشوفي الساشيات يوليو مبلاطيين و مايحكموش مساحة و خفاف في الرفود
انا هكذا درت و هاذي فكرة شفتها في اليوتوب و عجبتني بزاف
الف مبروك و بالسعد و لهنا
والله فكرة هايلة هكا منين كنت راح نكري كاميو كبير نكري حاجة صغيرة وبالتالي القش والزور ولي كوات مايدوش مساحة كبيرة بالاك نعاود نفرغ القش تاعي وتاع ولادي من الفيلي للساشيات
اذا نقص عليا الباقاج نعطيك دعوة تاع خير ولا تحوسي على حاجة اخرى ههههههههههههههههههههه

[الامل في الله]

رايحة نقولك ربي يوفقك انت و زوجك و واولادك و مبروك عليك الدار الجديدة و ان شاء الله تكون عتبة خير عليكم

[ام نسمة]

رايحة نقولك ربي يوفقك انت و زوجك و واولادك و مبروك عليك الدار الجديدة و ان شاء الله تكون عتبة خير عليكم

امين اختي العزيزة بارك الله فيك وادا عندك كاش جديد ولا افكار فلا تبخلي علينا

[Sabrina ALG]

بلا مزية اختي زهور رانا خواتات

هههههه يا دودة ادعيلي برك بصح اذا بغيتي تزيدي شوية محاجب و قرعة حمود ما نقولش لالا هههههههههههههههههه

[oumtamime07]

الف مبروك الدار الجديدة وربي تدخليها بالصحة والهنا انا تاني راح نرحل في اجويلية انشاء الله بعد معاناة 11سنة في استوديو اي غرفة ومنافعها ومانى اموجدة لامابل لااماعن لاافراشات لانو عندى الضيق ماكانش وين انحط المهم نبدا من الصفر المهم الواحد ايقول الحمد للله على الصحة والدرية الصالحة اما لحوايج المادية راهي وسخ الدنيا حاشاكم

[نيفرتيتي.]

واش ياختي زهور الفل كاش جديد في الرحلة انا كنت غايبة عليكم ماكانتش عندي كونكسيون

[hakim3148]

سلام اخواتي بالنسبة لهذا الموضوع كان مر عليا حيث رحلت 3مرات وهذه المرة ان شاء الله ثابة بانسبة للاواني غسليهم وضعيهم في كراطين او سلات تا ع الملابس والفراش ديريه كيما قالت الاخت في صشيات تاع لابوبال اعزكم الله هذوك السواء الكبير حيث الصاشي الوحدة تحمل 4وسايد وكل وحدة 2لحوف صوف راني سلفتي مرحلة قشها بهذه الطريقة اما الملابس فكرة ليك واختي ام دودة راه خرجت طريقة يصنعوا بيها اللحوف فقط بالقماش القديم يعني يخيطوا مع بعض حتى يوصلو طول اللحاف ويكونو غلاظ شوية ويغلفوفهم بقماش من الخارج اسمه عندنا عبد الرؤوف ويخيطوهم الماشينة على شكل مقروضات هكذا تستفادوا من القماش بلاما تحيروا كيفاش تعملو بيه يجوا لحوفة رقاق شوية تاع الصيف ولا يكي يجوك اطفال صغار يفرشوهم يلعبوا فوقم ساهليل للغسيل

[نيفرتيتي.]

وينك يا زهور الفل رحلتي ولا الكونكسيون ماكانش

[حلم جميل]

السلام عليكم
عجبني الموضوع حتى انا راني قريب نرحل ان شاء الله
مزال مبديتش على خاطر معلاباليش قدقدوكتاش
القش و الفراش مش مقلقيني نشري 3ولا4 هذوك الساشيات لكبار اللي نقولولهم تاتي يهزو بزاف
والعفسة اللي قلتو عليها اللي تجبدو منهم لهوا لقيتهم فالسوبيرات يتباعو سبيسيال شوية غاليين ب20الف للوحدة
بلاك نشري منهم شوية نسحقهم مرة اخرى لقش العطل خاصة لبحر
اللي يقلقني لماااااعن و لكتابات تع راجلي عندو بلاك فوق الالف كتاب ما شاء الله
وعلابالكم قداه ثقال يعني فالكراطن كي تكثري يتقطع من الثقل
ربي يكون في العون ون شاء الله نربحو عل هاذ الديار

[ام نسمة]

راني ارجعت حتى اليوم باش سددت فاتورة النت كنت امِشومرة اشوية

[نيفرتيتي.]

راني ارجعت حتى اليوم باش سددت فاتورة النت كنت امِشومرة اشوية
ياختي توحشناك وينك وين رحتي رحلتي ولا مازال واش درتي واش مادرتيش يله خبرينا على الجديد تاعك

[ام نسمة]

مرحبا حقيقة لم ارحل بعد اكملت كل التحضيرات لكن انتهت بسقوط جنيني اللدي لم اكن اعلم بوجوده لكن الحمد لله راني افضل اليوم

[chahrazedberrichi]

ربي يشافيك ويعوضك بطفل يفرحك ورحلة موفقة اختى زهور الفل

[نيفرتيتي.]

ربي يشافيك نشالله ويعوضك المهم صحتك والله اعلم انك دايرة زوج سيزاريان بالاك مازال الحال على حمل جديد ولالا

[ام نسمة]

ربي يشافيك نشالله ويعوضك المهم صحتك والله اعلم انك دايرة زوج سيزاريان بالاك مازال الحال على حمل جديد ولالا

شكرا عندك الحق مازال الحال لكن حملي لم اكن اعلم به ما كنتش متوقعاتو خلاص كنت نتناول حبوب منع الحمل لكن بغير انتظام لدا اظن انه وقع ما وقع على كل حال الحمد لله وشكرا مجددا عزيزتي

[نيفرتيتي.]

شكرا عندك الحق مازال الحال لكن حملي لم اكن اعلم به ما كنتش متوقعاتو خلاص كنت نتناول حبوب منع الحمل لكن بغير انتظام لدا اظن انه وقع ما وقع على كل حال الحمد لله وشكرا مجددا عزيزتي
مالا ديري بالك مليح هذه مافيهاش اللعب انا راني كيفك زوج سيزريان ولدي الصغير عندو عامين بصح مازال الحال
وربي يجيب الخير واللي مكتبه ربي هذاك هو

[hayet04]

om douda barkay matzoukhi

[ام نسمة]

om douda barkay matzoukhi

شكون انت حتى راكي تتكلمي على ام دودة هكدا عيب عليك واش دارتلك المخلوقة

[سوسو الطموحة]

شوفي لمي لماعن في كراطن والاهم ....لكراطن اكتبي من فوق واش خبيتي فيهم ....باه ماتظليش تحوسي....

[ام نسمة]

شوفي لمي لماعن في كراطن والاهم ....لكراطن اكتبي من فوق واش خبيتي فيهم ....باه ماتظليش تحوسي....

ربي يجازيك بخير على مشاركتك يا اختي فعلا راني نتبع هاته الطريقة